Shivalilamritamahakavya 10

Śivalīlāmṛtamahākāvya 10

Language: Sanskrit

10.1

atha svasaṃkalpasurendraśilpinā
pinākinā kalpitasaudhasadmanā
sukhaṃ samṛddhātmaparicchadaśriyā
dharādharājātmajayā'nubhūyata

10.2

vidhunvānā nānākarakiśalayaṃ kopanaparāniṣedhantī kāntaṃ dṛḍhatanuparīrambharabhasam
dadhatyantaḥsantoṣe'pi manojanmavaśagā
navoḍhā boḍhāraṃ tamaramayataiva priyatamā

10.1-2

sahajasalajjatayākulitā balakalitalalitavasanāntam
niyamitamañjuvacanaracanā ciralolupamatra nitāntam
bālā sā'ramayata nijakāntam
tadanukūlanaśīlaparā'pi tamanudinaṃ nūtanakāntam
dhruvapadamidam

10.2-2

abhimatanāyakasya saṅgasukhā'pi kareṇa kalaṃ kalayantam
abhinavaṃ dadhatī madhuraṃ na-na-neti kṛtā'pi samiva nivasantam

10.3

atisaṅkucitatanulatikā hi tadṛḍhaparirambhaṇalobham
ratirucidambadalanasuṣamātanujitaśatamanmathaśobham

10.4

anyata iva nayane vadati nijavadanavilokanalolam
atha kathamapi dayitaṃ prati samprati tadatīvadarśanaśīlam¹

10.5

avanāmika dadhatī khaṇḍamaṇḍalamanusakhi kiṅkisapivantam
avadhuvatī śira īraya sundari giramiti bahuniśadantam

10.6

sā hasitamukho nibhṛtaṃ hasanāya vibhāvitavividhavikāram
nigadati tadalakṣitamanusakhi kimapi darasmitasāram

10.7

capalitacillīlatāparihāsavacanacayadhīram
madanānagamapathaṃ sā gamitā kathamapi ratibhāvavaram²

10.8

iti varanavarasaṇīguṇavarṇanamucitapadairupanītam
rasikamudaṃ vitanotu manoharasukavigadādharagītam

itthaṃ haimavatīmatīva vilasacchālīnabhāvādbhavo
rambhoru vaśamānināya śanakaiḥ sambhogaleśena tām
śakyaṃ chandayituṃ haṭhātsmaragaṇairvidye va gūḍhāśayā
yādarthena niyūyate'rpapaṭubhirdīkṣiyamandādiśām

10.4-2

lāvaṇyāmṛtasindhumindurucirasmerānanā sā hasalīlāpāṅgataraṅgitena nayanāmbhojena śāmbhormanaḥ
vikrīṇīta nijena sā dharasuvo yatpremahemānvayi³
prādāvarddhata tatra nūna⁴ manapūmātyantasantoṣitaḥ

10.5-2

dugdhaṃ saṃmugdhabhāvādiva kimapi purārātināsmai pradattaṃ
tannāmṛṣyatkimasya tribhuvanavijayottambhitākharvagarvaḥ
gaurīnetranijāstraistribhuvanamajayaḥ kāma evaitadīyān
līlādharmārthamokṣānyadadhihṛdi narīnṛtyata sma smarāreḥ

10.6-2

kālenātha garīyasā vilasitaṃ gaṅgādharānugrahaṃ¹
dvoṇīśattvayadhūmaketumamaraśreṇīsamāvītam
saubhāgyapradamauṣadhaṃ kimapi tallokatrayī²śubhru bā
garbhaṃ parvatasārvabhaumatanayā dhatte sma tejasvinam

10.7-2

madhyaṃ purāpattanumadhyamāyāḥ
muhurmuhurbhaṅgabhayāspadatvam³
apālaṣaṣṭha paramāsi māsamākramaṃ kiṃ valibhiḥ kṣameta

10.8-2

rambhorūkucakumbha eva hṛtavānmadhyasya puṣṭiṃ parāṃ
sadvṛtto bahirantareva kaṭhinaḥ pūrvaṃ tiraskṛtya yaḥ
madhyaṃ saṃprati saṃpadaṃ paramikāṃ saṃprāpya sarvādhikāṃ
prāgalbhyena mukhaṃ kathaṃ pracayatāsyetasya na śyāmikām

10.9

anūnagarbhātibharālasedṛgadvayīsamutsāritacāruvibhramam
tadīyamāpāṇḍimatāramānanaṃ na puṇḍarīkādadhikaṃ vyakāśata

10.10

svabhāvalābaṇyavatī tadā satī parāṃ dadhe pañcasu bhūṣaṇaiḥ śriyam
samullasadgarbhabharālasā hi sā yathā vidhuḥ pañcabhirujjvalaprabhaiḥ

10.11

evaṃ nirbharaniḥsahāṅgalatikāgarbhātibhāreṇa sā
tanvaṅgī dayitasya cetasi mudaṃ putrīyatastanvatī
putraṃ kaṃcidasūta nākanagarīsāmantasīmantinī
jīyānmaṅgalatantusantataṃ punaḥ sandhānusandhattam

10.12

avataratyatha manmathavairiṇastanujanau vavṛpuḥ kusumaṃ surāḥ
pravavṛte divi dundubhinisvanaḥ surabhigandhiruvāha samīraṇaḥ

10.13

gandharvavidyādharacāraṇānāṃ tadopagāryanti gaṇāḥ pravīṇāḥ
garvāya gīrvāṇacamūbhaṭānāmananyasāmānyamuditametam