Shivalilamritamahakavya 29
Śivalīlāmṛtamahākāvya 29
- Language
- Sanskrit
29.1
surabhisamayamimamatimadhuram
mā viphalaya vidhumukhī madhuram²
mānini parihara mānabharam
mānaya kiṃcana pañcaśaram
dhruvapadamidam
29.2
namayasi kimayi mukhaṃ ruciram
likhasi bhuvaṃ ca nakhena ciram
29.3
ucitamidaṃ tava kimu dayite
vada³ vacanaṃ guṇavati mayi te
29.4
vismarasi smaralalitamaye
kathamiha kusumamaye samaye
29.5
jayati mumukhi tava nayanamidam
rāgaṃ vamadiva kokanadam
29.6
snapayasi nayanajalena tanum
nūnamatanuparitāpatanum
29.7
sakhi mukhamunnamaya mandahasam
sakalakalaṃ jayacandrahasam
29.8
iti giriśoditacaṭuvacanam
jayati gadādharakṛtaracanam
29.12
sanālamaruṇāmbujaṃ śāradijena pūrṇena no¹
nitambinīvirodhinā na parirambhaṇāyocitam
pratīpaparivarjanaṃ parajanasya yanmanyase
vaśībhavasuhṛjjanaṃ tyaja na² mānalobhena mām
29.13
vasantī vāsantī sarabhasaparīrambhacatule
rasāle sārambhaṃ sudati kalakaṇṭhī nigadati
samāsaṅge 'naṅge³ paricarati kāntaṃ priyatamā
na mānasya śrīmānayamavasaraḥ puṣpasamayaḥ
29.14
atha yaugikamarthamunnayantī dayitodīritamohinīpadyam
haracāṭugirā parāsyamānaṃ paramānandamavindadaṅganā sā
29.15
tataḥ kuñje puñje navakusumapuñje vicarataḥ
svataśśvañcāmīkaranikararocīrucirayā
parādhīnasyeva smaranigamapāraṃgamatayā
tayā śambhorāsīdrata vividhasambhogalalitam
29.16
vinākṛtāścandrakacumbimaulinā
vilāsinā yā vipināntaraṅganā:
athānyathā bhūtadhiyo viyogataḥ
parasparaṃ tā: jagadu: sudu:khitā:
29.17
asmākaṃ vidadhe na kānamidaṃ kiṃ nāma netrotsavaṃ
bāraṃbāramiyaṃ dadhau na taṭinī kaṃ vā pramododayam
sakhya: saṃprati kampayatyatitarāṃ ceta sahetudruve
durdaive sati kasya kiṃ nu sukhadaṃ preyo viyogo yata:
29.18
pūrvaṃ yena paṭoraparvatakuṭīsaṃcāriṇā no mano
mandaṃ gandhavahena valguvahatā nirvedamāmoditam
viśleṣe hariṇāṅkabhūṣaṇamayehentābalānāṃ puna:
santāpāya sa eva sāmpratamaho dākṣiṇyamasyorjitam
29.19
spaṣṭoccāvacamaṇḍalaṃ pratidinaṃ nakṣatravaṃśāgraṇīrekāntaṃ ca niśānte eva viharannantaḥ kulānāṃkula:¹
muṣṇan divyapadāśrayeṇa janitāmapyeva lakṣmīṃ satāṃ²
kirājeti padābhimānamucitaḥ prāptuṃ tuṣāradyuti:
29.20
iṣṭaṃ cetasi diṣṭaṃ no ghaṭayituṃ nirmāyamārambhavattatra saṃpreti kiṃ vyavasthati bhavaḥ smerānanācchādanāv
yadyasthādanavasthitena manasā nāsthā punastatra te
tenaivādya na vidyamānaviharavyāsaṅgabhaṅgaḥ katham
29.21
atha tāmrinayanavanitāntaratāpaṃ pralāpagiram
pṛcchanti sma puraḥsthān vanataruvīrunmṛgānmṛgayamāṇāḥ