Khandaprashastikavya 2
Khaṇḍapraśastikāvya 2
- Language
- Sanskrit
2.1-3
matsyaḥ kūrmo varāhaśca nārasiṃho'tha vāmanaḥ
rāmo rāmaśca kṛṣṇaśca buddhaḥ kalkī ca te daśa
viyatpucchāttucchocchalitajalagarbhaṃ nidhispāmapāṃ nāthaḥ pāthaḥpṛthulalavaduḥstho viyadabhūt
nidhirbhāsāmaurvo dinapatirabhūdaurvadahanaścalatkāye yasmin sa jayati harirmīnavapuṣā
2.2
candrādityorunetraḥ kamalabhavabhavasphārapṛṣṭhapratiṣṭho,
bhāsvatkālāgnijihvaḥ pṛthulagalaguhādṛṣṭaniḥśeṣaviśvaḥ
adbhiḥ pucchotthitābhiścakitasuravadhūnetrasaṃsūcitābhi-1
rmatsyaśchinnobdhivelāṃ gaganatalamalaṃ kṣālayan vaḥ punātu
2.3
jīyāsuḥ śakalākṛterbhagavataḥ4 pucchacchaṭācchoṭanādudyantaḥ śatacandritāmbaratalaṃ te bindavaḥ saindhavāḥ
yairvyāvṛtya patadbhiraurvaśikhinastejojaṭālaṃ vapuḥ,
pānādhmānavaśādarocakarujāṃ cakre cirāyāspadam
2.4
diśyādvaḥ śakalākṛtiḥ3 sa bhagavānnaiḥśreyasīṃ sampadaṃ,
yasya sphūrjadatucchapucchaśikharapreṅkholanakrīḍanaiḥ
kṣubhyadvāddhisamucchalajjalabharairmandākinīsaṅgatairgaṅgāsāgarasaṅgamapraṇayinī jātā vihāyaḥsthalī
2.5
māyāmīnatanostanotu bhavatāṃ puṇyāni paṅkasthitiḥ3,
pucchācchoṭasamucchalajjalaguruprāgbhārariktodadheḥ4
pātālā vaṭamadhyasaṃkaṭatayāparyāptakaṣṭasthitervedodhdāraparāyaṇasya satataṃ nārāyaṇasya prabhoḥ
2.6
magne merau patati tapane toyabindāvivandāvantarlīne jaladhisalile vyākule devaloke
mātsyaṃ rūpaṃ mukhapuṭataṭākṛṣṭanirmu ktavārddhi, 10
śrīkāntasya sthalajalagatāṃ vetyaladdyaṃ punātu
2.7
atha yadarthaṃ rūpamakāri taṃ varṇayati8—
jṛmbhāvistṛtavaktrapaṅkajavidherhṛtvā śrutīḥ sāgare,
līnaṃ trastasamastanakranikaraṃ śaṅkhaṃ jaghānājire
pucchotkṣiptajalotkaraiḥ pratidiśaṃ sampūrya yo vai dharāṃ,
pāyādvaḥ sa mṛṇālakomalatanurmīnābhidhāno hariḥ
2.8
taṃ dṛṣṭvā śaṅkhadaityaṃ vividhavicaragairdarśayan candrakāntaprakhyaṃ kukṣiṃ savakṣaḥsthalamapulamukhāt phenarāśiṃ vaman yaḥ
yāto yastatsanīḍaṃ girivarasaddaśaṃ hantukāmo'pi vegāt,
śyeno voccaiḥ kapotaṃ sa bhavatu varadaḥ pīnapāṭhīnamūrtiḥ
2.6-2
yaṃ dṛṣṭvā mīnarūpaṃ sphuradanalaśikhāyuktasaṃraktanetraṃ,
loladvistīrṇakarṇakṣubhitajalanidhiṃ nīlajīmūtavarṇam
śvāsocchvāsānilaughaiḥ pracalitagaganaṃ pītavāriṃ murāriṃ,
diṅ mūḍho'bhūt saṃ śaṅkhaḥ sa bhavatu bhavatāṃ bhūtaye mīnarūpaḥ
2.10
diṅ mūḍhaṃ taṃ surāriṃ kila śitadaśanaiḥ pīḍyamānaṃ raṭantaṃ,
hṛtvā 13 tīre payodheḥ karatalakalitaṃ pūrayāmāsa śaṅkham
nādenākṣobhya viśvaṃ pramuditavibudhaṃ trastadaityaṃ sa devai-14
rdattārghaḥ padmayoneḥ prahasitavadanaḥ pātu vo dattavedaḥ
2.11
haṃ ho ! mīnatano ! hare ! kimudadhe ! kiṃ kampase śaityataḥ,⁴
svinnaḥ kiṃ vaḍavānalāt pulakitaḥ kasmātsvabhāvādaham
itthaṃ sāgarakanyakāmukhaśaśivyālokanenādhikaprodyatkāmajacihnanihnutiparaḥ śauriḥ śivāyā'stu vaḥ
Linked texts (6)
- Khaṇḍapraśasti — Hanūmān, Sanskrit
- Subhāṣitaratnakoṣa — Vidyākara, Sanskrit
- Subhāṣitaratnabhāṇḍāgāra — Kāśīnātha Pāṇḍuraṅga Paraba 1886, Sanskrit
- Śārṅgadharapaddhati — Śārṅgadhara, Sanskrit
- Sūktimuktāvalī — Jalhaṇa (Devagiri), Sanskrit
- Hārāvalī — Harinātha, Sanskrit