[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Miscellaneous short works](https://indike.org/pramana/in.lit.kavya.misc) › [Gautamiyakavya](https://indike.org/pramana/in.lit.kavya.misc.gautamiyakavya) › 11 # Gautamiyakavya 11 Gautamīyakāvya 11 - **Language:** Sanskrit ## Contents - [11.47](https://indike.org/pramana/in.lit.kavya.misc.gautamiyakavya.11.47) — 1 part ### [11.1](https://indike.org/pramana/in.lit.kavya.misc.gautamiyakavya.11.1) aṣṭamaḥ sargaḥ indrabhūtimatha sodaramagryaṃ dīkṣitaṃ jinapadena niśamya agnibhūtirapi tallaghubandhurbhagnabāhuriva khedamavāpa ### [11.2](https://indike.org/pramana/in.lit.kavya.misc.gautamiyakavya.11.2) yaṃ bṛhaspatirapi śrutivāde jetumarhati na yuktipṛṣatkaiḥ ! so'pi kenacidaho ! nigṛhīto hanta ! daivaracitaṃ hi durantam ### [11.3](https://indike.org/pramana/in.lit.kavya.misc.gautamiyakavya.11.3) bhrātaraṃ mama mahāntamajaiṣīdyaśchalādinipuṇaḥ sa ca vādī tatra yatkimapi saṃprati vṛttaṃ jñāyate na nikhilaṃ tadgatvā ### [11.4](https://indike.org/pramana/in.lit.kavya.misc.gautamiyakavya.11.4) yajñapāṭikamatītya surā yanniryayustadabhavadviparītam matsahodaraparājaya evaṃ ko'dya daiva ! viṣamo bata kālaḥ ! ### [11.5](https://indike.org/pramana/in.lit.kavya.misc.gautamiyakavya.11.5) ko'styasau suravarairapi sevyo yasya caiṣa mahimā varivartti darśane'sya vihite khalu paścāttacca me bhavatu yadbhavitavyam ### [11.6](https://indike.org/pramana/in.lit.kavya.misc.gautamiyakavya.11.6) niryayāvayamatīti vimṛśya chātrapañcaśatatantrasametaḥ 18 indrabhūtiriva vismayamṛcchannāpa tīrthapatidarśanadeśam ### [11.7](https://indike.org/pramana/in.lit.kavya.misc.gautamiyakavya.11.7) ehi sūrivara ! pāvakabhūte ! mātṛvattvamapi saṃśayamujjha tatra tīrthapatineti sa ukto vismayaṃ manasi vāḍhamuvāha ### [11.8](https://indike.org/pramana/in.lit.kavya.misc.gautamiyakavya.11.8) agnibhūtirapi vākyavicāre prāviśannamamasau sakalajñaḥ anyathā paramanogatamevaṃ kaḥ prakāśayati gūḍhavimarśam ? ### [11.9](https://indike.org/pramana/in.lit.kavya.misc.gautamiyakavya.11.9) vetti yaḥ paramanovicikitsāṃ nirṇayo'pi hi bhavettadadhīnaḥ taṃ ca vakṣyati tato'yamapṛṣṭo mānameva mama sāmpratamastu ### [11.10](https://indike.org/pramana/in.lit.kavya.misc.gautamiyakavya.11.10) sarvavitsamadhigamya tadīyaṃ cittabhāvamatha vācamavocat saumya ! vetsi viṣayaḥ karaṇānāṃ karma no tadidamasti na veti ### [11.11](https://indike.org/pramana/in.lit.kavya.misc.gautamiyakavya.11.11) yattavā'prakaṭamasti tadetadvarttate prakaṭameva mamā'tra kenaciccharabhasiṃhagajāścennekṣitāḥ kimu na te khalu santi ? ### [11.9-2](https://indike.org/pramana/in.lit.kavya.misc.gautamiyakavya.11.9-2) karmasādhanamado'pyanumānaṃ vidyate tadavadhāraya buddhau ### [11.12](https://indike.org/pramana/in.lit.kavya.misc.gautamiyakavya.11.12) prāṇināmiha phale sukhaduḥkha kāraṇaṃ yadiha tat kila karma ### [11.13](https://indike.org/pramana/in.lit.kavya.misc.gautamiyakavya.11.13) dṛṣṭameva ramaṇīparibhogādyaṃ sukhasya ca viṣādyasukhasya kāraṇaṃ yadi bhavānmanute kiṃ tatphale viṣamatā'sti tathāhi ### [11.14](https://indike.org/pramana/in.lit.kavya.misc.gautamiyakavya.11.14) 22 yadrugādi vanitāparibhoge rogahānirapi vā viṣabhoge dṛśyate bahutaraṃ tadadṛṣṭaṃ kāraṇaṃ kimapi kalpayitavyam ### [11.15](https://indike.org/pramana/in.lit.kavya.misc.gautamiyakavya.11.15) sādhaneṣviha sameṣu viśeṣo yaḥ phale'sti sa ca kāraṇayogāt gaurabandhuṣu sameṣu ya ekaḥ śyāmalaḥ sa viṣamāśanahetoḥ ### [11.16](https://indike.org/pramana/in.lit.kavya.misc.gautamiyakavya.11.16) dṛṣṭahetuphalane vyabhicāraṃ vīkṣya kalpaya tadevamadṛṣṭam taccharīramiha kārmaṇasaṃjñaṃ yadbhavāntaravidhānasahāyam ### [11.17](https://indike.org/pramana/in.lit.kavya.misc.gautamiyakavya.11.17) yadvinānyatanusaṃbhava eva syānna gautama ! vicāraya citte mūrttamantarapahāya nu mūrtta vastu kena saha gacchati yogam ? ### [11.20](https://indike.org/pramana/in.lit.kavya.misc.gautamiyakavya.11.20) yā ca kācana sacetanakṛtā sā kriyā phalavatī na hṛtā cet kīrttilābhaphalamastyatha dāne māṃsabhojanaphalaṃ paśughāte dhānyavadbhavatu dṛṣṭaphalaiva sā kriyā kathamadṛṣṭavikalpaḥ 1 ### [11.21](https://indike.org/pramana/in.lit.kavya.misc.gautamiyakavya.11.21) 18 mā grahīrdvijavareti vivādaṃ yattu dṛṣṭamiha tacca vinaṣṭam syādbhavā'ṭanamaho ! vada kasmāccennahīcchasi phalaṃ tadadṛṣṭam ### [11.22](https://indike.org/pramana/in.lit.kavya.misc.gautamiyakavya.11.22) sā kriyā phalatu yatphalalipsā mā pareti saphalāḥ sakalāḥ kim ? naivamicchati na bandhanabādhāṃ cauryyakṛtkimu labheta phalaṃ tat ? ### [11.23](https://indike.org/pramana/in.lit.kavya.misc.gautamiyakavya.11.23) 6 satkriyākaraṇamasti sadā'lpaṃ dṛśyate hi bahulaṃ viparītam yatra vā sakalakāraṇayogo'9 nicchato'pi khalu sā phaladā syāt ### [11.24](https://indike.org/pramana/in.lit.kavya.misc.gautamiyakavya.11.24) karma niddhvatu paraṃ tadṛṣṭaṃ mūrttamityavimalaṃ pratibhāti mā vidhehi manaseti vimarśaṃ bhūya eva vipulāṃ śṛṇu yuktim ### [11.25](https://indike.org/pramana/in.lit.kavya.misc.gautamiyakavya.11.25) vedyate sukhamathāpyasukhaṃ vā bhojanādidahanādyanuṣaṅgāt mūrttatā'tra yadi karmaṇi mā'pi prasphuṭā tanutayā na hi dṛṣṭā ### [11.26](https://indike.org/pramana/in.lit.kavya.misc.gautamiyakavya.11.26) 21 yadyadātmaguṇadharmavibhede 12 bāhyavastubalato baladhāri tattadā''ryya ! paribhāvaya mūrttaṃ paśya kumbhamapi taila-ghṛtāktam ### [11.27](https://indike.org/pramana/in.lit.kavya.misc.gautamiyakavya.11.27) yadyadātmaguṇadharmavibhede bhinnabhinnapariṇāmamavāptam tattadārya ! paribhāvaya mūrttaṃ kṣīramāśraya nidarśanamatra ### [11.28](https://indike.org/pramana/in.lit.kavya.misc.gautamiyakavya.11.28) yogyatāpariṇataṃ khalu mūrttaṃ dṛśyate'paramadṛśyamavehi jñātamatra pavanadvyaṇukādi spaṣṭamevamiha bhāvaya karma ### [11.29](https://indike.org/pramana/in.lit.kavya.misc.gautamiyakavya.11.29) 9 itthamātmahṛdi saṃśayamaṅge sarvavedinamimaṃ pratipadya khaṇḍikaiḥ saha śivocitamārge so'gnibhūtirapi dīkṣita āsīt ### [11.30](https://indike.org/pramana/in.lit.kavya.misc.gautamiyakavya.11.30) 9 vāyubhūtiratha tallaghubandhurbhātṛyugmamapi dīkṣitamevam muktacāravacanādadhigatya sve manasyapi bhṛśaṃ vimamarśa ### [11.31](https://indike.org/pramana/in.lit.kavya.misc.gautamiyakavya.11.31) 18 gandhahastyupamayopamitau yau tāvubhāvapi budhau mama bandhū yaṃ guruṃ vinayataḥ pratipannau śreyase bhavatu me sa upāsyaḥ ### [11.32](https://indike.org/pramana/in.lit.kavya.misc.gautamiyakavya.11.32) sanmanomalaviśodhanamadyopetya taṃ jinapatiṃ vidadhāmi cintayanniti sa nāthasamīpe 6 pañcakhaṇḍikaśataiḥ sahito'gāt ### [11.12-2](https://indike.org/pramana/in.lit.kavya.misc.gautamiyakavya.11.12-2) ājuhāva vibhurapyamumevaṃ kiṃ bravīṣi na samīraṇabhūte ! ### [11.33](https://indike.org/pramana/in.lit.kavya.misc.gautamiyakavya.11.33) yāṃ śrutādhyayanato vicikitsāmādadhāsi tanujīvavimede ? ### [11.22-2](https://indike.org/pramana/in.lit.kavya.misc.gautamiyakavya.11.22-2) yattasurāṅgasamavāyasamutthā kṣīnatā na parato'ñcati tadvat ### [11.34](https://indike.org/pramana/in.lit.kavya.misc.gautamiyakavya.11.34) cetanā kṣiti-jalā-'nala-vāyuvyūhajeyamiti cetasi vetsi ### [11.35](https://indike.org/pramana/in.lit.kavya.misc.gautamiyakavya.11.35) svargakāmukajanastu yajetetyādivāci tanu-jīvavivekaḥ bodhyate punarataḥ sad-saktiṃ ! svāsthyamatra labhase na mudhaiva ### [11.36](https://indike.org/pramana/in.lit.kavya.misc.gautamiyakavya.11.36) yā ca śaktirasatī prativastu sā kutaḥ samudaye samudeti ? cedidaṃ na, sikatāsamavāye kiṃ na tailajananaṃ jagatīṣṭam ? ### [11.37](https://indike.org/pramana/in.lit.kavya.misc.gautamiyakavya.11.37) śaktiranvavayavaṃ madirāyā asti cetsamuditā prabalā syāt cenna, tarhyaniyataṃ madirāṅgaṃ yojyate na kimu mādasukhāptyai ? ### [11.38](https://indike.org/pramana/in.lit.kavya.misc.gautamiyakavya.11.38) mātrayā kṣiti-jalādiṣu viṣvak cetanā'stu sakalā samavāye mā grahīriti matiṃ, mṛtadehe leśato'pi labhase na kathaṃ tām ? ### [11.39](https://indike.org/pramana/in.lit.kavya.misc.gautamiyakavya.11.39) vāyu-vahvivikale mṛtadehe