Shivalilamritamahakavya 30
Śivalīlāmṛtamahākāvya 30
- Language
- Sanskrit
30.1
ṣaṭtriṃśaḥ prabandhaḥ
sāraṅgarāgeṇa gīyate
caladala kalayasi kila śaśicūḍam
parihitaparijanamatra nigūḍham
kva nu vijane kelivane | vilasati paśupatiriha gahane
dhruvapadamidam
30.2
kiraṇataruṇatamamaruṇadyugantam
nigada paraḥśatamanmathakāntam
30.3
vaṭatalanikaṭanikuñjamupetam
vyañjaya maṇimayabhūṣaṇametam
30.4
vañjulaśākhidharamañjulavadanam
kadanamadanārimitasukhasadanam
30.5
cūta tamanudinanūtanaśobham
sthagayasi kiṃ viṭapena salobham
30.6
ketaki na vadasi taṃ sitabhāsam
bahasi paraṃ tu kusumamṛduhāsam
30.7
paśyasi hariṇi śakitanayanakāntam
dṛṣṭavatī bhavatī nanu kāntam
30.8
iti sitikaṇṭhavadhūjanagītam
janayati gadādharakavisamudītam
30.27
itthaṃ gandhavatīpratīravipine śrāntāḥ samantādimā
bhrāmaṃ bhrāmamumāsakhaṃ tarulatāḥ papracchurutkaṇṭhitāḥ
jānanti sma sadāpi sarvajagatāmantaścaraṃ śaṅkaraṃ
māyāgolitacakṣuṣāmaviduṣāṃ śaivaṃ paraṃ naiva tu
30.23
svedodabinducayacumbitavaktrapadmā
vāmāḥ śirīṣasukumāratamāṅgavalyaḥ
palyaṅkatūlaśayanocitapādacārāstā hanta danturitakaṇṭakiteṣu¹ ceruḥ
30.24
parimṛjyāpyavane vijane priyaṃ
nahi samīhitasiddhimupeyivān
kanakakūṭadharādhipaśruṅgalāmavatatāra dhunīmavalājanaḥ
30.25
tataḥ sphuṭatkumudatīkusumasampadāmodite
taraṅgaśatasaṅkamatkalamahaḥsphuranmāhute
prasannatuhinadyatidviguṇaśubhrite saikate
vanabhramaṇavedanāmapanināya nārījanaḥ²
30.26
kiṃcana svacana trilonaṃ manvānāḥ kāścanādridhanvānam
api nijahṛdi nivasantaṃ satataṃ saṃ gānamajjanāścakuḥ