Shivalilamritamahakavya 11

Śivalīlāmṛtamahākāvya 11

Language: Sanskrit

11.1

jaya jaya khaṇḍarajanīkaramaṇḍananandanasuragaṇavando
agaṇitaparamaparākramapauruṣakṛpaṇakṛpārasasindho
daivatahitakaraṇadhurīṇabhavantam
śaraṇamayā mattyā kurvatā vayamanupamavibhramabhantam
dhruvapadamidam

11.2

kāñcanasañcayarucirucirasantānasarasijaṣaṇḍam
kuṇḍalamukuṭakaṭakarasanāṅgadabhūṣitamurubhujadaṇḍam

11.3

amaracamūpanisamaravimūḍhā pālaya bhavasutaṃ bhavati
lokaya karuṇādṛśā, lokamimaṃ navakuvalayasadṛśā

11.4

namucisūdanamucitalakṣmīṃ, pratyāhara parihara tadalakṣmīm
iti suragāyanapariṣadudītaṃ, jayati gadādharakavivaragītam

11.14

tataḥ sa bhūteśasutaḥ¹ svabhāvataḥ piturmahānugrahacaiva bhavādapi
babhāra śaktidvitayaṃ durāsado jigāya yenāsuravīratārakam

11.15

iti kācidumāmakhī² samāgamayitvā śaśikhaṇḍamaṇḍanaḥ
niriyāya himālayālayādvihariṣyannavanīvanīru

11.16

tatrāsau varasadmasaudhanivahairabhralihāṃ kāñcanaprākārāñcitacārutoraṇavatīmutkullapadmākarām
puṣyatkalpamahīlatādilalitāṃ nānopahārocitāṃ
saṃkalpopanatāṃ purīṃ paramumānadhyāsta kāntāsakhaḥ

11.17

atha kadācana kāñcanasampad
samavalokayituṃ pramathaiḥ saha
apagate dayite naganandanā
tanuvilepanamaihata kuṅkumaiḥ

11.18

vilepanoccheṣaṇakuṅkumena sā
vidhāya vīrapratimāṃ maheśvarī
niyujya caināṃ pratihārapālane
viveśa hṛṣṭā nijamajjanālayam

11.19

atha bhūtapatimupāgataṃ vanādbhavanāya nāyamavayannumā priyam
niṣiṣedha yātumisantakaprabhapratimaṃ himāṃśujaṭaṃ mahotkaṭam³

11.20

rundhānasya pathaṃ tathāndhakaripunirbandhamasyācchipajcārālena¹ paraśvadhena vidadhe tatkandharacchedanam
vijñāyātha vasundharādharasutā putrīkṛtaṃ taṃ punarjīvantaṃ varagandhasindhuraśiraḥ sandhāya tūrṇaṃ vyadhāt

11.21

idamamaṅgalamaṅgajaśāsanaḥ
sa na śaśāka samakṣamapekṣitum
dharanarendrasutāsahitastato
rajataparvatapattanamāyayau

11.22

dṛṣṭvā'dṛṣṭicarīṃ girīśanagarīmabhyetya tāṃ sphāṭikaprākārālayagopuropavanikāvāpībhirāpīvarām
haimai ratnacitairniketanaśatairākīrṇarathyāpaṇāmeṇāṅkābharaṇapriyā pratipadaṃ santoṣamantardadhau

11.23

atha tatra vicitrakāmabhogairbhagavān bhūmidharātmajāsahāyaḥ
mumude kumudendunandanaśrī
strijagannandananandanadvayena

11.24

saināpatye'patyamapetya priyamagryaṃ
dhātrā klṛptasarvasuparvādhipatīnām
cakre putraṃ tatra yaviṣṭhaṃ yuvarājaṃ
gaurīpreyānāmurīkṛtya dhurīṇam

11.25

pramathāstamathārūḍhaṃ gaṇaināthapadaṃ mudaṃ parāmantaḥ
taṃ pratihanta bahantaḥ sāmpratamantaḥ stuvanti sma