Shivalilamritamahakavya 23

Śivalīlāmṛtamahākāvya 23

Language: Sanskrit

23.8 — 2 parts

23.1

aṣṭamaḥ sargaḥ
athaikadaikāntavanāntaraikikāṃ
vikāśipaṅkeruhacārulocanām
samīkṣya tāṃ coṇinarendrakanyakāmakāmayetāṃ drumillasya nandanau

23.2

ratāṃ vane tāṃ bhuvaneśapūjane
navaprasūnānyavacinvatīṃ satīm
pratīyanau paṭucāṭukoktibhirvibhinnadharmasthitivācamūcatuḥ

23.3

kāpi tvaṃ karabhoru bhoginagarīkanyāsi vanyācarī
gandharvī kimu kinnarī kimathavā paurandarī sundarī
kiṃvā śambaravairivīraramaṇī bhūṣāmaṇī yoṣitāmāho sindhusutā natāṅgi bhavatīṃ spaṣṭaṃ na jānīmahe

kodaṇḍaśralacillīvallaririyaṃ nīle dṛśāvutpale
bhrūḥ kho'sāvatisaurabhaḥ smitalavo mallīmatallī tava
pāṇiḥ śoṇitapaṅkajaṃ kalayase'śokaṃ manastanvi tattanvyāḥ sāṅgamanaṅgamaṅga na kathaṃ dagdhastamastārpaṇāva (?)

23.5

āsyaṃ te khalu śītanīdhitirayaṃ māleyamindīvarī
līlāpāṅgataraṅgitāni kamale pāṇī imau komalau
rambhāśītalaśailamūruyugalaṃ lāvaṇyasārāāmbudhe
tannau tanvi vidhehi saṅgamasukhenānaṅgatāpacchayam

23.6

muktānāṃ guṇasantato rucijuṣāṃ śreṇībhirārādhitaḥ
prauḍhāṃ darpakadarpasampadamalaṃ saṃbaddhayannīciṇāv
nityaṃ bhogavibhūṣaṇātisubhagaḥ śrīkhaṇḍacandrāṅkito
rambhorustanakumbha eṣa tulanāṃ śambhostavālambate