Gotamiyakavya 5

Gotamīyakāvya 5

Language: Sanskrit

5.39 — 1 part

5.2

samavasaraṇahetunā'sya bharturvitanuta yojanamāśu bhūmiśuddhim

5.3

drutataramatha vikriyāprasūtairbhramadanilairvanabhūtalādudastaḥ
vikiradvakaro'pi yojanānte nipatita unnatavapratāmavāpa

5.4

vipinaparimṛjāparāḥ samīrāstadavakaropari cikṣipu rajāṃsi
22 bhagavati bhavatīha sannikṛṣṭe sarajasatā tu kuto na viprakṛṣṭā

5.5

sapadi tadanugāḥ prabhūtabhūtā
lalanaparāstumulakriyābhiyuktāḥ
iva khanakajanā vibhajya bhāgairviṣamatamāmasṛjan samāṃ dharitrīm

5.6

iti pavanakumāradevasaṅghe svakulakṛtau kṛtakṛtyatāmavāpte
9 svapatinayananodanapraṇunnaḥ stanitataḍitsumanovrajaḥ sasañja

5.7

sitatanujalabhṛdvikurvaṇābhirdivamamarā dhuri cakrurabhraliptām
23 tadanu salilasaṅgamābhirāmaṃ mṛdumudiraṃ drutamāhatā vicakruḥ

5.8

madhuramatitarāṃ jagarja nabhrāḍabhimukhaguñjanavāyughaṭṭanena
ugalayugalavatsamīragharṣāccatasṛṣu dikṣu vididyute ca vidyut

5.9

12
tadanu taṇataṇāyamānamegho'pyaviralajālamasusruvajjalānām
upaśamabhṛdivoditaṃ kaṣāyaṃ prasamaramāśu rajo nināya śāntim

5.10

12 mṛdapi ghanajalābhiśiktabhūmeḥ
surabhitaraṃ bibharāṃbabhūva gandham
prakaṭayati sahāyatāṃ hi yātaṃ
15 sahajaguṇānapi vastuno nimittam

5.11

gaganasrutajalacchaṭāprapātādapahṛtareṇumalā drumā virejuḥ
akhilavanamapi prakāśamāptaṃ
dravadiva raṅgarasau tadā''babhāse

5.12

tvaritamatha piśācabhūtayakṣādyanimiṣasaṅgha iha svanāthanunnaḥ
upavanamanu yojanapramāṇāṃ
valayamiladvidhināñcakaddharitrīm

5.13

6 śatayugadhanurāyatāṃ jināṅgocchritinicitāṃ khacitāṃ vicitraratnaiḥ
viṭapivanamabādhayaṃstadūrdhvaṃ
9 maṇidharaṇīṃ nibabandha madhyabhāge

5.14

madhukarakulalīḍhamañjarīkaṃ caṭularaṇaddhvanighaṇṭikāpatākam
pramuditamarutastadantarāle ruciramakārṣuraśokacaityasālam

5.15

pratidiśamupanīyate sma tasmātkanakamayī caturāsanī punastaiḥ
śriya iva militāḥ samastadiśyāḥ
prabhucararaṇāmbujaparyupāstaye'sthuḥ

5.16

naṭananipuṇasālabhañjikābhirvividhavilāsavatībhirabhyupetaiḥ
suracitamaṇitoraṇaiḥ purastāttadabhimukhāḥ kakubho babhuścatasraḥ

5.17

catasṛṣu ca kakupsu vedikāntāddaśaśatayojanadīrghatocchrito'dhaḥ
vividhamaṇimayo dhvajo'maraistairvyadhita catuṣṭayamātrayeva dharmaḥ

5.18

tadupari vilasat sitātapatraṃ
caṭulitamauktikajālakiṅkiṇīkam
abhavadiva nṛlokasaṃmukhīṃ
śivapadamadhināthahārdahūtam

5.19

ahamahamikayā'tha bhaktibhājo
nijanijanāthaniyuktakāśca śaktāḥ
vyadhikadaśavikalpakalpadevā
maṇiracitā'ṅgaṇarakṣaṇaṃ vicakruḥ

5.20

bahiravatatacetanapradeśaiḥ sahakṛtamānasapudgalān vitatya
jagati tadavagāḍhapudgalaughaṃ sumaṇimayaṃ pariṇāmayāṃbabhūvuḥ

5.21

aviralavalayākṛtīkṛto'sau sapadi ca pañcadhanuḥśatonmitoccaḥ
samucitavipulatvasaṃyuto'bhādravipariveṣa ivābhiratnavedim

5.22

tadupari kapiśīrṣamālikā drāk
pavimaṇibhirvidadhe tathaiva caibhiḥ
akhilamidamakāri yatkṣaṇena
dyuvasatayastadaho mahānubhāvāḥ

5.23

ata uparitanā'maraughakṛtye
hitaratinirvṛtihetutāṃ prapanne
śaśadharadivaseśayornirdeśāttadanucarāstridaśāstvarāṃ pratīyuḥ

5.24

tridivasuravikurvaṇānukārī bhagaṇa upāhitasūkṣmapudgaleṣu
22 pariṇatimupapādayāñcakāra dyutitaddhiraṇmayatāṃ gatāṃ kṣaṇena

5.25

prathamavaraṇato dhanuḥśatāni
tryadhikadaśaiva bahistatāna vapram
parimitamadhikṛtya coktapūrvāṃ
pṛthulatayonnatayā ca bhaktiraktaḥ

5.26

yugmam
maṇimayavaraṇā'gramālayā'sāvatiśuśubhe parito'ntarālabhūmeḥ
anulavaṇasamudramā''vitardeḥ sa hi
jagatīvalayasya sāmyamāpat

5.27

9 atha rūpyavapraracanāprakāramāha—
dadhadiha vibudhaiḥ sahābhyasūyāmamuragaṇo'tha gṛhītanāyakājñaḥ
prathamamuditayā suparvaśaktyā rajatatayā''hṛtapudgalāṃstatāna

pragaditamitibhūmikāṃ vihāyā'rjunavaraṇaṃ valitaiḥ sa tairviveṣṭe
upari pariṇataiḥ suvarṇasicyā plavagaśirobhiralañcakāra śālam 28
samuditavaraṇatrayaṃ tadāsīt
trayamiva guptinibaddhamātmanīnam
bhagavadabhihito'thavā śivādhvā
trikavidhayeva nu mūrttatāmavāptot

Linked texts (3)

Gautamīyamahākāvya — Rūpacandra 1725, Sanskrit
Gautamiyakavya (ed. Kanakarāja (Muni Kanakavijaya)) — Sanskrit
Gautamīyakāvya — Sanskrit

Gotamiyakavya 5

Contents

Linked texts (3)