[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Shorter narrative and descriptive poems](https://indike.org/pramana/in.lit.kavya.khanda) › [Musical poems after the Gītagovinda](https://indike.org/pramana/in.lit.kavya.khanda.gitakavya) › [Shivalilamritamahakavya](https://indike.org/pramana/in.lit.kavya.khanda.gitakavya.sivalilamrtamahakavya) › 33 # Shivalilamritamahakavya 33 Śivalīlāmṛtamahākāvya 33 - **Language:** Sanskrit ### [33.1](https://indike.org/pramana/in.lit.kavya.khanda.gitakavya.sivalilamrtamahakavya.33.1) śruvagītam vasumati nanu bhavatīmam | sevitavatyasi bhīmam yadayamaruṇācaraṇena¹ sakhi tvayi vicarati² sadayamasīmam ### [33.2](https://indike.org/pramana/in.lit.kavya.khanda.gitakavya.sivalilamrtamahakavya.33.2) sā khalu saubhagasārā | uditamanojavikārā yā madanāṅgavināśanasaṅgamalabhatayuvatirudārā ### [33.3](https://indike.org/pramana/in.lit.kavya.khanda.gitakavya.sivalilamrtamahakavya.33.3) iyamadhimedinīvanyā | kathamiva bhavatu na dhanyā yena samaṃ dayitena rasādiha viharati girivarakanyā ### [33.4](https://indike.org/pramana/in.lit.kavya.khanda.gitakavya.sivalilamrtamahakavya.33.4) gandhavatī sarideṣā | nanu kṛtasukṛtaviśeṣā yā puraripusavilāsavilokanasaścitakusumasuveśā ### [33.5](https://indike.org/pramana/in.lit.kavya.khanda.gitakavya.sivalilamrtamahakavya.33.5) paśyata sūnasahāsam | vanalatikālivilāsam harakarakiśālayasaṅgasukhāhitakorakapulakavikāśam ### [33.6](https://indike.org/pramana/in.lit.kavya.khanda.gitakavya.sivalilamrtamahakavya.33.6) saikatamidamatikāntam | ceto harati nitāntam ramayati yatra madiranayanājana uditamudaṃ nijakāntam ### [33.7](https://indike.org/pramana/in.lit.kavya.khanda.gitakavya.sivalilamrtamahakavya.33.7) mṛgaramaṇi smarasāram | paśyasi giriśavihāram nayanayugaṃ tava saphalamabhūdanurāgataralatarāram ### [33.8](https://indike.org/pramana/in.lit.kavya.khanda.gitakavya.sivalilamrtamahakavya.33.8) iti surasaṃ samudītam | rasikagadādharagītam madayatu sajjanacittamamṛtamiva karṇapuṭena nipītam ### [33.8-2](https://indike.org/pramana/in.lit.kavya.khanda.gitakavya.sivalilamrtamahakavya.33.8-2) rāsāveśapariśramaprasramarasvedāmbusārdrīśvarāḥ kligyatkuṅkumapaṅkapatrakaparimlānānanāmbhoruhāḥ rambhorūratvagamya mānasamabhūdambhovihārāddataṃ śambhorgandhavatīmagāhata tata. sāddhaṃ satībhirvṛta. ¹ ### [33.9](https://indike.org/pramana/in.lit.kavya.khanda.gitakavya.sivalilamrtamahakavya.33.9) nipīya nīlotpalanīlacakṣuṣā haraṃ tameṣā viharantamantike cirotsukā ² kāmukamaṅkamāgataṃ samāliliṅga va taraṅgabāhunā ### [33.10](https://indike.org/pramana/in.lit.kavya.khanda.gitakavya.sivalilamrtamahakavya.33.10) sahajaśītalanirmalacārūṇi praṇayinaṃ paritaḥ saritaḥ priyāḥ payasi vadhramuraghramuvallabhaṃ parigatā iva mattakareṇavaḥ ### [33.11](https://indike.org/pramana/in.lit.kavya.khanda.gitakavya.sivalilamrtamahakavya.33.11) yatkastūrīracitamakarīmaṇḍanaṃ gaṇḍadeśādāsyaṃ rāgaṃ kucābhyāṃ .......... majjantīnāmaharata dṛśaḥ kajjalaṃ kāminīnāmetatkopādabhavadaruṇaṃ locanaṃ nūnamāsam ### [33.12](https://indike.org/pramana/in.lit.kavya.khanda.gitakavya.sivalilamrtamahakavya.33.12) antaṃ santamase² samagravapuṣā nīte tuṣāratviṣā spaṣṭaṃ tasya rucā vivicya kumudaścome ca nālakṣite ākaṇṭhaṃ taṭinīnimagnatanubhiḥ phullānanāmbhoruhairambhorūnalinīvanasya ca divā mandā babhau sā niśā ### [33.13](https://indike.org/pramana/in.lit.kavya.khanda.gitakavya.sivalilamrtamahakavya.33.13) iti salilavihāraṃ yoṣitaṃ srāṅgahāraṃ yaśupatiranubhūya prāptakāmo'pi bhūyaḥ udataradanutīraṃ³ nīrato gandhavatyāḥ sphuṭatararamaṇīyātānasopānavatyāḥ ### [33.14](https://indike.org/pramana/in.lit.kavya.khanda.gitakavya.sivalilamrtamahakavya.33.14) stimitacīnanicolaparisphuṭastanataṭollasitambasaṃbhramaḥ cakitacārucamūruvilocanāśvinayanāya mudaṃ daduraṅganāḥ ### [33.15](https://indike.org/pramana/in.lit.kavya.khanda.gitakavya.sivalilamrtamahakavya.33.15) priyasalīlavilokanalājitā pulakavepathusāndratanūlatāḥ jugupuraṅgavikāramanaṅgajaṃ salilaśaityabharābhinayena tāḥ ### [33.16](https://indike.org/pramana/in.lit.kavya.khanda.gitakavya.sivalilamrtamahakavya.33.16) nānākārāṅgarāgānatha suranagarīdurlabhānbarāni strīṇāṃ tāmbūlapeṭīṃ puraṭamaṇimayīṃ vīṭikāṃ pūrṇagarbhām kāṃsaṃ mālāviśālāḥ surabhisumanasāmaṅganālaṅkṛtaveśān saṅkalpenopaninye sakalamidamumākānta ekānta eva ### [33.17](https://indike.org/pramana/in.lit.kavya.khanda.gitakavya.sivalilamrtamahakavya.33.17) kāntānāmatirucirāsvarāṅgarāgaiḥ kāntānāmatikanakāmbujānanānām antaḥ saṃsadi virarāja candracūḍaḥ tārāṇāmiva divi parvaśarvarīndraḥ ### [33.18](https://indike.org/pramana/in.lit.kavya.khanda.gitakavya.sivalilamrtamahakavya.33.18) atrāntare vanabhuvi jalajāparādhā¹cchaṅke'nubhūya vinipātamudanyadaṅke rājannapetavati hanta tamo'pahantumaṅgīcakāra mahasā pramurapya eva ### [33.19](https://indike.org/pramana/in.lit.kavya.khanda.gitakavya.sivalilamrtamahakavya.33.19) kiyānayaṃ bhānumato mahābharo yaducyate pārvaṇatāmasāśanam anūrurapyasya puraḥsarastamaḥ² samūlakāṣaṃ kaṣati sma rociṣā ### [33.20](https://indike.org/pramana/in.lit.kavya.khanda.gitakavya.sivalilamrtamahakavya.33.20) tadanu kamalavaktraṃ padminīnāṃ karāgraiḥ samasamayamanekairlīlayannaṃśumālī prakaṭavipularāgo gāḍhatadvipralambhādiva divasamukhe'bhūtkuṅkumastodabinduḥ ### [33.21](https://indike.org/pramana/in.lit.kavya.khanda.gitakavya.sivalilamrtamahakavya.33.21) tīre'tha bindusarasaḥ parikalpya devīrādiśya siddhavanamadhyacarīṃ ca gaurīm īśāndiśāsu viniveśitavānadhīśaḥ pāredadhīcicaritaḥ paramekamūrttim ### [33.22](https://indike.org/pramana/in.lit.kavya.khanda.gitakavya.sivalilamrtamahakavya.33.22) itthaṃ vaśīkṛtamanā api nākabhogaṃ saṃkalpya yonivaśavartti eva devaḥ strībhiḥ samaṃ samanubhūya sa bhūyasībhirloke ciraṃ prathayati sma yaśaḥ praśastam ### [33.23](https://indike.org/pramana/in.lit.kavya.khanda.gitakavya.sivalilamrtamahakavya.33.23) patrāttrāvatīryya tridaśapariṣadāmarddhamarddhendumauleḥ snātvāthāṣṭāsu tīrtheṣvabhihitavidhinā snānadānādipūrvam liṅgānyabhyarcya gaṅgāyamunamanudiśi prāpya dattvāparasyāmekānte brahmaliṅgaṃ praṇayabharanamatkandharaṃ saṃdadarśa ### [33.24](https://indike.org/pramana/in.lit.kavya.khanda.gitakavya.sivalilamrtamahakavya.33.24) gaṇādhīśa-gopālinī-bāhuleyān vṛṣaṃ caṇḍarudraṃ tataḥ kalpavṛkṣam sasāvitrīstalliṅgamityaṣṭamūrttīrvavande'ravindāsano'tra krameṇa ### [33.25](https://indike.org/pramana/in.lit.kavya.khanda.gitakavya.sivalilamrtamahakavya.33.25) sahasraṃ gopacāreṇa tadārādhya hṛdā vidhiḥ vidhinā bhuvaneśānaṃ sānandamidamujjagau --- Source: [https://indike.org/pramana/in.lit.kavya.khanda.gitakavya.sivalilamrtamahakavya.33](https://indike.org/pramana/in.lit.kavya.khanda.gitakavya.sivalilamrtamahakavya.33) · Pramāṇa