Shivalilamritamahakavya 25

Śivalīlāmṛtamahākāvya 25

Language: Sanskrit

25.22 — 2 parts

25.1

vada tava kumudakalākarasundaravadanavilokanalolam
ko'nunayanacakoramaniśa mayi khelayati sma vilolam
sundari niśāmaya vācamudārām
ācara taducitamanu na cirādanurāgasudhārasadhārām
dhruvapadamidam

25.2

tava navapallavamadhuratarādharamadhurasasarabhasapānam
subhagatamaṃ katamaṃ janayati janamammṛtakṛtātivigānam

25.3

sutanu vitanusaṅgamanaṅgamahodayadāyivilāsam
ciramanugatavati dāsajane savikāsakumudamṛduhāsam

25.4

bhramarataralataratāravilocanasarasiruhaṃ tava kāmam
kusumaśarāsanabāṇarahitamapi jāpayate kila kāmam

25.5

vellitacillīlatā kupitā hṛdi kalayasi no yadi nāśām
santatanudantanakharakharakharaghātanabāhuyugalagalapāśām

25.6

bhavadavato'jani śubhadivasāvadhigāḍhamudayatanurāgam
nayanayugaṃ kavacidapi na vitṛpyati taditaraviṣayavirāgam

25.7

parihara nau na vihara varavarṇini sukhamadhisaughaniketam
hanta vanaṃ tava nedamucitamiva kaṇṭakaviṣamasametam

25.8

iti dharavaratanayānunayākulakīrtivāsamudāhṛtam
jayati rasikanavadurgadharādhipasukavigadādharagītam

25.13

iti smaronmāthavaśaṃvadātmanormanorathaṃ hanta durantasārasam
avetya daityātmajayorbharaṃ sā vilocanaṃ kokanadacchadacchaviḥ

skandhārohyāya satyamiyamabhidadhatī vañcayitvā vicittau
pādābhyāṃ niṣipeṣa kṣitipatitanayau kṣemahīnau cchalena
utphullalocanānāṃ divi ca diviṣadāṃ paśyatāṃ tatra devī
devīpādābhidhānaṃ trinayanavanitā nirmame puṇyatīrtham

25.15

śramādivātha pramadā pinākino
manorame kuñjakuṭīrakuṭṭime
sukhaṃ nidrau samupāgataśca tatklamāpanodāya tadā sadāśivaḥ

25.16

kāntaṃ padāntopagataṃ vilokya
trepe samākuñcitavāmapādā
śrāntā śayānā smaravairikāntā
tadādi sā pādaharā pratītā

25.17

tadanyayātha priyayābhiyācitaḥ
suśītatoyaṃ kila nīlalohitaḥ
cakhāna śūlena tadāśuvāpikāṃ
prakāmamaprāpayadambu cāmbikām

25.18

tīrthānāṃ pāvanānāmadhikṛtaparamānandamādāya binduṃ
binduṃ bālendumaulirbhuvanatalato līlayādhuṣṭakoṭeḥ
cakre bindudbhavākhyaṃ vimalamiha saraḥ pāpasantāpanāśaṃ
yatrāste'ntaḥprakāśaṃ trijagati viditā vāpikā śāṅkarasya