[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Miscellaneous short works](https://indike.org/pramana/in.lit.kavya.misc) › [Ambikalapa](https://indike.org/pramana/in.lit.kavya.misc.ambikalapa) › 2 # Ambikalapa 2 Ambikālāpa 2 - **Language:** Sanskrit ### [2.1](https://indike.org/pramana/in.lit.kavya.misc.ambikalapa.2.1) mauñjīkṛṣṇājinaparivṛtaḥ śubhrayajñopavītī haste daṇḍaṃ vimalasalilāṃ kuṇḍikāṃ cādadhānaḥ kāle vakṣasyapi ca bhujadornyastabhasmatripuṇḍraḥ prādurbhūtaḥ sapadi giriśaḥ kaitavabrahmacārī ### [2.2](https://indike.org/pramana/in.lit.kavya.misc.ambikalapa.2.2) ārādetya priyasahacarīdattavetrāsanasthaḥ kalyāṇīṃ tāṃ sadayamṛjunā cakṣuṣā vīkṣamāṇaḥ mārgaśrāntiṃ sapadi madhuparkādibhiryāpayitvā vāgmī vācaṃ tadanu sutarāmabravīt kṣudraśaktiḥ ### [2.3](https://indike.org/pramana/in.lit.kavya.misc.ambikalapa.2.3) sauvarṇīva dyutimupagatā niṣkalaṅkā śalākā madhye'gnīnāṃ tava varatano rājate mūrtireṣā sakhyormadhye vahasi yamunāgaṅgayorantarāle gūḍhaṃ sārasvatamiva payaḥ pāvanaṃ sūkṣmamaṅgam ### [2.7](https://indike.org/pramana/in.lit.kavya.misc.ambikalapa.2.7) aiśvaryaṃ te na khalu vikalaṃ yauvanārambhayogādmlānaśrīriyamabhinavā snigdhalāvaṇyarekhā nūnaṃ naiva tvadabhilaṣitā durlabho(bhā) durlabha(mābhaṃ)syā(t) kiṃ kalyāṇi ! prabalatapasā prāpyamastītyapṛcchat trīlāveśādapi ca tapasā maunameva prapannā bālā tasmai manasi nihitaṃ sūcayantīva (tasthau) vakṣomadhyaṃ valitavadanā prekṣatāmbhoruhākṣī sakhyau tasyāḥ sphuṭamavadatāṃ vācamācārabhūtām vidvan ! vidyāḥ priyasahacarīmīśvare baddhabhāvāṃ vāñchāsindhuḥ khalu niravadhiḥ komalā yoṣideṣā dhīrāste'nye śirasi dhanupāpyaśramaṇā tāḍayitvā hitvātaṅkaṃ (ni)rayamapi ye (mari)ta(sva)rūpaṃ bhajante bhittvā śīrṣāṇāṃ daśakamajuhodrāvaṇo jīvitārthī cakrāvāptyai nayanakamalaṃ cakrāpāṇirdideśa eṣāpyagnau tapa iti mahat sāhasaṃ hanta dhatte ko jānīte kathamiva bhavedeva eva pramāṇam ### [2.8](https://indike.org/pramana/in.lit.kavya.misc.ambikalapa.2.8) naiva jyāyo na punaranu vā nāvaraṃ vā varaṃ vā yasmādanyajjagati vitataṃ vidyate naiva kiṃcit eko devaḥ sa khalu nikhilaprāṇivargāntarātmā nirvyājodyannijakaruṇayā naḥ prasādaṃ karotu ### [2.9](https://indike.org/pramana/in.lit.kavya.misc.ambikalapa.2.9) dagdhaṃ yena tripuramathanaiḥ stūyamānena dīnaiḥ pītaṃ hālāhalamapi purā helayā lokaguptyai ghoraṃ tādṛk kimapi viṣunā sāhasaṃ nātra kāryaṃ sānnidhyaṃ cet sa tu vitanutāt tāvatā smaḥ kṛtārthāḥ ### [2.10](https://indike.org/pramana/in.lit.kavya.misc.ambikalapa.2.10) sakhye vikrāditi samuditāṃ vācamākarṇya varṇīṃ mānyāmenāṃ muhurapahasannevamevaṃ babhāṣe bālā hanta prabalatapasā phalgumākāṅkṣate'rthaṃ kiṃ kalyāṇyā visadṛśamidaṃ sammataṃ vāmapīṣṭam ### [2.11](https://indike.org/pramana/in.lit.kavya.misc.ambikalapa.2.11) īśo'stīti bhramitajagatāmicchatāṃ (patyurvṛṣayu)pāyaṃ vādaḥ kaścit pravacanavidāṃ vedyate vaidikānām nai(vena) vācāmapi ca manasāṃ gocaraṃ prāhurandhā mugdhe śraddhāṃ racayasi mudhā vastuśūnye'pi śabde ### [2.12](https://indike.org/pramana/in.lit.kavya.misc.ambikalapa.2.12) kīdagrūpaḥ kimupakaraṇaḥ kiṃguṇaḥ kiṃcaritraḥ kairvā mugdhe kathaya karaṇaireṣa nirdhāraṇīyaḥ vastuvastīti bhramati sutarāmīśvare śabdamātre gandhaśraddhā gaganakusume jāyate kasya jantoḥ ### [2.13](https://indike.org/pramana/in.lit.kavya.misc.ambikalapa.2.13) kalyāṇetaṃ kapaṭavaṭunā vyāhṛtā sāpahāsaṃ maunagranthiṃ śuciravidhṛtaṃ sandamandaṃ niruddhya divyāṃ vāṇīṃ daśanakiraṇairdyotayantī nitāntaṃ tatpratyuktiṃ sutanuratanov tatkṣaṇaṃ yuktiyuktām ### [2.14](https://indike.org/pramana/in.lit.kavya.misc.ambikalapa.2.14) vedābhyāsairvividhatapasā vidyayā brahmamayyā (mimau)nairmantrābhyasanavidhinā dhyānayogena śāntyā yajñairdānairapi sumanaso (yaṃ prīyanti)yārthaṃ yatante tasyāvāptyai yadi na yatase brahmacaryaṃ kimartham ### [2.15](https://indike.org/pramana/in.lit.kavya.misc.ambikalapa.2.15) jantorantaḥ sphurati hṛdaye yaḥ kilāṇoraṇīyān brahmādīnāmapi ca manasāṃ vartate yo mahīyān svātmānandaṃ na gaṇayasi cedīśamajñānapāśādādityo'stītyavagamayituṃ kauśikaṃ kaḥ samarthaḥ ### [2.17](https://indike.org/pramana/in.lit.kavya.misc.ambikalapa.2.17) yādagrūpo yadupakaraṇo yadguṇo yaccaritro yo'nādyantaḥ sa kathamitaraiḥ śakyanirdhāraṇaḥ syāt no cedīśaḥ kathaya jagatāmudbhavādau kutastvāṃ kasmād bhīto bhramasi hi punaḥ kālacakre vivasvān yasyāghantau śaṃtadhṛtirasau vākṣituṃ nālamāstāṃ kastadrūpaṃ parigaṇayituṃ śaknuyāt kṣudraśaktiḥ adyāpyenaṃ visumupanipat kelyanirdhārya raudrī sarvān bhāvān namati śataśaḥ sthāvarān jaṅgamāṃśca ### [2.19](https://indike.org/pramana/in.lit.kavya.misc.ambikalapa.2.19) meruryasya sthiradhanurabhūd vāsukirjyā variṣṭhā kṣiprakṣeṣuḥ paramapuruṣastāḥ śaravyaṃ nagaryaḥ vedā vāhāstaraṇiśaśinau cakrayugmaṃ rathaḥ kṣamā vedhā yantā kimiha bahunā