sā na cāsti matimityapi mā dhāḥ śrotrato nalikayā naya pūrttiṃ tatra tau yadi bhavedbhavadiṣṭam ### [11.40](https://indike.org/pramana/in.lit.kavya.misc.gautamiyakavya.11.40) cedviśiṣṭapavanā'nalayogo nāsti tatra, nu kuto na viśiṣṭau ? kāraṇādapi kuto yadi tatra, kiṃ dehavarttinamupaiṣi na jīvam ? ### [11.41](https://indike.org/pramana/in.lit.kavya.misc.gautamiyakavya.11.41) 9 bhautikendriyavibhāvitamarthaṃ kaḥ smaredyadi bhavenna hi jīvaḥ ? kiṃ gavākṣavivarairanubhūtaṃ saṃsmaredgṛhamatho puruṣo vā ? ### [11.42](https://indike.org/pramana/in.lit.kavya.misc.gautamiyakavya.11.42) mandire kvacana pañcagavākṣe bhinnabhinnakṛtikārakamekam 20 cetprapaśyasi nara gṛhanāthamevamātmani tanāpi paśya ### [11.43](https://indike.org/pramana/in.lit.kavya.misc.gautamiyakavya.11.43) athāparamapi bhūtavyatiriktā''tmasādhakamanumānamāha— yacca dhitsati payaḥ śiśurādau kvāpi tatprathamavṛttita eva jīvamenabhavagaccha tatastvaṃ dehabhinnamaparā'paradeham ### [11.44](https://indike.org/pramana/in.lit.kavya.misc.gautamiyakavya.11.44) 18 evameva sukha-duḥkha-bhayādervedakaḥ sa ca paramparayā'rbhaḥ cetanā tava matā tanujā cedāditaḥ kathamasau vyavahāraḥ ? ### [11.45](https://indike.org/pramana/in.lit.kavya.misc.gautamiyakavya.11.45) cetsvabhāvamanalamvya na muñcerāgrahaṃ, vada tadā sa ca kīdṛk ?, cinmayo'yamiti cet, na jaḍenānveti bhūtanibahena cidātmā ### [11.46](https://indike.org/pramana/in.lit.kavya.misc.gautamiyakavya.11.46) asti sa prakaṭa eva tadātmā bhedavāṃśca manaso'pyupayogī vyāpṛtiṃ jagati yasya vimucya jñānakāryamakhilaṃ nihataṃ syāt ### [11.47](https://indike.org/pramana/in.lit.kavya.misc.gautamiyakavya.11.47) iti hṛdi kuvikalpavyādhibādhāviyukto bhagavati jinanāthe sarvavittvaṃ pratītya sapadi saparivarhastrīṇi ratnāni gṛhṇan śivapadapathapāntho'bhūdvijo vāyubhūtiḥ ### [11.47.p1](https://indike.org/pramana/in.lit.kavya.misc.gautamiyakavya.11.47.p1) iti gautamalaghubandhudvayadīkṣāgrahaṇavarṇano nāmā'ṣṭamaḥ sargaḥ navamaḥ sargaḥ ## Commentaries (1) - [Gautamīyakāvyatīkā](https://indike.org/pramana/in.lit.kavya.misc.gautamiyakavya!gautamiyakavyatika.11.1) — Sanskrit ## Linked texts (3) - [Gautamiyakavya (ed. Kanakarāja (Muni Kanakavijaya))](https://indike.org/pramana/in.lit.kavya.gautamiyakavya*kanakavijaya1940.11.1) — Sanskrit - [Gotamīyakāvya](https://indike.org/pramana/in.lit.kavya.mahakavya.gotamiyakavya.11.1) — Sanskrit - [Gautamīyamahākāvya](https://indike.org/pramana/in.jaina.post.kavya.mahakavya.gautamiyamahakavya.11.1) — Rūpacandra 1725, Sanskrit --- Source: [https://indike.org/pramana/in.lit.kavya.misc.gautamiyakavya.11](https://indike.org/pramana/in.lit.kavya.misc.gautamiyakavya.11) · Pramāṇa