Shivalilamritamahakavya 4
Śivalīlāmṛtamahākāvya 4
- Language
- Sanskrit
Contents
4.1
dvitīyaḥ sargaḥ
athākasmādantardadhati dayite locanapathād
vyathāmantargāḍhāṃ manasi vinigūḍhāṃ dhṛtavatīm¹
dharādhīśaḥ kanyāṃ vata vijanavanyāmuvi bhavaṃ
smarantī sasnehāṃ sacakitamapaśyaddaśadiśaḥ
4.2
atha sā viṣaṇṇavadanā vanāntare
madanājñanāśanaṃ vinā kṛtāñjanā
bhṛśamunmanā² dharanarendranandanā
vinininda durvidhimadhīradhīriyam
4.2.p1
ekādaśaḥ prabandhaḥ
4.2.p2
mārurāgeṇa gīyate
4.1-2
tava hatadaivānadaivavigītam
racitamid padamañcitavānasi³-pañcaviśikhamavinītam
lalitakokilapañcamaviṣamapad racayati ca nikāmam⁴
śravaṇapathātithirapi⁵ yadupāhṛtavirahamaraṇapariṇāmam
dhruvapadamidam
4.2-2
kalayasi kalamadhupāvalibhkṛtahuṅkṛtamapi hṛdi kuntam
virahitaruṇataruṇījanaviśaṃsanakāraṇasahaja durantam
4.3
puraharavijayavijṛmbhitapauruṣamanaladvātikarālam¹
racayasi kusumacayaṃ khalu diśi diśi viṣayaviśikhaśarajālam
4.4
abudhavidhāya kathaṃ priyasaṅgamamatihṛdayaṅgamarūpam
naṭayasi na ciramityabhimatataravirahitadanurūpam
4.5
ghaṭayasi vighaṭavidhuntudacarvaṇahatamapi pārvaṇacandram
punarapi kimiti tathaiva vṛthā janatarjanaparihṛtatandram
4.6
kalayasi malayamahīdharasaṃcaramārutamapi vata pāpam
viṣadharavisaraviṣānalaśavalanajanitanikhilatanutāpam²
4.7
yāti tava kitavajanānukūlana eva hi matiratisajjā
ucitaṃ tadiha samāpakkṛtiṃ prati saṃprati bhavati na lajjā
4.8
iti haravirahaviṣādabhraśāturagirijāvacanamuditam
jayati rasikajanarañjanaviracanasukavigadādharagītam
4.9
adyāhaṃ tamavadyameva gaṇaye nārīvadhe durvidhe
yaste'bhūdvyavasāyasāhasarasaḥ śreyo haraḥ śreyasām
yanno lumpasi sānukampa iva me jīvātumekāntataścetaḥ saṅgamanaṅgavairiṇi punastatte mahatte hitam
4.4-2
evaṃ khaṇḍaśaśāṅkamaṇḍanaparityāgātisantāpitā
saubhāgyaṃ śaradindusundaramukhī bandhyaṃ ninindātmanaḥ
paśyanti ca mukhāni sā daśadiśāṃ śūnyāni kanyāgirergantuṃ tātaniketanaṃ pratimanaḥ sākaṃ sakhībhyāṃ dadhau
4.5-2
atha tadidamudantaṃ hanta vijñāya rājā
dharaṇidharabhaṭānāmātmajābhīṣṭabhaṅgam
adhigirivaraśṛṅgaṃ tūrṇamāgatya ninye
nijasadanamaśakyāsaṅgasaṃkalpanā sā
4.6-2
apaśyantīmantargiriśaparitoṣaṃ ca purataḥ¹
sakhī nirṇyaināṃ² nipuṇamatirākārakalayā
anarhāṃ manvānā kusumasukumāreṇa vapuṣā
pariśrāntyai menāmiti vacanamūce sakaruṇam
4.7-2
hanta niśāntavinidrā santatabhāvanāvaśādavaśā
paśyantīva puraḥ sā puraharamiti bhartṛdārikālapati
4.7-2.p1
dvādaśaḥ prabandhaḥ
4.7-2.p2
āśāvarīrāgeṇa gīyate