Shivalilamritamahakavya 24
Śivalīlāmṛtamahākāvya 24
- Language
- Sanskrit
24.1
nīlakaṇṭhaśikhaṇḍamaṇḍanacārukeśām
maulimañjulakusumasaṃcayasaṃniveśām
kanakamayakuṇḍalojjvalagaṇḍadeśām
kundakumudakadambaḍambarahāsaleśām
sā nipīya dṛśā bhṛśamāturayā maheśām
prāpa kāmapi gopikāmudasaṃniveśām
dhruvapadamidam
24.2
cillīcalukitamāninījanamānasindhum
nīlanīrajalocanaṃ nijajīvabandhum
kambukaṇṭhabilambamānakadambamālam
lalitamāpadalambayā vanamālayālam
24.3
racitavividhavidhānagairikatilakabhālam
pītapaṭaparivītakaṭitaṭakāñcījālam
24.4
muralikākalagītanarttitahariṇabālam
raṇitamaṇimayakaṅkaṇālayakalitanālam
24.5
śṛṅgareravaśṛṅgasaṅgatacāhumūlam
surabhivanabhavasūnapallavacumbitacūlam
24.6
nārārinayanābhimataśubhanābhikūpam
romarājivirājamānamudārurūpam
24.7
caraṇapaṅkajasahajasahacarahaṃsakāmam
mṛdulapadatalapūtabhūtalaparamalābham
24.8
paśupatanumitipaśupatipratisapraṇītam
jayati bhuvi kavivaragadādharasarasagītam
24.9
paśyantyatha smarapathaṃ dayitaṃ vidhāya
nirmanthanaṃ svatanucampakacārumālām
tatpādapaṅkaruhi kuścitakeśajālaṃ
śaivālamātanuta sānumataḥ kumārī
24.10
tataḥ samutthāpitayā pinākinā
bhujopapīḍaṃ parirabhya nirbharam
durātmatāṃ bhaṇyata kīrttivāsasoḥ
sayogyametadvadhamaṅghyacīkarat
24.11
tathāgatāṃ tāṃ nṛpanandanadvayaṃ
vicinyadunmattamiva bhramadvane
navaprasūnānyavacinvatāṃ punarvilokyāmāsa vilolalocanām
24.12
athopagamyatāmetau manmathonmāthimānasau
mānasaubhāgyavācāṭau cāṭuvācamavocatām