Ambikalapa 1

Ambikālāpa 1

Language: Sanskrit

1.1

vyatyastāṅghriṃ valitavadanaṃ vāntaveṇīkalāpaṃ
lolāpāṅgaṃ lalitamuralīkuṅgamalībhāvitoṣṭham
vītaṃ pītāmbaramamalayā mālayā vaijayantyā
barhapīḍaṃ praṇayabharitā prekṣatāpādacūḍam
ardhonmīlannayanakamalaṃ baddhapadmāsanasthaṃ
mugdhā śuddhasphaṭikadhavalaṃ saṃniruddhendriyāśvam
haste bhadrāṃ hṛdayakamale bodhamudrāṃ dadhānaṃ
dhyānārūḍhaṃ dhanapatisakhaṃ prekṣatāpādacūḍam
pādāvetau sa khalu śakaṭo jaṅghikairjunau tau
madhyo'yaṃ sā surabhirasanā vakṣa etad vṛṣaḥ saḥ
bāhuścāyaṃ sa punaracalo vakrametajjagad tad
bālasso'yaṃ sa tu viṣadharaḥ satyabhūd vismitāntaḥ
pādāvetau sa khalu bhuvanaślāghyabhūmā varoraṃ
mauliḥ so'ya sa ca kamalabhūḥ śuklahaṃsendranīlaḥ
etau pādau sa ca phaṇipatijyānatāṅgaḥ sumeruḥ
kaṇṭhaḥ so'yaṃ śiva śiva| jagadbhsmaraṃ kālakūṭam
tattāruṇyaṃ tadapi taralaṃ vīkṣitaṃ tān vilāsāstān sallāpāṃstadapi hasitaṃ tadrapustāśca goṣṭhīm
tān vā bhāvāṃstadapi ca gataṃ tāṃ ca lāvaṇyavīcīṃ
prekṣiṣye'haṃ punarapi kadā devatānāṃ prasādāt
tallāvaṇyaṃ tadapi ca vapuḥ saiva dhīrāsikeyaṃ
tānyevaitānyuparataparispandanānīkṣaṇāni
mudrāpyekā karakisalaye lakṣyate saiva bhadrā
mantrābhyāsairsamadhuramadharaspandanaṃ ka prayātam
aṅkārūḍhāmabhinavapariṣvaṅgaromāñcitāṅgīṃ
madharṅgāṅgaprasaraṇasamucchūvalānaṅgalīlām
sallāpāya śravaṇahṛdayāṃ hlādayan śailakanyāmullāsaṃ me diśatu manaso bālaśītāṃśumauliḥ

1.2

bhaktiśraddhādyatiśayavatī pārvatī śūlapāṇyorvarṇī kṣoṇīṃ vaśayati(tu) guṇairambakālāparūpā
śṛṇvantastāṃ śrutipuṭasudhāsāraśṛṅgārapūrāṃ
santuṣṭāntaḥkaraṇahariṇaḥ (?) santu santo nitāntam

1.3

prāptā gaurī piturupavanaṃ preyasībhyāṃ vihartuṃ
bhāgīrathyāstaṭaparisare pūrṇabhāgyopalabhyam
devaṃ dhyānastimitanayanaṃ devadārorudāre
mūle mūlaṃ sakalajagatāmindumauliṃ dadarśa

1.4

citraṃ meruḥ sphurati purataḥ pārśvayoḥ pārijātaḥ
pūrṇaścandrastadupari punaḥ paṅkajairardhakuṇḍaiḥ
tasyāpyuccairadhikavilasanmallimālāmṛṇālāḥ
sandhyāmeghāvaliriti mudā smitaṃ susthitā bhūt

1.5

lakṣmībhū(tāstaḥ) puruṣavapuṣā kiṃ daśaḥ pūrṇaca(ndrāndra)ssarvo'pyevaṃ vipariṇamate tejasāṃ vā samūhaḥ
saundaryāṇāṃ sakalajagatāmeṣa sāro vapuṣmān
kiṃ syādetanmaha iti muhuścintayāmāsa devī

1.6

atyādityadyutiratiśaraccandralāvaṇyalakṣmīratyadrīndronnatiratiharibrahmādidhyānubhāvaḥ
ko'yaṃ devaḥ śiva iva puro vartate kiṃ śivaḥ syādityāśaṅkāmakuruta ciraṃ śaṅkaraṃ vīkṣya gaurī

1.7

kāle netraṃ pṛthuni jaghane vyāghrakṛttiṃ ca dhatte
maulau gaṅgāmapi śaśikalāṃ kālimānaṃ ca kaṇṭhe
aṅgairetairanitarasuraśreṣṭhasaṃlakṣaṇīyaidevaḥ sākṣācchiva iti ci(raṃ)rā(ni)rdadhārādrikanyā

1.8

ardhonmīlannayanakamalaṃ baddhapadmāsanasthaṃ
mugdhā śuddhasphāṭikadhavalaṃ saṃniruddhendriyāśvam
haste bhadrāṃ hṛdayakamale bodhamudrāṃ dadhānaṃ
dhyānārūḍhaṃ dhanapatisakhaṃ prekṣatāpādacūḍam

1.9

pādāvetau sa khalu bhuvana(ślā)dhyabhūmā varo'yaṃ
mauliḥ so'yaṃ sa ca kamalabhūḥ śukmahaṃsendranīlaḥ
etau pādau sa ca phaṇipatijyānatāṅgaḥ sumeruḥ
kaṇṭhaḥ so'yaṃ śiva śiva ! jagadgrasaraṃ kālakūṭam (?)

1.10

kīdṛg bhāgyaṃ pariṇatamidaṃ kiṃ ca taptaṃ tapastat
kiṃ tat puṇyaṃ(su?)kṛtamiha mahat ke ca devāḥ prasannāḥ
kiṃsvid jñānaṃ ciramadhigataṃ kaśca yogo'dhirūḍho
yat paśyāmāstribhuvanaguruṃ cakṣuṣā candracūḍam

1.11

ityālakṣya priyamadhikayotkaṇṭhayā prekṣamāṇā
sakhyoragre sapadi sumukhī lajjayā vāryamāṇā
yātāyātairlalitalalitairiṅgitairdyotayantī
bālā mandānilavicālitā vallarīvollalāsa

1.12

aṅgacchāyāmamṛtalaharīsundarāmindumaulerniṣyandābhyāmaniśamavalā locanābhyāṃ pibantī
stabdhairaṅgairrmaratakamayī sālabhañjīva bhāntī
bhadrā rudre nihitahṛdayā bhāvabhedaṃ prapede

1.13

khinnā sadyaḥ śirasi dhṛtayā gaṅgayevāsya siktā
cūḍācandradyutibhiriva sā carcitā pāṇḍurābhūt
vrīḍāveśānmukhamanamayad vandamāneva devaṃ
romāñcena drutamaramayat kañcukeneva hastam

1.14

bhaktyudrekasphuritapulakaprekṣaṇīyāṅgalakṣmyā
prītyutphullairnayanakamalaiḥ prekṣayantyau purārim
sakhyau devaṃ dhanapatisakhaṃ vandamāne nadūrāt
ślādhyālāpāṃ priyasahacarīmevamācaruyatustām

1.15

satyaṃ bhāgyaiḥ phalitamadhunā sādhu dṛṣṭaṃ bhavatyā
mandākṣaṃ te vyapanaya śivo naiva mandākṣalakṣyaḥ
eṣa khrame suramunigaṇaiḥ sevyamānaḥ samantād
devaḥ pāṇiṃ japasulalitaṃ pīḍayan (dī?trī) kṣito'bhūt

1.16

bhadre kiñca smaratu bhavatī bhāratīṃ nāradīyāṃ
tātasyāgre tvayi (kulāṭike?tu lalite) krīḍayā sañcarantyām
eṣā bālā tribhuvanagurorīśvarasyārdhamaṅgaṃ
premotkarṣocchvasitamanasaḥ prāpnuyādityeudīrṇām

1.17

krīḍālaulyaṃ tava khalu muhurvartate bālyasāraṃ
krīḍāhetorupavanamidaṃ sāmprataṃ ca praviṣṭā
krīḍāpātraṃ punarabhinavaṃ sannidhatte purastāt
krīḍa svairaṃ suciramamunā kandukaiḥ kiṃ phalaṃ te

