Vrajayuvavilasa 16
Vrajayuvavilāsa 16
- Language
- Sanskrit
16.1
pitaḥ samutiṣṭha bhavopaviṣṭaḥ sambeṣṭitaḥ preṣṭhasuhṛdvariṣṭhaiḥ
goṣṭhaṃ pratiṣṭhāsurapi tvadiṣṭaṃ iṣṭo'pyupatiṣṭhate tvām
16.10
prasahya saṃduhya tataḥ svadhenurnivāryya tāṃ paryyuṣitakṣudhārtim
vraja vrajānandana ? cet viyāsā vanāya tatrādya yutaḥ svapitrā
16.11
sa śuśruvānityamathotthito'pi talpādanapekṣaṇapūrṇadhūrṇaḥ
prasuṃ praṇamya praṇamāmi devītyatha namatsāñjaliḥ paurṇamāsīm
16.12
vaduhaṃsannāha sa hanta ? diṣṭyā dṛṣṭena me'sūyatanoḥ phalaṃ kim
śrīrohiṇīsaṃgamitādya dhanyā paktā yadannaṃ vṛṣabhānukanyā
16.13
mandāśaneḥ kinnu sakhe ? bhavadbhiḥ kukṣimbharitvaṃ na hi sambhavedvaḥ
tenādya kintūnatamīkṣaṇīyamasmādṛśāṃ bhāgyamapekṣaṇīyam
16.14
samṛṣṭacandrānana eṣa mātrā smṛtvā vaṭorvācamiti smitāsyaḥ
viṣṇuḥ prabhātāt kathamatracintetyuccārayaṃstat kacamālambe
16.15
antarbhavānandaḥ udāragarbhaṃ sandarbhamābhālya vaṭogirā saḥ
vāṃchāvalīkalpalatāphalaṃ svaṃ pacelimaṃ syāditiniścakāya
16.16
tataḥ parītaḥ sa paraḥ śatena suhṛtkulenāyamanākulena
prasūdṛgāsecako'lasāṃgaḥ śrīnandamānanditamāvabande
16.17
sa tuṣyatācilaṣya bhujopapīḍamābhorararājena gabhīradhairyaḥ
harṣāśruvarṣādarahṛdā tadānīṃ sametya goṣṭhaṃ samayā samādhāt
16.18
athāduhat kāścana goduhairgā adūduhat kāścana tadvipaścit
vatsānapīpyattaruṇāṃśca kāṃścid godohalīlākutukī hariḥ saḥ
16.19
atha drutaṃ kundalatā prayātā niketanaṃ tāvadihābhimanyoḥ
ānamya samyak jaṭilāṃ yaśodāsandeśamāvedayati sma tā sā
16.20
ārye ? vrajānandahareḥ pituḥ śrīnandasya jāyā viditā yaśodā
saṃpṛcchaya vātaṃ bhavatīṃ svavārtā mayyādadhe yāmavadhārayaitām
16.21
sakhi ? tvamevāhamanena yauṣmākīnaṃ mataṃ māmakameva sarvam
asmākamapyatra hi tāvakīnaṃ nāsmin vikalpaḥ parikalpanīyaḥ
16.22
yuṣmadvadhūpācitamannamātraṃ saubhāgyabhāgyādyaśituḥ karoti
itthaṃ prathātastadihārthaye yat kāryaṃ tu tanmayyuparodhabuddhyā
16.23
vadhūbhavatyā sahitā praheyā sukhaṃ sakhībhirnilayaṃ madīyam
tatpācitānnāśananandamāne mandane vindatu mandiraṃ svam
16.24
iti vrajeśīvacanaṃ niśamya sā kundavallīmukhataḥ sakhedā
antarbahiḥ kiṃcidudaṃcyamānamānandamāheyamimāṃ dadhānā
16.25
ājñāvaśena vrajarājarājñā stavyānumantrāsti na me vikalpaḥ
kintvacrcanīyastvanayā dineśo madhye'hina yasyākaraṇe'ntarāyaḥ
16.26
śrutvācchalaṃ sā tarasā jaratyā javādidaṃ kundalatā jagāda
yāmadvayaṃ tatra yataḥ praheyāravyarcanaṃ bhavyamato'nubhāvyam
16.27
śrutveyamūce jaratī tatastāṃ yathā vrajeśyā asi me tathā tvam