tāddaśaḥ ko'sti vīraḥ havyaiḥ(gavyaiḥ)hutavahamukhe yajvabhiḥ pūjyamāno yaḥ santuṣṭaḥ phalamavikalaṃ puṇyakṛjyo dadāti dakṣo devaiḥ saha paribhavaṃ prāpayan yo'vamānāt kastaṃ nindyād bahulatamasā tvāṃ vinā lokanātham ### [2.20](https://indike.org/pramana/in.lit.kavya.misc.ambikalapa.2.20) bālyānmaugdhyāduta vidhivaśāt (prāktanāt) karmabandhādajñānāndhyādapi ca bhavatā neśvaraḥ sa śrutet śuśrūṣābhiḥ śrutipariṇatān paṇḍitān prīṇayitvā śrutvā tebhyastribhuvanaguruṃ śreyase saṃśraya tvam ### [2.21](https://indike.org/pramana/in.lit.kavya.misc.ambikalapa.2.21) cittārūḍho yadi na bhavataḥ śaṅkaro madvacobhiḥ paśyetyagre pratikṛtimaho śāmbhavīṃ darśayitvā evaṃ dhyātvā hṛdayakamale devamārādhaya tvaṃ jātyā viprastvamasi mahito janmasāphalyasiddhyai ### [2.22](https://indike.org/pramana/in.lit.kavya.misc.ambikalapa.2.22) itthaṃ gauryā vacasi virate varṇayāmāsa varṇī tatsantāpaśravaṇakutukacchāditāntaḥpramodaḥ jāne dvau vāṃ sudati bhavatīṃ bhadrarūpāmabhadrām rudraṃ kṣudrācaritamapi taṃ cetasā tena dūye ### [2.23](https://indike.org/pramana/in.lit.kavya.misc.ambikalapa.2.23) unmatto yaḥ pibati garalaṃ nṛtyati tyaktavāsāḥ śete bhūtaiḥ saha pitṛvane śāvabhasmāsthibhūṣaḥ bhikṣāmatti pratidinamasau brahmahatyānuṣaṅgāt ko vā styanyastribhuvanatale tādṛśo durvinītaḥ ### [2.24](https://indike.org/pramana/in.lit.kavya.misc.ambikalapa.2.24) mauliryasyābhyadhikajaṭilo locanaṃ phālamadhye kaṇṭhe śvetadravakaluṣitaṃ karburaṃ bhasmanāṅgam vṛddhenokṣṇā gamanamanaghe veṣṭanaṃ jīrṇakṛttvā kāṅkṣetainaṃ vikṛtavapuṣaṃ kā tvadanyā varāṅgī ### [2.25](https://indike.org/pramana/in.lit.kavya.misc.ambikalapa.2.25) asmāt sadyo virama rasike kutsitādīpsitāt tvaṃ nindantyete bhudati bhavatīṃ jantavaḥ sarva eva bāle brūhi tvadabhilaṣitaṃ yaḥ purāṇastapasvī kiṃ jānīte manasijarasaṃ kāmavairī kilāsau ### [2.27](https://indike.org/pramana/in.lit.kavya.misc.ambikalapa.2.27) itthaṃ śrutvā śravaṇaparuṣaṃ candramāṣādhinoktaṃ roṣārūḍhaṃ manasi tapasā hāsabhītyā niruddhya śāpo (da) (dreye'yyaṃ) prativacanamevādate mañjuvāṇī jātibrāhmaṃ vahasi ca vapurnindasi brahma dhik tvām kṣīrāmbhodheradhikamathanakṣobhasambhūtakhedāt ..........gatīndramujjṛmbhamāṇe kānte devāsuraparikare kāndiśīke samantānācāntaṃ cedbharalamunā kaiva viśvaṃ ka vā tvam ### [2.28](https://indike.org/pramana/in.lit.kavya.misc.ambikalapa.2.28) dhāturdarpādanucitagiraḥ pañcame