Shivalilamritamahakavya 5
Śivalīlāmṛtamahākāvya 5
- Language
- Sanskrit
5.1
bhampaka tālena
na kuru sitikaṇṭha mayi kuṇṭhamayamānasam
tava caraṇaśaraṇajana ucitakaruṇārasam
deva mama hṛdayamevam
tvāmupacarāmi cirasukhādasevam
dhruvapadamidam
5.2
sakalahṛdi giriśa yadi saṃcarasi santatam³
kiṃ nu mama kalpayasi na śokanikaraṃ tatam
5.3
viditamiva kiṃtava tava hṛdayamatinīrasam
māmahaha virahayasi nātha madanāgasam¹
5.4
manasi na jahāmi tava hāsanavaśobhanam
mukhasakalaśītarucimapi nayanalobhanam
5.5
śivad tava padakamalagandhamanurundhati
kā na sukhada²mabhinandati kalāvatī
5.6
smaraharae vismarasi kimidamabhibhāṣitum
mayi dayitamasamucitakaruṇamudāsitum
5.7
bhūtibhūṣita vitara sadayanayanāñcalam
pañcaśaravinayakaramaṅga mayi maṅgalam
5.8
iti virahamohabharaśikharitanayoditam
jayati kavimāndhātṛgītaṃ manasoditam³
5.9
mano lagnaṃ devi smara vajātha⁴ khaṇḍendumukuṭe
sutāyāste mātarmandadhidhidhipreritamiva
sphurantīmapyetāṃ dharaṇidhararājaśriyamiyaṃ
grahagrastevāntastadvadhi tṛṇā hanta manute
5.11
bhavāmi śailendra bhavāmi sāmprataṃ
vinā na puṇyena pinākinaḥ priyā
dvitipramūḍhapramitiṃ karoti sā
tapovanaṃ yātumapohanaṃ śriyaḥ
5.10
athānunītā tapaso nivartituṃ
sutā jananyāvagatātmabhāvayā
cirasthitārthavyavasāyaniścayā
nirāśrayadbhruvibhrame'pi tām
5.11-2
atha guruphaloddeśā veśānprasādita cetasaḥ
pituranumataṃ jñānānāṃ tapovanasevanam
niragamadaho snehodyaṃ nirasya nijaṃ nijaṃ
sapadi bhavanānmenāputrī sakhīsahitonmanāḥ
5.12
muktāhāravilepanāmbaralasatkāntiḥ kuraṅgīdṛśā—
māścaryaṃ ca niśāntagocarasamunmeṣaśriyaṃ vibhratī
ekāntaṃ dhṛtabhogabhūṣaṇaratiḥ saudhe pare'vasthitā
sā gaurīśikhare cacāra paramaṃ gaurī garīyastapaḥ
5.13
śīrṇairbhūruhapakvaparṇamapi yannāhāramāhārayat—
tīvraṃ cittasamādhimāhatavatī khaṇḍenducūḍāmaṇau
tenāsāvavatuṣkareṇa mahatāloke'parṇeti ce—
ttikraṃ brūmo gamiteti tāpasajanairdṛṣṭvā tu sā pārvatī
5.14
atha tapaḥparipākamupāgataṃ
dharaṇibhṛdbhuvi bhūtacamūpatiḥ
samupagamya puraḥ samupasthitaḥ
sphuṭajaṭājinadaṇḍadharo baṭuḥ
5.15
sabahumānaṃ puraḥsaramarcitaḥ—
stuhinabhūdharanandanayānayā
samapanīya puraḥ sūcivānuci—
ttamavadadvacanaṃ matimohanam