Vrajayuvavilasa 14

Vrajayuvavilāsa 14

Language: Sanskrit

14.1

atyantaśaityapayasāṃ prasarairanantavarmadviryadbhiratha śāntarajaḥ prapaṃcā
gopālanandanakṛtānugatiḥ pavitrā gaṃgeva dhenupaṭalī purataścacāla

14.2

nānāvilāsarasabhāsuralālasena vaṃśīviṣāṇadalavādyakalālasena
guñjaprasūnaśikhipicchasamākulena bhūyaḥ svayaṃ savayasāṃ prayayau kulena

14.3

vanyaprasūnakṛtaśekharaḍambareṇa nīlotpalapravaranisphuradambareṇa
ghāvalyavalyaśaśitulyakalevareṇa līlodayena milatā ca durāvareṇa

14.4

akṣīṇaveṇuvaravādanapaṇḍitena gaṇḍāntatāṇḍavitakuṇḍalamaṇḍitena
karṇāyatapramadaghūrṇitalocanena niyaṃtakaṭākṣahṛtamānasaśocanena

14.5

uccairadīnacaladāprapadonadāmasaurabhyalubhyadalisaṃgataraṃgitena
uddaṇḍakuṇḍalilasadbhujadaṇḍakena śrīmadbalena militaḥ khalu daṇḍakena

14.6

sadviprasaṃgaparibhāvanalolacitto niyogapāśamukhaveśaviśeṣavitaḥ
lokatrayīhṛdayahārakakelileśaḥ saundaryasṛṣṭikalitāvayavaikadeśaḥ

14.7

śrīnandarājatanujo'pi kalāvidagdhāmantastadā hi samuditavaraharṣadigdhām
tāṃ maṇḍalīmapi samīritanṛtyagānāṃ tābadvacabhūṣayadatīva nijānugānām

14.8

śrīrādhikānavavilokanakotukotkaṃ mandākṣamandamabhilakṣya sa gokulendum
āryāgratastamatha dūrayituṃ vicāryyaṃ vācaṃ baṭustviti tadaupayikīmuvāca

14.9

śrīman sakhe ! kimiti bhānusutānukūlalīlābhilāṣihṛdayaṃ tvivaśaṃ yadīdam
tattvaṃ kathaṃ bhavasi dhīrapadānubandho bandhyo'pidhāsyati kathaṃ phalinābhidhānam

14.10

itthaṃ vidūṣakagirātha parītalajjaṃ śrutvā nibhālya vimukhaṃ baladevamevam
agre jagāma sahasā vrajarājasūnuḥ kiṃcicchalaṃ parikalayya vilajjamānaḥ

14.11

saṃgīkṛto'tha carame madhumaṅgalena pārśvadvaye'pi valitaḥ suvalojjvalābhyām
gāndharvikāpriyasakhīpaṭalasya tāvat pūrvaṃ harirnayanayorviṣayaṃ prapede

14.12

koṭīndusundaramukhaḥ suvasṛṣṭikandaḥ kandarpavṛndasubhagaḥ śubhagandhabandhaḥ
prāṇapriye ? praṇayini ? praṇayī sa eṣa taṃ prīṇaya praṇatadṛṣṭitaraṅgaraṅgaḥ

14.13

tasyāḥ sakhījanamukhāditicāmrudīrṇā varṇā vidhūrṇata ivātimudā tadānīm
cakṣurdvayasya nijakāntamukhaṃ didṛkṣorhastāvalambavilambamalaṃ vyadhuḥ kimu ?

