Shivalilamritamahakavya 26

Śivalīlāmṛtamahākāvya 26

Language: Sanskrit

26.29 — 2 parts

26.1

sundaradaladaravindamukhī mukharabhramaradhvanigītā
śaivalakomalanālakalāpavatī rasasampadudītā
preyasi gandhavatī yuvasīyam
valayati kalaya balādiva mānasamatikutukāya madīyam
dhruvapadamidam

26.2

anilataralanavanīlasarojasalīlavilocanamānā
viṣadakuśeśayasadhyamandahasitaśitarocirahīnā

26.3

mṛdulamṛṇālabhujāruṇakuvalayamañjulakaratalaśobhā
saṃhatamithunarathāṅgadhṛtastanakanakakalaśalasadābhā

26.4

dadhatī sarasagabhīranijāmṛtamanusṛtakelinitambā
jaladaparidhānataṭānavaguṇṭhitaprathutarapulinanitambā

26.5

kalitasālakalahaṃsavatasakaromāvalilasadaṅgā
nayanamanoramanīraparibhramapaṭutamanābhivibhaṅgā

26.6

jalacaravividhavihaṅgamakalakalarasanāravaparabhāgā
antaracarakarimakarakarasphuradurujanitajanarāgā

26.7

haṃsakataralavalayamukharīkṛtaśoṇamaroruhapādā
tadudarakesaranikarasamāhṛtanakhamaṇikiraṇavivādā

26.8

itikṛtagandhavatīguṇavarṇanamandhakaripusamudītam
sarasamapadaṃ himagiritanayāmanujayati gadādharagītam

26.23

evaṃ dhunīmadhurimāṇamumāsahāyastatrābhinandya dhutanandanamādhurike
kelīvane kusumakalpitatalpapuñje kuñje ratiṃ sa gṛhamedhivadāsasāda

26.24

khapāṇipadmāvacitaiḥ ruciraiḥ rucirasthale
akalpaṃ kalpayāmāsa bhavāmyāḥ kusumairbhavaḥ

26.25

lokānāmatha manmathaprasaraṇaṃ citte dadhatkāmināṃ
lokānāṃ karaṇīyamūḍhamanasāṃ śokātirekānapi
śraśrāntaṃ haritāṃ paribhramavaśādudbhūtabhūriśramo
viśrāmāya nu bhānumānupayayāvastācalādhityakām

nīte'stācalatuṅgaśṛṅgamavaśaṃ niḥśeṣanaśyaddyutau
sannāśve vinipātitena vidhinā¹ nīre gabhīre'mbudheḥ
ambhojairmukhamudraṇātinipuṇairambhodheḥ saṃbhavenmitreṣvāpadi no jaḍāśrayajuṣāṃ vācāpi sāhāyyakam

26.27

uccairapyapahāya dānavahulaṃ vetaṇḍagaṇḍasthalaṃ
yaṃ śrīlaṃ khalu śiśriye jalaruhaṃ saurabhyalubdhanmanāḥ
mitre naśyati so'yamasya vaśavattatraiva durdaivataḥ
kārāgārati caścarokacaturaḥ kāṃ kāṃ daśāṃ nāsthitaḥ

26.28

iha vāruṇīsvara(?)saro'vanataṃ patitaṃ nirīkṣya vata mitramapi
ucitaṃ kimācaratu padmakulaṃ mukhamudraṇāṃ śaraṇamekamṛte

26.29

nīte vedatanau balādiva payaḥpūra puro vāridheḥdhvarvāntaikāntaniśācareṇa rajanīprārambha eva kṣaṇāt
saṃbhūyastuvatāmavarttaṃ tatarāmuccairdvijānāṃ vacaḥ
kiṃ bhūyaḥ pṛthuromarūpakalpanā kleśāya keśidviṣaḥ

26.29.p1

mārttaṇḍe jagadaṇḍadīpakalikāryātidiṣṭe cirādāsīdūrdhvakapālapālikalitaṃ yatkajjalaṃ śyāmalam
nīrandhraṃ samabhāritena gaganaṃ vyājāndhakārāhvanā
yatronmīlitanirvivekavadabhūnno tāratamyasthitiḥ

26.29.p2

iti śrīmadagnicinnityānandapaṇḍitakṛte śivalīlāmṛte mahākāvye ekāmravanavihāro nāmāṣṭamaḥ sargaḥ