[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Shorter narrative and descriptive poems](https://indike.org/pramana/in.lit.kavya.khanda) › [Musical poems after the Gītagovinda](https://indike.org/pramana/in.lit.kavya.khanda.gitakavya) › [Shivalilamritamahakavya](https://indike.org/pramana/in.lit.kavya.khanda.gitakavya.sivalilamrtamahakavya) › 22 # Shivalilamritamahakavya 22 Śivalīlāmṛtamahākāvya 22 - **Language:** Sanskrit ## Contents - [22.15](https://indike.org/pramana/in.lit.kavya.khanda.gitakavya.sivalilamrtamahakavya.22.15) — 2 parts - [22.28](https://indike.org/pramana/in.lit.kavya.khanda.gitakavya.sivalilamrtamahakavya.22.28) — 2 parts - [22.35](https://indike.org/pramana/in.lit.kavya.khanda.gitakavya.sivalilamrtamahakavya.22.35) — 1 part ### [22.1](https://indike.org/pramana/in.lit.kavya.khanda.gitakavya.sivalilamrtamahakavya.22.1) śaraṇaṃ bhava tava caraṇam | śaṅkara bhavatu bhavāmbudhitaraṇam śaśadharakhaṇḍamukuṭavaramaṇḍananiravadhisaubhagaśaraṇam dhruvapadamidam ### [22.2](https://indike.org/pramana/in.lit.kavya.khanda.gitakavya.sivalilamrtamahakavya.22.2) śāntaṃ tapasi nitāntaṃ tribhuvanaviṣumapi santata tāntam hara samupaimi bhavantamabhayakaramantakaharanayanāntam ### [22.3](https://indike.org/pramana/in.lit.kavya.khanda.gitakavya.sivalilamrtamahakavya.22.3) sāraṃ paramamudāraṃ ruciratanūruci jitaghanasāram kuṭilaniṭilaganayanadhanañjayakavalitasulalitamāram ### [22.4](https://indike.org/pramana/in.lit.kavya.khanda.gitakavya.sivalilamrtamahakavya.22.4) dīnaṃ māmatihīnaṃ pālaya niyativaśādanadhīnam giriśa namāmi māmapanaya saccitacaramattidīnam¹ ### [22.5](https://indike.org/pramana/in.lit.kavya.khanda.gitakavya.sivalilamrtamahakavya.22.5) dhīraṃ hṛtapuravīraṃ nijajanapāvanamahiṃmamabhīram kāśīnagaranivāsamupāsitasurataṭinīsukhatīram ### [22.6](https://indike.org/pramana/in.lit.kavya.khanda.gitakavya.sivalilamrtamahakavya.22.6) amalaṃ tava padakamalaṃ śamayatu māmakamānasaśalaman bhava na bhavantamṛte paramicchati mama matiralamativimalam ### [22.7](https://indike.org/pramana/in.lit.kavya.khanda.gitakavya.sivalilamrtamahakavya.22.7) ānandaya pataṃmānaṃ bhava bhavanāyaka hṛtabahumānam mā naya viṣayasumādhava māmiha bhavati natiṃ vidadhānam ### [22.8](https://indike.org/pramana/in.lit.kavya.khanda.gitakavya.sivalilamrtamahakavya.22.8) iti narapatisamudītaṃ rasikagadādharakavivaragītam jayati surabhitaśambhupadāmbujamadhukarasādaragītam ### [22.8-2](https://indike.org/pramana/in.lit.kavya.khanda.gitakavya.sivalilamrtamahakavya.22.8-2) viśvaṃ dṛśyamidaṃ vibho bhavadadhiṣṭhānādasampattayā caitanyaṃ paricīyate'pi jaḍyā buddhyā tadadhyāsata: madhyāntādivivarjitāya yatināṃ dhyānāyanāṅgāya te niḥsaṅgāya mataṅgajānanamahāsenātmajāyoṃ namaḥ ### [22.6-2](https://indike.org/pramana/in.lit.kavya.khanda.gitakavya.sivalilamrtamahakavya.22.6-2) stutvā tattvārthamittha śruticaramagirāṃ taṃ hariścandrabhūpo nistandraścandracūḍaṃ nijanagaramasau pratyavāsīdayodhyām¹ vibhrāṇaḥ śubhrarūpo kerasarasiruhātsatyavatyāstanūjo jāyāyai śailajāyai svayamatha bhagavānapaṃyāmāsa bhargaḥ ### [22.10](https://indike.org/pramana/in.lit.kavya.khanda.gitakavya.sivalilamrtamahakavya.22.10) sevātirekaparavaśyatayā jayāyāḥ sā nandanau giriśagauravato'pi gaurī paśyantyanugrahadaśā nitarāmapuṣṇādātmastanandhayaśiśudvayanirviśeṣam ### [22.11](https://indike.org/pramana/in.lit.kavya.khanda.gitakavya.sivalilamrtamahakavya.22.11) nityaṃ nṛtyadgirocairamaramṛgadaśāṃ sarvagandharvasaṃghairdevairmārgā² bhidhānairmadhuratalamiladgurvīṇāninādaiḥ nānākāropacārairipuraharapuraḥ sarvadā durvṛtadvi-(?) lebhe deveśavṛndaiḥ³ radhinagaramumājānirājānasaukhyam ### [22.12](https://indike.org/pramana/in.lit.kavya.khanda.gitakavya.sivalilamrtamahakavya.22.12) na pakṣe saṃkṣepa dadhadapi na rātriṃdivamidaṃ nijāṃ lakṣmīmṛcchutraṇamapi puradhvaṃsinagaram sudhādhāraiḥ śubhraṃ sakalakalamabhraṃkaṣatayāviḍmbaṃ viśvasya vyatanuta sudhāṃśoḥ samucitam ### [22.13](https://indike.org/pramana/in.lit.kavya.khanda.gitakavya.sivalilamrtamahakavya.22.13) atha navamavatīrṇaḥ pūrṇyāyan prītimantaḥ prabhuriva kusumānāṃ mālabhārī vasantaḥ malayanilayabhājā dattahasto'nilena pramadaparabhṛtābhirgītamāṅkyakīrttiḥ ### [22.14](https://indike.org/pramana/in.lit.kavya.khanda.gitakavya.sivalilamrtamahakavya.22.14) api kaṃcana paścaśaraprasaraṃ viddhadvividhaṃ vibudhādhipatau sa mudaṃ samudañcayituṃ jagatāmudajṛmbhata sambhṛtakāmamadaḥ ### [22.15](https://indike.org/pramana/in.lit.kavya.khanda.gitakavya.sivalilamrtamahakavya.22.15) diśi diśi samullasantaṃ tato vasantaṃ purārirākalayan ucce vācamudārāṃ nijadārān premapūragambhīrām ### [22.15.p1](https://indike.org/pramana/in.lit.kavya.khanda.gitakavya.sivalilamrtamahakavya.22.15.p1) ūnatriṃśaḥ prabandhaḥ ### [22.15.p2](https://indike.org/pramana/in.lit.kavya.khanda.gitakavya.sivalilamrtamahakavya.22.15.p2) vasantarāgeṇa gīyate ### [22.16](https://indike.org/pramana/in.lit.kavya.khanda.gitakavya.sivalilamrtamahakavya.22.16) sūḍaprabandhena samudayati sakhi smarasahacara ṛtupatireṣa viśeṣamanoharakusumasamūhanirantaranirbharamukharapikanikarakānana vikacakamalavanadhūnanaparimalamalayamahīdharamārutascaladabhinavapallavasaṃkulatarukulamaṇḍitasakaladigānana mallīmukulasaurabhalolubhasaṃmiladalimañjulaguñjitasampāditamanasijavijayadakambunādḍambara kokilakalakūjitaparicayactamukulanūtanapariṣvayaparihṛtanavasūnarasādaranāgarayuvahṛdaya niḥsāri vigataśītasamuditagharmasamayaśarmadam kusumasāravanavihāravalitataruṇasaṃmadam harṣamāṇakusumavāṇamānasamadavardhanam vidadhata mativirahiyuvatīhṛdayaṃ dhṛtivardhanam maṇṭhatālaḥ mañjulataravañjula¹ daradalitalasumanasam mṛdulagītamadhupapītakusumamadhuramadhurasam vikacakundasundarakīrtivitatatiśobhanam lokaya jananayanamadanamṛtupatimatilobhanam siṃhanandanatālaḥ mādhavīsādhuparirambhaṇārambhagatagandhabhṛtamandapavamānajakhalam candramukharajanimukhamuditadarpakakāminīkulakalitakāmahelam locanāsecanakakusumasamayodayaṃ lokamānābhinavamanavahelam dayitatanumaṅgamatimiṅgitaṃ kā nu bahumānayati māninī nānuvelam bhampakatālaḥ adhivanāvanivikacakiṃśukarājiriyamiha santatām vahati rasikavasantanāyakadantanakhapadakāntatām vikasadaravindamapallavāvalikaitavena vanaśriyā sphuṭamatanuranurāga āgata ṛtuvare dhṛtakāntayā tripuṭāntarā yatiḥ puṣpapacāpacyutairacyutairāśugaiḥ rāgiṇī lakṣitā¹ lakṣato bhāvinī bhāvinī lakṣyate śambharārerjayaśrīrasādhāraṇaiḥ kāraṇairdvinaḥ² aḍḍatāla: dalitalalitakuṅkumarasacarcitamañjarāgam savanasāragandhasāralambitaparabhāgam yuvatītiriha janayati bhṛśamupacitakāmam dhyāyati hṛdi dayitasatatasaṅgamamabhirāmam saptakalaḥ iha ramaṇīyaramaṇīvilāsā vikasitakairavabhairavahāsā antikagatamapi hanta nitāntaṃ kāmyate navanavamiva kāntam der̤hopaḍītāla: sakhi madhurayi madhuraparabhṛtālāpa-subhaga-dakṣiṇamarutā pathikamanasi kiṃcana calite mohanivahamahaha valayate ḍeṅki vā pañcakalā kalaya kalāvati dalitatalavaṅga malayanilayamanilaṃ sukhasaṅgam yo vitanoti pulakamayamaṅgaṃ jīvayatīva paretamaṅgam sārimānakuṅkukatāla: vahati viharaṇakelikānane svedabinducayasamuditamānane kanakakamalasadṛśi vimalamuktākābharaṇasugamamanupamatanunādhikā cācapuṭa: ṣaṭkala: śītakiraṇakiraṇarājirañjite gītatālakaṅkaṇagaṇaśiñjite lalitatalalitasadanarājadaṅgaṇe ratirasacalajana iha lalanāgaṇe niroṣṭhyagītam caturviṃśātakalena nalakūbaratālena sudati sudati viṣamaviśikhavitatibhirativirahiyuvatihṛdayamadayaratipatiriha samaya uddharyata api munijanatapaścitavanaviharaṇaratiṃ racayati sati madhuramadhurajaniranibhṛtaparabhṛtaviruti ||¹ sarvaṃ laghugītam triśatkalena nalakūbaratālena ghaṭayati kanakaghaṭastanī kāmam | apyasulabhaviṣayeṣu kāmam madhuratamayamadhunā | dhruvapadamadam prakaṭayati smaraśarapaṭimānam api munimānamamohanidānam iti ṛtupatiguṇavarṇanavacanam jayati gadādharakavivararacanam iha saha sumanobhirdrunayantī vadhūnāṃ hṛdayamudayamānā mārutī cārulīlā apaharati parāgaiḥ sākamevāparāgaṃ surabhirabhatadevaṃ sāmprataṃ gandhavāhaḥ ### [22.17](https://indike.org/pramana/in.lit.kavya.khanda.gitakavya.sivalilamrtamahakavya.22.17) subhagāvagāhanīrāḥ satāṃ manovatprasannagambhīrāḥ padmākarāḥ sarāgā sumukhi vasante vikāśante ### [22.18](https://indike.org/pramana/in.lit.kavya.khanda.gitakavya.sivalilamrtamahakavya.22.18) iti giripuruhūtāpatyamādratya patyā gaditamamṛtabindusyandisandarbhagarbham ṛtuvaraguṇagānaṃ guhyatī sāvadhānaṃ praṇayavinayasārāṃ vācamācaṣṭa gaurī ### [22.19](https://indike.org/pramana/in.lit.kavya.khanda.gitakavya.sivalilamrtamahakavya.22.19) iha vijanavanānte vartate no vihartuṃ spṛhayati mama cetastadviciktāya cetaḥ yadi mayi karuṇāsīdvāraṇāsīsadṛttaṃ kathaya dayita guptaṃ sthānamānandanāya ### [22.20](https://indike.org/pramana/in.lit.kavya.khanda.gitakavya.sivalilamrtamahakavya.22.20) tadanu