14.14

śrībhānujā tadanu jāguḍajaitrakāntiḥ kāntaṃ nirantaravicintitamantarevam
aikṣiṣṭa hṛṣṭamadhumaṃgalanarmatuṣṭaṃ śrīpārśvayośca valitaṃ suvalojvalābhyām

14.15

uddhūtadhenukhuradhūlivilīyamānamāsṛṇyaśūnyakacaviślathavanyamālam
nīlālakāvalimilindakṛtānubandhapūrṇenduvṛndakṛtanindamukhāravindam

14.16

karpūrapūrasamasundaramandarāsyahāsānubandhamadhurākṣaravayabandham
īṣaccalanmakarakuṇḍalamaṇḍalīyabhāmaṇḍalīvalitagaṇḍamahaḥ samūham

14.17

uddaṇḍabhīrudhṛtidaṇḍakasūnakāṇḍakodaṇḍakhaṇḍamadakhaṇḍakacillidaṇḍam
trailokyayauvatavataṃsaramādilebhasasyodayāmbupatanāyitanetralīlam

14.18

udbhāsvarasvaravikasvaragānasārasyarasyapadakambuviḍambikaṇṭham
satkundakumaṃgalavinindakadantavṛndasambandhabandhuratarādharabandhujīvam

14.19

uddaṇḍapīnabhujadaṇḍabhujaṃgasaṃgigagigayajāṃgadavaladvalayāṃgulīyam
śoṇāñjapāṇikaraṇādaruṇāyamānaśrīveṇudhāraṇavilāsapurādhurīṇam

14.20

nīlotpalīyapaṭalīmṛdulātinīlavakṣaḥ sthalīskhalitakomalamallimālam
muṣṭiprameyataramadhyamanaddhahemaśrīmallasadvasanamallasamānaveśam

14.21

sthūlendranīlapalakojvalasaprapaṃcasaṃcāravacca ramyacāti cārum
jānudvayīkalitajāmbūnadabaddha khelatkvaṇatkanakakiṃkiṇikā nikāyam

14.22

gulpadvayopariparisphuṭaratnamaṃjumaṃjīraśiṃjitasuraṃjitakarṇapuṃjam
nityaprabhinnamṛgarājavirājamānasaṃcāracārucaraṇakramaṇapravīṇam

14.23

indīvaraprabalakāntikalevaraśrīsaubhāgyaḍambaraviḍambitakoṭikāmam
mādhuryasampadanivāritavāripurasātatyapūraṇaparītaśarīrasindhum

14.24

pratyaṃgamaṃgalataraṃgadamaṃgabhaṃgotuṃgīkṛtānamanaḥ sadanaṃgaraṃgam
śrīnandanandanamam dhūri sandadarśa gāndharvikeyamabhinandita buddhi yāvat

14.25

tāvajjavāt savayasau suvalojjvalākhyau kālaṃ tamāśu sakalārthaṃdamākalayya
eṣaiva te madanamohana? mohaheturyā rādhikā kalayatāmidamāhatustam

14.26

indīvarāvalirivāvalitā ravindamiva nīravamājihānā
saṃmohanāya janitāṃjanalekhikā ca viyati pratyanditā kālindajaiva

14.27

satkuntayaṣṭiriva kelatikāmukena kṣiptākṣaṇātadanubhānubhuvo bhavantī
yāvajjavādabhinavaṃ vrajamaṃgalasya saṃgāhate sma hṛdayaṃ tadapāṃgabhaṃgī

14.28

cetaścakoramudiśāradakaumudīva dhairyāmbujannajahatau ca himānikeva
gaṃgeva kāmakaluṣāpagame navākṣiśrṛgārasaṃgamavidhāvibapuṣpavṛṣṭiḥ

14.29

saṃmohaneṣuriva ca smarahastamuktā tāvatnavaṃ sakalagokulalokabandhoḥ
gandharvikādharabhavālaghumanthahāsavīthī vavandhanikhilendriyavṛndamasya

14.30

premā vidhuḥ samapagacchati vāhyabodhadhārādhare'dhamithunasya tadevadaivāt
tatra sma vismitamano dividedivīti setau hṛte'mbu na hi ki bhuvi veviṣīti

14.31

tattādṛgadbhutatamapraṇayapramatte citte trapetthamanayostu kathaṃ prathet
naidāghike kiraṇamālini jṛmbhamāṇe bobhūyate kimudayanmahimāhimānī

14.32

dvandvasya tasya hṛdayābhyudayo'nubhindannānandasindhurapi bandhuradhairyabandham
rundhan vivekasaritaḥ parito'pyamandamindāṃ babhūva paripūryaṃtendriyāndhūn

14.33

yasyodayaṃ madanadevavaraḥ sa veda nāntaṃ mudā hṛdi tayoḥ samudāyakasya
tasyāpi vāṃgamanasayorapi nāspadasya kiṃvarṇanīyamalamekikayādya vācā

14.34

ānandabhāra uta mohavikārapūraḥ kiṃ kāmasāgaraḥ uta praṇayaprakāraḥ
itthaṃ kṣaṇaṃ nahi vilakṣaṇalakṣaṇena tallakṣaṇaṃ na niraṇāyi nirokṣaṇamāṇeḥ

14.35

bhede vibhātyapi tayoratha kāyike'pi nūnaṃ drutaṃ tadanumānasamaikyamāsīt
kāhaṃ kathaṃ mama ca kā gatirityamantaḥ sphurtirdarāpi varivarti na yat sa tulyam

14.36

yaccittadivyanavanītakapiṇḍayugmaṃ kāma: pratāpya sa pura praṇayānalena
ekocakāra ca tayorateva bhedasambhārameva navabhārabhūśaṃ tadādi

14.37

gambhīrasambhṛtiralambhiyadaṃgakena stambhādiratyudajajṛmbhadito'varaṃ tam
sāmarghavad sapadidarśitamaśruvarṣamakṣaṇostu nānyataramatra tato'timātrā

14.38

gāndharvikā vrajavidhuśca parasparasya sparśādṛśaiva hi samaṃ samamuhyatāṃ tau
bhāvasya hanta sahajasya bhṛśaṃ prabodhe siddhaṃ nidānamiha saṃskṛtarodhabādhaḥ

14.39

sākṣādayaṃ madanamohana eṣa kṛṣṇaḥ śrīrādhikānavavilokanakauśalena
āsīt svayaṃ madanamohita itthamantarnośaṃkanīyamihasamprati hanta ? santaḥ

14.40

vastvekameva phalato dvividhaṃ rādhākṛṣṇadvayaṃ dvidalarūpikalāyavattat
tattvasya tatvamiha tulyamaho ? tathāpi prāyaḥstriyāḥ prakṛtimohaka eva rūpam

14.41

atrāntare'cchalasamucchaladutsavena vitrāyite navakiśorayugautra vegāt
mandaṃ sadhenusakhivṛndavinodanandī sa śrībalaḥ kila dṛśoḥ padavīmavindat

14.42

āryaḥ sa eṣa calati sma hi rohiṇeyo mā sthīyatāmiha dṛśorviṣaye tadasya
itthaṃ sakhījanavacovaḍiśaṃ kṛśāṅgicetojhaṣaṃ kila cakarṣa mudamburāśeḥ

14.43

āryāmidhānavidhinā vidhināśyamānajīvātuvat svamanasā paritapyamānā
hīnā kṣaṇādanulilāya sakhīyutāsau maryādayā bhavati sarvamatīva vayyam

14.44

rādhānubandhavidhurāyitadhairyabandhamapyabhimatya vaṭubaṃyasyam
bāhyāṃ prasahya padavīmapi taṃ ninīṣurbuddhiprabodhanakarīṃ giramitthamūce

14.45

udvīkṣya kṛṣṇa ? ghanasundara ? dhīra ? śampāṃ
tat ketakīkamalakāntiṣu lubhyate kim ?
sā yat tvadīyahṛdayorukaṣopalāntahaimeva
hanta ? vidhinā'pi kaṣiṣyate hi

14.46

itthaṃ baḍhūktisamakālamavākalya kolāhalaṃ subahulaṃ sakhinā mudīrṇam
āryāttrapāmapi gamīvikṛti nigṛhya bāhyāṃ vivekasaraṇīmaruṇodajenduḥ

14.47

tattāddaśakṣaṇabhavakṣaṇavāraṇe'pi tatprāptisūcakagirā laghutṛptimāpaḥ
tatsāmagrajo vrajavidhurnijadhenuvṛndaṃ mandaṃ nināya sa bhavanādvanaṃ dinānte

14.48

nirvāhya bāhyamapi tajjanakapramodaṃ snānānnabhojanasabhāsu samājanādyaiḥ
nidrādaridranayanaḥ smarabhūvikārānaṅgīcakāra saśarīragatān kiśoraḥ

14.49

rātrindivaṃ madanakandalitādhivṛndaṃ gāndharvikānubhavikaṃ bhavikāya tīvram
dhīraiva dhārayitumantarapārayantī svālīnijopacaraṇaiḥ śramayāṃcakāra

14.50

śrīrādhikāmadanamohanayoritīmaṃ pratyakṣabīkṣaṇasukhāmṛtapūramāśu
bhinnaṃ muhūrdirapi boḍhumapārayantau vṛndāvaṭū vyabhajatāmiva paurṇamāsyai

14.51

tāvat praviśya vata ko'pi jagāda natvā bhatvā sa gokulapatiḥ tanayasya duḥkham
vanyāparibhramanimittatayāniṣidhya tasmādamuṃ tadanudhenu yiyāsatīti

14.52

itthaṃ niśamya kimapi pratipadya duḥkhaṃ sadyaḥ samasmaradyaṃ hṛdaye'tha yāvat
śrīnāradaṃ sapadi śāradanīradābhastāvadviśāradamatiḥ samalakṣi sākṣāt

14.53

vṛndādivanditamamuṃ tarasā rasādrravīṇāpravoṇamṛṣimāśu nivedya hṛdyam
tatsamvidhānamatha yāvadapṛcchādatra yogaṃ sa tatsakalametaduvāca tāvat

14.54

tvaṃ nandamandiramupehi tavānvageva yātāsmi tatra bahuvismitamānasaṃ tam
mantraṃ bravīmi tadanu vrajarājamitthaṃ yenaiva bhāvibhavikaṃ rahitāntarāyam

14.55

rādhāṃ samānaya gṛhaṃ tvamanuprabhātaṃ tatpācitānnamikamāśaya sūnumāśu
nairujyamasya bhavitā tatra itthamatra mantrasya pāka iha kiṃ na punarvidhātā ?

14.56

itthaṃ nivedya niravadya hṛdā tadānīṃ lilye kṣaṇena ṛṣiṇā praṇatāṃghriṇātaḥ
vṛndāvadūditakiśorayugavyavasthā tasyāvato bhagavatī kimapīha du:sthā

14.57

tvaṃ devi ? kundalatayā lalitābhinītaṃ sandeśaminduvadanāya vanāyatāya
gāndharvayā kalitamujjvalamāharethā: tvaḥ prātarapratima eṣa mamābhyupāyaḥ

14.58

saṃmanthya citya cirataḥ puratastayeti
sauhityabhājamatha hityavidhau prahitya
vṛndāmamandamathatuṅgitamajgalecchā
smṛtvotsukā vrajavidhuṃ madhumaṃgalena

14.59

prāpte tadauṣadhavikāśaviśeṣaśānte gopeśvarasya laghuśāntamatirniśānte
abhyāsamāsadasau sadanasya tugamāṃgalyasaṃgamadhuraṃ svatha paurṇamāsī

14.60

tāṃ vīkṣya gokulapatiḥ priyayāśu padagrāhaṃ vinamya vinayaṃ viniyamya samyak
vātsalya viślathasamutsukahṛt sakhedaṃ tāṃ sa nyevedayadidaṃ sadayaprakāram

14.61

mātarmayaiṣa śapathairbahuvārito'pi dhenurvanāya vinayāt vinayan vayasyaiḥ
tābhyannapi śramamajūgupadeva vatso daivāttadadya bahudhaḥ prakaṭībabhūva

14.62

na paṃcaṣābdaśiśubhojyamihānnamasti dorbalyamullasati kalyamato'pyatulyam
tāpo'pi puṣyati vapuṣyativelamasya hā me dalatyatha balādapi hūnna kinnu

