[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Shorter narrative and descriptive poems](https://indike.org/pramana/in.lit.kavya.khanda) › [Musical poems after the Gītagovinda](https://indike.org/pramana/in.lit.kavya.khanda.gitakavya) › [Shivalilamritamahakavya](https://indike.org/pramana/in.lit.kavya.khanda.gitakavya.sivalilamrtamahakavya) › 32 # Shivalilamritamahakavya 32 Śivalīlāmṛtamahākāvya 32 - **Language:** Sanskrit ## Contents - [32.3](https://indike.org/pramana/in.lit.kavya.khanda.gitakavya.sivalilamrtamahakavya.32.3) — 2 parts - [32.7-2](https://indike.org/pramana/in.lit.kavya.khanda.gitakavya.sivalilamrtamahakavya.32.7-2) — 2 parts ### [32.1](https://indike.org/pramana/in.lit.kavya.khanda.gitakavya.sivalilamrtamahakavya.32.1) aṣṭamaḥ sargaḥ itthaṃ viprakṛtābhirapyatitamāṃ nirmānamānanditaḥ saṃvīto'tha nitambinībhirabhito gopālinīvallabhaḥ nistandrānanacandrabimbavigalatpīyūṣadhārāyitāmetāsāmucitāmathocata giraṃ mandākṣamandākṣaram ### [32.2](https://indike.org/pramana/in.lit.kavya.khanda.gitakavya.sivalilamrtamahakavya.32.2) sīmantinyo vipinabhuvi yallambhitā vipralambhaṃ yūyaṃ bhūyaḥ praṇayamatayo'tyantareṇaiva mantum cantavyaṃ tanmama himakaradyotavidyotamānāṃ nānābhovairnayata rajanīṃ sārddhametāṃ maheśaḥ¹ ### [32.3](https://indike.org/pramana/in.lit.kavya.khanda.gitakavya.sivalilamrtamahakavya.32.3) tataḥ sravantau pulinasthale punaḥ pramodayiṣyan pramadājanaṃ bhavaḥ puraiva saṃkalpitarūpavaibhavaḥ pravartayāmāsa sa rāsasampadaḥ ### [32.3.p1](https://indike.org/pramana/in.lit.kavya.khanda.gitakavya.sivalilamrtamahakavya.32.3.p1) triṃśaḥ prabandhaḥ ### [32.3.p2](https://indike.org/pramana/in.lit.kavya.khanda.gitakavya.sivalilamrtamahakavya.32.3.p2) bhairavarāgena gīyate ### [32.1-2](https://indike.org/pramana/in.lit.kavya.khanda.gitakavya.sivalilamrtamahakavya.32.1-2) kācana manasijavibhramaśithilitasakusumakuntalabhārā cañcalakanakakavaṭastananipatitavartulanistulahārā² rāse purāripuṇā saha vilāsa nipuṇā dhruvapadamidam ### [32.2-2](https://indike.org/pramana/in.lit.kavya.khanda.gitakavya.sivalilamrtamahakavya.32.2-2) kāpi vikāsapariśramadharmasalilakaṇacumbitabhālā himajalavindunicitavikacāmbujasahajamukhī varavālā ### [32.3-2](https://indike.org/pramana/in.lit.kavya.khanda.gitakavya.sivalilamrtamahakavya.32.3-2) kāpi śithilaparidhānapaṭasphuṭadarśitavipulanitambā kaṇṭhakalitasitikaṇṭhanipītasudhāmadhurādharabimbā ### [32.4](https://indike.org/pramana/in.lit.kavya.khanda.gitakavya.sivalilamrtamahakavya.32.4) pramuditamṛgamadapatrakacitraghaṭastanaghaṭṭanakāntam haraparirambhaṇamuditanitambavatī khalu kāpi nitāntam ### [32.5](https://indike.org/pramana/in.lit.kavya.khanda.gitakavya.sivalilamrtamahakavya.32.5) kācana vicaladāmalalāmakamupadadtī haravāmā nāgavallīdalakavalamanugrahamalabhata saṃbhṛtakāmā ### [32.6](https://indike.org/pramana/in.lit.kavya.khanda.gitakavya.sivalilamrtamahakavya.32.6) sarasadaśānanakharakṣatapulakitamadanavaśambadadehā kāpi kusumasukumāritamā yuvato samuditamadehā ### [32.7](https://indike.org/pramana/in.lit.kavya.khanda.gitakavya.sivalilamrtamahakavya.32.7) kācidupāhitamṛgamadakuṅkumacandanacandravilepā priyatamapriyacaraṇoditasambhramakalitasakalatanuvepā ### [32.8](https://indike.org/pramana/in.lit.kavya.khanda.gitakavya.sivalilamrtamahakavya.32.8) iti ramaṇīyagiriśaramaṇīgaṇarāsavilāsacaritram sukhayatu rasikagadādharakavivaravarṇitamakhilapavitram ### [32.9](https://indike.org/pramana/in.lit.kavya.khanda.gitakavya.sivalilamrtamahakavya.32.9) evaṃ devaśikhāmaṇistrijagatāmānandayanmānasaṃcakre rāsarasaṃ varāṃvadamanā apyaṅganāprītaye tatkautūhaladarśanākulatayā tārābhirārādhito nūnaṃ pārvaṇaśarvarīratirabhūnmadhye'mbaraṃ mantharaḥ ### [32.10](https://indike.org/pramana/in.lit.kavya.khanda.gitakavya.sivalilamrtamahakavya.32.10) vande vṛndārakāṇāṃ muraharakamalāvāsaskrandanādyaiḥ rāsakrīḍāṃ smarārestribhuvananayanānandanāṃ draṣṭukāmaiḥ hairhemamaṇikyamuktāmaṇikiraṇagaṇabhrājamānairvimānairvyāpyākāśāvakāśānahamahamikayā saṃkulaṃ tatra tasthe ### [32.6-2](https://indike.org/pramana/in.lit.kavya.khanda.gitakavya.sivalilamrtamahakavya.32.6-2) nṛtyantībhiḥ pramodādamaravarapurīvārasīmantinībhiḥ śiñjanmañjīradhīradhvanibhiranibhṛtavyomaraṅgāntaraṅgaiḥ gāyadbhiḥ pāṭatālasvaravirudapadātānatenopabandhaṃ gandharvaiśca prabandhaṃ vanabhuvi mumude rāsalīlāsu devaḥ ### [32.7-2](https://indike.org/pramana/in.lit.kavya.khanda.gitakavya.sivalilamrtamahakavya.32.7-2) prasūnānāṃ varṣaṃ janitaharaharṣaṃ pratipadaṃ vitanvantaḥ santarpitahṛdayanetrā diviṣadaḥ tadā śampākampāvahasahajalakṣmī varṣatibhiḥ varastrībhiḥ śambhoranumumudire rāsalasitam ### [32.7-2.p1](https://indike.org/pramana/in.lit.kavya.khanda.gitakavya.sivalilamrtamahakavya.32.7-2.p1) ūnatriṃśaḥ prabandhaḥ ### [32.7-2.p2](https://indike.org/pramana/in.lit.kavya.khanda.gitakavya.sivalilamrtamahakavya.32.7-2.p2) kāmodīrāgena gīyate --- Source: [https://indike.org/pramana/in.lit.kavya.khanda.gitakavya.sivalilamrtamahakavya.32](https://indike.org/pramana/in.lit.kavya.khanda.gitakavya.sivalilamrtamahakavya.32) · Pramāṇa