Pramāṇa · Search · About · API

Khandaprashastikavya 3

Khaṇḍapraśastikāvya 3

Language
Sanskrit

3.1

2. atha kūrmmāvatāraḥ
yo dhatte śeṣanāgaṃ tadanu vasumatīṃ svargapātālayuktāṃ ,
yuktāṃḥ sarvai samudrai rhimagirikanakaprasthamukhyairnagendraiḥ
etadbrahmāṇḍamasthāmṛtaghaṭasadṛśaṃ bhāti vaṃśe murāreḥ ,
pāyādvaḥ kūrmadehaḥ prakaṭitamahimā mādhavaḥ kāmarūpī

3.2

niḥpratyūhamanalpakalpacaritastrailokyarakṣāguruḥ 8,
krīḍākūrmakalevaraḥ sa bhagavān diśyādamandāṃ mudam
kalpāntodadhimadhyamajjanavaśādvyāsarpataḥ saṃplutat,
pṛṣṭhe yasya babhūva saikatakaṇacchādyaṃ dharitrītalam

3.3

bhramati girirāṭ pṛṣṭhe garjatyuparyati sāgaśe,
dahati vitatajvālājālo jaganti viṣānalaḥ
sa tu vinihitagrīvākāṇḍaḥ kaṭāhakaṭodare,
svapiti bhagavān kūrmo nidrābharālasalocanaḥ

3.4

bhrāmyanmandarakandarodaradarīvyāvṛttibhirvāridheḥ,
kallolairulamākulaṃ kalayate lakṣmyā mukhāmbhoruham
autsukyāttaralāḥ smarādvikasitā bhītyā samākuñcitāḥ,
krodhena jvalitāḥ madānmukulitāḥ śaurerdṛśaḥ pāntu vaḥ

3.5

putriṇyaḥ kati nā'tra santi bhuvane'bhūvan kiyantyo'thavā,
saubhāgyaikamaṭhī tathāhi kamaṭhī strīṣu praśaṃsāspadam
bhagne bhogini bhaṅgureṣu kariṣu bhraṣṭotsave daṃṣṭriṇi,
kṣoṇīṃ sāhasikāgraṇīstulayituṃ jāgartti yasyāḥ sutaḥ

3.6

pṛṣṭhabhrāmyadamandamandaragirigrāvāgrakaṇḍūyanairnidrāloḥ kamaṭhākṛterbhagavataḥ śvāsānilāḥ pāntu vaḥ
yatsaṃskārakalānuvarttanavaśād velāchalenāmbhasāṃ,
yātāyātamattandritaṃ jalanidhernādyāpi viśrāmyati

3.7

namaskurmaḥ kūrmaṃ namadamarakoṭīranikaraprasarpanmāṇikyacchavimilitamāñjiṣṭhavapuṣam
jarīzambhaḍḍimbhadyumaṇiramaṇīyāṃśulaharīparīrambhasphūrjadbalabhidupalādripratibhaṭam

Linked texts (5)