Shivalilamritamahakavya 17
Śivalīlāmṛtamahākāvya 17
- Language
- Sanskrit
17.1
atha smarantyā samaravīravairiṇaḥ
sadā jayāyāḥ sa dayāvaśaṃvadaḥ
phalegrahīkartumanā manorathaṃ
yayāvayodhyā nagarīṃ girīśvaraḥ
17.2
anugrahīṣyannahite sakhījanairjayāṃ hariścandra parigrahāhvayām
vilocanāsecanakaśriyollasadvapuḥ sa puṣpora puraḥ puradviṣan
17.3
tayā purā cetasi yaḥ sa śambhoradhāri sambhogasukhābhilāṣaḥ
vilokitenaiva sa haimavatyāḥ patyā susampanna ivānvamāni
17.4
kuśodarī sāpyahagocarīkṛtaṃ ? tadānanaṃ pārvaṇaśarvarīpatim
amudra ānandasamudrasamplave mamajja lajjāsaridaṅgasaṅginī
17.5
atha śriyā''naṅgamathaḥ samīkṣaṇāttvaṇādudañcatpulakāṅgasaṃhatiḥ
upāharatpādasaroruhāntike kadambamālāṃ svatanuṃ harasya sā
17.6
tataḥ sphuṭasphāṭikakuṭṭimādyumāsakhīṃ bhujābhyāmudatiṣṭhipadbhavaḥ
viṣāṇadaṇḍadvitayena pādmanīṃ yathā taḍāgādamarendravāhanaḥ
17.7
tadaṅgasaṅgātirasārasālasā cirāya sā labdhavatī samīhitam
adhvānamānandamavindadaṅganā manāgapi prāpaṃ na bhedavedanam
17.8
suraprārthimalatalpakalpitaṃ mahāralojjvalatkāñcanastambhalambitaśrṛṅkhalāvalimaṇipalyaṅkapalyaṅkikām
nānācitravicitrabhittimabhitaścandrātapālaṅkṛtāṃ
gaurīśo'dhivasan sa saudhavasatiṃ reme sametastayā
17.6-2
sā sambhogavimardavegavigaladbimbimallīvarāṃ
varṣantī nipatannitambavasanaṃ nirmanthanaṃ tanvatī
udyatkaṇṭakadarbhasūcinicitasvedāmbunārghyaṃ dadhatyarcantīva tadā mudā samucitārambheśaśambhuṃ vabhau
17.10
atha sā manasijakāntaṃ taṃ nijakāntaṃ sametamekāntam
āyāsālasanayanā sārasanayanā jagādedam