Shivalilamritamahakavya 20
Śivalīlāmṛtamahākāvya 20
- Language
- Sanskrit
Contents
- 20.29 — 1 part
20.1
ṣaḍviṃśaḥ prabandhaḥ¹
jaya nityavapurabhirāma | dvijarājakhaṇḍalaলāma
guṇavṛnda-sundaradhāma | dhruvapadamidam
20.2
tanurociratighanasāra | jagadatulamasṛṇimasāra
sphuraduragasujaṅgasahāra | sphaṭikādrisatatavihāra
20.3
padaśaraṇatāraṇadhīra | karuṇārasātigabhīra
paribhūtadānavatīra | rucininditāmalahīra
20.4
ghanabhuvanabhūruhamūla | karadamaradamastakaśūla
bhavasindhuvāndhavakūla | bhavasubhagajanuranukūla
20.5
atikundakairavahāsa | upahasitavikasitakāsa
himaśailakandaravāsa | munimānasapratibhāsa
20.6
caraṇānutaikanidhāna | caturānanādinidāna
harasiddhakṛtaguṇagāna | hatadattayajñavitāna
20.7
jagadakhaṇḍakhaṇḍanakopa | kṛtasukṛtasajjanagopa
suravairidurmadaropa | viracitapurāsuralopa
20.8
varakāñcanācalacāpa | guṇagunanirdhūtapāpa
dhutamānasākhilatāpa | dhūtajaṭājūṭakalāpa
20.6-2
gurugaralabhakṣaṇalīla | śivalokarakṣaṇaśīla
nayanānalodbhaṭakīla | valakalitakāmanimīla
20.10
dviṣabandhakāhitakaraṇa | vṛṣaṛṣabhasampadabharaṇa
natapārijātakacaraṇa | māndhātṛsantataśaraṇa
20.25
śaraṇaṃ caraṇaṃ daśānanaste hara guddhan jitanākaloka
jaladhau kaladhautaśailaśaṛṅgaṃ puramadhyāsta nirastarājarājaḥ
20.26
jaya suranāyaka janasukhadāyaka
jagadvanāya kalitaguṇasāyaka dhīra²
trinayananayanāsecanaka viprahakcaritracitra
surataṭinīniyatāyata jaya jaya paramapavitra
tribhuvanamitra pravaladamitra vrajasuralokaprasumaraśoka
praśamadakāma pramathanabhāma tritidharadhāma
bhayaharanāma bhasitalālāma sphuradurudhāma
śritaśitamanda smitajitakunda praṇatamukunda
tribhuvanakanda smarahara deva prasukṛtaseva
dvititalapāla cāpitakarālakṣveḍasureśa smṛtisuśvaveśa
pratanaśarīra prekṣitivīra chavivara dhīra
dhvanitapaṭīra dravaghanasārādhikarucihārāyitabhujagendra
tridaśanarendra pravaṇagadādharakavimuddhara dhīra
tasyāmoghaiḥ pāṇidhānāmamoghaiḥvīṇāvādairgāyanairapramādaiḥ
veṇudhmāmiha dhyamārddhikābhirdvaigītāyai racitaścandracūḍaḥ
20.27
manovinodāya navāya tanvatī
dine dine te pratibimbitāni te
cirādiyaṃ proṣitabhartṛkā priyā
tvayādya patyā samagaṃsta jitvarī
20.28
ityantarvāsināmantarvāṇīṃ pramodasaṃpannām
abhinandanāya tayā daśā'nujagrāha tān pramathanāthaḥ
20.29
tuṅgagaṅgātaraṅganagaramṛgadṛśāmuttaraṅgarapāṅgaiḥnūnatnairvīthīṣu ratnairapi ca sucaturāṃ dharmakāmārthamokṣaiḥ
sraṣṭho sraṣṭuḥ svarūpapraṇayanapaṭimānandasāmānyaliṅgaiḥ
strīpuṃsairbhāsamānāmatha puramathanastāṃ purīmadhyavātsīt
20.29.p1
iti śrīmadagnicitsukhānandapaṇḍitakṛte śivalīlāmṛte mahākāvye satyavatyanugraho nāma ṣaṣṭhaḥ sargaḥ