[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Shorter narrative and descriptive poems](https://indike.org/pramana/in.lit.kavya.khanda) › [Musical poems after the Gītagovinda](https://indike.org/pramana/in.lit.kavya.khanda.gitakavya) › [Shivalilamritamahakavya](https://indike.org/pramana/in.lit.kavya.khanda.gitakavya.sivalilamrtamahakavya) › 11 # Shivalilamritamahakavya 11 Śivalīlāmṛtamahākāvya 11 - **Language:** Sanskrit ### [11.1](https://indike.org/pramana/in.lit.kavya.khanda.gitakavya.sivalilamrtamahakavya.11.1) jaya jaya khaṇḍarajanīkaramaṇḍananandanasuragaṇavando agaṇitaparamaparākramapauruṣakṛpaṇakṛpārasasindho daivatahitakaraṇadhurīṇabhavantam śaraṇamayā mattyā kurvatā vayamanupamavibhramabhantam dhruvapadamidam ### [11.2](https://indike.org/pramana/in.lit.kavya.khanda.gitakavya.sivalilamrtamahakavya.11.2) kāñcanasañcayarucirucirasantānasarasijaṣaṇḍam kuṇḍalamukuṭakaṭakarasanāṅgadabhūṣitamurubhujadaṇḍam ### [11.3](https://indike.org/pramana/in.lit.kavya.khanda.gitakavya.sivalilamrtamahakavya.11.3) amaracamūpanisamaravimūḍhā pālaya bhavasutaṃ bhavati lokaya karuṇādṛśā, lokamimaṃ navakuvalayasadṛśā ### [11.4](https://indike.org/pramana/in.lit.kavya.khanda.gitakavya.sivalilamrtamahakavya.11.4) namucisūdanamucitalakṣmīṃ, pratyāhara parihara tadalakṣmīm iti suragāyanapariṣadudītaṃ, jayati gadādharakavivaragītam ### [11.14](https://indike.org/pramana/in.lit.kavya.khanda.gitakavya.sivalilamrtamahakavya.11.14) tataḥ sa bhūteśasutaḥ¹ svabhāvataḥ piturmahānugrahacaiva bhavādapi babhāra śaktidvitayaṃ durāsado jigāya yenāsuravīratārakam ### [11.15](https://indike.org/pramana/in.lit.kavya.khanda.gitakavya.sivalilamrtamahakavya.11.15) iti kācidumāmakhī² samāgamayitvā śaśikhaṇḍamaṇḍanaḥ niriyāya himālayālayādvihariṣyannavanīvanīru ### [11.16](https://indike.org/pramana/in.lit.kavya.khanda.gitakavya.sivalilamrtamahakavya.11.16) tatrāsau varasadmasaudhanivahairabhralihāṃ kāñcanaprākārāñcitacārutoraṇavatīmutkullapadmākarām puṣyatkalpamahīlatādilalitāṃ nānopahārocitāṃ saṃkalpopanatāṃ purīṃ paramumānadhyāsta kāntāsakhaḥ ### [11.17](https://indike.org/pramana/in.lit.kavya.khanda.gitakavya.sivalilamrtamahakavya.11.17) atha kadācana kāñcanasampad samavalokayituṃ pramathaiḥ saha apagate dayite naganandanā tanuvilepanamaihata kuṅkumaiḥ ### [11.18](https://indike.org/pramana/in.lit.kavya.khanda.gitakavya.sivalilamrtamahakavya.11.18) vilepanoccheṣaṇakuṅkumena sā vidhāya vīrapratimāṃ maheśvarī niyujya caināṃ pratihārapālane viveśa hṛṣṭā nijamajjanālayam ### [11.19](https://indike.org/pramana/in.lit.kavya.khanda.gitakavya.sivalilamrtamahakavya.11.19) atha bhūtapatimupāgataṃ vanādbhavanāya nāyamavayannumā priyam niṣiṣedha yātumisantakaprabhapratimaṃ himāṃśujaṭaṃ mahotkaṭam³ ### [11.20](https://indike.org/pramana/in.lit.kavya.khanda.gitakavya.sivalilamrtamahakavya.11.20) rundhānasya pathaṃ tathāndhakaripunirbandhamasyācchipajcārālena¹ paraśvadhena vidadhe tatkandharacchedanam vijñāyātha vasundharādharasutā putrīkṛtaṃ taṃ punarjīvantaṃ varagandhasindhuraśiraḥ sandhāya tūrṇaṃ vyadhāt ### [11.21](https://indike.org/pramana/in.lit.kavya.khanda.gitakavya.sivalilamrtamahakavya.11.21) idamamaṅgalamaṅgajaśāsanaḥ sa na śaśāka samakṣamapekṣitum dharanarendrasutāsahitastato rajataparvatapattanamāyayau ### [11.22](https://indike.org/pramana/in.lit.kavya.khanda.gitakavya.sivalilamrtamahakavya.11.22) dṛṣṭvā'dṛṣṭicarīṃ girīśanagarīmabhyetya tāṃ sphāṭikaprākārālayagopuropavanikāvāpībhirāpīvarām haimai ratnacitairniketanaśatairākīrṇarathyāpaṇāmeṇāṅkābharaṇapriyā pratipadaṃ santoṣamantardadhau ### [11.23](https://indike.org/pramana/in.lit.kavya.khanda.gitakavya.sivalilamrtamahakavya.11.23) atha tatra vicitrakāmabhogairbhagavān bhūmidharātmajāsahāyaḥ mumude kumudendunandanaśrī strijagannandananandanadvayena ### [11.24](https://indike.org/pramana/in.lit.kavya.khanda.gitakavya.sivalilamrtamahakavya.11.24) saināpatye'patyamapetya priyamagryaṃ dhātrā klṛptasarvasuparvādhipatīnām cakre putraṃ tatra yaviṣṭhaṃ yuvarājaṃ gaurīpreyānāmurīkṛtya dhurīṇam ### [11.25](https://indike.org/pramana/in.lit.kavya.khanda.gitakavya.sivalilamrtamahakavya.11.25) pramathāstamathārūḍhaṃ gaṇaināthapadaṃ mudaṃ parāmantaḥ taṃ pratihanta bahantaḥ sāmpratamantaḥ stuvanti sma --- Source: [https://indike.org/pramana/in.lit.kavya.khanda.gitakavya.sivalilamrtamahakavya.11](https://indike.org/pramana/in.lit.kavya.khanda.gitakavya.sivalilamrtamahakavya.11) · Pramāṇa