tat ki bhavatyāmiva gopanīyaṃ tanniścalaṃ saṃśrṛṇu niścayaṃ me
16.28
māṃ paurṇamāsī bhaṇati sma nityaṃ vrajeśvarīvākyamalaṃ na laṃgheḥ
tat pālanāte prabhavedvadhūṭacā bhāgyaṃ svaputrasya tataḥ samṛddhiḥ
16.29
nāsyā nideśasya lilaṃghaṣā me vatse ? yadyapatra hi tatsutasya
atulyacāpalyamalaukikaṃ māmābhālyamānaṃ taralīkaroti
16.30
yadmmibhatojubhadapāṅgabhaṅgīsandaṃśaniṣpīḍitadhairyabandhāḥ
kulābalāḥ hanta ? balādamuhnan prasahya cālakṣi mayā parokṣam
16.31
kaṇṭhīravakroḍagatākuraṃgīveyaṃ dṛgutsaṅgatāṃganā syāt
yadātmaneyaṃ kuhanāviṭasya svasminnatadāsyāḥ kimaho ? prabhutvam
16.32
samudraya karṇadvitayaṃ talābhyāṃ pāṇyāradaiścāpi vidaśya jihvām
savismayedaṃ vadati sma citte tataḥ smayantīti ca kundavallī
16.33
mātastvamāryāsi na tadvuko pratyūhamitthaṃ vadato nayo'yam
yathārthamākarṇya varṇyamāna nirṇīya yenāsi ca laghvavarṇā
16.34
bhāṣāparihāsavilāsagarbhaścāvyasya no jātu vinodakāle
asmadvaconimitanarmakarma mā lajjāmbudhau majjati yaḥ prakāmam
16.35
bālyāticāpalyabhṛt prabhātādana gataścārayituṃ ca dhenuḥ
sāyaṃ samāgatya tadādinityaṃ kroḍe kila kroḍati yaḥ svapitroḥ
16.36
vṛthā kathaṃ tatra kalaṅkapaṅkasyālepanāyeti na cittakampam
aho ? prakṛtyā mukharo jano'yamaho ? na nihetu narāparādhaḥ
16.37
parāparādhoktiviśrṛṅkhalasya khalasya vindet sattānubandhāt
cittaṃ kvacittadaguṇatāṃ satāṃ yat mlāyāttamaḥ saṃgamito himāṃśuḥ
16.38
tathātivalyamiti kundavalyā yuktiprayuktayā pariśīlya vācam
saṃdadhiga yāvajjaratī sma tasmin goṣṭhādakasmādabhimanyurāgāt
16.39
āśrutya mātuktamidaṃ naman sa prāhātra mātarvicikitsayālam
yat paurṇamāsī vadati vrajeśīnideśaleśākaraṇe'ti doṣam
16.40
tadābhimanyau vadatīti labdhvādeśaṃ jaratyāstulasī sahālīm
devīvṛtāṃ vā śatamanyujāyāmānīnayattāṃ vṛṣabhānukanyām
16.41
sāhānamantrīmidamantike tāṃ candrānane ? nandavadhūniyogāt
tanmandiraṃ yāhi javādamuṣyāḥ priyaṃ vidhāyehayabhirāddhumarkam
16.42
evaṃ śrute nandaniketayāne'pyānandadivyāmṛtasindhurasyaḥ
nigṛhyamāno'pi hṛdaḥ prasahya tadāvirāsīddhasitacchalena
16.43
utkaṇṭhayā pūrvamivodyiyāsuḥ śarīramasyāḥ pulakacchalena
nirīkṣya sagho'śuṃkaruddhamukhyo vilakṣya bhūyaḥ kila saukhyamāpuḥ
16.44
tataḥ kṣaṇaṃ harṣavaśādivaitāṃ vilambamānāmabhimatya kaundī
ūce vilambe yadi vo vivakṣā nivedya tāṃ tallalitādayaḥ sā
16.47
sakhījano na avarodharuddhaḥ sa nandasunurvipinānubaddhaḥ
apohyate hanta? tathāpi karṇakirṇyaṃ tayostūrṇamaho? janodhaiḥ
16.48
adya prayāte sadane tadīye'pyuccāvacaṃ brūyurime yadītaḥ
