Shivalilamritamahakavya 22

Śivalīlāmṛtamahākāvya 22

Language: Sanskrit

22.15 — 2 parts
22.28 — 2 parts
22.35 — 1 part

22.1

śaraṇaṃ bhava tava caraṇam | śaṅkara bhavatu bhavāmbudhitaraṇam
śaśadharakhaṇḍamukuṭavaramaṇḍananiravadhisaubhagaśaraṇam
dhruvapadamidam

22.2

śāntaṃ tapasi nitāntaṃ tribhuvanaviṣumapi santata tāntam
hara samupaimi bhavantamabhayakaramantakaharanayanāntam

22.3

sāraṃ paramamudāraṃ ruciratanūruci jitaghanasāram
kuṭilaniṭilaganayanadhanañjayakavalitasulalitamāram

22.4

dīnaṃ māmatihīnaṃ pālaya niyativaśādanadhīnam
giriśa namāmi māmapanaya saccitacaramattidīnam¹

22.5

dhīraṃ hṛtapuravīraṃ nijajanapāvanamahiṃmamabhīram
kāśīnagaranivāsamupāsitasurataṭinīsukhatīram

22.6

amalaṃ tava padakamalaṃ śamayatu māmakamānasaśalaman
bhava na bhavantamṛte paramicchati mama matiralamativimalam

22.7

ānandaya pataṃmānaṃ bhava bhavanāyaka hṛtabahumānam
mā naya viṣayasumādhava māmiha bhavati natiṃ vidadhānam

22.8

iti narapatisamudītaṃ rasikagadādharakavivaragītam
jayati surabhitaśambhupadāmbujamadhukarasādaragītam

viśvaṃ dṛśyamidaṃ vibho bhavadadhiṣṭhānādasampattayā
caitanyaṃ paricīyate'pi jaḍyā buddhyā tadadhyāsata:
madhyāntādivivarjitāya yatināṃ dhyānāyanāṅgāya te
niḥsaṅgāya mataṅgajānanamahāsenātmajāyoṃ namaḥ

22.6-2

stutvā tattvārthamittha śruticaramagirāṃ taṃ hariścandrabhūpo
nistandraścandracūḍaṃ nijanagaramasau pratyavāsīdayodhyām¹
vibhrāṇaḥ śubhrarūpo kerasarasiruhātsatyavatyāstanūjo
jāyāyai śailajāyai svayamatha bhagavānapaṃyāmāsa bhargaḥ

22.10

sevātirekaparavaśyatayā jayāyāḥ
sā nandanau giriśagauravato'pi gaurī
paśyantyanugrahadaśā nitarāmapuṣṇādātmastanandhayaśiśudvayanirviśeṣam

22.11

nityaṃ nṛtyadgirocairamaramṛgadaśāṃ sarvagandharvasaṃghairdevairmārgā² bhidhānairmadhuratalamiladgurvīṇāninādaiḥ
nānākāropacārairipuraharapuraḥ sarvadā durvṛtadvi-(?)
lebhe deveśavṛndaiḥ³ radhinagaramumājānirājānasaukhyam

22.12

na pakṣe saṃkṣepa dadhadapi na rātriṃdivamidaṃ
nijāṃ lakṣmīmṛcchutraṇamapi puradhvaṃsinagaram
sudhādhāraiḥ śubhraṃ sakalakalamabhraṃkaṣatayāviḍmbaṃ viśvasya vyatanuta sudhāṃśoḥ samucitam

22.13

atha navamavatīrṇaḥ pūrṇyāyan prītimantaḥ
prabhuriva kusumānāṃ mālabhārī vasantaḥ
malayanilayabhājā dattahasto'nilena
pramadaparabhṛtābhirgītamāṅkyakīrttiḥ

22.14

api kaṃcana paścaśaraprasaraṃ viddhadvividhaṃ vibudhādhipatau
sa mudaṃ samudañcayituṃ jagatāmudajṛmbhata sambhṛtakāmamadaḥ

22.15

diśi diśi samullasantaṃ tato vasantaṃ purārirākalayan
ucce vācamudārāṃ nijadārān premapūragambhīrām

