[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Shorter narrative and descriptive poems](https://indike.org/pramana/in.lit.kavya.khanda) › [Musical poems after the Gītagovinda](https://indike.org/pramana/in.lit.kavya.khanda.gitakavya) › [Shivalilamritamahakavya](https://indike.org/pramana/in.lit.kavya.khanda.gitakavya.sivalilamrtamahakavya) › 24 # Shivalilamritamahakavya 24 Śivalīlāmṛtamahākāvya 24 - **Language:** Sanskrit ### [24.1](https://indike.org/pramana/in.lit.kavya.khanda.gitakavya.sivalilamrtamahakavya.24.1) nīlakaṇṭhaśikhaṇḍamaṇḍanacārukeśām maulimañjulakusumasaṃcayasaṃniveśām kanakamayakuṇḍalojjvalagaṇḍadeśām kundakumudakadambaḍambarahāsaleśām sā nipīya dṛśā bhṛśamāturayā maheśām prāpa kāmapi gopikāmudasaṃniveśām dhruvapadamidam ### [24.2](https://indike.org/pramana/in.lit.kavya.khanda.gitakavya.sivalilamrtamahakavya.24.2) cillīcalukitamāninījanamānasindhum nīlanīrajalocanaṃ nijajīvabandhum kambukaṇṭhabilambamānakadambamālam lalitamāpadalambayā vanamālayālam ### [24.3](https://indike.org/pramana/in.lit.kavya.khanda.gitakavya.sivalilamrtamahakavya.24.3) racitavividhavidhānagairikatilakabhālam pītapaṭaparivītakaṭitaṭakāñcījālam ### [24.4](https://indike.org/pramana/in.lit.kavya.khanda.gitakavya.sivalilamrtamahakavya.24.4) muralikākalagītanarttitahariṇabālam raṇitamaṇimayakaṅkaṇālayakalitanālam ### [24.5](https://indike.org/pramana/in.lit.kavya.khanda.gitakavya.sivalilamrtamahakavya.24.5) śṛṅgareravaśṛṅgasaṅgatacāhumūlam surabhivanabhavasūnapallavacumbitacūlam ### [24.6](https://indike.org/pramana/in.lit.kavya.khanda.gitakavya.sivalilamrtamahakavya.24.6) nārārinayanābhimataśubhanābhikūpam romarājivirājamānamudārurūpam ### [24.7](https://indike.org/pramana/in.lit.kavya.khanda.gitakavya.sivalilamrtamahakavya.24.7) caraṇapaṅkajasahajasahacarahaṃsakāmam mṛdulapadatalapūtabhūtalaparamalābham ### [24.8](https://indike.org/pramana/in.lit.kavya.khanda.gitakavya.sivalilamrtamahakavya.24.8) paśupatanumitipaśupatipratisapraṇītam jayati bhuvi kavivaragadādharasarasagītam ### [24.9](https://indike.org/pramana/in.lit.kavya.khanda.gitakavya.sivalilamrtamahakavya.24.9) paśyantyatha smarapathaṃ dayitaṃ vidhāya nirmanthanaṃ svatanucampakacārumālām tatpādapaṅkaruhi kuścitakeśajālaṃ śaivālamātanuta sānumataḥ kumārī ### [24.10](https://indike.org/pramana/in.lit.kavya.khanda.gitakavya.sivalilamrtamahakavya.24.10) tataḥ samutthāpitayā pinākinā bhujopapīḍaṃ parirabhya nirbharam durātmatāṃ bhaṇyata kīrttivāsasoḥ sayogyametadvadhamaṅghyacīkarat ### [24.11](https://indike.org/pramana/in.lit.kavya.khanda.gitakavya.sivalilamrtamahakavya.24.11) tathāgatāṃ tāṃ nṛpanandanadvayaṃ vicinyadunmattamiva bhramadvane navaprasūnānyavacinvatāṃ punarvilokyāmāsa vilolalocanām ### [24.12](https://indike.org/pramana/in.lit.kavya.khanda.gitakavya.sivalilamrtamahakavya.24.12) athopagamyatāmetau manmathonmāthimānasau mānasaubhāgyavācāṭau cāṭuvācamavocatām --- Source: [https://indike.org/pramana/in.lit.kavya.khanda.gitakavya.sivalilamrtamahakavya.24](https://indike.org/pramana/in.lit.kavya.khanda.gitakavya.sivalilamrtamahakavya.24) · Pramāṇa