viśaṃkitavyaṃ na kathaṃ bhavatyā lokā bhavatyasthiravāk prakṛtyā
16.49
ūce jaratyārtha javena vatsāḥ| yadbrūtha satyaṃ śrṛṇutātra kṛtyam
āśaṃkayā prāgiti kimbadantyāḥ pṛṣṭātadācaṣṭa tapasvinī māṃm
16.50
kṛṣṇaḥ prakṛtyā ramaṇīsatṛṣṇaḥ satyaṃ puraḥ kintamama prabhāvāt
saṃghaṭṭito'sau na bhavadvadhūṭīṃ mānyetarāṃ manyat eva naiva
16.51
itthaṃ tadāśroṣamahaṃ tadādi gatābhiśaṃkāsmi bhṛśaṃ kathāsu
tanmacchiraḥ śāpapuraḥ saretsā vatsā | vilambaḥ kila nāvalambyaḥ
16.52
itthaṃ nideśādatha sā jaratthā rathā samābhistvaritā sakhībhiḥ
nandālayaṃ vāridharālinādāddhaṃsīva tanmānasamāsagantum
16.53
ūce'tha vācaṃ lalitā chalāḍhyāṃ mā caṃcalābhūrava dhairyadāḍhyam
godhāra etāḥ satataṃ bhavantīṃ ki na samakṣaṃ hariṇā vidheyam
16.54
itthaṃ vacoviśvasitātadhairyāmāryāmanujñāpya tato vayasyāḥ
tāṃ maṇḍalīmadhyavirājamānānnānāyya bhejudrutamudviyāsām
16.55
hastāmbuje nistalasustanāyāste hiṅgulotpiṃgalamaṃgalābhe
pravālakhaṇḍe iva kāntyakhaṇḍe sā kundavallī tulasī ca dadhre
16.56
śrīrūpamaṃjaryapi satpramodāt pādāntike kāṃcanakāntakānte
ādāya haimīṃ jalajharjharīṃ tāṃ tāmbūlapātraṃ karayośca citram
16.57
kroḍāravindaṃ maṇidarpaṇaṃ ca samudgakaṃ kausumakandukālim
haṃsīcakorīḥ ca sakīrasārī maṃjaryaḥ āvārya ca paryaṃgacchan
16.58
tatpārśvayoḥ śrīlalitāviśākhe celāṃcalodacitapaṃcaśākhe
taraṃgapatryoḥ parihāsabhaṅgīmaṃgīkṛtottuṅgasukhe ayātām
16.59
śrītuṅgavidyā ca tadānavadyā caṃcadvipaṃcyāṃ samudaṃcayanto
sā mādhurīṃ kāṃcanabhāsvarāṇāṃ yayau lasatkāṃcanabhā svarāṇām
16.60
citrā sudevī ca saraṃgadevī śampātanuścampakavallikā ca
dhīrendulekhā ca sukhādamandamānandayastāramaravindanetrām
16.61
prasūnakāṇḍoditakāṇḍadhārāsampātajāte'tha mahāndhakāre
gāndharvikāyā hṛdayāravinde'gokulamaṃgalāliḥ
16.62
prakampi gātraṃ svadaśrunetraṃ lobhāccalolau vipulau kapolau
tasyā mukhenduḥ saladhūdabindurvicchittimeṣo'puṣadāśu veśaḥ
16.63
athāhasā kundalatā viśākhe! sakhyā bhavatyā atimānavatyā
mukādabhīkādabhikālabhogyau rakṣyau kathaṃ dāḍimabījakoṣau
16.64
tāmūcatuste lalitāviśākhe sakhi| tvadīyaḥ pariśeṣakīraḥ
grāhaḥ sa pakṣī bhavatāṃ nibaddhya krīḍakaro'yaṃ ciramastu sakhyā
16.65
kaundāha mandāḥ kila yūyamasmat sambandhamāropayathāmunā yat
nabhaḥ prasūnaṃ tadrudamūṣya phalāyitā vo niyatā vidhisā
16.66
rādhābhidhānāṃ kanakāṅginoṃ yatu kṛtvā kareṇādya hareḥ kareṇoḥ
asyābhyudīyānmadano mado yaḥ [sa] eṣa doṣastanute pramādam
16.67
vṛndāha rādhāṃ na labheta kṛṣṇaḥ sakhīkulanākalitā kalābhiḥ
channācchadestāmarasādalīśaḥ sambatikāvataṃrasāniyati ?