mūrdhina kṛtte prāyaścittaṃ carati giriśe bhikṣamāṇaḥ kapāle brahmendrādyaṃ bhuvanamakhilaṃ saṃhara(nna)ntakāle bhikṣāyai ka vrajatu bhagavān kaiva sā brahmahatyā ### [2.29](https://indike.org/pramana/in.lit.kavya.misc.ambikalapa.2.29) diggolaṃ vā vasatu dalitaṃ carma vā diggajānāṃ bhasmālepo bhavatu vilasaccandanālepano vā ākalpān vā bhajatu subhagān bhīṣaṇān vā bhujaṅgān kiṃ vā kānyai na bhavati vibhormaṅgalāvāsamūrteḥ ### [2.30](https://indike.org/pramana/in.lit.kavya.misc.ambikalapa.2.30) śvetāmīśaḥ pitṛvanatale śekhare vā śrutīnāṃ vṛddhanokṣaṇā vrajatu bhagavān mattadigdantinā vā kālottīrṇaḥ kavalayatu vā kālakūṭaṃ sudhāṃ vā śāsyaḥ kaṣāṃ sakalajagatāṃ śāsitā śūlapāṇiḥ ### [2.31](https://indike.org/pramana/in.lit.kavya.misc.ambikalapa.2.31) kiñcit paścādapi ca paruṣaṃ vaktukāmo'yamāste dimbhaḥ śambhostirayati vibhorānubhāvaṃ puro me vā(mā)cāro na khalu virameddāryatāmeṣa sakhyau yāsyāmo vā vayamiti tadā gantumāsīt pravṛttā ### [2.33](https://indike.org/pramana/in.lit.kavya.misc.ambikalapa.2.33) .............kiṅkaraḥ śaṅkaro'sau mā gaccheti smitasitarucā vāṅmayenānugṛhṇan brahmendrādyairamaranikarairvandyamāsthāya veṣaṃ yāntyāstasyāḥ karakisalayaṃ śaṅkaro'pyālalambe hastālambapraṇayini hare vihvalībhūtacittā vyāvṛttāṅgī lalitavadanā vallabhaṃ vīkṣamāṇā kālonmīlatkuvalayakulaspandasaundaryalakṣmīrindoḥ sparśādamṛtalaharīvollalāsādrikanyā ### [2.34](https://indike.org/pramana/in.lit.kavya.misc.ambikalapa.2.34) bālyānmaugdhyādapi calatayā strīsvabhāvādyaduktaṃ kṣantavyaṃ tatparuṣavacanaṃ svāmineti bruvantī sānukrośe sati ca giriśe sāparādhoti bhītā mugdhā mūrdhnā praṇatimakarodambikā tryambakāya ### [2.35](https://indike.org/pramana/in.lit.kavya.misc.ambikalapa.2.35) saṃstambhodyatpulakamukulaṃ sādhvasakhinnamaṅgaṃ bhaktyāveśābhyadhikagalitānandabāṣpākulākṣī vācāṃ gumphairadhikamadhurairvāgadhīśaṃ maheśaṃ sā prāśaṃsat praṇayavivaśā vāstavaina stavena ### [2.36](https://indike.org/pramana/in.lit.kavya.misc.ambikalapa.2.36) pratyakṣādipramitikaraṇairaprameyānubhāvaḥ pratyakṣaṃ naḥ sphurati bhagavan ! kevalaṃ sā kṛpā te dūre vācāmapi ca manasāṃ bartamānasya manye māyāmūrtiṃ tava punarimāṃ mādṛśāṃ rakṣaṇārtham ### [2.37](https://indike.org/pramana/in.lit.kavya.misc.ambikalapa.2.37) sthūlaṃ sūkṣmaṃ paramiti bhavanmūrtayo viśvamūrte kartā kāryaṃ karaṇamiti te deva (yaḥ saḥ) śivātmā (no śā|)bhūtaṃ bhavyaṃ bhavāditi kalāḥ kālarūpasya śambhoḥ śaktiḥ śāntaḥ śiva i(ti) punaḥ svānubhūtiprakāśaḥ ### [2.38](https://indike.org/pramana/in.lit.kavya.misc.ambikalapa.2.38) pādāmbhojaṃ phaṇipatipariṣkāri pātālamūlaṃ pṛthvī śroṇī jaladhivasanā bāhavo'ṣṭau digantāḥ maulirvyoma tridaśataṭinīcandrakhaṇḍābhirāmaṃ tvāmācaṣṭe sphuṭamupaniṣad vyomakeśaṃ virājam ### [2.39](https://indike.org/pramana/in.lit.kavya.misc.ambikalapa.2.39) brahmā bhūtvā sṛjasi rajasā vartamānakhilokīṃ sattvodriktaṃ sadavanavidhau vaiṣṇavaṃ dhāma dhatse kalpāpāye harasi tamasāpyatra rudrātmanā tvaṃ nirguṇaṃ pariviharataḥ kīdṛśī kelireṣā ### [2.40](https://indike.org/pramana/in.lit.kavya.misc.ambikalapa.2.40) vindantyantarhṛdayakamale vindunātmakaṃ te jyotirliṅgaṃ vapuranupamaṃ yogino yogigamyam tasyāpyantaḥ sphurati paramānandasaṃvitsvarūpo yasmin dṛṣṭe na khalu (pu)narāvartate'tīva lokaḥ ### [2.41](https://indike.org/pramana/in.lit.kavya.misc.ambikalapa.2.41) bhūte bhūte pratiphalasi kiṃ bhānumālīva toye dīpādīpā iva khalu samuddīpitā jyotase'nyāḥ tvayyeva tvaṃ kimu vivalase vīcimāleva sindhau kumbhe kumbhe gaganamiva kiṃ vartase muktasaṅgaḥ ### [2.43](https://indike.org/pramana/in.lit.kavya.misc.ambikalapa.2.43) ekaṃ bibhratsaguṇamaguṇaṃ sakriyaṃ vikriyaṃ vā nissāmānyaṃ tribhuvanaguro ! tvāṃ na nirdhārayāmi divyaṃ cakṣuḥ pradiśa giriśa ! chinnahṛdgranthibandhaṃ yāthārthyaṃ te hṛdi viharato yena sākṣātkaromi śabdabrahmādhigamitarabrahmadhāmne svadhāmne paścabrahmaprabhavatanave brahmaṇā mṛgyabhūmne brahmāṇḍāntarbahirapi sate brahmavidyopadeṣṭre brahmiṣṭhānāṃ hṛdi viharate brahmaṇe te namo'stu ### [2.44](https://indike.org/pramana/in.lit.kavya.misc.ambikalapa.2.44) stotraprītaṃ tadanu sutanurdevamāliṅganolkaṃ svāmin ! dātā himagiririti vyāharantī vihāya prekṣya prekṣya priyamanupadaṃ mandiraṃ gantukāmā mugdhā mārgaṃ mṛdulagamanā dīrghadīrghīcakāra ### [2.45](https://indike.org/pramana/in.lit.kavya.misc.ambikalapa.2.45) vaddhodyogāṃ bhavanagamane pārvatīṃ pūrvapatnīṃ naivāśaknot sa ca paśupatistyaktumālambituṃ vā mākandānāmabhinavamadhusyandasandohasāndrāṃ vātāghātāmiva vidhurito mañjarīṃ caścarīkaḥ ### [2.46](https://indike.org/pramana/in.lit.kavya.misc.ambikalapa.2.46) devādeśādyapimiracalaḥ pārvatīṃ prārthyamānaḥ pratyāśrauṣīt kulamapi nijaṃ kevalaṃ naiva kanyām īśo'pyāśu pratisamadadhāt (smaramārdra) dakṣiṇasmin prakoṣṭhe prāgetānyatripuravijaye vāsuki(jyāki)ṇāṅkaḥ ### [2.47](https://indike.org/pramana/in.lit.kavya.misc.ambikalapa.2.47) kṣīrāmbhodheratha diviṣado maḍkṣu māṇikyarāśiṃ (kṣāmāṃkṣaumaṃ) kalpadrumaviṭapito mānasādutpalāni merordivyābharaṇanikaraṃ mauktikaṃ tāmravarṇyāṃ mānyaṃ śambhormalayakaṭakāccandanaṃ copajahnuḥ ### [2.48](https://indike.org/pramana/in.lit.kavya.misc.ambikalapa.2.48) indorlekhā prasabhamabhajat ketakīpatrabhaṅgīṃ mandākinyapyadhikalalitā mallikāmālikābhūt sarpāḥ svarṇābharaṇamabhavan mauliratnamadhyācchambhoricchānuguṇamakhilaṃ maṅgalākāramāsīt ### [2.49](https://indike.org/pramana/in.lit.kavya.misc.ambikalapa.2.49) candrādityau dadhaturubhayoḥ pārśvayostālavṛntaṃ chatradvandvaṃ hariśatadhṛtau cāmaraṃ cāmarendraḥ divyānyastrāṇyapi diviṣado nandikeśaśca ketuṃ hṛdyaṃ vādyaṃ pramathapatayaḥ kāhalīmardalākhyam ### [2.50](https://indike.org/pramana/in.lit.kavya.misc.ambikalapa.2.50) sadyaḥ sammārjanamaracayadrājamārgasya vāyuḥ pāśī paścādamṛtasalilaiḥ secayāmāsa vīthīm sammardotsāraṇamakurutāṃ rākṣasaghnapratanāthau svastyākhyānaiḥ suramunigaṇāḥ śaṅkaraṃ paryagṛ(hṇan) ### [2.51](https://indike.org/pramana/in.lit.kavya.misc.ambikalapa.2.51) uccaiḥ kalpadhvajapaṭavitānollasatsvarṇakūṭāṃ kūṭocchrāyaiḥ kanakarucirairgopurairdūradṛśyām premṇā pratyudvrajati kimiti prekṣitā muktavegādṛddhāmandreragamadamarairīśvaro rājadhānīm ### [2.52](https://indike.org/pramana/in.lit.kavya.misc.ambikalapa.2.52) śrīkailāsapratima(goṭa)vṛṣaskandhamāgādhirūḍhaṃ tūryaghoṣairmukharitaharicakravālāntarālam helāvellatpramathapariṣadghuṣyamāṇāpadānaṃ śailādhīśaḥ sa khalu giriśaṃ pratyudaitsānubandhaḥ ### [2.53](https://indike.org/pramana/in.lit.kavya.misc.ambikalapa.2.53) sajjībhūtāḥ pratigṛhamatho saudhavātāyanasthā vīthīṃ prāpte sati muragaṇairoṣadhīścārdhamaulau lājairvṛṣṭiṃ vidadhuramalairoṣadhiprasthayodhā ḍolārūḍhātridaśavanitāgītadivyāpadāne ### [2.54](https://indike.org/pramana/in.lit.kavya.misc.ambikalapa.2.54) vīthyāṃ vīthyāṃ lalitavanitāvīkṣaṇairlakṣyamāṇadvārādaśvatkanakakadalīpūrṇakumbhapradīpam śailākāraṃ sakalabhuvanaślāghyasaundaryamāgāt sāle sāle pratiphalitā chāyayā sa(a)rantyā ### [2.55](https://indike.org/pramana/in.lit.kavya.misc.ambikalapa.2.55) yasmin devā hṛdi vidadhate jaṅgamālekhyaśaṅkāṃ saudhairyasminnuparivilasatketumānekasaṃkhyaiḥ chāyādānāt sthalamupagata... ... ... ... ... ... ... ... smāyutenāgalokaḥ ### [2.56](https://indike.org/pramana/in.lit.kavya.misc.ambikalapa.2.56) kṣīreṇāṅghriṃ nigamabhurabhiṃ kṣālayitvā purastādrakṣāhetoḥ śirasi dhavalānyakṣatāni kṣipantī jāmāteti hriyamapi mudaṃ dhārayantī nitāntaṃ menā vatsai sapadi madhuparkādikaṃ copaninye ### [2.57](https://indike.org/pramana/in.lit.kavya.misc.ambikalapa.2.57) ratnastambheṣvapi maṇimaye kuḍyeme ratnaśāle sādhvīṃ saudheṣvapi ca bahudhā chāyayā visphurantīm udgacchantīṃ saha parikarairīśvaro ratnapīṭhānmānyāṃ prānto maratakamaṇiśyāmavarṇāṃ saparṇām ### [2.58](https://indike.org/pramana/in.lit.kavya.misc.ambikalapa.2.58) dhammillāntarniyamitadarotkuḍmalakalhāramālāṃ karṇottaṃsīkṛtakuvalayāśleṣamāghatkaṭākṣām kaṇṭhe mandasmitasahacarīṃ hārayaṣṭiṃ dadhānāṃ kanyāṃ dāsyan kanakakalaśāt tīrthatoyaṃ gṛhītvā ### [2.59](https://indike.org/pramana/in.lit.kavya.misc.ambikalapa.2.59) śailādhīśaḥ śiva ! tava pitā kaḥ punaḥ kā ca mātā kiṃ vā gotraṃ ka uta sahajāḥ ko gururveti pṛṣṭvā tūṣṇīmbhūte sati paśupatāvuttaraṃ mārgamāṇe sāntarhāso duhitaramadācchāśvatāyeśvarāya ### [2.60](https://indike.org/pramana/in.lit.kavya.misc.ambikalapa.2.60) devīṃ divyābharaṇanikaradyotitāśāvakāśāṃ vidyudcchovitatatimiriva vyākulāṃ meghamālām harṣotkarṣopacitapulakāṅkuraścumbitāṅgīṃ parṇāṃ pāṇigrahaṇavidhinā paryagṛhṇāt pinākī ### [2.61](https://indike.org/pramana/in.lit.kavya.misc.ambikalapa.2.61) devyo devāṃściramaramayaṃstyaktadaityoparāgān sarvo jantuḥ sahajaparamānandasindhau mamajja kāmaṃ lebhe tanumabhinavāṃ so'pi kāmaḥ sakāmo mokṣaṃ prāptā iva mumudire viṣṭapastuṣṭapuṣṭāḥ ### [2.62](https://indike.org/pramana/in.lit.kavya.misc.ambikalapa.2.62) sūtvā vīraṃ sakalajagatāṃ rakṣitāraṃ kumāraṃ senārātiṃ yudhi diviṣadāṃ tārakaṃ dārayitvā pārvatyeṣā pariṇataśaratpārvaṇenduābhavaktrā śarvasyāṅke viharati ciraṃ śarvarīśārdhamauleḥ ### [2.63](https://indike.org/pramana/in.lit.kavya.misc.ambikalapa.2.63) vāgīśo'pi na khalu vadanairvedagarbhaiścaturbhiḥ kā me śaktirbhuvi kathayituṃ śāmbhavaṃ vaibhavaṃ tat bhaktyā kalpaṃ tadapi śivayoḥ prītaye kāvyametatśraddhāvantaḥ śṛṇuta rasikā bhūtaye śreyase vā ## Linked texts (1) - [Ambikālāpa](https://indike.org/pramana/in.lit.kavya.khanda.ambikalapa.2.1) — Parameśvara, Sanskrit --- Source: [https://indike.org/pramana/in.lit.kavya.misc.ambikalapa.2](https://indike.org/pramana/in.lit.kavya.misc.ambikalapa.2) · Pramāṇa