1.18

sallāpāśca śravaṇamadhurāḥ śīlitāḥ śārikābhyo
bāle ! bālairiha saha mṛgairvekṣitaṃ śikṣitaṃ ca
haṃsastrībhirvalitagatayo'pyaṅgasaivopādiṣṭāḥ
kālaḥ so'yaṃ tava kalayituṃ nīlakaṇṭhasya lāsyam

1.19

gaṅgābhaṅgābhyadhikamadhure kāntipūrapravāhe
kaṇṭhacchāyā kuvalayakulaspandalakṣmīṃ dadhāti
padmanyūhībhavati vitati: pāṇipādākṣibhāsā
pāthaḥkroḍāmiha paricinu preyasīcchānurūpam

1.20

mandākinyapyadhikalalitā candralekhā ca maulau
sandhyānṛttabhramaṇasamaye nityamāndolayete
ālambyāsya priyasakhi ! jaṭāvallimāgucchalambāṃ
ḍolālīlāmabhilaṣasi cettattayoḥ syāttṛtīyā

1.21

dākṣāyaṇyā pitṛkṛtaharadrohanirvāhetodehe tyakte sati dayitayā yastvayā viprayuktaḥ
dhvaste bhūtaiḥ sasuranikare sādhvare hanta dakṣe
tvatsaṃtrāserdhuvamupavane vartate'sau (purāriḥ)

1.22

vāmaṃ bhrūmau karamurutaraṃ sthāpayitvā tadaṃse
vaktraṃ kṣiptvā praśithilajaṭāllambigaṅgenduleśam
kakṣyonddhe taditarakaraṃ dakṣajānau prasārya
tryakṣaścitre vilikhita iva prekṣyate mīlitākṣaḥ

1.23

śokāviṣṭaḥ kimuta bhavatīṃ cintayan pūrvapatnīṃ
tvāmanveṣṭuṃ kimuta karaṇairlobhibhairviprayuktaḥ
mūrcchāmārcchattva tanuparityāgaduḥkhena kiṃ vā
yogena tvāmuta mṛgayate tvaṃ (nu) vettāsya vṛttam

1.24

itthaṃ sakhyoḥ śrutipuṭasudhāsūktimākarṇya gaurī
bhaktivyājānmanasi nihitaṃ bhāvabhedaṃ nigūhya
īrṣyārūkṣabhrukuṭikuṭilā tarjayitvā vamāye
vakroktirvāṃ prasarati kathaṃ vandanīye'pyadhīśe

1.25

eṣa dyādiḥ sakalajagatāmeṣa evāvasānaṃ
yasyādyantau paramapuruṣabrahmaṇorapyame(yaḥ yau)
aiśvaryāmyudaya(layayo)rīśvaraḥ śāśvato'sāvitthābhāṣya praṇatimakaroddirājasya kanyā

1.26

sevāṃ kurmaściramiha vibhorjanmasāphalyasiddhyai
bhāgīrathyāssapadi vijaye sambharāmbhāṃsi kumbhe
pūjāyogyāṃ puravijayinaḥ phullakalhārapuṣpaimālāṃ hṛdyāṃ racaya cature māninītyevamuktvā

1.27

sadyaḥ phullaṃ svayamupahṛtaṃ puṣpabhāraṃ tarūṇāṃ
pāṇidvandve prakṛtisukule sāvadhānaṃ dadhānā
kalyāṇī sā kuśalaśakunaiḥ sūciteśprasādā
śambhoḥ pūjāsamayamucitaṃ prekṣamāṇā pratasthe

1.28

romāñcānāmanubhava suvasyāṅkurāṇāṃ kadambainetrotpannaiḥ kṣaṇavigalitānandavāṣpābhiṣiktaiḥ
antardraṣṭuṃ sapadi jagatāṃ sūcayan yastvameyau
yogādāsīduparatamanā yogihṛdyānubhāvaḥ

1.29

nandīśādyaiḥ pramathapatibhirvandyamānā bhavānī
mandaṃ mandaṃ maratakaśilābaddhasopānamārgām
raṅgattuṅgastanabharanamanmadhyabhāgā sakhelaṃ
bālā śuddhasphaṭikaracitāṃ vedikāmāruroha

1.30

siddhiṃ yogādiva samuditāṃ svānubhūtyā ca bhūtyā
śāntyā dāntyā samamiva nijāṃ bhaktimājānasiddhām
śaktiṃ sākṣādiva tanumatīṃ māyayā vidyayāsau
tāṃ mālinyā saha vijayayā śailakanyāmapaśyat