14.63

gopālakā mama punaḥ khalu santyaneke dakṣo'smi ca svayamatho kathamasya cintā
yāce nivārayatametamitaḥ prasaṃgādetannamaścaraṇayoḥ śaraṇāgato'ham

14.64

ityūcivāṃsamacirādatha paurṇamāsī māsīda nanda ? tava nandanacintayālam
āśvāsya veti tamṛṣiṃ smaraṇādupetamāhusma tasya namataḥ sakalaṃ cikīrṣām

14.65

itthaṃ babhāṇa nipuṇaṃ sa ṛṣirvrajendra ? yuktaṃ vicāraṇamidaṃ caikasūnoḥ
kiṃtvetadābhyudayikaṃ lama sabhyatūrṇamākarṇayasvahito'bhihitaṃ hitaṃ vaḥ

14.67

yogāyatasya tadupāyamapāyahonamākarṇyetamadhikaṃ vidhikalpitaṃ bho
dhairyaṃ vicāraya cirāya parāyataṃ yaccāpalyamāpadi satāṃ sakalaḥ kalaṃkaḥ

14.68

bāleṣu te tanayavat praṇayādipātraṃ bālāsu yā sakalagokulasaṃsthitānām
cakṣuṣmatāṃ nayanajanmaphalāyamānā rādhābhidhā vijayate vṛṣabhānukanyā

14.69

prāsena jātu tapasā samupoṣitena prāgeva satpraṇayasatkṛtitoṣitena
bhūyastayā madhurabhojanatarpitena durvāsasātha muninedamabhāṣi tena

14.70

pāpacyatāṃ śubhavatī bhavatī yadeva jejīyatāṃ tadamṛtaṃ nijamādhurībhiḥ
bobhūjyatāṃ ya idamūrjitanīrujāṃgo bobhūyatāṃ samadanugrahataścirāyuḥ

14.71

sā bhānujeti nanu labdhavarā munīśādāgatya nityanihacedbhavanaṃ prabhāte
annaṃ pacettadaśanāttanayasya bhūyo nairujyamāśu bhavitā balaśālitā ca

14.72

itthaṃ nirūpya sakalaṃ kaladhautakāntiḥ prātastanomapihareravalekya nītim
tasmin vanaṃ jigamiṣātha vandyamāno mānonnato munirataḥ prajagāma kāmam

14.73

śromāṃstataḥ priyasakhopahūtetivṛtasambhāvanādhikavisaṃṣṭhulaceṣṭito'yam
vainatyakṛtyavinivartitabandhuvargaḥ prāpadvanaṃ vanajabandhusutānubandho

14.74

utphullamallimukhavallimarandapānāhaṃkāriniryadalijhaṃkṛtitaḥ saśaṃkaḥ
bheje vrajenduriha satrisakhiḥ sakuṃjaṃ saṃmānya cāryamatha cāru vicāryaṃ kāryam

14.75

evaṃ sthite'tha lalitāsahakundavallī tāṃ preryaṃ tatra purato vipinādhidevīm
pratyāsasāda nipuṇātiguṇāśupāṇau kṛtvātra citralipiketakīsūnapatram

14.76

saṃmānya sā madanasundarajīvabandhuṃ gāndharvikā praṇayabandhurabuddhiretat
sandediśīti hi bhavantamiti pratīho'yuktvā hare karatale'sya cakāra patram

14.77

utīkṣaṇasannakhamukhollikhanādvilāsīvarṇāvalīṃ capalameṣa masībhavantīm
tatketakīdalatale kalayāṃcakāra mūrtaṃ rasendramiva kāṃcanamaṃcanapram

14.78

vāṣpāyitā paricicāya lipīnaṃdṛṣṭidhaṃtuṃ yadākṣamata kampavatī na muṣṭiḥ
datte paṭha priyasakha ? tvamapīti patre sakhye haristadaśruṇodati hṛdayapadyam

