Shivalilamritamahakavya 28
Śivalīlāmṛtamahākāvya 28
- Language
- Sanskrit
28.1
catustriṃśaḥ prabandhaḥ
anugatarāgasarāgamadhuratatagītakalāsamudītaguṇe
gāyati yuvatigaṇe hṛdyaṅgamasudayadanaṅgamade nipuṇe
dhruvapadamidam
28.2
vipulakapolapulakacayacumbanamuditanitambavatīnikare
atanumadāhitatanuparirambhaṇalambhitaratiśaśikhaṇḍadhare
28.3
kuṅkumareṇunicayakṛtakhelanarañjitasakaladigantamukhe
vilasadapāṅgataraṅgayuvatijanasaṅgamanirupamadayitasukhe
28.4
iti dhṛtarāsarasādarapuraharaviharaṇāvarṇanavipadapade
rasikagadādharakavibhaṇite matimiha balayati khalu ko nu mude
28.7
etāsāmatha rāsamaṇḍalajuṣāṃ yoṣāvarāṇāmabhūdyo'sau bhāgamadādanaṅgajayini svādhīnadhīrīśvare
tāmetāṃ pratihantumantaradadhādantarbatāṃ tatkṣaṇādantarthargamipumānumāsahacaraḥ sākaṃ tayā śaṅkaraḥ
28.8
antardhānamupetya so'pyabhimukhaṃ caṇḍatviṣā ca priyetāsāṃ nāmasukhāvahaṃ vanamaho tatpādinīnāmiva
cintāmanta¹masatprasarpaṇavaśabhraṃśādbahiḥsphūrttayaḥ
paśyanti sma mṛgīdṛśo daśadiśaḥ śūnyāḥ paraṃ sarvaśaḥ
28.6
puraripustu supuṣṭitamādhavīkusumamañjunikuñjaniketanam
adhivasannavatanvi¹ samīhito
dayitayā ramate sma samaṃ tayā
28.10
cārutāruṇyalāvaṇyalīlālālitamānasaḥ
śambhuḥ sambodhayāmāsa mohinīti priyāṃ muhuḥ
28.11
priyatamāntaranāmapadabhramādudayadindusabandhumukhīśvarā
adhitakopamathapremathāgraṇīranunināya vināyakamātaram