1.31

lāvaṇyānāṃ navaśāśikalāṃ lāsyabhūmiṃ kalānāṃ
śṛṅgārāṇāmṛtasaritaṃ śārikāṃ jahnujānām
aiśvaryāṇāṃ vipaṇipadavīmākaraṃ maṅgalānāṃ
devaḥ sākṣādamanuta śivo vīkṣya dākṣāyaṇīṃ tām

1.32

dhammillebhyo bahalavigalatphullakalhārapuñjā
pīnottuṅgastanabharadarākrugnabhagyābalagnā
cittaṃ premṇā vikasitamiva tryambakasyāṅghrimūle
bālā puṣpaṃ svayamupahṛtaṃ vikṣipantī vavande

1.33

śambhuḥ spṛṣṭvā gatadalarucā pāṇinā (dakṣiṇena)
netraiḥ phullairiva kuvalayairmaṇḍayan vīkṣya saumyaiḥ
vācā mandasmitaviśadayā jyotsnayevābhiṣiñcan
bhartāraṃ te ruciramacirāt prāpnuhītyanvagṛhṇāt

1.34

nityaṃ gaurī niyamakusumānyāharantī vanāntādālimpantī dhruvamanudinaṃ vedikāṃ mārjayantī
āsiñcantī parisaratarūnagnihutīpayantī
tacchuśrūṣāmakuruta ciraṃ sādarābhyāṃ sakhībhyām

1.35

kāle tārsiṃsvidaśanikaraistārakeṇābhibhūtaistasyārātiṃ triṇayanabhava svāminaṃ kāṅkṣamāṇaiḥ
śaṃbhuṃ gauryā saha ghaṭayituṃ prārthitaḥ puṣpadhanvā
ratyā sākaṃ puravijayinaḥ pṛṣṭhabhāgaṃ prapede

1.37

suptaṃ siṃhaṃ nibhṛtamudadhiṃ nirmadaṃ vāraṇendraṃ
rāhugrastaṃ grahaparivṛḍhaṃ meghamāṭopaśūnyam
bhasmacchannaṃ graḷayadahanaṃ tatra saṃsmāra māro
dhyānārūḍhaṃ tripuramathanaṃ prekṣamāṇaḥ praśāntam

1.38

yāvat kāmo dhanuṣi madhure paḍpadajyāvanamre
gandhodagraṃ śaramavasare prastute sandadhāti
tāvad gaurī parisaravanādāhṛtān rudrapāde
pūjāvyājāt sapadi śataśaḥ prāhiṇot puṣpabāṇān
muścatyekaṃ śaramapi śanaiḥ pelavaṃ puṣpabāṇe
sañcukṣobha prasabhamakhilaṃ seśvaraṃ viśvameva
yakṣasyākṣṇastadanu bhuvanakṣobhahetuṃ didṛkṣornirghātaughābhyadhikaparuṣaḥ pāvako niṣpapāta

1.39

neśaḥ krodhī niyatakaruṇo manmatho nāparādhī
sā vā devī na khalu vimukhī naiva devā viruddhāḥ
phullaiḥ puṣpaiḥ puravijayinaṃ pūjayitvā ca (pūrvaṃ)
hā hā kaṣṭaṃ hatavidhivaśād bhasmaśeṣaḥ smaro'bhūt

1.40

apyatyantaṃ nibhṛtamanasāṃ yogināṃ strīsakāśe
pratyūhāṇāṃ bhṛśamuparamo naiva bhūyāt samādheḥ
nissāmānyābhyadhikamahimā nūnamevaṃ viditvā
bhasmībhūte sati ca madane bhūtanāthastiro'bhūt

1.41

mūrcchāṃ prāpya prasabhamanaghā bodhitā preyasībhyāṃ
svāmin bhaktapriya paśupate ! kvāsi kāruṇyasindho !
nīlagrīvaṃ nikhilabhuvanāhlādinaindūlekhāṃ
netrānandaṃ vapuranupamaṃ darśayeti vyarodīt

1.42

pṛthvīpāthaḥpavanadahanavyomasomātmasūryān
bhāvānantarbahiravicalasthāvarān sthūlasūkṣmān
sarvaṃ sākṣācchiva iti muhuḥ prekṣamāṇācacakṣe
sāraṅgākṣī sakalahṛdayadrāviṇīṃ tatra vāṇīm

