Shivalilamritamahakavya 33
Śivalīlāmṛtamahākāvya 33
- Language
- Sanskrit
33.1
śruvagītam
vasumati nanu bhavatīmam | sevitavatyasi bhīmam
yadayamaruṇācaraṇena¹ sakhi tvayi vicarati²
sadayamasīmam
33.2
sā khalu saubhagasārā | uditamanojavikārā
yā madanāṅgavināśanasaṅgamalabhatayuvatirudārā
33.3
iyamadhimedinīvanyā | kathamiva bhavatu na dhanyā
yena samaṃ dayitena rasādiha viharati girivarakanyā
33.4
gandhavatī sarideṣā | nanu kṛtasukṛtaviśeṣā
yā puraripusavilāsavilokanasaścitakusumasuveśā
33.5
paśyata sūnasahāsam | vanalatikālivilāsam
harakarakiśālayasaṅgasukhāhitakorakapulakavikāśam
33.6
saikatamidamatikāntam | ceto harati nitāntam
ramayati yatra madiranayanājana uditamudaṃ nijakāntam
33.7
mṛgaramaṇi smarasāram | paśyasi giriśavihāram
nayanayugaṃ tava saphalamabhūdanurāgataralatarāram
33.8
iti surasaṃ samudītam | rasikagadādharagītam
madayatu sajjanacittamamṛtamiva karṇapuṭena nipītam
33.8-2
rāsāveśapariśramaprasramarasvedāmbusārdrīśvarāḥ
kligyatkuṅkumapaṅkapatrakaparimlānānanāmbhoruhāḥ
rambhorūratvagamya mānasamabhūdambhovihārāddataṃ
śambhorgandhavatīmagāhata tata. sāddhaṃ satībhirvṛta. ¹
33.9
nipīya nīlotpalanīlacakṣuṣā haraṃ tameṣā viharantamantike
cirotsukā ² kāmukamaṅkamāgataṃ samāliliṅga va taraṅgabāhunā
33.10
sahajaśītalanirmalacārūṇi praṇayinaṃ paritaḥ saritaḥ priyāḥ
payasi vadhramuraghramuvallabhaṃ parigatā iva mattakareṇavaḥ
33.11
yatkastūrīracitamakarīmaṇḍanaṃ gaṇḍadeśādāsyaṃ rāgaṃ kucābhyāṃ ..........
majjantīnāmaharata dṛśaḥ kajjalaṃ kāminīnāmetatkopādabhavadaruṇaṃ locanaṃ nūnamāsam
33.12
antaṃ santamase² samagravapuṣā nīte tuṣāratviṣā
spaṣṭaṃ tasya rucā vivicya kumudaścome ca nālakṣite
ākaṇṭhaṃ taṭinīnimagnatanubhiḥ phullānanāmbhoruhairambhorūnalinīvanasya ca divā mandā babhau sā niśā
33.13
iti salilavihāraṃ yoṣitaṃ srāṅgahāraṃ
yaśupatiranubhūya prāptakāmo'pi bhūyaḥ
udataradanutīraṃ³ nīrato gandhavatyāḥ
sphuṭatararamaṇīyātānasopānavatyāḥ
33.14
stimitacīnanicolaparisphuṭastanataṭollasitambasaṃbhramaḥ
cakitacārucamūruvilocanāśvinayanāya mudaṃ daduraṅganāḥ
33.15
priyasalīlavilokanalājitā
pulakavepathusāndratanūlatāḥ
jugupuraṅgavikāramanaṅgajaṃ
salilaśaityabharābhinayena tāḥ
33.16
nānākārāṅgarāgānatha suranagarīdurlabhānbarāni
strīṇāṃ tāmbūlapeṭīṃ puraṭamaṇimayīṃ vīṭikāṃ pūrṇagarbhām
kāṃsaṃ mālāviśālāḥ surabhisumanasāmaṅganālaṅkṛtaveśān
saṅkalpenopaninye sakalamidamumākānta ekānta eva
33.17
kāntānāmatirucirāsvarāṅgarāgaiḥ
kāntānāmatikanakāmbujānanānām
antaḥ saṃsadi virarāja candracūḍaḥ
tārāṇāmiva divi parvaśarvarīndraḥ
33.18
atrāntare vanabhuvi jalajāparādhā¹cchaṅke'nubhūya vinipātamudanyadaṅke
rājannapetavati hanta tamo'pahantumaṅgīcakāra mahasā pramurapya eva
33.19
kiyānayaṃ bhānumato mahābharo
yaducyate pārvaṇatāmasāśanam
anūrurapyasya puraḥsarastamaḥ²
samūlakāṣaṃ kaṣati sma rociṣā
33.20
tadanu kamalavaktraṃ padminīnāṃ karāgraiḥ
samasamayamanekairlīlayannaṃśumālī
prakaṭavipularāgo gāḍhatadvipralambhādiva divasamukhe'bhūtkuṅkumastodabinduḥ
33.21
tīre'tha bindusarasaḥ parikalpya devīrādiśya siddhavanamadhyacarīṃ ca gaurīm
īśāndiśāsu viniveśitavānadhīśaḥ
pāredadhīcicaritaḥ paramekamūrttim
33.22
itthaṃ vaśīkṛtamanā api nākabhogaṃ
saṃkalpya yonivaśavartti eva devaḥ
strībhiḥ samaṃ samanubhūya sa bhūyasībhirloke ciraṃ prathayati sma yaśaḥ praśastam
33.23
patrāttrāvatīryya tridaśapariṣadāmarddhamarddhendumauleḥ
snātvāthāṣṭāsu tīrtheṣvabhihitavidhinā snānadānādipūrvam
liṅgānyabhyarcya gaṅgāyamunamanudiśi prāpya dattvāparasyāmekānte brahmaliṅgaṃ praṇayabharanamatkandharaṃ saṃdadarśa
33.24
gaṇādhīśa-gopālinī-bāhuleyān
vṛṣaṃ caṇḍarudraṃ tataḥ kalpavṛkṣam
sasāvitrīstalliṅgamityaṣṭamūrttīrvavande'ravindāsano'tra krameṇa
33.25
sahasraṃ gopacāreṇa tadārādhya hṛdā vidhiḥ
vidhinā bhuvaneśānaṃ sānandamidamujjagau