16.68
kaundī jagāda lipaterdalālinālīkakelīdalanāya nālam
prabhūtamudbhūtamadhūpacitya prabhaṃjayatyenamiyaṃ tu nithyam
16.69
saṃśīlitoce lalitā latā sā dhanyā vareṇyā stavakastaneṣu
bibharti bhṛṅgaṃ va ca bhūribhāgo bheje bhṛśaṃ tādṛśasaubhagaṃ yaḥ
16.70
ityādibhaṅgīvacanaiḥ sakhīnāmatulyatāralyamanāḥ sumandam
digantakhelatsvadṛgantabhaṅgī vrajeśvarāvāsamathāsasāda
16.74
sakhāha devaṃ sumukhaṃ yadevaṃ pīyūṣasṛṣṭāpadamāśikhaṃ sā
mahauṣadhiḥ svarṇalateva kār'pi tvannetramullāghayitā laghūccaiḥ
16.75
ānandevedhuryāvalāsadhuryā mādhuryaparyaṃstasamastavaryā
nīlotpalābhāṃśukaśobhiśanvāsampātasampannavivādakāntiḥ
16.76
valambamānā lalitaviśākhe pāṇthoḥ karābhyāṃ maṇimaṇḍalaśrīḥ
śītāṃśukoṭiśatabandhamandasmitāmṛtotpādamanohārāsyā
16.73
abhaṃgamāṃgalyataraṃgisarvāṅgīṇālyapūrvīkṛtakeliparvā
priyā priyeṇa praṇayālasena svapnopalabdheva tato'bhimene
16.74-2
seyaṃ priyā te praṇayin | prapannā prasannacetā iti sakhyuktyā
premābdhimadhyabhramilabdhapūrṇaḥ priyāpūrṇakaṭākṣapātaiḥ
16.75-2
dāmnodyuti dāmanakasya nindannudāmavāsoramaṇīyatābhiḥ
pepīyamānasvamukhendumandahāsāmṛtojjāgaradṛkcakoraḥ
16.50-2
āmuktamuktāvaliyuktamantarivaindranīlaṃ palakaṃ viśālam
laghu spṛśadbhiḥ payasāṃ pṛṣadbhiraḥ parītaṃ parito dadhānaḥ
16.81
vaitraṃ bṛhadvaṃśamapi prabibhradvibhrāntanetro nijavibhrameṇa
paṃceṣusaṃcārirahaḥ prapaṃcasaṃsūnodacitahāsyalāsyaḥ
16.82
uddāmakāmodayamodamānaḥ pramādasālasyavilasyadaṃgaḥ
sākṣāllalakṣe sukhadaḥ sakhībhirgāndharvayā kundadaro mukundaḥ
16.83
tāṃ vīkṣya dūrāditaratra sakhyuḥ sakhyāścātra pratibodhavākyāt
dvandvaṃ tadānandaviśeṣavighnaṃ vighnādyātāmiva bāhyabodham
16.84
prakṣālya pādau svajanaistadādau sasvedabindu vadanaṃ tadīyam
pramārjya celāṃcalakena vatsetyāliṃgya sāgāt jananījanehām
16.85
rādhāharaśceti phaladvayaṃ yadānandavṛndārakaśākhirājaḥ
goṣṭhīyalokasya tāto gariṣṭhaḥ premobhayatrāpi samo na citram
16.86
tatrāpi kṛṣṇe'dbhutasamprabhūtaprabhūtavātsalyarasasya sīmā
rājñayā vrajeśasya ca tadvadeṣā bhānudbhavāyāmapi bobhavīti
16.87
svanandanaṃ preṣya nimajjanāya taddvayaṃ dugdhaṃ pratipattra yāntram
śrīnandarāja sadarāddharājñīṃ tā bandayāmāsa mudā yaśodā
16.88
tadvandyamānandamanaḥ praphullaṃ kalyāṇamāśīrya ca rādhikāyāḥ
tāṃ nandanaprekṣaṇajakṣagānāmasti dvitīyaṃ padamityamaṃsata
16.89
atrāhaṃ rājyaṃ vrajarājanandaḥ svanandane vedanayātidīnaḥ
svapnāntare svāntaracintyamānaṃ bheje sakāntaṃ bhagavantameṣaḥ
16.60-2
supuṣpavanmaṇḍalakṛṣṇaninde satkuṇḍale syandisudhe amande
svanandanānandakare gṛhāṇetyāvedya nandāya dadau ca devaḥ