1.43

agnīn pañca svayamupaharannājyahavyendhanādyaiḥ
kāmaṃ pūrṇāhutamapi punaḥ kalpayannetravahneḥ
khairaṃ yātastribhuvanaguruḥ kṛtyaśeṣe samāpte
kāmātmāgniṣviha khalu mayā tapyate pañcasūggram

1.46

hotuḥ śambhormayi hutavahaṃ pūrvamudīpayantyāṃ
śīrṣe baddhaḥ śramamaśamayastvaṃ kalāśeṣamūrtiḥ
sampūrṇaḥ sarvamapi sa khalu me sāmprataṃ śītaraśmeḥ
kalpāntāgnirbhavasi vidhinā kiṃ mayā te'parāddham
cūḍākoṭitridaśaśataṭinīśīkarābhyukṣitānām
māmodaṃ me diśasi śanakairaśrekharāraṇyadhānām
mānyo'si tvaṃ malayapavana ! svāgataṃ svasti te'stu
brūyāḥ kiṃcit smarati bhagavān matsaparyāviśeṣān
mudrāṃ bhadrāṃ karakisalaye bodharūpāṃ dadhāno
vyākhyāhetormunipariṣadā sevyamānaḥ samantāt
vaiyāghrīyāṃ tvacamabhinavāṃ veṣṭayannaṣṭamūrtiḥ
kiṃ te mūlaṃ bata! vaṭataro! dakṣiṇāmūrtirāgāt

1.47

dhatse maulau navaśaśikalākomalaṃ kuḍmalaṃ tvaṃ
gaṅgābhaṅgābhyadhikamadhurāṃ mākarandīṃ ca dhārām
śūlākāraistava kisalayairbhānti śākhākarāgrāḥ
kiṃ te brahmadruma! parisaraṃ prāpnuvān kṛttivāsāḥ

1.49

bhrātardṛṣṭaḥ kimu ma bhagavān brūhi mahyaṃ varāha!
tvatsamprāptyā punaraharidaṃ vartate me varāhaḥ
anviṣya tvāmacaradaṭavīṃ yaḥ kirātātmanā prāgāpātālaṃ tvamapi gatavānaṅghrimanviṣya(yasya)yasmin
mauliṃ yasya tvamasi gatavān vīkṣituṃ haṃsa ! pūrvaṃ
cūḍāsindhoḥ kṛtaviharaṇaiḥ pūjito rājahaṃsaiḥ
asmaddhetoḥ punarapi paraṃ haṃsamanveṣayāmuṃ
yogārūḍho hṛdayakamale prekṣyate yaśca haṃsaḥ

1.50

gacchopāntaṃ hariṇi ! karuṇākrāntacittā mayi tvaṃ
sandeśaṃ ca prakaṭaya vibhoḥ kṣiprameṇāṅkamauleḥ
tatpāṇisthe taruṇahariṇe sābhilāṣā na bhūyāścūḍācandrapraṇayihariṇīṃmagracittaḥ sa mugdhaḥ

1.51

barhin ! brūhi tvamiha bahubhirmānanīyairvihaṅgaiḥ
kasmin deśe samupadiśasi tvādṛśāṃ lāsyamīśaḥ
barhān bāhūniva layavaśānmaṇḍalīkṛtya nṛtyan
devaḥ sākṣācchiva iva puro nṛtyeta nīlakaṇṭhaḥ

1.52

ślāghyāsi tvaṃ śivaśivaśivetyālapantī samantācchrotradvandvaṃ śiśirayasi me śārike ! svasti te'stu
sallāpānāṃ phalamavikalaṃ labdhameva tvayā me
śaṃsa svairaṃ muhurapi śivaṃ śreyase śraddadhānām

1.53

vibhraccāpaṃ śvabhirabhivṛto barhibarhāvataṃsaḥ
keśābhogagrathanavilasatkāṅgirātāḥ kirātaḥ
kiṃ te kṛttiṃ dalayitumasāvagrataḥ kṛttivāsāḥ
kasmāddhetorvyathitahṛdayo vyāghra ! śīghraṃ prayāsi