varatanuṃ tāṃ prīṇayan prāṇanāthaḥ smitalilitamukhenduḥ sindhubandhupratīre adhidharaṇi yadeketyādi vedaprasiddhaṃ vipinamadamavādīdekacūtābhidhānam ### [22.21](https://indike.org/pramana/in.lit.kavya.khanda.gitakavya.sivalilamrtamahakavya.22.21) dārubrahmādinādhinārthavirajaḥkṣetrāṇi santyutkale deśo jaiminikhaṇḍavarṇanamahāmāhātmyaleśo khalu teṣāmantarabhūmibhūṣaṇamaṇībhūtāṃ prabhūtāmbubhiḥstīrthaiḥ koṭibhiruttamairabhidadhuryāṃ guptavāraṇasīm ### [22.22](https://indike.org/pramana/in.lit.kavya.khanda.gitakavya.sivalilamrtamahakavya.22.22) girīśavaravarṇinī giriśavarṇanākarṇarṇanādvabhāra bhaśamunmanāstadvalokanālolatām sa tāṃ himavataḥ sutāṃ trijagatāṃ dhurīṇaḥ pumānamanyata puraḥsarīmavatarītumasminvane ### [22.23](https://indike.org/pramana/in.lit.kavya.khanda.gitakavya.sivalilamrtamahakavya.22.23) sasāra sāranāyikā latālatālicāravaṃ¹ sasāratāralocanā prasārikokilāravam anantapū rupottamaprabhuprabhāvapālitaṃ vanaṃ tadekacūtakaṃ navapravālalālitam ### [22.24](https://indike.org/pramana/in.lit.kavya.khanda.gitakavya.sivalilamrtamahakavya.22.24) sugandhinā gandhavatīnabhasvatā vanaṃ tadā dhūnitasūnapallavam dadarśa saṃkandananandanādapi prati pratīkāṅkṣu tamadrinandanā ### [22.25](https://indike.org/pramana/in.lit.kavya.khanda.gitakavya.sivalilamrtamahakavya.22.25) nāgānāṃ nakulairbhavenna kalaho yasmin praśāntātmabhiḥ śyeno'pyena upādadota patagālambhārjitaṃ yatra na nirvairaiḥ praśamāyanairmunijanairadhyāsite dṛśyate prītyā yatra samaṃ kuraṅgaśiśubhiḥ śārdūlavikrīḍitam ### [22.26](https://indike.org/pramana/in.lit.kavya.khanda.gitakavya.sivalilamrtamahakavya.22.26) itastataścārucamūrunetrayā tadāpadāsārabhramāśayā tayā tyaloki liṅgaṃ tadanaṅgavairiṇo vadanti yadbrahmavidaḥ paraṃ padam ### [22.27](https://indike.org/pramana/in.lit.kavya.khanda.gitakavya.sivalilamrtamahakavya.22.27) vijñānī sātha sitāsitāruṇaṃ purāṇaliṅgaṃ puravairisundarī śrutipraṇītaṃ tatpūjayattadā samīhitābhiḥ sumanaḥ samṛddhibhiḥ ### [22.28](https://indike.org/pramana/in.lit.kavya.khanda.gitakavya.sivalilamrtamahakavya.22.28) antaramantaramuddhiman paśyannī viśvanāthano nātham astuvata tata² eṣā triguṇātītaṃ ca dṛkpathānītam ### [22.28.p1](https://indike.org/pramana/in.lit.kavya.khanda.gitakavya.sivalilamrtamahakavya.22.28.p1) viṃśaḥ prabandhaḥ ### [22.28.p2](https://indike.org/pramana/in.lit.kavya.khanda.gitakavya.sivalilamrtamahakavya.22.28.p2) maṅgalagujjarīrāgeṇa gīyate ### [22.4-2](https://indike.org/pramana/in.lit.kavya.khanda.gitakavya.sivalilamrtamahakavya.22.4-2) ṣaṭpadīkuḍḍukatālena hṛdaya bhaja tribhuvanavibhuliṅgam sakalasumaṅgalamalamalaliṅgam nigamapatha-prathamapathavidūram avitathamaviratakāmitapūram śāntamāntaratimirakhaṇḍanacaṇḍabhānumuditvaram citratanurucipākaśāsanasāyakāsanajittvaram asurasuranaranāgakinnarasiddhacāraṇasevitam yogimānasapaṅkaruhalasatsaurabhamanvitam