[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Shorter narrative and descriptive poems](https://indike.org/pramana/in.lit.kavya.khanda) › [Panegyric, rhythmic and court-praise poems](https://indike.org/pramana/in.lit.kavya.khanda.udaharana) › [Khandaprashastikavya](https://indike.org/pramana/in.lit.kavya.khanda.udaharana.khandaprasastikavya) › 2 # Khandaprashastikavya 2 Khaṇḍapraśastikāvya 2 - **Language:** Sanskrit ### [2.1-3](https://indike.org/pramana/in.lit.kavya.khanda.udaharana.khandaprasastikavya.2.1-3) matsyaḥ kūrmo varāhaśca nārasiṃho'tha vāmanaḥ rāmo rāmaśca kṛṣṇaśca buddhaḥ kalkī ca te daśa viyatpucchāttucchocchalitajalagarbhaṃ nidhispāmapāṃ nāthaḥ pāthaḥpṛthulalavaduḥstho viyadabhūt nidhirbhāsāmaurvo dinapatirabhūdaurvadahanaścalatkāye yasmin sa jayati harirmīnavapuṣā ### [2.2](https://indike.org/pramana/in.lit.kavya.khanda.udaharana.khandaprasastikavya.2.2) candrādityorunetraḥ kamalabhavabhavasphārapṛṣṭhapratiṣṭho, bhāsvatkālāgnijihvaḥ pṛthulagalaguhādṛṣṭaniḥśeṣaviśvaḥ adbhiḥ pucchotthitābhiścakitasuravadhūnetrasaṃsūcitābhi-1 rmatsyaśchinnobdhivelāṃ gaganatalamalaṃ kṣālayan vaḥ punātu ### [2.3](https://indike.org/pramana/in.lit.kavya.khanda.udaharana.khandaprasastikavya.2.3) jīyāsuḥ śakalākṛterbhagavataḥ4 pucchacchaṭācchoṭanādudyantaḥ śatacandritāmbaratalaṃ te bindavaḥ saindhavāḥ yairvyāvṛtya patadbhiraurvaśikhinastejojaṭālaṃ vapuḥ, pānādhmānavaśādarocakarujāṃ cakre cirāyāspadam ### [2.4](https://indike.org/pramana/in.lit.kavya.khanda.udaharana.khandaprasastikavya.2.4) diśyādvaḥ śakalākṛtiḥ3 sa bhagavānnaiḥśreyasīṃ sampadaṃ, yasya sphūrjadatucchapucchaśikharapreṅkholanakrīḍanaiḥ kṣubhyadvāddhisamucchalajjalabharairmandākinīsaṅgatairgaṅgāsāgarasaṅgamapraṇayinī jātā vihāyaḥsthalī ### [2.5](https://indike.org/pramana/in.lit.kavya.khanda.udaharana.khandaprasastikavya.2.5) māyāmīnatanostanotu bhavatāṃ puṇyāni paṅkasthitiḥ3, pucchācchoṭasamucchalajjalaguruprāgbhārariktodadheḥ4 pātālā vaṭamadhyasaṃkaṭatayāparyāptakaṣṭasthitervedodhdāraparāyaṇasya satataṃ nārāyaṇasya prabhoḥ ### [2.6](https://indike.org/pramana/in.lit.kavya.khanda.udaharana.khandaprasastikavya.2.6) magne merau patati tapane toyabindāvivandāvantarlīne jaladhisalile vyākule devaloke mātsyaṃ rūpaṃ mukhapuṭataṭākṛṣṭanirmu ktavārddhi, 10 śrīkāntasya sthalajalagatāṃ vetyaladdyaṃ punātu ### [2.7](https://indike.org/pramana/in.lit.kavya.khanda.udaharana.khandaprasastikavya.2.7) atha yadarthaṃ rūpamakāri taṃ varṇayati8— jṛmbhāvistṛtavaktrapaṅkajavidherhṛtvā śrutīḥ sāgare, līnaṃ trastasamastanakranikaraṃ śaṅkhaṃ jaghānājire pucchotkṣiptajalotkaraiḥ pratidiśaṃ sampūrya yo vai dharāṃ, pāyādvaḥ sa mṛṇālakomalatanurmīnābhidhāno hariḥ ### [2.8](https://indike.org/pramana/in.lit.kavya.khanda.udaharana.khandaprasastikavya.2.8) taṃ dṛṣṭvā śaṅkhadaityaṃ vividhavicaragairdarśayan candrakāntaprakhyaṃ kukṣiṃ savakṣaḥsthalamapulamukhāt phenarāśiṃ vaman yaḥ yāto yastatsanīḍaṃ girivarasaddaśaṃ hantukāmo'pi vegāt, śyeno voccaiḥ kapotaṃ sa bhavatu varadaḥ pīnapāṭhīnamūrtiḥ ### [2.6-2](https://indike.org/pramana/in.lit.kavya.khanda.udaharana.khandaprasastikavya.2.6-2) yaṃ dṛṣṭvā mīnarūpaṃ sphuradanalaśikhāyuktasaṃraktanetraṃ, loladvistīrṇakarṇakṣubhitajalanidhiṃ nīlajīmūtavarṇam śvāsocchvāsānilaughaiḥ pracalitagaganaṃ pītavāriṃ murāriṃ, diṅ mūḍho'bhūt saṃ śaṅkhaḥ sa bhavatu bhavatāṃ bhūtaye mīnarūpaḥ ### [2.10](https://indike.org/pramana/in.lit.kavya.khanda.udaharana.khandaprasastikavya.2.10) diṅ mūḍhaṃ taṃ surāriṃ kila śitadaśanaiḥ pīḍyamānaṃ raṭantaṃ, hṛtvā 13 tīre payodheḥ karatalakalitaṃ pūrayāmāsa śaṅkham nādenākṣobhya viśvaṃ pramuditavibudhaṃ trastadaityaṃ sa devai-14 rdattārghaḥ padmayoneḥ prahasitavadanaḥ pātu vo dattavedaḥ ### [2.11](https://indike.org/pramana/in.lit.kavya.khanda.udaharana.khandaprasastikavya.2.11) haṃ ho ! mīnatano ! hare ! kimudadhe ! kiṃ kampase śaityataḥ,⁴ svinnaḥ kiṃ vaḍavānalāt pulakitaḥ kasmātsvabhāvādaham itthaṃ sāgarakanyakāmukhaśaśivyālokanenādhikaprodyatkāmajacihnanihnutiparaḥ śauriḥ śivāyā'stu vaḥ ## Linked texts (6) - [Khaṇḍapraśasti](https://indike.org/pramana/in.lit.kavya.stotra.vaisnava.khandaprasasti.1.2-2) — Hanūmān, Sanskrit - [Subhāṣitaratnakoṣa](https://indike.org/pramana/in.lit.subhasita.subhasita.kosa.subhasitaratnakosa.6.10) — Vidyākara, Sanskrit - [Subhāṣitaratnabhāṇḍāgāra](https://indike.org/pramana/in.lit.subhasita.subhasita.adhunika.subhasitaratnabhandagara.1.12.6) — Kāśīnātha Pāṇḍuraṅga Paraba 1886, Sanskrit - [Śārṅgadharapaddhati](https://indike.org/pramana/in.lit.subhasita.subhasita.kosa.sarngadharapaddhati.2.25-2) — Śārṅgadhara, Sanskrit - [Sūktimuktāvalī](https://indike.org/pramana/in.lit.subhasita.subhasita.kosa.suktimuktavali.9.34) — Jalhaṇa (Devagiri), Sanskrit - [Hārāvalī](https://indike.org/pramana/in.lit.subhasita.subhasita.kosa.haravali.1.p23) — Harinātha, Sanskrit --- Source: [https://indike.org/pramana/in.lit.kavya.khanda.udaharana.khandaprasastikavya.2](https://indike.org/pramana/in.lit.kavya.khanda.udaharana.khandaprasastikavya.2) · Pramāṇa