Shivalilamritamahakavya 8
Śivalīlāmṛtamahākāvya 8
- Language
- Sanskrit
Contents
- 8.23 — 2 parts
8.1
ekacaraṇadhṛtayāvakarāgā | candramukuṭamanulasadanurāgā
kācana bhavamadhikam | atanuta locanapathapathikam
dhruvapadamidam
8.2
ekapadāhitanūpuravalayā | kalinā masi kutūhalakalayā
8.3
api vapurapagatacīna-nicolā | purahara-vadana-vilokanalolā
8.4
vigalitagalitaghanastanahārā | paramacamatkṛticarucalatārā
8.5
ekanayanajayadañjanalekhā | svāmiracitakucacandanaveśā
8.6
vismṛtasahajamadālasagamanā | avamānitanijagurujanavadanā
8.7
vipulanitambabharaṃ vahamānā | anupadamapaṭupadāni dadhānā
8.8
sarasamasṛṇapadasampadudītam | jayati gadādharakavivaragītam
8.14
sāmprataṃ dharanagendranandanā yattapaḥ paramamapyatapyata
cānyathā kathamimaṃ manasvinī kāntamevamatikāntametu sā
8.15
vācamitthamavayan priyaṅkarīṃ
paurapaṅkajamukhīpracāritām¹
ācaratparamanugrahaṃ dṛśā
tādṛśā śiśuśaśāṅkaśekharaḥ
8.16
tataḥ svanatkaṅkaṇamṛdaṅgamaṅgalaiḥ
śubhairulūludhvanibhirmagītaśām
puraḥsamāsannaṣaḍarghyasatkriyo
viveśa vaivāhikamaṇḍapaṃ vibhuḥ
8.17
brahmarṣisammatapathena yathāvidhānaṃ²
vaivāhikaṃ vidhimupakramamāṇā eva
snātāṃ navāmbaravibhūṣaṇābhūṣitāṅgīṃ
haste cakāra dhararājasutāṃ sa tāvat
8.18
kambunā vitaraṇāmbusaṃbhṛtaṃ
vepathuślathakarāmbujacyutam
svedapūraparipūraṇātkṣaṇā—
tsaṃdadhe punaralakṣitaṃ haraḥ
8.19
vedoditena vidhinātha bhavo bhavānyāṃ
māṅgalya³tantumadhikaṇṭhataṭa vavandha
śambhoralaṃbhavati yatprabhavānubhāvā—
tpīto'pi kālakalanāya na kālakūṭaḥ
8.20
tatastu tau kāmasamṛddhikāmukau
vadhūvarau smeramukhau punaḥ punaḥ
kirīṭakoṭītaṭaghaṭṭitāñjaliṃ
vyatidvipete sma śubhāccatāñjalim
8.21
samaskaronmanthanajaṃ dhanañjayaṃ
svameva rūpaṃ sa tadā sadāśivaḥ
juhāva tasminnidhivodhitādhvanā
haviḥ pavitraṃ sakalāgamārthavit
8.22
rarāja lājāñjalihomadhūmato
daśordhvayī kokanadāyitāyatā
cirānurāgaṃ kimamāntamantare¹
sphuṭaṃ vamantī sutanoranupriyam
8.23
atha samānavivāhamahodayaṃ
sadaśarūpavadhūvarayordvayam
abhinananda saroruhanandanaḥ
sahasuraiśca nanāma sanandanaḥ
8.23.p1
ṣoḍaśaḥ prabandhaḥ
8.23.p2
malhārarāgeṇa gīyate