Shivalilamritamahakavya 13

Śivalīlāmṛtamahākāvya 13

Language: Sanskrit

13.3 — 2 parts

13.1

pañcamaḥ sargaḥ
ekadā kila sadāśivapriyā
prābhavena¹ dayitasya kalpitām
kalpabhūruhatvanīmanīnayatsaubhagaṃ caraṇacāruvibhramaiḥ

13.2

tatra cittahṛtikokilārutaiḥ
mārutaiḥ kamalagandhicārubhiḥ
nityanūtanasamūnapallavai²rvallabhena vijahāra pārvatī

13.3

taṃ vilokya viharantamantike
kelatīramaṇīrāmaṇīyakam
candrakhaṇḍamukuṭaṃ jayā sakhī
hanta kāmapi babhāra bhāvanām

13.1-2

haramukhaśaśadharabimbavaśamvadasammukhanayanacakorā
parihṛtanidaraviṣayarasādaravismṛtanija³paricārā
sā tadā savikārā
sthagitasarojadalāyatalocananirbharamantharatārā
dhruvapadamidam

13.2-2

pṛthulapayodharakumbhabharādiva kampitalalitanitambā
abhisatadurlabhagarhitatāpavidhūsaritādharabimbā

13.3-2

anubhavati sma sakalatanumañjutamapi ke jaḍimānam
praṇayisakhīparihāsakathāsu tathā na vadati bahumānam

13.4

svedasalilakalayākulitākhilatanutanucīnanicolā
prakaṭaghanastanakumbhanitambabharāharaviharaṇalolā

13.5

aviralapulakakadambakakarambitakomalasakalaśarīrā
śithilitakucataṭakañculikākusumāśugabhāvagabhīrā

13.6

asakalaviṣadapadaṃ kathamapi bruvatī padananditarūpam
kiyadapi bhītisariti vinimajjati sajjati cānurūpam

13.7

bhalabhaladambupaṭalachitatalocanadoṣavaśena nitāntam
antikagatamapi hanta na paśyati jhaṭiti kadācana kāntam

13.8

iti vṛṣaketananūtanarāgabharāgatavividhavikāram
jayati jayālalitaṃ bhuvi sukavigadādharabhaṇitamudāram

13.4-2

evaṃ śaṅkarakelilālasamanāḥ sāśaṅkamānā bhṛśaṃ
pārvatyā dayitā sakhi na kimapi prāpnuyat preyaso
gaurīgauravayantraṇāparavaśaḥ sarvāntarātmā punaḥ
jānanneva jayāmano'bhalavitaṃ tūṣṇīṃ babhūva prabhuḥ

13.5-2

tadupalabhya dharendrasutāṃtha tāṃ
sapadi kokanadāruṇalocanā
aśapadāviśamānupabhūmikāṃ
dūtamino'nucitācaraṇāditi

13.6-2

sā kila gaurīśāpādajani hariścandrabhūpateḥ patnī
mene haimavatīti rahasi tṛtīyedyaceṇa caṇāntena

13.7-2

candracandanavarāmbarādibhistāmasau vimalasaudhasadmani
devatāmiva parāṃ narādhipaḥ paryacārayata kiṅkarījanaiḥ

13.8-2

giriśānugrahaleśādalabhata jātismaratvamapyeṣā¹
kāṅkṣantī śāśimauleḥ saṅgamasukhamaṅgalāni satyavatī

13.9

ekadā naganarendrakanyayā
kā tvāsti nagarī bhuvi prabho
deva deva nigadeti nodito
jitvarīṃ hara udāharatpurīm

maryādāṃ calukocculāmbita²nadībandho munermānayannibandho nāma dharādharo vijayate bandhyodamaḥ saṃprati
tuṅgaiḥ śṛṅgaśataiḥ saṃmunnatimadaṃ yo vibhradabhraṃkaṣairhaimakṣmābhṛta udhrvamānamadharīkartuṃ pravṛttaḥ purā

13.11

tamuttareṇācalanāthanandane³
pratītamānandavanābhidhānataḥ
manoramaṃ no'sti samastapāvanaṃ
vanaṃ mahīmaṇḍalamadhyamaṇḍanam⁴

13.12

yasyāmambujapaṇḍamaṇḍitajalā gaṅgā'pi gāhate
yā cābhraṃlihaśubhrasaudhanicayairninye divaṃ nīcatām
sauvargājapi śorate tanubhṛtāṃ bhogāmbudhau yatra vaḥ
sā kāśī nagarā japutri nagarī tasminvarīvartti naḥ

13.13

yasyāmāśiśumāśiśumāracakrabhuvanaṃ tuṅgaṃ paraṃ gopuraṃ
nūnaṃ gantumuparyayuparyanudinaṃ yogyāmupāste bahiḥ¹
yo'sāvuttaradakṣiṇāyanamipādyāpi pārśvadvaye
yātāyātapariśramaṃ vitanute bhūyāṃsamekaprahaḥ

13.14

yasyāmunnatanarmaharmyadharaṇīsaṃcāriṇīnāṃ varastrīṇāmānanamaṇḍalairanubhavan goṣṭhīsukhe sauṣṭhavam
dattaṃ prāgapi nāgavallīkavalaṃ pratyāharadbhiḥ priyaiḥ
kucchreṇāṅgagatāṅgapaṅgakalanā veṇīṃ ka unnīyate

13.15

paśyāmaḥ kaṇabhakṣapakṣanipuṇā nakṣāṃghrivāgvistaraprakhyātapratibhānapauruṣayuṣaḥ sāṃkhyātisakhya vataḥ
yasyāṃ pannagabhāṣyatattvaviduṣaḥ pātañjalaprāñjalaprajñān jaiminibādarāyaṇamataprajñān dharānirjarān

13.16

kaḥ śreyase na niyuñjīta dhanaṃ jano'syāṃ
niḥśreyase nidhanamapyucitaprabīeḥ
āśāsyate sakhi sukhāyati mitravāsaṃ²
duḥkhāntanākanagarīnilayādhivāsāḥ

13.17

vidhānamuccaiḥśravasāṃ sudhāmayaṃ
samṛddhasantānacayaṃ gṛhegṛhe
dūraṃ tadetanna kathaṃ sutanvi bho
prabhūtaratnākaratāṃ prapadyatām