<!-- Pramāṇa, a library of Indian primary sources · https://indike.org/pramana/in.lit.kavya.khanda.gitakavya.sivalilamrtamahakavya.14 -->

[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Shorter narrative and descriptive poems](https://indike.org/pramana/in.lit.kavya.khanda) › [Musical poems after the Gītagovinda](https://indike.org/pramana/in.lit.kavya.khanda.gitakavya) › [Shivalilamritamahakavya](https://indike.org/pramana/in.lit.kavya.khanda.gitakavya.sivalilamrtamahakavya) › 14

# Shivalilamritamahakavya 14

Śivalīlāmṛtamahākāvya 14

- **Language:** Sanskrit

### [14.1](https://indike.org/pramana/in.lit.kavya.khanda.gitakavya.sivalilamrtamahakavya.14.1)

brahmasuramuninikarayamaniyamakarmabharakuśakusumāvalililitaputatīrā  
haṃsasadupacitasārasāvalinicitahīrarucirucirapanīranīrā  
jayata bhuva yatra nagaputrī gaṅgā  
vicaladaravindacaramandapavamānagatibhaṅgasaṅgatataralatarataraṅgā  
vikacakalhāratarajīvanalināvalikokanandanavakumudakulakalāṅgā  
lokalocanahṛdayasakalasukhadāyinī vīciparicayadaladavīcitāpā  
dhruvapadamidam

### [14.2](https://indike.org/pramana/in.lit.kavya.khanda.gitakavya.sivalilamrtamahakavya.14.2)

kapilamunikopadavadahanahutasagarasutanākapadayānasopānalekhā¹  
jahnumuninandinī nanditānatanikhiladaśakaśatalocanapramukhalekhā

### [14.4](https://indike.org/pramana/in.lit.kavya.khanda.gitakavya.sivalilamrtamahakavya.14.4)

tuhinadharaśṛṅgavararaṅganavanantarkīśirasi samasurabhitakusumāmālā  
aṅgasaṅgamasulabhaparamapadasampadāvalokanādapi dalitatāpajālā

### [14.5](https://indike.org/pramana/in.lit.kavya.khanda.gitakavya.sivalilamrtamahakavya.14.5)

kalitajalakelirasanāgarīkucakalaśagalitakuṅkumapaṅkakluṣitāpā  
dhautamṛganābhigorocanāsīmantasindūratulitalasadindracāpā

### [14.6](https://indike.org/pramana/in.lit.kavya.khanda.gitakavya.sivalilamrtamahakavya.14.6)

tīrataruvīrudurukusumasambhārasurabhikṛtāmṛtamadhuravāripūrā  
kṛtavividhasukṛtajananayanagāminī satatamapamaṅgalācāradūrā

---
Source: [https://indike.org/pramana/in.lit.kavya.khanda.gitakavya.sivalilamrtamahakavya.14](https://indike.org/pramana/in.lit.kavya.khanda.gitakavya.sivalilamrtamahakavya.14) · Pramāṇa