Vrajayuvavilasa 3
Vrajayuvavilāsa 3
- Language
- Sanskrit
3.1
nāradastvamalapāradakāntivibhramaṃ vrajapurāntara dhaivaḥ
ājagāma vṛṣabhānuniśāntaṃ śāntadhīḥ sadadhipattanasaṃstham
3.2
kṛṣṇabhāvitaguṇān gaṇayantaṃ vaiṇavānguṇagaṇānaṇayantam
bhāsvarasvarasamūha samudyan macrchanādiparimūrcchitacāru
3.3
āntarīṇatararājadarīṇapremadhāraṇadhurīṇam
nirjayaṃ bhagavataḥ pragṛṇantaṃ bhūribhāgavatabhaṣaṇabhūtam
3.4
ta vilokya sa vilokanaduḥkhaṃ kṣipnumeva vṛṣabhānuranūnaḥ
unnatānatipuraḥ saramāyaṃ paryapūjayadamuṃ munimuccaiḥ
3.5
pūjayācitamadhaucitayāsau yojayantamadhikaṃ jayavādam
ucivān praṇayaca calacittaṃ taṃ ca kiṃ ca samudacitaharṣaḥ
3.6
adyame saphalatāṃ kilayātaṃ janma yanmamagṛhaṃ tvamihāgāḥ
yastu dīnavinamajjanatāyāḥ1 pāvanāya bhuvanāni sameṣi
3.7
viṣṭapannayagatau tavakṛtyaṃ2 pūrṇakāmanatayāhina satyam3
mādṛśāmakṛśadūṣaṇanāśaṃ kintu paryaṭa si karttu maśeṣam
3.8
jātamadya vitanaṃ bhavikaṃ naḥ pūrvasaṃcitamihāsti mahīyaḥ
yat purandarapurogasurācyauṃ yuṣmadīyacaraṇau praṇamāmaḥ
3.9
bhūribhūriha vibharti hi bhāgyaṃ mādṛśāmaniśavāsaviśeṣāt
ye vayaṃ tu tavabhāvukabhājāmāśiṣāṃ viṣayatāṃ praviśāmaḥ
3.10
siddhaśuddhividhisādhanasādhu praskhalaccaraṇareṇukaṇatvāt
kevalaṃ bhuvanapāvanabhāvaṃ sādhavo dadhati mādhavameva
3.11
bhānureva mahatāmanimeṣavyūhavanditapadaṃ munimeśaḥ
muktamānamidamānatamuktvā kāmamanamanumaunamayāsīt
3.12
pratyabhāṇi sa tadā ṛṣiṇetthaṃ sātathaiva pṛthubhāgyakathā vaḥ
ye ca saṃjigamiṣāmiṣakuṣṭābīratena rahaso virāmaḥ
3.13
kṣauṇibhūṣaṇamaṇe | guṇasindho | saṃpratīhi bhavato vibhavāni
vīkṣya sādhutarasādhudoṣa''stenadhīratidadhanyataraṃ tvām
3.14
kintu samprati nahi pratibhāti satasutādyanavalokanataste
sampadatra vilasadguṇajālālaṃkṛtīrasamṛte kaviteva
3.151
ityudīrṇavacane munivarya bhānurenamanutaṃ nijasūnum
harṣavarṣaṇasamādramanāḥ śrīdāmanāmakamadarśayadeva
3.156
taṃ vilokya vilasadguṇapālīśālinaṃ nalinasundaranetram
nandanandananirīkṣitasaundaryādikandamadhikaṃ sa nananda
3.157
āliliga muniraṃkagataṃ taṃ gāḍhamūḍhasukhamūḍhamanīṣaḥ
udgatāśrutitigadgadakaṇṭha statra tajjanakamevamuvāca
3.18
eṣate kilasuto hi sutejā nandanandanasakhitvamavāpya
ātmaśīlasalilairdaśiphulāṃ kīrtillimapi pallavayed vaḥ
3.19
sunumāśu nimiṣairahitābhyāmākalayya tamalaṃ nayanābhyām
gantukāmamanulakṣyavilakṣyaṃ bhānurevamavadat sa tadetam
3.20
viddhi me munivarasya kanīyasyasti divyanavapallatābhūḥ
ki jaḍāndhabadhirākṛtireṣā bālikā bhavati tannahi vedima
3.21
tadgatapraṇayapāśanibaddhaśraddhabuddhiradhunā pariyāce
tvaṃ prasannataradṛṣṭinipātaiḥ susthitā kurasutāṃ yativarya
3.22
itthamasya vacanaśravaṇodyat kautukādatamatistamatīva
ānayeti nidiśeśa tadeva svāsane'pi ca mudopaviveśa
3.23
bhūtale vilulitāṃ viluṭhantīṃ svāṃ sutāṃ karatale' parigṛhya
ānināya nayanāyatamodaṃ bhānuratra dadatīṃ sudatīṃ saḥ
3.24
tāṃ puraḥ paramarucamudīkṣya kṣiprameva dadhatīṃ vidhisūnuḥ
stambhasambhṛtivijṛmbhitadehaḥ kṣaṇaṃ bahulamohaṃ uvāha
3.25
satyavāgayaśanaiḥ pratibuddhaḥ śuddhabuddhirati kautukaviddhaḥ
vismayottaralitāntaravṛttirhṛdi etadacintayadetat
3.26
citracitramidamatracaritraṃ ko'bhidhātumapi vaṣṭi na sṛṣṭeḥ