tripuṭatālaḥ nirupamamapi¹ ruciruciratararūpam amṛtamamṛtasamvidānandarasakūpam satatakṛtasekaśatalakṣitaliṅgam akṣayālayakanakakūṭagiriśṛṅgam jhampakatālaḥ sukusumapuñjasuṣamapuñjamandamalayamārutam cañcalapikacañcarīkapaṭalapadrutamārutam maṇḍaya dalamamalapūtamakacūtakukānanam caṇḍakiraṇakhaṇḍanarucirucirataradigānanam ### [22.26-2](https://indike.org/pramana/in.lit.kavya.khanda.gitakavya.sivalilamrtamahakavya.22.26-2) maṇṭhatālaḥ hari-kamalāsanaparicaraṇīyam nāyakanāyakasadanusaraṇīyam munijanamānasanirmalahaṃsam kalitakamalākaraśakalavataṃsam marubhuvi mihiramarīciṣu kamalam sphurati yathā vitathātmakamamalam lasati tathā sati jagadidamamalam yatra vivarttitamasavapi sadalam yannijahṛdayarasoruhanihitam bhajata gadādharakavivararacitam¹ bhavabhayaśamanamakhilavipadapaham dadadavikhaṇḍitasukhaparamapadam² draṣṭāraṃ tvāṃ guṇapariṇate dṛṣṭasṛṣṭeradṛṣṭaṃ vijñātāraṃ nikhilajagatāmapyavijñātatattvam vyākarttāraṃ bhuvanabhavanasyāhuravyākṛtaṃ yaṃ sa tvaṃ sākṣātkṛta mama kathaṃ dṛkpathaṃ yāsi deva ### [22.30](https://indike.org/pramana/in.lit.kavya.khanda.gitakavya.sivalilamrtamahakavya.22.30) krānte sāsminnekadā kānanānte kuṇḍottīrṇaṃ kundapūrṇenduvarṇam kuṇḍodhnīnāṃ naicikīnāṃ sahasraṃ liṅgaṃ kṣīraiḥ snāpayallīkṣate sma ### [22.31](https://indike.org/pramana/in.lit.kavya.khanda.gitakavya.sivalilamrtamahakavya.22.31) saṃpaśyantyāḥ saurabheyīstatastāstatsyābhāvaḥ saṃgrahītuṃ babhūva jyotirliṅge kṣīrapūrābhiṣekaṃ kartuṃ bhartuḥ snehamantarvahantyāḥ ### [22.32](https://indike.org/pramana/in.lit.kavya.khanda.gitakavya.sivalilamrtamahakavya.22.32) gopāyantī tribhuvanamidaṃ gopayantī pumāṃsaṃ māṃsāśebhyo munijanamanaḥsthānamānandakandam pānto tāpātpaśupativadhūrgāmagādyarthayogād gopīrūpaṃ vipinamamunā tāḥ savatsā nyarautsīt ### [22.33](https://indike.org/pramana/in.lit.kavya.khanda.gitakavya.sivalilamrtamahakavya.22.33) dugdhaṃ svayaṃ navadugdhaṃ dugdhaṃ bhuvanādhināthaliṅgasya aṅge siñcantī sā kaṃcana manasaḥ prasādamagādumā ### [22.34](https://indike.org/pramana/in.lit.kavya.khanda.gitakavya.sivalilamrtamahakavya.22.34) tribhuvananāyakaliṅgādaiśānīmāsthitāmāśām pramathamahīpatimahiṣīṃ tadvadhi gopālinīti gāyanti ### [22.35](https://indike.org/pramana/in.lit.kavya.khanda.gitakavya.sivalilamrtamahakavya.22.35) liṅgaṃ gāṅgeyajūṭānalanilayacaraṃ śūlinaḥ pūrayantī śraddhāṃ baddhāntaraṅgānanamavanamitā kurvatī pārvatī sā vāsairāśāmaśeṣāṃ kusumavisarairnirbharaṃ pūrayantī reme rāmā purārervipinabhuvi purā vāraṇasyāmivāsyām ### [22.35.p1](https://indike.org/pramana/in.lit.kavya.khanda.gitakavya.sivalilamrtamahakavya.22.35.p1) iti śrīmadbicintyānandapaṇḍitakṛte śivalīlāmṛte mahākāvye ekāmrakānanavarṇanaṃ nāma saptamaḥ sargaḥ --- Source: [https://indike.org/pramana/in.lit.kavya.khanda.gitakavya.sivalilamrtamahakavya.22](https://indike.org/pramana/in.lit.kavya.khanda.gitakavya.sivalilamrtamahakavya.22) · Pramāṇa