14.79

dikṣu sphuṭaṃ tvamabhilakṣya sa eva sākṣāccittaṃ kṣiṇoti nanu mohana ? so'pyanaṃgaḥ
tat kiṃ tvamīrayasi taṃ sa ca vā bhavantaṃ tatvaṃ vadādya yuvayo rnahi me'parādhaḥ

14.80

śrīnandarājatanujāya tadakṣarāṇāṃ śuśrūṣayā śravaṇasīmni puro'khilāṃge
śrutyā tato'tha manasi sphuṭamardhamatyā vedeṣṭivadvatīva sudhātivṛṣṭiḥ

14.81

ānandavānaturamaṃkuritaṃ vidhātumāśālatā ca phalitāmakhilāṃgavanyām
phullāmapi pravacanāmṛtavarṣaṇena taināyataṃ harirathodamanāyatāyam

14.82

sammohasāgaramaho samiteva modamandākinīmapi javādupasarpiteva
kāmagrahaṃ nu samiteva tadā dadhāra dhīrasya dhīracaturasya mahādbhutehām

14.83

prāgeva manmathasumantharacittavṛttiḥ sandhyāryadhairyamatha dhīratayeva mataḥ
audāsya hāsya yutamāsya mudāsya cehavṛndāṃ vacastiti sudhepsitadāsyamāha

14.85

vṛndāha sundarapurandara? vinda citte saṃdehamannana patraparaṃ na bhavataḥ
yalliṃgamuktyanubhavenanavāṃganānāṃ sā sāṃgamantaramiti pramitirniruḍhā

14.86

sa prāha tāvadavalā api yāḥ svarūpāt vedbhi padmanayanā na yathā kathābhiḥ
aikāṃgikaṃ parijihīrṣat eva yanme sarvāṃgikaṃ kalayatīyamalaṃ kalaṃkam

yat saṃgī madhumaṃgalaḥ kila manaḥ paśyaḥ sadā śīghravidṛgjihraḥ suvalaḥ sakhākṛtipikaḥ so'pipriyaścojjvalaḥ
vanyāntarbhramaṇena nāgarakathāṃ svapne'pi nāpnoti
yastatra vyāpnuvate namo bhagavate te kurve kalaṃkāya te

14.88

savyājaṃ baṭurāha ca vrajavidhordiṣṭā striyo gṛdhnavaḥ
sambadhnanti bhavatyamūryadi na caudāsyaṃ tadodāsyatām
durvāṇḍānnabhayaṃ vraja vrajabhuvi prājñā na jīvanti kiṃ
nyāyānyāyanibhālanākuśalinaḥ sākṣyasmi mā vismayaḥ

14.69-2

vṛndāpi nandātmajamāśu bhitvā dhairyaṃ lubhitveharasaprasaṃge
uddṛḍhādārdhyaṃ tu bahiḥ pramitya tamityathoce vanadevatoccaiḥ

14.90

yasyevāpāṃgaraṃgaḥ śara iva sagaraḥ sambhramī baṃbhramīti
bhūcāpaḥ kāmamāśīviṣa iva viṣamaṃ cākamī caṃkamīti
kṛtyevākhyantamantardharaṇiguṇagaṇaḥ saṃgamī jaṃgamīti
strī vedaṃ mārgitā sā tvamiha kimavalāgavaṃsarvaṃgilatvāt

14.191

harerevattha girastaṭasthā vaṭorapītthaṃ parihāsaduḥsthāḥ
devyā vanasyāpi nutivyavasthāḥ sāsūyamevaṃ lalitāha vṛndām

14.192

na yadiha mano yūnaḥ sthyamānmamaiva nivartate
tadiha gaminaḥ prāṇā gacchantu samprati tāpataḥ
vraja na bhavatī tasmai dyāyājātmane sati lāghave
sahacari? śape mūrdhnā bhāvī na jīvanasaṃgamaḥ

