Shivalilamritamahakavya 19
Śivalīlāmṛtamahākāvya 19
- Language
- Sanskrit
19.1
priyatama samayamimaṃ tava jāne
māmapahāya na punarapayāne
dhruvapadamidam
19.2
aha janaṃ bhavadupanatacittam
rahayasi rahasi kimidamanimittam
19.3
smarahara parihara nirasanalīlām ¹
lālaya māṃ manasijabhayaśīlām
19.4
vimukhe bhavati na bhavati madīyam
saudhasadanamiva tava kamanīyam
19.5
mṛdutarakarakamalena madaṅgam
sukhaya madanadahanātipihitasaṅgam
19.6
anucitamācaramiha yadi bhavate
kṣamayati mama matiridamapi bhava te
19.7
darśaya vadanamuditamṛduhāsam
kalitakalānidhivimbavilāsam
19.8
iti haravirahijayoditavacanam
jaryātaṃ gadādharakavivaravacanam
19.18
itthaṃ duḥsthamapi pralapya bahudhā saudhāntaraprāntare
bhrāmyantī bhamavīcitaṃ priyatamaṃ sā naiva niścinvatī
dhāvantī tamanu kvacitkvacidapi premapramodāplutā
saśrāmā¹ śramajodavindunicitā tanvī viśaśrāma ca
19.19
sambhogena sukhaṃ sakhī² girisuvaḥ śambhoralambhāvinī
rambhoruranubhūya bhūya iva sā tadvipralambhaṃ punaḥ
saṃmohādatha māyayā khalu jayā suprothiteva sthitā
tatrāmaṃsta samastapūrvacaritaṃ svapnaprapañcehitam
19.20
apanītaratā yā sā sambhṛtasaṃbhogacihnanicayā sā
api puriripusaṅgādanyevālati paṅkajākṣībhiḥ
19.21
itthaṃ satyavatīmano'bhilaṣitaṃ saṃpādya tathyaṃ haraḥ
sadbhāvapravaṇapravīṇamanasāṃ saṃsārahiṃsākaraḥ
tāmutkaṇṭhitahṛṣṭapuṣṭajanatākīrṇāmapaṇyīsthitāṃ
kāśīṃ dṛṣṭacaroṃ cirāya nagarīmāsoddatyaṅgu tām
19.22
jitapārbaṇaśarbarīvarīyaḥsuṣamāmānuṣamānanaṃ harasya
paripīya purīnivāsinastatprathumānandathumākumāramāpuḥ
19.23
tamanantamanaṅgabhaṅgadāyiśriyamadripriyamunmanāyitena
anudannanubandhabandhyavāṇīprasaraḥ premabharāplutāntarāste
19.24
pāyādāyāsyamānān bhavajaladhibhavairmībhirbhrāsyamānānasmānabhasmāṅgarāgaḥ sphuraduragamaṇihāranīhāragauraḥ
gaṅgābhaṅgataraṅgāvalicalanakumutkaumudīnāthalekho
lekhānāṃ śekharo'sau śikhariparivṛtāpatyadāmpatyavittaḥ