22.15.p1

ūnatriṃśaḥ prabandhaḥ

22.15.p2

vasantarāgeṇa gīyate

22.16

sūḍaprabandhena
samudayati sakhi smarasahacara ṛtupatireṣa viśeṣamanoharakusumasamūhanirantaranirbharamukharapikanikarakānana
vikacakamalavanadhūnanaparimalamalayamahīdharamārutascaladabhinavapallavasaṃkulatarukulamaṇḍitasakaladigānana
mallīmukulasaurabhalolubhasaṃmiladalimañjulaguñjitasampāditamanasijavijayadakambunādḍambara
kokilakalakūjitaparicayactamukulanūtanapariṣvayaparihṛtanavasūnarasādaranāgarayuvahṛdaya
niḥsāri
vigataśītasamuditagharmasamayaśarmadam
kusumasāravanavihāravalitataruṇasaṃmadam
harṣamāṇakusumavāṇamānasamadavardhanam
vidadhata mativirahiyuvatīhṛdayaṃ dhṛtivardhanam
maṇṭhatālaḥ
mañjulataravañjula¹ daradalitalasumanasam
mṛdulagītamadhupapītakusumamadhuramadhurasam
vikacakundasundarakīrtivitatatiśobhanam
lokaya jananayanamadanamṛtupatimatilobhanam
siṃhanandanatālaḥ
mādhavīsādhuparirambhaṇārambhagatagandhabhṛtamandapavamānajakhalam
candramukharajanimukhamuditadarpakakāminīkulakalitakāmahelam
locanāsecanakakusumasamayodayaṃ lokamānābhinavamanavahelam
dayitatanumaṅgamatimiṅgitaṃ kā nu bahumānayati māninī nānuvelam
bhampakatālaḥ
adhivanāvanivikacakiṃśukarājiriyamiha santatām
vahati rasikavasantanāyakadantanakhapadakāntatām
vikasadaravindamapallavāvalikaitavena vanaśriyā
sphuṭamatanuranurāga āgata ṛtuvare dhṛtakāntayā
tripuṭāntarā yatiḥ
puṣpapacāpacyutairacyutairāśugaiḥ rāgiṇī lakṣitā¹ lakṣato bhāvinī
bhāvinī lakṣyate śambharārerjayaśrīrasādhāraṇaiḥ kāraṇairdvinaḥ²
aḍḍatāla:
dalitalalitakuṅkumarasacarcitamañjarāgam
savanasāragandhasāralambitaparabhāgam
yuvatītiriha janayati bhṛśamupacitakāmam
dhyāyati hṛdi dayitasatatasaṅgamamabhirāmam
saptakalaḥ
iha ramaṇīyaramaṇīvilāsā vikasitakairavabhairavahāsā
antikagatamapi hanta nitāntaṃ kāmyate navanavamiva kāntam
der̤hopaḍītāla:
sakhi madhurayi madhuraparabhṛtālāpa-subhaga-dakṣiṇamarutā
pathikamanasi kiṃcana calite mohanivahamahaha valayate
ḍeṅki vā pañcakalā
kalaya kalāvati dalitatalavaṅga malayanilayamanilaṃ sukhasaṅgam
yo vitanoti pulakamayamaṅgaṃ jīvayatīva paretamaṅgam
sārimānakuṅkukatāla:
vahati viharaṇakelikānane svedabinducayasamuditamānane
kanakakamalasadṛśi vimalamuktākābharaṇasugamamanupamatanunādhikā
cācapuṭa: ṣaṭkala:
śītakiraṇakiraṇarājirañjite gītatālakaṅkaṇagaṇaśiñjite
lalitatalalitasadanarājadaṅgaṇe ratirasacalajana iha lalanāgaṇe
niroṣṭhyagītam
caturviṃśātakalena nalakūbaratālena
sudati sudati viṣamaviśikhavitatibhirativirahiyuvatihṛdayamadayaratipatiriha samaya uddharyata
api munijanatapaścitavanaviharaṇaratiṃ racayati sati
madhuramadhurajaniranibhṛtaparabhṛtaviruti ||¹
sarvaṃ laghugītam
triśatkalena nalakūbaratālena
ghaṭayati kanakaghaṭastanī kāmam | apyasulabhaviṣayeṣu kāmam
madhuratamayamadhunā | dhruvapadamadam
prakaṭayati smaraśarapaṭimānam
api munimānamamohanidānam
iti ṛtupatiguṇavarṇanavacanam
jayati gadādharakavivararacanam
iha saha sumanobhirdrunayantī vadhūnāṃ
hṛdayamudayamānā mārutī cārulīlā
apaharati parāgaiḥ sākamevāparāgaṃ
surabhirabhatadevaṃ sāmprataṃ gandhavāhaḥ

22.17

subhagāvagāhanīrāḥ satāṃ manovatprasannagambhīrāḥ
padmākarāḥ sarāgā sumukhi vasante vikāśante

22.18

iti giripuruhūtāpatyamādratya patyā
gaditamamṛtabindusyandisandarbhagarbham
ṛtuvaraguṇagānaṃ guhyatī sāvadhānaṃ
praṇayavinayasārāṃ vācamācaṣṭa gaurī

22.19

iha vijanavanānte vartate no vihartuṃ
spṛhayati mama cetastadviciktāya cetaḥ
yadi mayi karuṇāsīdvāraṇāsīsadṛttaṃ
kathaya dayita guptaṃ sthānamānandanāya

