Shivalilamritamahakavya 32
Śivalīlāmṛtamahākāvya 32
- Language
- Sanskrit
Contents
32.1
aṣṭamaḥ sargaḥ
itthaṃ viprakṛtābhirapyatitamāṃ nirmānamānanditaḥ
saṃvīto'tha nitambinībhirabhito gopālinīvallabhaḥ
nistandrānanacandrabimbavigalatpīyūṣadhārāyitāmetāsāmucitāmathocata giraṃ mandākṣamandākṣaram
32.2
sīmantinyo vipinabhuvi yallambhitā vipralambhaṃ
yūyaṃ bhūyaḥ praṇayamatayo'tyantareṇaiva mantum
cantavyaṃ tanmama himakaradyotavidyotamānāṃ
nānābhovairnayata rajanīṃ sārddhametāṃ maheśaḥ¹
32.3
tataḥ sravantau pulinasthale punaḥ
pramodayiṣyan pramadājanaṃ bhavaḥ
puraiva saṃkalpitarūpavaibhavaḥ
pravartayāmāsa sa rāsasampadaḥ
32.3.p1
triṃśaḥ prabandhaḥ
32.3.p2
bhairavarāgena gīyate
32.1-2
kācana manasijavibhramaśithilitasakusumakuntalabhārā
cañcalakanakakavaṭastananipatitavartulanistulahārā²
rāse purāripuṇā saha vilāsa nipuṇā
dhruvapadamidam
32.2-2
kāpi vikāsapariśramadharmasalilakaṇacumbitabhālā
himajalavindunicitavikacāmbujasahajamukhī varavālā
32.3-2
kāpi śithilaparidhānapaṭasphuṭadarśitavipulanitambā
kaṇṭhakalitasitikaṇṭhanipītasudhāmadhurādharabimbā
32.4
pramuditamṛgamadapatrakacitraghaṭastanaghaṭṭanakāntam
haraparirambhaṇamuditanitambavatī khalu kāpi nitāntam
32.5
kācana vicaladāmalalāmakamupadadtī haravāmā
nāgavallīdalakavalamanugrahamalabhata saṃbhṛtakāmā
32.6
sarasadaśānanakharakṣatapulakitamadanavaśambadadehā
kāpi kusumasukumāritamā yuvato samuditamadehā
32.7
kācidupāhitamṛgamadakuṅkumacandanacandravilepā
priyatamapriyacaraṇoditasambhramakalitasakalatanuvepā
32.8
iti ramaṇīyagiriśaramaṇīgaṇarāsavilāsacaritram
sukhayatu rasikagadādharakavivaravarṇitamakhilapavitram
32.9
evaṃ devaśikhāmaṇistrijagatāmānandayanmānasaṃcakre rāsarasaṃ varāṃvadamanā apyaṅganāprītaye
tatkautūhaladarśanākulatayā tārābhirārādhito
nūnaṃ pārvaṇaśarvarīratirabhūnmadhye'mbaraṃ mantharaḥ
32.10
vande vṛndārakāṇāṃ muraharakamalāvāsaskrandanādyaiḥ
rāsakrīḍāṃ smarārestribhuvananayanānandanāṃ draṣṭukāmaiḥ
hairhemamaṇikyamuktāmaṇikiraṇagaṇabhrājamānairvimānairvyāpyākāśāvakāśānahamahamikayā saṃkulaṃ tatra tasthe
32.6-2
nṛtyantībhiḥ pramodādamaravarapurīvārasīmantinībhiḥ
śiñjanmañjīradhīradhvanibhiranibhṛtavyomaraṅgāntaraṅgaiḥ
gāyadbhiḥ pāṭatālasvaravirudapadātānatenopabandhaṃ
gandharvaiśca prabandhaṃ vanabhuvi mumude rāsalīlāsu devaḥ
32.7-2
prasūnānāṃ varṣaṃ janitaharaharṣaṃ pratipadaṃ
vitanvantaḥ santarpitahṛdayanetrā diviṣadaḥ
tadā śampākampāvahasahajalakṣmī varṣatibhiḥ
varastrībhiḥ śambhoranumumudire rāsalasitam
32.7-2.p1
ūnatriṃśaḥ prabandhaḥ
32.7-2.p2
kāmodīrāgena gīyate