14.93

itthaṃ māṃ vārayantīṃ praṇayasahacarīṃ duḥkhaleśāsahiṣṇuḥ
prāṇāhaṃ yattu vṛnde ? tava vacanavaśāt tatphalaṃ sādhusiddham
samvādādevamuccāvacavacanamihoccārayanto yato'mīsvīcakruḥ dautyamāsīt saphalamatha sakhī sāntvanaṃ naucitīnaḥ

14.94

iti kṣipantī vinigadya vṛndāmehīti tāṃ kundalatāṃ gṛhītvā
ruṣṭeva tasmātlalitā calanto sukhāpayāmāsa sakhīmiyaṃ tām

14.95

atha vyathābhinnaṃjarājanandanastathā prayātāṃ lalitāṃ nimālya tām
sakhīṃ parāvartayiteti śaṃkayā sudhīradhīraḥ suvalaṃ giro'vadat

14.96

yatnāt yāṃ ratnadhāraṃ dharati mama manaḥ saṃpuṭo yā ca labdhā
svapne bāhūpapīḍaṃ bhavati śubhavatī prāṇasāhasrabhāvam
īrte jagāti pūrtaṃ kṣaṇamapi yadarśīkṣaṇaṃ cāśruvarṣaṃccellatkoṣaṃ vahāṃ tāṃ karakalitamaṇikṣepamākhvākṣipaṃ kim ?

14.97

sākṣādātmasakhīmukhāñcapalatāmālakṣya tacchikṣayā
saṃrakṣeti vilakṣayā vata tayā vaimukhyadakṣā yaye
prāṇebhyo gamikṛtaṃ tāmṛtasamudbhujyate ca śroṇituṃ
hā cāścaryamama ramyabhāgyajaladhiṃ durdaivakumbhodbhavaḥ

14.18-2

iti caṭulitavācaṃ prāha vṛndā na vṛndāvanavanakalabhendrollāsyatā daurmanasyam
pratiratipatilekhaṃ dehi māṃ tāvadetāṃ
karagatadhanakalpaṃ kalpayan nirghṛṇu tvam

14.19-2

iti laghu vanadevī vācayanvastacittaḥ
praṇayisakhiyutaḥ praskandana tīrthametaḥ
sarasamatirasenāsmin javānāṃ javenāmalakamaladalāntaḥ padyametallilekha

14.100

vīkṣya bhrāntyā diśi sadasadālocanā kurvato me
yāṃ cārvaṅgīṃ prabhavat ihaitāvatī saukhyaduḥkhe
kīdṛk tasyāṃ praṇayini ? daśā hanta ? sākṣānmilantyāmitāmāśāṃ mama hatavidhirnaiva dhūrtaḥ piparti

14.101

likhitvetthaṃ tūrṇamadho nāgaracandraḥ
sāndrapremṇā tvaṃ śaraṇaṃ ceti vacobhiḥ
dattvā lekhaṃ lekhavarābho vanadevyai
tat kālindyā vanditahṛt kūlamavindat

14.102

gatvātha vṛndā puratastapasvinīṃmuktvāśu tāṃ tatsahitā yadā mudā
lekhaṃ dadau tāṃ vṛṣabhānunandinīṃ
mene na labdhaṃ na hi sā manoratham

14.103

ānandadhuṃ pṛthulamindumukhī vivindasandeśapadyakalanādanunandasūnoḥ
so'sya manaḥ pathamanantaramuttāra
taṃ kaḥ kathaṃ kalayitā vacasaikalena ?

14.104

atha kṛttakokaśokatarukokanadāmarucā—
vaparagire ravau bhajati śoṇaśiromaṇitām
calanayanāṃcalaiḥ praṇayinīṃ kalayan valabhau
sasahacarī sa gokulamavindata nandasutaḥ

14.105

āsanne sati rādhayā vrajavidhoḥ saṃkātiraṃge puro—
mandānandamavindadeva sakalastatrāntaraṃgojjvalaḥ
paurṇaśyāṃ paramāgaminyapi vidhoryanmaṃgale saṃgame
sarvaḥ pūrṇamapi prasādamatulaṃ ki yāti nāśāgaṇaḥ