22.20

tadanu varatanuṃ tāṃ prīṇayan prāṇanāthaḥ
smitalilitamukhenduḥ sindhubandhupratīre
adhidharaṇi yadeketyādi vedaprasiddhaṃ
vipinamadamavādīdekacūtābhidhānam

22.21

dārubrahmādinādhinārthavirajaḥkṣetrāṇi santyutkale
deśo jaiminikhaṇḍavarṇanamahāmāhātmyaleśo khalu
teṣāmantarabhūmibhūṣaṇamaṇībhūtāṃ prabhūtāmbubhiḥstīrthaiḥ koṭibhiruttamairabhidadhuryāṃ guptavāraṇasīm

22.22

girīśavaravarṇinī giriśavarṇanākarṇarṇanādvabhāra bhaśamunmanāstadvalokanālolatām
sa tāṃ himavataḥ sutāṃ trijagatāṃ dhurīṇaḥ pumānamanyata puraḥsarīmavatarītumasminvane

22.23

sasāra sāranāyikā latālatālicāravaṃ¹
sasāratāralocanā prasārikokilāravam
anantapū rupottamaprabhuprabhāvapālitaṃ
vanaṃ tadekacūtakaṃ navapravālalālitam

22.24

sugandhinā gandhavatīnabhasvatā
vanaṃ tadā dhūnitasūnapallavam
dadarśa saṃkandananandanādapi
prati pratīkāṅkṣu tamadrinandanā

22.25

nāgānāṃ nakulairbhavenna kalaho yasmin praśāntātmabhiḥ
śyeno'pyena upādadota patagālambhārjitaṃ yatra na
nirvairaiḥ praśamāyanairmunijanairadhyāsite dṛśyate
prītyā yatra samaṃ kuraṅgaśiśubhiḥ śārdūlavikrīḍitam

22.26

itastataścārucamūrunetrayā tadāpadāsārabhramāśayā tayā
tyaloki liṅgaṃ tadanaṅgavairiṇo vadanti yadbrahmavidaḥ paraṃ padam

22.27

vijñānī sātha sitāsitāruṇaṃ purāṇaliṅgaṃ puravairisundarī
śrutipraṇītaṃ tatpūjayattadā samīhitābhiḥ sumanaḥ samṛddhibhiḥ

22.28

antaramantaramuddhiman paśyannī viśvanāthano nātham
astuvata tata² eṣā triguṇātītaṃ ca dṛkpathānītam

22.28.p1

viṃśaḥ prabandhaḥ

22.28.p2

maṅgalagujjarīrāgeṇa gīyate

22.4-2

ṣaṭpadīkuḍḍukatālena
hṛdaya bhaja tribhuvanavibhuliṅgam
sakalasumaṅgalamalamalaliṅgam
nigamapatha-prathamapathavidūram
avitathamaviratakāmitapūram
śāntamāntaratimirakhaṇḍanacaṇḍabhānumuditvaram
citratanurucipākaśāsanasāyakāsanajittvaram
asurasuranaranāgakinnarasiddhacāraṇasevitam
yogimānasapaṅkaruhalasatsaurabhamanvitam
tripuṭatālaḥ
nirupamamapi¹ ruciruciratararūpam
amṛtamamṛtasamvidānandarasakūpam
satatakṛtasekaśatalakṣitaliṅgam
akṣayālayakanakakūṭagiriśṛṅgam
jhampakatālaḥ
sukusumapuñjasuṣamapuñjamandamalayamārutam
cañcalapikacañcarīkapaṭalapadrutamārutam
maṇḍaya dalamamalapūtamakacūtakukānanam
caṇḍakiraṇakhaṇḍanarucirucirataradigānanam

22.26-2

maṇṭhatālaḥ
hari-kamalāsanaparicaraṇīyam
nāyakanāyakasadanusaraṇīyam
munijanamānasanirmalahaṃsam
kalitakamalākaraśakalavataṃsam
marubhuvi mihiramarīciṣu kamalam
sphurati yathā vitathātmakamamalam
lasati tathā sati jagadidamamalam
yatra vivarttitamasavapi sadalam
yannijahṛdayarasoruhanihitam
bhajata gadādharakavivararacitam¹
bhavabhayaśamanamakhilavipadapaham
dadadavikhaṇḍitasukhaparamapadam²
draṣṭāraṃ tvāṃ guṇapariṇate dṛṣṭasṛṣṭeradṛṣṭaṃ
vijñātāraṃ nikhilajagatāmapyavijñātatattvam
vyākarttāraṃ bhuvanabhavanasyāhuravyākṛtaṃ yaṃ
sa tvaṃ sākṣātkṛta mama kathaṃ dṛkpathaṃ yāsi deva

Shivalilamritamahakavya 22

Contents