[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Shorter narrative and descriptive poems](https://indike.org/pramana/in.lit.kavya.khanda) › [Musical poems after the Gītagovinda](https://indike.org/pramana/in.lit.kavya.khanda.gitakavya) › [Shivalilamritamahakavya](https://indike.org/pramana/in.lit.kavya.khanda.gitakavya.sivalilamrtamahakavya) › 4 # Shivalilamritamahakavya 4 Śivalīlāmṛtamahākāvya 4 - **Language:** Sanskrit ## Contents - [4.2](https://indike.org/pramana/in.lit.kavya.khanda.gitakavya.sivalilamrtamahakavya.4.2) — 2 parts - [4.7-2](https://indike.org/pramana/in.lit.kavya.khanda.gitakavya.sivalilamrtamahakavya.4.7-2) — 2 parts ### [4.1](https://indike.org/pramana/in.lit.kavya.khanda.gitakavya.sivalilamrtamahakavya.4.1) dvitīyaḥ sargaḥ athākasmādantardadhati dayite locanapathād vyathāmantargāḍhāṃ manasi vinigūḍhāṃ dhṛtavatīm¹ dharādhīśaḥ kanyāṃ vata vijanavanyāmuvi bhavaṃ smarantī sasnehāṃ sacakitamapaśyaddaśadiśaḥ ### [4.2](https://indike.org/pramana/in.lit.kavya.khanda.gitakavya.sivalilamrtamahakavya.4.2) atha sā viṣaṇṇavadanā vanāntare madanājñanāśanaṃ vinā kṛtāñjanā bhṛśamunmanā² dharanarendranandanā vinininda durvidhimadhīradhīriyam ### [4.2.p1](https://indike.org/pramana/in.lit.kavya.khanda.gitakavya.sivalilamrtamahakavya.4.2.p1) ekādaśaḥ prabandhaḥ ### [4.2.p2](https://indike.org/pramana/in.lit.kavya.khanda.gitakavya.sivalilamrtamahakavya.4.2.p2) mārurāgeṇa gīyate ### [4.1-2](https://indike.org/pramana/in.lit.kavya.khanda.gitakavya.sivalilamrtamahakavya.4.1-2) tava hatadaivānadaivavigītam racitamid padamañcitavānasi³-pañcaviśikhamavinītam lalitakokilapañcamaviṣamapad racayati ca nikāmam⁴ śravaṇapathātithirapi⁵ yadupāhṛtavirahamaraṇapariṇāmam dhruvapadamidam ### [4.2-2](https://indike.org/pramana/in.lit.kavya.khanda.gitakavya.sivalilamrtamahakavya.4.2-2) kalayasi kalamadhupāvalibhkṛtahuṅkṛtamapi hṛdi kuntam virahitaruṇataruṇījanaviśaṃsanakāraṇasahaja durantam ### [4.3](https://indike.org/pramana/in.lit.kavya.khanda.gitakavya.sivalilamrtamahakavya.4.3) puraharavijayavijṛmbhitapauruṣamanaladvātikarālam¹ racayasi kusumacayaṃ khalu diśi diśi viṣayaviśikhaśarajālam ### [4.4](https://indike.org/pramana/in.lit.kavya.khanda.gitakavya.sivalilamrtamahakavya.4.4) abudhavidhāya kathaṃ priyasaṅgamamatihṛdayaṅgamarūpam naṭayasi na ciramityabhimatataravirahitadanurūpam ### [4.5](https://indike.org/pramana/in.lit.kavya.khanda.gitakavya.sivalilamrtamahakavya.4.5) ghaṭayasi vighaṭavidhuntudacarvaṇahatamapi pārvaṇacandram punarapi kimiti tathaiva vṛthā janatarjanaparihṛtatandram ### [4.6](https://indike.org/pramana/in.lit.kavya.khanda.gitakavya.sivalilamrtamahakavya.4.6) kalayasi malayamahīdharasaṃcaramārutamapi vata pāpam viṣadharavisaraviṣānalaśavalanajanitanikhilatanutāpam² ### [4.7](https://indike.org/pramana/in.lit.kavya.khanda.gitakavya.sivalilamrtamahakavya.4.7) yāti tava kitavajanānukūlana eva hi matiratisajjā ucitaṃ tadiha samāpakkṛtiṃ prati saṃprati bhavati na lajjā ### [4.8](https://indike.org/pramana/in.lit.kavya.khanda.gitakavya.sivalilamrtamahakavya.4.8) iti haravirahaviṣādabhraśāturagirijāvacanamuditam jayati rasikajanarañjanaviracanasukavigadādharagītam ### [4.9](https://indike.org/pramana/in.lit.kavya.khanda.gitakavya.sivalilamrtamahakavya.4.9) adyāhaṃ tamavadyameva gaṇaye nārīvadhe durvidhe yaste'bhūdvyavasāyasāhasarasaḥ śreyo haraḥ śreyasām yanno lumpasi sānukampa iva me jīvātumekāntataścetaḥ saṅgamanaṅgavairiṇi punastatte mahatte hitam ### [4.4-2](https://indike.org/pramana/in.lit.kavya.khanda.gitakavya.sivalilamrtamahakavya.4.4-2) evaṃ khaṇḍaśaśāṅkamaṇḍanaparityāgātisantāpitā saubhāgyaṃ śaradindusundaramukhī bandhyaṃ ninindātmanaḥ paśyanti ca mukhāni sā daśadiśāṃ śūnyāni kanyāgirergantuṃ tātaniketanaṃ pratimanaḥ sākaṃ sakhībhyāṃ dadhau ### [4.5-2](https://indike.org/pramana/in.lit.kavya.khanda.gitakavya.sivalilamrtamahakavya.4.5-2) atha tadidamudantaṃ hanta vijñāya rājā dharaṇidharabhaṭānāmātmajābhīṣṭabhaṅgam adhigirivaraśṛṅgaṃ tūrṇamāgatya ninye nijasadanamaśakyāsaṅgasaṃkalpanā sā ### [4.6-2](https://indike.org/pramana/in.lit.kavya.khanda.gitakavya.sivalilamrtamahakavya.4.6-2) apaśyantīmantargiriśaparitoṣaṃ ca purataḥ¹ sakhī nirṇyaināṃ² nipuṇamatirākārakalayā anarhāṃ manvānā kusumasukumāreṇa vapuṣā pariśrāntyai menāmiti vacanamūce sakaruṇam ### [4.7-2](https://indike.org/pramana/in.lit.kavya.khanda.gitakavya.sivalilamrtamahakavya.4.7-2) hanta niśāntavinidrā santatabhāvanāvaśādavaśā paśyantīva puraḥ sā puraharamiti bhartṛdārikālapati ### [4.7-2.p1](https://indike.org/pramana/in.lit.kavya.khanda.gitakavya.sivalilamrtamahakavya.4.7-2.p1) dvādaśaḥ prabandhaḥ ### [4.7-2.p2](https://indike.org/pramana/in.lit.kavya.khanda.gitakavya.sivalilamrtamahakavya.4.7-2.p2) āśāvarīrāgeṇa gīyate --- Source: [https://indike.org/pramana/in.lit.kavya.khanda.gitakavya.sivalilamrtamahakavya.4](https://indike.org/pramana/in.lit.kavya.khanda.gitakavya.sivalilamrtamahakavya.4) · Pramāṇa