Pramāṇa · Search · About · API

Khandaprashastikavya 5

Khaṇḍapraśastikāvya 5

Language
Sanskrit

5.2

pātālā [cca] samuddhṛ to gatabalirmṛtyurna nītaḥ kṣayam ,
no nītaṃ śaśalāñchanasya galitaṃ nonmīlitā vyādhayaḥ
śeṣasyāpi dharāṃ vidhṛtya na kṛto bhārāvatāraḥ kṣaṇaṃ ,
cetaḥ satpuruṣābhimānadarpaṃ mithyāvahallajjase ||14

5.1

4. atha nṛsiṃhāvatāraḥ
kiṃ kiṃ siṃhastataḥ kiṃ narasadṛśavapurdeva citraṃ gṛhīto,
naitādṛk kvāpi jīvo'dbhutamupanaya me deva saṃprāpta eṣa
cāpaṃ cāpaṃ1 na cāpīyataha ha ha ha hā karkaśatvaṃ nakhānāmitthaṃ daityendravakṣaḥ kharanakharamukhairjaghnivān yaḥ sa vo'vyāt

5.2-2

cañcaccaṇḍanakhāgrabhedavigaladdaityendravakṣaḥkṣaradraktābhyaktasupāṭaloddhaṭasaṭāsamprāntabhīmānana.7
tiryakkaṇṭhakaṭhoraghoṣaghaṭanāsarvāṅgakharvībhavaddiṅmātaṅganirikṣito vijayate vaikuṇṭhakaṇṭhīravaḥ

5.3

vapurdalanasambhramāt svanakharandhranaṣṭe ripau,
kva yāta iti vismayāt prahitalocanaḥ sarvataḥ
vṛtheti karatāḍanānnipatitaṃ puro dānavaṃ,
nirīkṣya bhuvi reṇuvajjayati jātahāso hariḥ

5.4

daṃṣṭrāsaṃkaṭavaktrakandaralalajjihvasya havyāśanajvālābhāsurabhūrikesarasaṭābhārasya daityadruhaḥ
vyāvalgadbalavaddhiraṇayakaśipukroḍasthalāsphālanasphāraprasphuṭadasthipañjaravakrūrā nakhāḥ pāntu vaḥ

5.5

bhūyaḥkaṇṭhāvadhūtivyatikarataralottaṃsanakṣatramālābālendukṣudraghaṇṭāraṇitadaśadiśādanticītkārakārī
avyādvo daityarājaprathamayamapurīyānaghaṭāninādo'
nādo digbhittibhedaprasarasarabhasaḥ kūṭakaṇṭhīravasya

5.6

antaḥkrodhojjihānajvalanabhavaśikhākārajihvāvalīḍhaprauḍhabrahmāṇḍabhāṇḍaḥ pṛthubhuvanaguhāgarbha gambhīranādaḥ
dṛpyatpārīndramūrttirmurajidavatu vaḥ suprabhāmaṇḍalībhiḥ4,
kurvannidhū madhū madhvajanicitamiva vyoma romahvaṭānām

5.7

somārddhāyitaniḥpidhānadaśanaḥ sandhyāyitāntarmukho,
bālārkāyitalocanaḥ suradhanurlekhāyitabhrūlataḥ
antarnādanirodhapīvaragalatvakkūpaniryattaḍittārasphāra saṭāvaruddhagaganaḥ pāyānnṛsiṃhaḥ sa vaḥ

5.6-2

caṭacca
śatroḥ prāṇānilāḥ pañca vayaṃ daśa jayo'tra kaḥ
iti kopādivātāmrāḥ pāntu vo nṛharernakhāḥ

5.10

sa satvaramitastatastatavihastahastāṭavīnikṛntasuraśatruhṛtkṣatajasiktavakṣaḥsthalaḥ
sphuradvaragabhastibhiḥ sthagitasaptasaptidyutiḥ,
samastanigamastuto nṛharirastu naḥ svastaye

5.11

vidyuccakrakarālakesarasaṭābhārasya daityadruhaḥ,
śoṇannetrahutāśaḍambarabhṛtaḥ siṃhākṛteḥ śārṅgiṇaḥ
visphūrjadgalagarjitarjitakakuṅmātaṅgadarpodayāḥ2,
saṃrambhāḥ sukhayantu vaḥ kharanakhakṣuṇṇadviṣadvakṣasaḥ

5.12

krodhasphītasphuliṅgasphuṭavikaṭamukhodbhūtabhūtkāravṛṣṭiḥ,
kliṣṭaspaṣṭāṭṭahāsaiḥ śakaṭakaṭakaratruṭyadadrīndraśṛṅgaḥ
[degha tvāṃ] bhūribhabhruḥ bhuvanabhaṭabhaṭaḥ jṛmbhagambhīrajṛmbhārambhaḥ jambhāriśambhuprabhṛtikṛtanatiḥ pātu devo nṛsiṃhaḥ

5.13

yaṃ dṛṣṭvā nārasiṃhaṃ vikṛtānakhamukhaṃ raudradaṃṣṭrākarālaṃ,
piṃgākṣaṃ stabdhakarṇaṃ bahulaśikhiśikhākuñcitāgrāgrakeśam
bhītāste dānavendrā asuravarabhaṭāḥ śastramudgīrṇavanto,
hā hā kiṃ kiṃ kimetat kṣubhitajanapadaḥ pātu vaścakrapāṇiḥ

5.14

yatrākhaṇḍaladantidantamusalānyākhaṇḍitānyāhave,
dhārā yatra pinākapāṇiparaśorākuṇṭhitā vakṣasi
tanme tāvaduro nṛsiṃhakarajainryādīryate sāmprataṃ,
daive^2 durjanatāṃ gate tṛṇamapi prāyeṇa vajrāyate

Linked texts (5)