1.54

haṃho vanyadvipavara! haraḥ kaityabhivyāharantyai
pratyuktiṃ me diśasi na kutaḥ kiṃ madāndhayaṃ tavetat
nirīkṣya tvāṃ nadatu parito maṇḍalīkṛtya dorbhiḥbrahmāṇḍāntaḥpralayasamaye prāgyathā bhūtanāthaḥ

1.55

siṃha! kāste śiva iti mayā pṛcchyamāno'nurāgād
dapāt tūṣṇīṃ nivasāsi yadi tvaṃ guhāyāṃ himādreḥ
bibhranmūrtiṃ śamanamathanaḥ śārabhīmaṣṭapādāṃ
bhittvā vakṣastava pṛthutaraṃ bhūṣayatvāntramālām

1.56

vyāyāmānte svakarakamalairmardayitvā tavāṅgaṃ
siñcedadriḥ saha yadi gaṇaiḥ śaṅkaraḥ śāṅkara! tvām
tasmin kāle tava jaladharasnigdhagambhīraghoṣaiḥrattyārūḍhaṃ smaraparibhavaṃ brūhi me kāmaśatroḥ

1.57

yastvāṃ pūrvaṃ jaladhimathane mandare dṛṣṭasāraṃ
maurvīṃ kurvannasuranagarīṃ merudhanvā dadāha
bhūṣā dehe tvamasi vipule lālyamāno'si nityaṃ
bhogīndrāsyānitaragatīraṅgasā vedayāsai

1.58

sākaṃ cāndracā śirasi kalayā śambhunā lālyamānā
koṭīrāgrāt kimiti galitā kiṃ tvayā vāparāddham
tuṅge śṛṅge nipatasi gireraṅgamokṣāya gaṅge!
dehatyāgo giriśavirahe jīvitāccaklādhya eva

1.59

itthaṃ gaurīmupavanatale muktakaṇṭhaṃ rudantīṃ
nirdhyāyantīṃ nikhilabhuvanasvāminaṃ nīlakaṇṭham
sakhyāvāśvāsayitumalasāṃ tatkṣaṇaṃ nālamāstāṃ
hraye tasminnapi himagṛhe hanta śaityopacāraiḥ

1.60

yasyāṃ vedyāṃ sa ciramavasacchambhurārūḍhayogastasyāmeva pramathapatibhiḥ sevyamānaḥ samantāt
nīlagrīvapratikṛtimatho nirmamāte vayasyairnīhārādestaṭasamuditairnūtanaireva ratnaiḥ

1.61

(phālaṃ tasya) sphaṭikaśilayā padmarāgeṇa pādau
vaiḍūryeṇa stimitanayanaṃ vidrumaughaiḥ kapardān
kaṇṭhābhogaṃ garuḍamaṇinā mauktikairdantapaṅktiṃ
gaṅgāṃ siddhattuhinadaṣadā candrakāntena candram

1.62

devī sākṣācchiva iti mudā trīkṣaṇaṃ vīkṣamāṇā
prāgvattasyāpacitimucitāmācarantī sakhībhyām
aṅgasyārdhaṃ pratikalitayā chāyayārdhendumauleḥraikyaṃ prāmāmajuta nijāṃ mūrtimadrīndraputrī

1.63

tacchāvaṇyaṃ tadapi ca vapuḥ saiva dhīrāsikeyaṃ
tānyevaitānyuparataparispandanānīkṣaṇāni
mudrādhyekā karakisalaye lakṣyate saiva bhadrā
mantrābhyāsairmadhuramadharaspandanaṃ ka prayātam

1.65

kiṃ svātantryaṃ kimuta mahimā kinnu yogaprabhāvaḥ
kiṃ dhīratvaṃ kimadhiguṇatā kiṃ tavārdhīśvaratvam
bhasmībhūtaṃ nayanavahinā nirghṛṇaṃ pañcabāṇaṃ
mugdhāyāṃ me manasi bahudhā jṛmbhayan nirvṛto'si
bhūtaḥ kiṃ vā visaharasiddhaṃ kiṃ kṛpāyā viyuktaḥ
kiṃ hīyeran bhuvanamahitā bhūtayo vāṇimādyāḥ
hāsyaṃ kuryuḥ kimuta vibudhāḥ kiṃ jalatvaṃ tava syāt
kasmād doṣād giriśa ! parito na prapanno'si me tvam

Linked texts (1)

Ambikālāpa — Parameśvara, Sanskrit