16.91
lakṣmīrapi svaṃ bahulakṣaratnaṃ sīmantasīmāntarato'vatāyyaṃ
vitīryyaṃ sūnoranurūpakanyāṃ dadyādidaṃ ceti mudā jagāda
16.92
antarbabhūvātha suparṇarājaḥ suparṇarājoparirājamānaḥ
brajeśvaro dvyayugaṃ tatastadrarakṣa sākṣāt samayaṃ samīkṣya
16.93
yaddhāraṇenāmṛtabhakṣaṇenevāste na bādhā subhagatvavṛddhiḥ
yaḥ prāpi cānandata indirāsacintāmaṇiḥ cāruśiromaṇīndraḥ
16.94
tadbhūṣaṇaṃ dūṣaṇadārihārihāridragaurīṃ pariśīlya pātram
svajāyayā grāhyadeva devapriyājñayā bhānubhuvaṃ sa nandaḥ
16.95
ālīkulena praṇatāṃ kṛtāśīḥ śatābhiyogastadanuvrajeśaḥ
śrīviṣṇudatte maṇikuṇḍale ca svasūnave nanditabṛhṛdo saḥ
16.96
praṇīya pāṇyoḥ praṇayādvrajeśī nītvātha rādhāmanupākaśālam
balasya mātre praṇatā kṛtāśīrāliṅganāye ca samārpayatām
16.97
kālātipātodya babhūva vatsā vatso jidhatsurnu tatsamastāḥ
rādhe ? tvadālyo lalitādayaśca sarvātmanā vā yatanīyamatra
16.98
ājñāpya vijñā iti tāḥ samastāstato yaśodā jananandanasya
sānandacetāḥ snapanāvasāne prasādhānaṃ tāṃ jananīṃ dadarśa
16.99
sambandhajānandabharānmurāreḥ bhūyo guṇībhāvukapākaśikṣā
rādhā sakhībhirvilasanmukhībhiścakāra pākaṃ vividhaprakāram
16.100
tato vidūrāvakare gariṣṭhe karpūranīrāgurudhūpapūraiḥ
sa nūtanaratnāsanamaṃgale'mbubhṛṃgārapālīkalite'pyagāre
16.101
samugdhalīlaḥsakhi sandhilolaḥ kalāvidagdhaśchavidagdhaduḥkhaḥ
snigdhadyutiḥ snigdhajanopadigdhaḥ so'dhugdhaśobhāmadhijagmivediḥ
16.102
evaṃ dvidaṇḍāntarato nivṛtā sā gokuleśī sakalaṃ vilokya
sampāditaṃ pākavidhi vidhijñā rājyāgamat putranimantraṇāya
16.103
kāle'tra līlābahule hareḥ śrīgovindalīlāmṛtadivyakāvye
vistāra āste sphuṭa ityavetya digekikeyaṃ kila darśiteva
16.104
śijānaṃ pādakaṃjopariparikalayan maṃjumaṃjīrayugmaṃ
madhye vāso dadhāno damanakusumoddāmadāmābhirāmam
kakṣāntaḥ kāntavaṃśo vimalamalayajaśrīmadaṃgotaraṃgaḥ
sānaṃgāpāṃgaraṃgaḥ pṛthulacaladuromaṇḍalīmālabhārī
16.105
gambhīrārambhajambhahitamaṇivihitastambhasambhedibāhuḥ
līlābāhulyalolaḥ kimapi dhuri namacchekharaśrīdhurīṇaḥ
kandarpamandagandhāpanayadavinayaproccaraccāturīko'vindadugāntvikāyāḥ svanayanaviṣayaṃ sundaro nandasūnuḥ
16.106
kṛtakañcaraṇokṣaṇaḥ kṣaṇena pratikalayan dayitāṃ darekṣaṇena
nijajanakajanaprasūvinodī navamadhumaṃgalanarmanirmitīhaḥ
16.107
bahuguṇamihabhuktamannamapyamṛtarasasatamapānakauśalena
iti darahasitoktibhiḥ priyāyā hṛdayaharo bubhuje hariḥ sa hārī
16.108
pūpo'nuttamarūpa eṣa kaṭako'pyeṣa sphuṭaṃ komalo
matsyaṇḍīyamakhaṇḍasaurabhavatī sāro rasālo'pyasau
āyāsādhigataśca pāyasaraso jihvāñjanaṃ vyañjanaṃ
