Harikeli 12

Language: Sanskrit

12.1

ekadā gatavati vrajavāsaṃ vallabhe manasikṛtya vilāsam
prāṇavatpriyatamāmatha medhāṃ rādhikā rahasi vācamuvāca

12.2

ambudastanitanirbharabhīmā yāminī salilapātasuṣīmā
dāruṇo dahati pañcaśaro māmunmadaṃ tadanubandhi vayo'pi

12.3

prāṇadhāraṇamapāraṇametad dussaho balavatāmabhiyogaḥ
nandanandanamihānaya mukhyaṃ jīvanauṣadhamalaṅkuru sakhyam

12.4

ityudīritamavetya vayasyā sā vidheyacaturā ciramasyāḥ
cittavṛttiriva nirbharalagnā nandanandanasamīpamavāpa

12.5

tatra taṃ suśayitaṃ śayanīye kāmadevasuṣamaṃ kamanīye
samprabodhya śanakairatha medhā mādhavaṃ madhuravāṇi1 babhāṇa

12.6

yā jagadvijayakīrtipatākā jīvanauṣadhilatā madanasya
candrasenaramaṇīramaṇīyā cetasā valati sā bahuśastvām

12.7

kāmabāṇabahulīkṛtabādhā sānurañjanaparā tava rādhā
sve 2gṛhe gurujane'pyapalajjā sāmprataṃ vasati vāsakasajjā

12.8

subhruvo jayati garbhakadāmagranthibandharuciraḥ kacabhāraḥ
ūrdhvagauravadanacandramayūkhairdhvāntajālamiva pṛṣṭhapinaddham

12.9

kāmakelivipine kacabhāre3 sannimagnajanacittamṛgāṇām
bandhanāya nihitaṃ varavadhvāḥ kālapāśa iva rājati veṇī

12.10

bhāladeśa iha bālamṛgākṣyā bhāti nāgararajaḥkṛtabinduḥ
pūjitaḥ smṛtibhuvā janamohe bandhujīvakusumena kiminduḥ

12.11

yauvanaprasṛmarasmaralīlābhaṅgisaṅgirasavāridhivṛddhau
locane kalayataḥ kila tasyā modamānaśapharasphuritāni

12.12

yauvanābhinavakāntijhareṇa kṣālito mukhavidhurvidhumukhyāḥ
aṅgapaṅkapūṭalī galitāsmād romarājiriti gacchati vādam

12.13

kāmadevanṛpateriva kelī hemaśailayugalī hariṇākṣyāḥ
ullasatyurasi yauvanakāroḥ kiñcideva karaśilpamurojau

12.14

tattanau madanadevanivāse yauvanena parikhā yadakhāni
uddhṛtairavayavairiva tasyāstuṅgamūruci valitrayadurgam

12.15

ūruyugmavarakāñcanarambhāstambhamaulimilito hariṇākṣyāḥ
manmathakṣitipaterabhiṣeke rudrapīṭhamiva bhāti nitambaḥ

12.16

kiṅkiṇīkvaṇitakaitavato'syāḥ kākumākulatayā vidadhānaḥ
unnatastanamahīdharabhārāpīḍanāt kimapalāyata madhyaḥ

12.17

pādaśoṇasarasīruhamasyā yāvarāgaparabhāgamanojñam
śroṇibimbaguruyantraṇabhārālohitaṃ vamadiva pratibhāti

12.18

^4śītarociruciradyutirambhābālapallavamṛṇālamṛgīṇām
tvāmayaṃ samavayan samavāyo jāyatāṃ jagati nāthasanāthaḥ

12.19

kovidaḥ sakalakelikalānāmākaro'si navayauvanalakṣbhyāḥ
tāmimāmanusara smarakhinnāṃ kaumudī milatu śītakareṇa

12.20

medhayeti bhaṇite madhuhantā rādhikāmanujagāma sakāmaḥ
tadguṇena vacanena ca dūtyāḥ prerito nu purato nu' vikṛṣṭaḥ

12.21

dhvāntamarcirapathaṃ pathamantaḥ svaṃ mithaḥ sahacarau ca vidantau
tau manoratharathāvadhirūḍhau gūḍhamaṅgalamavāpaturasyāḥ

12.22

medhayā sapadi dhautapadābjo rādhayā madhuradṛṣṭinidiṣṭaḥ
tatra bhogabhavanaṃ varamasyā rāgavāniva bhavaṃ sa viveśa

12.23

medinīmilitamaulirathainaṃ sā praṇamya sahasojjhitaśayyā
bhāvinī bhavanabhittisamīpe putrikeva likhitā niṣasāda

12.24

tāṃ vidhṛtya sa kare kamanīye sannināya śanakaiḥ śayanīye
nāgarī nidhuvane kila patyuḥ prākkaragrahamapekṣata eva

12.25

bhāṣitā na yadabhāṣata bālā samvavāra vasanaṃ vidhṛtau⁶ yat
vallabhasya tadabhūdatimānaṃ drāganaṅgadahanendhanadānam

