[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Shorter narrative and descriptive poems](https://indike.org/pramana/in.lit.kavya.khanda) › [Musical poems after the Gītagovinda](https://indike.org/pramana/in.lit.kavya.khanda.gitakavya) › [Shivalilamritamahakavya](https://indike.org/pramana/in.lit.kavya.khanda.gitakavya.sivalilamrtamahakavya) › 25 # Shivalilamritamahakavya 25 Śivalīlāmṛtamahākāvya 25 - **Language:** Sanskrit ## Contents - [25.22](https://indike.org/pramana/in.lit.kavya.khanda.gitakavya.sivalilamrtamahakavya.25.22) — 2 parts ### [25.1](https://indike.org/pramana/in.lit.kavya.khanda.gitakavya.sivalilamrtamahakavya.25.1) vada tava kumudakalākarasundaravadanavilokanalolam ko'nunayanacakoramaniśa mayi khelayati sma vilolam sundari niśāmaya vācamudārām ācara taducitamanu na cirādanurāgasudhārasadhārām dhruvapadamidam ### [25.2](https://indike.org/pramana/in.lit.kavya.khanda.gitakavya.sivalilamrtamahakavya.25.2) tava navapallavamadhuratarādharamadhurasasarabhasapānam subhagatamaṃ katamaṃ janayati janamammṛtakṛtātivigānam ### [25.3](https://indike.org/pramana/in.lit.kavya.khanda.gitakavya.sivalilamrtamahakavya.25.3) sutanu vitanusaṅgamanaṅgamahodayadāyivilāsam ciramanugatavati dāsajane savikāsakumudamṛduhāsam ### [25.4](https://indike.org/pramana/in.lit.kavya.khanda.gitakavya.sivalilamrtamahakavya.25.4) bhramarataralataratāravilocanasarasiruhaṃ tava kāmam kusumaśarāsanabāṇarahitamapi jāpayate kila kāmam ### [25.5](https://indike.org/pramana/in.lit.kavya.khanda.gitakavya.sivalilamrtamahakavya.25.5) vellitacillīlatā kupitā hṛdi kalayasi no yadi nāśām santatanudantanakharakharakharaghātanabāhuyugalagalapāśām ### [25.6](https://indike.org/pramana/in.lit.kavya.khanda.gitakavya.sivalilamrtamahakavya.25.6) bhavadavato'jani śubhadivasāvadhigāḍhamudayatanurāgam nayanayugaṃ kavacidapi na vitṛpyati taditaraviṣayavirāgam ### [25.7](https://indike.org/pramana/in.lit.kavya.khanda.gitakavya.sivalilamrtamahakavya.25.7) parihara nau na vihara varavarṇini sukhamadhisaughaniketam hanta vanaṃ tava nedamucitamiva kaṇṭakaviṣamasametam ### [25.8](https://indike.org/pramana/in.lit.kavya.khanda.gitakavya.sivalilamrtamahakavya.25.8) iti dharavaratanayānunayākulakīrtivāsamudāhṛtam jayati rasikanavadurgadharādhipasukavigadādharagītam ### [25.13](https://indike.org/pramana/in.lit.kavya.khanda.gitakavya.sivalilamrtamahakavya.25.13) iti smaronmāthavaśaṃvadātmanormanorathaṃ hanta durantasārasam avetya daityātmajayorbharaṃ sā vilocanaṃ kokanadacchadacchaviḥ ### [25.14](https://indike.org/pramana/in.lit.kavya.khanda.gitakavya.sivalilamrtamahakavya.25.14) skandhārohyāya satyamiyamabhidadhatī vañcayitvā vicittau pādābhyāṃ niṣipeṣa kṣitipatitanayau kṣemahīnau cchalena utphullalocanānāṃ divi ca diviṣadāṃ paśyatāṃ tatra devī devīpādābhidhānaṃ trinayanavanitā nirmame puṇyatīrtham ### [25.15](https://indike.org/pramana/in.lit.kavya.khanda.gitakavya.sivalilamrtamahakavya.25.15) śramādivātha pramadā pinākino manorame kuñjakuṭīrakuṭṭime sukhaṃ nidrau samupāgataśca tatklamāpanodāya tadā sadāśivaḥ ### [25.16](https://indike.org/pramana/in.lit.kavya.khanda.gitakavya.sivalilamrtamahakavya.25.16) kāntaṃ padāntopagataṃ vilokya trepe samākuñcitavāmapādā śrāntā śayānā smaravairikāntā tadādi sā pādaharā pratītā ### [25.17](https://indike.org/pramana/in.lit.kavya.khanda.gitakavya.sivalilamrtamahakavya.25.17) tadanyayātha priyayābhiyācitaḥ suśītatoyaṃ kila nīlalohitaḥ cakhāna śūlena tadāśuvāpikāṃ prakāmamaprāpayadambu cāmbikām ### [25.18](https://indike.org/pramana/in.lit.kavya.khanda.gitakavya.sivalilamrtamahakavya.25.18) tīrthānāṃ pāvanānāmadhikṛtaparamānandamādāya binduṃ binduṃ bālendumaulirbhuvanatalato līlayādhuṣṭakoṭeḥ cakre bindudbhavākhyaṃ vimalamiha saraḥ pāpasantāpanāśaṃ yatrāste'ntaḥprakāśaṃ trijagati viditā vāpikā śāṅkarasya ### [25.16-2](https://indike.org/pramana/in.lit.kavya.khanda.gitakavya.sivalilamrtamahakavya.25.16-2) tīrthāni paṅkaruhamaṇḍalamaṇḍitāni tatropatīrthanikaraṃ ca haraścakāra yatsevanātsakṛdapi praviśanti yonau na brahmasambidmṛte'pi janā jananyāḥ ### [25.20](https://indike.org/pramana/in.lit.kavya.khanda.gitakavya.sivalilamrtamahakavya.25.20) atha kadācidacintitavaibhavaḥ priyatamāmatamākalayan bhavaḥ anusasāra vihartuṃ manā janānupahataṃ taṭinītaṭakānanam ### [25.21](https://indike.org/pramana/in.lit.kavya.khanda.gitakavya.sivalilamrtamahakavya.25.21) sugandhibhirgandhavatosamudbhavairvarṇaivaiḥ sarojairadhivāsitāntaram taraṅgasaṅghātituṣāramāruta vanapriyavrātamadhuvratākulam ### [25.22](https://indike.org/pramana/in.lit.kavya.khanda.gitakavya.sivalilamrtamahakavya.25.22) saridvarāṃ tuṅgataraṅgaśobhitāṃ vikāśipaṅkeruhaṣaṇḍamaṇḍitām sa tatra citrotpalamālabhāriṇīṃ nirīkṣya devīmavadat priyamvadaḥ ### [25.22.p1](https://indike.org/pramana/in.lit.kavya.khanda.gitakavya.sivalilamrtamahakavya.25.22.p1) trayastriṃśaḥ prabandhaḥ ### [25.22.p2](https://indike.org/pramana/in.lit.kavya.khanda.gitakavya.sivalilamrtamahakavya.25.22.p2) sāraṅgarāgeṇa gīyate --- Source: [https://indike.org/pramana/in.lit.kavya.khanda.gitakavya.sivalilamrtamahakavya.25](https://indike.org/pramana/in.lit.kavya.khanda.gitakavya.sivalilamrtamahakavya.25) · Pramāṇa