Shivalilamritamahakavya 38
Śivalīlāmṛtamahākāvya 38
- Language
- Sanskrit
38.1
kalitasudhānidhimaṇḍana, kalikhaṇḍana, lalitabhujaṅgamahāra
jaya jaya lokapate || dhruvapadamidam
38.2
sindhurajananakumāraka, puramāraka, śīlitaśailavihāra
38.3
samadhikaśambaraśāsana, madanāśana, nayanadhanañjayakīla
38.4
rāsarasikaguṇanāgara, guṇasāgara, bhuvanamanoharalīla
38.5
bāṇamahodadhināyaka, gaṇanāyaka, nirupamamahimagabhīra
38.6
prathamacamūsamupāsita, yamunāsita, kandharatanujitahīra
38.7
munijanamacittaniketana, vṛṣaketana, nigamāntaraparigīta
38.8
sukṛtanidānagadādhara, kṛtasādara, mañjulamaṅgalagīta
38.32
bhadraṃ śivāya candraśekhara vahandīnāvane lālasāṃ
madbhāvapraṇayaprasārarasika svīkṛtya yāṃ mṛtyutaḥ
satyālīkaviniścayasphuraṇataḥ svāntaḥsthitaṃ vāñchitaṃ¹
taṃ tvāṃ yo japate mahānsa samataḥ² sāṃmukhyataḥ susthitam³
38.33
iti taṃ kṛtabahumānā vimānayānāḥ prasannagambhīram
varayata varamiti dhīraṃ vadantamācacakṣatānandāḥ
38.34
evaṃ vibho visamayanna⁴ kṛto'tiya(?) tvāṃ
vedāntavedyamimamadya vilokayāmaḥ
tarhi kiṃ ghaṭeta tava devajanānukampāṃ
sampādyamadhikaṃ kimataḥ paraṃ te
38.35
etāvatparamatra naśvijagatāṃ kṣemārthamākāṅkṣitaṃ
vartmo rakṣijakarmaniṣṭhitamā varṇāśramā ye prabho
rakṣeyuḥ pṛthivīmalolupadhiyo bhūpāḥ prajānāṃ bhave
tvatpādāmbujasaurabhe rasikatā ceto niceta(?)stataḥ
38.36
śromityuktavate praṇamya bhuvanādhīśāya dhīśāntaye
paryyāptaṃ bhavadāvataptamanasāṃ tasyaiva līlāmṛtam
pātheyaṃ hṛdayaṅgamaṃ pathi rasādāsvādayanto yayuḥ
svāni svāni nivetanāni vibudhāḥ padmāṅkasadbhādayaḥ
38.37
prāleyācalanandanāpatipadapratyagrapaṅkeruhadvandvāmandamarandavindumahimapremaprasādodayam
kauṇḍinyānvayadugdhasindhurajanīvandhoḥ prabandhottamaṃ
nityānandakaverniveditamimaṃ saṃśodhayadhvaṃ budhāḥ