12.26

ambaraṃ hṛtavati priyapāṇau pāṇipadmanihitorasijāyāḥ
subhruvo bahumilanmaṇibhūṣā bhāvitānanapidhānakamāsīt

12.27

vāsaṃsi priyatamena vikṛṣṭe sarpippat karasarojamuroje
nūnamarcitavatī śaśimauliṃ nityasaṅgaratiraṅgasukhāya

12.28

nīvinigrahapare priyapāṇau yannijaṃ karamayojayadeṣā
yuktameva karadānamamuṣmin nāmataḥ sahajato'pyabalāyāḥ

12.29

sammukhe vimukhatāmupajātā'nuttarā kimapi pṛcchati kānte
muṣṭiruddhavasanāpi babhūva prītaye navavadhūriva tasya

12.30

sā mahīyasi rase nipatantī bāhubandhamakarot priyakaṇṭhe
kinnu mohapatitā samakṛntat tasya dantavasane daśanena

12.31

hrīdhanāni harati priyapāṇau nīvisandhamavadāya mṛgākṣyāḥ
mekhalā sahacarī vicakampe saṃruroda bahu nūpurayāmī

12.32

bandhakāriṇi haṭhena hṛdīśe subhruvo hṛdayahāribhiraṅgaiḥ
stambhitaṃ tadanu kampitamuccaiḥ svedabindumaṇayaḥ pratidattāḥ

12.33

kāmini⁷ stanataṭe karajāṅkaṃ kaṇṭhapālimavagṛhya dadāne
subhruvā viracito'pyanuvelaṃ sacchalo vidhirabhūnnanakāraḥ

12.34

māmametyavimukhaṃ mukhacandraṃ cumbati priyatameti gadantyā
lajjayā sahajayā hariṇākṣyā hīṇayaiva sahasā parijahe

12.35

vallabhe'tiparirambhiṇi gāḍhaṃ subhruvo valitabāhulatāyāḥ
mānasādapasasāra salajjā pīnapīḍanabhayādiva bhītiḥ

12.36

lagnamanmathamade madirākṣyā nirdayastanavimardanaśīle
vallabhe viracito bahuvāraṃ sādhusītkṛtisudhārasavṛṣṭiḥ

12.37

kāntadantadalite dayitāyā vaktracandramasi vairiṇi hṛṣṭaiḥ
maulidhūtanacalaiḥ kimu cakre puṣpavṛṣṭirapi keśatamaubhiḥ

12.38

ityanukṣaṇavilakṣaṇalīlālobhayostadubhayo ratirāsīt
sā yathā navanavoditarāgādunmadādapuruṣāyata yoṣā

12.39

khaṃ vilolati taraṅgati gaṅgā⁸ baṃbhramīti pulinaṃ milatīnduḥ
paṅkajaṃ vasati sārasamālā māyikaṃ kimapi mānmathamāsīt

12.40

taddvayorviharatoriti gāḍhaṃ sā ghanāgamaniśāpi śaśāma
no punarmanasi mānasijīyaṃ nityanūtanatamā ratilipsā

12.41

acchinat timirakāsarakaṇṭhaṃ helayā bata⁹ vibhātakirātaḥ
ucchaladrudhiradhoraṇilakṣmīṃ carkarīti punararkkamarīciḥ

12.42

bhāskaro'pi bhagavānagarājaṃ rājamānamudayaṃ samarohat
kokayormilitayoranurāgai rañjitaḥ prasṛmarairiva cittāt

kopārakta iva vyudasya timirastomaricakraṃ haṭhāt
viśvasminnapi viśrutaṃ dhavalimādvaitaṃ10 samuddīpayan
prākpṛth hisīdharaśeṣavāsarasamāsīno nu rājā rucām
drāgunmocayati sma kiṃ kamalinī kārāsu baddhānalīn

12.44

prācī kuṅkumapaṅkalepalalitaivābhūdalaṃ rāgiṇī
11kiñcinmugdhavibuddhapaṅkajadalasmerānanā12 padminī
dṛṣṭvāgantukamantike dinakṛtaṃ kāntaṃ divāsundarī
sindūradyutipūramaṇḍitamukhī dīptaṃ dadhārāmbaram

12.45

iti rajanivirāmaṃ13 vīkṣya rāmānujanmā
nayanakumudacandraścandrasenapriyāyāḥ
aliriva kumudinyāḥ koṣamutsṛjya bheje
nijasadanasarojaṃ gopatiprītidāyī

12.46

pitā yasyānvīkṣāmbudhibahalane candramā rāmacandro
jagatkhyātā mātā jayamatiriti śrībhavānīva vandyā
kṛte tena śrīvaṃśamaṇikavinā kṛṣṇakāvye'tibhavye' -
bhavat pūrṇastūrṇaṃ vasugaṇanayā kāminīkelisargaḥ