bhavataṃ yuvatamitīritau samadatuḥ śrīrāmadāmodarau
16.109
karpūrakulyamṛtakelyabhidhānametat
yadrādhayā kṛtamananyajanānuvedyam
itthaṃ nivedya pariveṣitamambayāsau
nirbandhapūrvamatha tat sakalaṃ jighatsuḥ
16.110
uktaṃ sphuṭaṃ ca vaṭunā kaṭunāmayuṣmadvātsalyamanba ? na laghūpadadāsi mahasam
dṛṣṭvāsya mā bhavatu kaṣṭamathetihāsībhuktarddhaṃśuddhatamadataharirdvijāya
16.111
ucchiṣṭadātarapayāhi sahītyudīrghyā
taḥ kiṃcidāśya laghu caṃcalamaulireṣaḥ
citraṃ samastarasa utkalito'ntarāste
tyābhāsya hṛṣyati jane vyabhajat sakhibhyaḥ
16.112
anyetadāśya suraso'tra mahānagaṇya
ityūcire tadanu saṃspṛśatopavītam
śaptaṃ yadādhikahasā sahasā yaśodā
bhūryākalabya sakalebhya idaṃ dadau sā
16.113
śrīrādhā kila jālamaṃjulavileṣvālokayantī sakhīmukhyābhiḥ priyanetracitritarasāpāṃgātibhaṃgībharam
mānyāścākhilatatmuhūtpāricīṣāvyājato vaṃcayantībhiḥ kāṃcana kāṃcanapratikṛterāṃcat parāṃ cāturīm
16.114
tadānīṃ dāsānāmupariparamānugrahamayī
mahāviśrambhārdrā sakhiṣu saralā mātṛṣu tathā
samantāt kāntāyāmatularasalīlātaralitā
mudāścaryā saṃcaryata iti gatiḥ śrīharidṛśoḥ
16.115
cittaṃ bālāsutanvāṃ nayanaparisare niḥsarantyāṃ kaṭākṣavyājādullāsihīpallavabhṛtinibhṛtairiṃgitai puṣpitāyām
kṣīṇāyāṃ kvāpi gurvīkṣaṇakharakiraṇāt kvāpi bhāvaiḥ phalantyā
gūḍhaṃ śṛṃgāravīratyaramat hṛddṛgarājaḥ priyāyāḥ
16.116
itthaṃ nānākutukakṛtibhiḥ vaikratībhirvaṃddhoḥ sa
śyāmaḥ śrīmannavadhanatanurbhojanaṃ tatra samāpya
tṛpyannantardayitatadayitābīkṣaṇaiḥ kṣālitāsyo
yuktaḥ śrīlāgrasahacaraiḥ kiṃ ca viśramya kiṃcat
16.117
tāmbūlālambitamukhavidhuḥ samvṛtāṅgo'vilambaṃ
vetraṃ vaṃśaṃ vidadhadadhikaṃ kalpitagopālaveśaḥ
sāddhaṃ bhūyaḥ priyasahacaraistatra netre svapitror
dhenūranuvrajamayaṃ nandasūnurnināya
16.118
śrīmadvṛndāvanamanugate nandane nandajāyā
śrīmadrādhāṃ sapadi jananīkoṭitulyopalālya
gūḍhānītasya dayitatamīyāvameṣasya tṛṣāṃ
tāṃ sānandāṃ saha sahacaroṃ preṣayāmāsa vāsam
16.119
kalīpīyūṣasindhorvrajanavayuvayordurgamatvānnisargādantābhāvādvadanti sphuṭataraṃ tare varṇanenālamittham
pīto'tīto'ṇureko yadatulataramānandamānaṃ dadhāti
svānte santāpaśāntau sa hi mama tu mahāsāhase hanta! hetuḥ
16.20-2
khalamukharayorvākpāruṣyaṃ viśrṛṅkhalasāhasān
diśidiśi hasāndṛṣṭvālokya trilokyātidurlabhām
vrajanavayuvaśrīmatakelīsudhāṃ kalayannahaṃ
laghu laghuraho! lokācāraṃ ciraṃ tamalaṃdhayam
16.121
kaścin matsaratuccharaṃcitamanāḥ yaḥ kelimandākinīniḥ syande vrajasundarasya milito'vidyāndhamandokṛtaḥ
nau karṇadvayamaṃjulāṃjalipuṭenāpīya pīyūṣavannānandaṃ laghuvindate'sya jagati syuḥ sādhavaste gatiḥ