yatra bhānu tanayā tanu lakṣyādastilocanavaddabhūtametat
3.27
piṣṭapatrayasacetana cetaśicatranāṭaya ghaṭanāpaṭunā'sau
nādhunā navadhinā vidhinā vānatyaśilpavidhinā vidadhe kim
3.28
rūpasampadamimāṃ nanu veddvandvamandavidhireva na veda
kiṃ na so na yadibhūtabhaviṣyatvartamānasamaye svabhaviṣyat
3.29
kāṃcanācalaṃsucaṃcalacaṃcat ketakī kusumakānti kalāpeḥ
udviḍambayati yanniviḍeyaṃ hemajaṃgamamanoramavallīm
3.30
brahmaviṣṇuśivalokaviloke nedṛśī vavaca dṛśā sudṛśī me
bokṣitā varakalevara bhābhirna kṣitāvaṇihi kācana tāvat
3.31
bhāratoratirapīha yadāsyāddāsyamāpasyati padasya tadāsyāt
rūpayoḥ saphalatā kilatāvaddaivate rapitayoḥ stutayostu
3.32
mohinītanuranūnitanūtanaśrīrmayā bhagavataḥ samadarśi
etadīya navarūpalavānāṃ sāpi hi spṛśati kiṃ śatabhāgam
3.33
prema yanmama vilokanato'syāḥ śrīharestupadayorhṛdiyāya
neti tasya lava sāmyamidānīṃ brahmasaukhyamapi koṭiguṇaṃ sat
3.34
tadbhādiramaṇī pratibimbasyāpi bimba iyameva na ki vā
yannatā upanatāḥ kutakāmā nandasūnupadapaṅkajadāsyam
3.35
saccidādipuharestriṣu santyaṃśeṣu yā: pravara śaktaya āsu
sphūrtileśavihita prathamāyāḥ halādinīti viditā prathamā yā
3.36
sevadivyati tadavyatirekāt vedamyasāvapi na bhurvyatirekāt
nandamandiramalaṃ kurute yad bālakaḥ sa harirudhyapalanīlaḥ
3.37
na kṣamo'smyahamahomahimānaṃ mānasena sakalaṃ kilamanum
staumi tāmatha yathāmati tasmāt suprasādamukhā yathā syāt
3.38
adhyavasyatarasarṣiridaṃ saprekṣya¹ kutracana taṃ vṛṣabhānum²
māhatāmbujagṛhādhikamānāmāhatāṃ budhavaro'navarodham
3.39
naumi devi ! bhavatīṃ jagadamba ! tryambakapramukhadevakadambaiḥ
durvicintyanakhacandrakacat candrikāstraciraleśavilāse
3.40
śāradendurucikandalavṛndasyandi mandatarasundarahāsaiḥ
santatāntaritasantamasaṃ me hanta nāśaya nitānta matāntam
3.41
cakṣuṣī mama suṣīmamayūkhaprāptasakhyamabhilakṣya mukhaṃ te
phullametya jalaja ciramete no alī iva paraṃ niramete
3.42
indirā pramukhamindumukhīdaṃ bīkṣya rūpamapi te kilakartum
sarvamurvaśikayā vidhiraddhā svabaṃdhūrvyadhita karalekhān
3.43
saṃbhabhūva tadahaṃ hi kṛtārtho yadyapīha tavadarśanato'dya
tvāṃ tathāpi paramārthaya etat tṛptimeti hi jano na hi saukhye
3.44
nandanandana vilāsakalānāṃ pālanāya kila nirmita śarma
tūnamadya sukṣamā samadīnaṃ varma te parigṛhītamidānām
3.45
yenarūpavibhavena bhavatyā saṃbhaved bhuvi sanandatanujaḥ
kelibhiḥ kilavaśambadaṃ cettāstat pradarśaya kṛpāparipākam
3.46
naiva śeṣayati śeṣasamo'pi tvadaguṇānapi gṛṇan vacasaiva
kintu bhānutanaye| jalarāśi jātu tucchayati ko'pi ghaṭaughaghaiḥ
3.47
vyāharannathatadetimunistāṃ divyanavyarayauvana navyām
aikṣataiva purataḥ parituṣṭāṃ no satāṃ hi viphalo'hṛyabhilāṣaḥ
3.48
mādhurībharadhurīṇamuśoṇāmbhojabhājayipaddvayaśobhām
hīrakādimadahārakadīpti vyāpti rājiśakṣijinnaravarājim
3.49
kāmahema kadalīmadalīlā hārihāritaravisphuradūrum
muṣṭimeyatarabhaṃguramadhyāstitvabodhisvakāṃcana kāṃcim
3.50
nandanandanamanodhikarājyaprājyamanmathanadyatyabhiṣeke
hāṭakīyaghaṭayugmamivoccainistalaṃ stanayugaṃ ca dadhānām
3.51
rāmbarārijayakambusukaṇṭīṃ vimbaḍambara viḍambakudoṣṭīm
phullagaiṇr̤a yugamaṇḍalamaṇḍisvarṇakunḍalavidhūrṇitakarṇom