Pramāṇa · Search · About · API

Gotamiyakavya 6

Gotamīyakāvya 6

Language
Sanskrit

Contents

6.1

atharjuvālukānadītaṭasthasālasālataḥ
vihartumudyate vibhau nanāda devadundubhiḥ

6.2

takadgabhīraniḥsvano digantarāṇi cānaśe
ivājyabindurekato gato jalāni palvale

6.3

yathā svaśiṣyakān guruḥ śrutaṃ sahaiva pāṭhayet
tathā'parān surānna kān saghoṣamanvaghoṣayat

6.4

tadā kiṃ jātamityāhatadā rasātalādhigā manuṣyalokagā api
tadūrddhagāśca khecarāstathā vimānavāsinaḥ

6.5

tadāravānumānajāvadhiprabodhabodhitāḥ
surā hi koṭikoṭayaḥ prabhuṃ pramāya dudruvuḥ

6.6

yugmam
purā nipīya locanairmahāmahobhirañcitam
kṛtapradakṣiṇātrayā jagatprabhuṃ vavandire

6.7

namo namo'stu te prabho parā''tmarūpadhāriṇe
namo namo'stu te prabho jagatprakāśakāriṇe

6.8

namo'stvanantaśaktaye jagajjanopakāriṇe
anantabhāvabhāsvate namo'stu te svayaṃbhuve

6.9

iti praṇūma kinnarā jineśabhaktitatparāḥ
sumandramadhyatārakaiḥ svaraiḥ puro yaśo jaguḥ

6.10

sahasrasaṃkhyakaisvirnirmitaṃ maṇīmayam
ivā'rkamaṇḍalaṃ nabhogataṃ sphuranmahāprabham

6.11

18
jayāya dharmacakriṇaścacāla cakramagrataḥ
tadīyarociṣā niśā divasvarūpamādadhe

6.12

-yugmam
tato'nukūlamāruteritasphuratpatākayā
12 prabhoḥ pathā calantu bhoyiti praṇodayanniva

6.13

dhvajo'ntarikṣago'calat sahasrayojanocchritaḥ
surā hi yasya vāhakāḥ kathaṃ mahinna saṃśayaḥ

6.14

-yugmam
vicitraratnamaṇḍitaṃ tato hiraṇmayāsanam
śramāpanodanakṣaṇe yadāśrayeta tīrtharāṭ

6.15

sapādapīṭhamambare surāṃsagaṃ cacāla tat
ivādhvani sudhābhujāmakhaṇḍacandramaṇḍalam

6.16

-yugmam
tadudvahanta aiśvarāsanaṃ surā yathākramam
parasparārthanāparā nijān bhujānapīpavan

6.17

pralambamānamauktikāvalīkalāpamālitam
ivendubimbamāsravatsudhāsubindusundaram

6.18

vijṛmbhamāṇamālatīviśālamālikārcitam
dhvanadvirephajhaṅkṛtiprakāśitaśriya dūrataḥ

6.19

suratnadaṇḍamaṇḍitaṃ vihāyasi prabhāsitam
uparyuparyadhīśvaraṃ tridhātapatramasphurat

6.20

-tribhirviśeṣakam
caturdiśāsu cāmarāvalī tato'pyanoditā
udacchalatsurānanocchalajjayāravaiḥ samam

6.21

ato ghanaṃ marutpathe vikurvya meghamālinaḥ
jalacchaṭābhirārdrayāṃbabhūvuradhvamedinīm

6.22

diśaḥ prasādamāsadanniśā'pyabhūnmahojjvalā
vimocitetyanītibhirddharāpyudaśvasītsukham

6.23

suklṛptapuṣpavārdalānnabhastalācca vicyutaiḥ
sugandhibhiḥ sumotkaraiḥ surā mahīṃ pratastaruḥ

6.24

sthirā api drumā jalāśayāḥ sumaiśca śīkaraiḥ
tadānuyāyivāyunopacerurarccamīśvaram

6.25

puraḥsthitā api drumāḥ praṇamya ramyamārgagāḥ
vinidrapuṣpasaṃhatīrabhiprabhuṃ ḍuḍhaukire

6.26

raviprabhānukāriṇā khacāricakrarociṣā
mṛgāḥ prabodhitāḥ pathi pradakṣiṇaṃ prabhoryayuḥ

6.27

tathaiva vāmapārśvatastarūnvihāya patriṇaḥ
vidhāya toraṇākṛtiṃ gateryayuḥ pradakṣiṇam

6.28

6 tavā'sti siddhirityado vaco babhūva pṛṣṭhataḥ
samehi bho jayo'sti te puro'pi gīrabhūditi

6.29

anekatūryaniḥsvanānupātikinnarasvaraiḥ
12 śravaḥsukhaikapātratāmuvāha sarvamambaram

6.30

sugandhinīrasaṃsakṛtā sasaurabhā'pyabhūnmahī
18 jagatpateḥ samāgaterupaskriyeta kiṃ na hi ?

6.31

pratiprabhuṃ surāṅganā'vakīrṇamauktikotkarāḥ
namanabhaścaroḍḍubhiḥ sarūpatāṃ prapedire

6.32

adhogatāni kaṇṭakepsitānyataḥ prabhṛtyaho
adhomukhāstakaṇṭakāḥ pathītyavīvidanniva

6.33

jinena hemapadmayoḥ kramau nidhāya gacchatā
mahādisenakānanasthalī sapadyapūyata

6.34

suvarṇaratnavaprayojinālaye'ntarālage
nyadhāyi nirjarairadho nijāṃsasaṃsthamāsanam

6.35

trilokanāthamandiraṃ tadā surā'surairvṛtam
rarāja khecarāvalīpraveṣṭitādrirājavat

6.36

amaṇḍayaṃśca tāṇḍavaṃ surāḥ sunṛtyapaṇḍitāḥ
21 jaguśca ke'pi gāyanāḥ prabhoścaritramā''jane

6.37

tathā śruteṣu viśrutān guṇāṃśca ke'pi tuṣṭuvuḥ
surāśca ke'pi sādaraṃ muhuḥ praṇemurīśvaram

6.38

6
praṇīya jānusaṃmitāṃ citiṃ prasūnapātataḥ
vibhūṣitāṃ vasundharāṃ vyadhuśca ke'pi yojanam

6.39

12
mahasyamutra kecana khasundarībhirarthitāḥ
prasādanāya cāpare svabhartureva nākinaḥ

6.41

18
svamitranoditāḥ pare'pare svakīyabhaktitaḥ
kutūhalena ke'pi ca pramodamāpya cāyayuḥ ||40||-yugmam
itthaṃ mahotsavamayīva mahojjvalābhā
devāgamena divasādpi dīpyamānā
śrīvarddhamānajinarājavihārapūtā
rājyaṃ pradāya divasaya niśā papāra

6.41.p1

iti bhagavadāgamanavarṇano nāma tṛtīyaḥ sargaḥ || 3

Linked texts (3)