Shivalilamritamahakavya 21
Śivalīlāmṛtamahākāvya 21
- Language
- Sanskrit
Contents
- 21.7 — 2 parts
21.1
saptamaḥ sargaḥ
atha tamāgatamāyatanetrayā dharapurandaranandanayā puram
patimavekṣya pativratayā dadhe samadasaṃbhramavibhramamādaraḥ
21.2
nijasakhīcaritaṃ dayitāṃ prati smaraharaḥ sarahasyamavocata
tadabhinandanaphulladaśānayā pratipadaṃ tadidaṃ śrutamāhatam
21.3
nijatapaḥ sacivīṃ bhavabhāvinī samucitāṃ tanayadvayasaṃpade
iyamakalpayadalpamanehasaṃ vyavadadhatyatha satyamanorathā
21.4
bhūmibharturatha pāṇigṛhītī viśrutā jagati satyavatīti
suprasūtisamayaṃ gamayantī nandanadvayamavindata sāpi
21.5
sutau vīkṣya tryakṣau nijahṛdi hariścandranṛpatirvarārohāmenāṃ niracinuta menātanubhavām
purādāyaitau drutamatha purātinagarīṃ
yayau dāsyaṃ dāsyannaganṛpatiputrīpraṇayinaḥ
21.6
tīrthe'tha pārthivamaṇimaṇirkarṇikāyāmāplutya sabhyagupagamya maheśameṣaḥ
nirvāṇamaṇḍapajuṣāṃ viduṣāṃ purastātputrau samārpya dumāpatipādapadme
21.7
itthaṃ samarghya nijanandanayugmamasmai
nandīśvaraṃ tadanu bhṛṅgaratiṃ ca bhūpaḥ
bhūteśameṣa vinatāpanatāṅghrayaṣṭistuṣṭāva bhāvavigalannayanāmbuvṛṣṭiḥ
21.7.p1
aṣṭāviṃśaḥ prabandhaḥ
21.7.p2
kāmodīrāgeṇa gīyate