Khandaprashastikavya 10

Khaṇḍapraśastikāvya 10

Language: Sanskrit

10.2

sarvairmāṅgalyanādairamarapatipurī vītaśaṅkā nitāntaṃ,
sātaṅkā yasya laṅkā jananasamayato vīravīrasya jātā
duṣṭaiścakre palāyāmakhilajanamanaḥkalpanākalpavṛddho,
rakṣovikṣobhahetū racayatu sa mahatpāvanaṃ pāpanaghnaḥ ||114

10.1

8. kṛṣṇāvatāraḥ
kaunteyasya sahāyatāṃ karuṇayā gatvā vinītātmano,
yenollaṅghitasatpathaḥ kurupatiścakre kṛtāntātithiḥ
trailokyasthitisūtradhāratilako devaḥ sa vaḥ sampade,
sādhūnāmasurādhināthamathanaḥ stād devakīnandanaḥ

10.2-2

bhrāmyanmandarakandarodaradarīvyāvṛttibhirvāridheḥ,
kallolairulamākulaṃ kalayato lakṣmyā mukhāmbhoruham
autsukyāttaralāḥ smarādvikasitā bhītyā samākuñcitāḥ,
krodhenāñcalitā' madānmukulitāḥ śaurerdṛśaḥ pāntu vaḥ

10.3

hatvā tān raṅgavāṭe bahulavalayutān keśacāṇūramukhyān,
dattāśīrdevavṛndairhasitasitakarairdyotayan digvibhāgam
tatrotplutyoccamañcān dhṛtakacavidhuraṃ yastu kaṃsaṃ jaghāna,
śauriḥ sīridvitīyaḥ' sa bhavatu bhavatāṃ bhūtaye bālakāyaḥ

10.4

āgaskāriṇi kaiṭabhapramathane tattāḍanārthe ruṣā,
nābhīpaṅkajamastratāṃ gamayituṃ jāte prayatne śriyaḥ
svāvāsonmathanopapāditabhiyastrastātmanaḥ1 śaṅkayā,
yā brahmahmaṇyaparāḥ purātanamunervāgvṛttayaḥ2 pāntu vaḥ

10.5

arddhodañcitamānanendumudadhau dṛṣṭvā śriyaḥ śārṅgiṇā,
nīte tatpratighātakātaradhiyā nispandatāṃ mandare
daityānāṃ ca divaukasāṃ ca niviḍavrīḍānanānāṃ mitho
mithyāpīḍitapannagendravalayavyākṛṣṭayaḥ pāntu vaḥ

10.6

mallānāmaśanirnṛṇāṃ naravaraḥ strīṇāṃ smaro mūrttimān,
gopānāṃ svajanaḥ1 satāṃ kṣitibhujāṃ śāstā svapitroḥ śiśuḥ
mṛtyurbhojapatervirāḍaviduṣāṃ tattvaṃ paraṃ yogināṃ,
vṛṣṇīnāṃ paradevateti bhagavān raṅgaṃ praviṣṭo hariḥ

Linked texts (1)

Khaṇḍapraśasti — Hanūmān, Sanskrit