Shivalilamritamahakavya 31
Śivalīlāmṛtamahākāvya 31
- Language
- Sanskrit
Contents
- 31.34 — 1 part
31.1
saptatriṃśaḥ prabandhaḥ
varāḍīrāgena gīyate
purahara parijanamimamatidīnam
parihara subhaga na saubhagahīnam
……ye……ya ……dṛśā¹
nīlasalilanalinasadṛśā
dhruvapadamidam
31.2
tvadupanataṃ yuvatijanametam
pālaya pulinabhuvīśasametam
31.3
gaṇayasi no nanu paramaparādham²
na vadasi khalu tava hṛdayamagādham
31.4
darśaya vadanasudhādharabimbam³
nāśaya hṛdayatimiramavilambam⁴
31.5
madhuramadharamadhu pāyaya kāmam
pūraya no na cirādiva kāmam
31.6
kāmamathana bhava vāridhiyāyam
yathayati yauvanamupacitamāyam
31.7
tava caraṇaṃ śaraṇaṃ yadi kalitam
kimiva phalaṃ na varodaramilitam
31.8
iti varahiyuvatīcayavacanam
jayati gadādharasundararacanam
31.27
atha tāḥ sikatāliṅge saṃbhṛtasalilaprasūnasambhārāḥ
aniśabhayaṅkaramārāḥ śaṅkaramārādhayāmāsuḥ
31.28
tāsāṃ prasādasāṃmukhyādatha prakhyātavaibhavaḥ
dṛdarśayiurātmānaṃ veṇumaccaṇayadbhavaḥ
31.29
nipīya muralīnādaṃ prasādaṃ gaurīśasya tāḥ
tataścakitanetrāntāstatkāntāstatkarmamatra ban
31.30
mṛdvīkā dhuvadhārayā viracitā mṛdvī na veṇoriyaṃ
vāṇīya śitasambhavā na madhunā no sādhunā nirmitā
niṣpannā sudhayā navā navanavāsvādā tadā cakṣmahe
gaurīśādharamādhurīdharaparipāko'yamunmīlati
31.31
iti nivarṇayantīnāṃ muralīravacāravam
rūpaṃ bibhrannavanavaṃ tāsāmāvirabhūtprabhuḥ
31.32
saṃvītā vanamālayā kaṭitaṭasphītāṃśuśītāṃśukā
tāsāṃ locanagocaraṃ samagamacchyāmātanuḥ śāṅkarī
prauḍhākhaṇḍalacāpamaṇḍalamalatsaudāminīśobhinī
sāṣāḍhīnaghanāghanāvalirivānantātisantāpanut
31.33
vilokya vāmāḥ stutamāttasambhramāḥ
samājamākasmikamāgataṃ janam
nanandurindīvarasundarekṣaṇāḥ
kṣaṇādathaikāṅkalakalānirīkṣaṇāt
31.34
saṃpādyāsanamuttarīyavasanaṃ taṃ pādyatoyena tāḥ
kampādhīnatanūlatāḥ praṇayinaṃ sampādya śampārucaḥ
datvā kaṇṭakadarbhasūcīnicitairarghyaṃ nidāghāmbubhirnetrendīvaramālayā lalitayā saṃbhāvayāṃcakrire
31.34.p1
iti śrīmadagnicitnityānandapaṇḍitakṛte śivalīlāmṛte mahākāvye rambhoruvipralambho nāma navamaḥ sargaḥ