[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Miscellaneous short works](https://indike.org/pramana/in.lit.kavya.misc) › [Gautamiyakavya](https://indike.org/pramana/in.lit.kavya.misc.gautamiyakavya) › 13 # Gautamiyakavya 13 Gautamīyakāvya 13 - **Language:** Sanskrit ## Contents - [13.49](https://indike.org/pramana/in.lit.kavya.misc.gautamiyakavya.13.49) — 1 part ### [13.1](https://indike.org/pramana/in.lit.kavya.misc.gautamiyakavya.13.1) atha śrutvendrabhūtyādīn śreyaḥśrāmaṇyasaṃśritān 3 akampito'pyupādhyāyo vīraṃ vanditumāyayau ### [13.2](https://indike.org/pramana/in.lit.kavya.misc.gautamiyakavya.13.2) abhāṣata jagannātho'pyakampita ! kimūhase ? tiryaṅ-narā-'marāḥ santu nārakāḥ santi vā na vā ### [13.3](https://indike.org/pramana/in.lit.kavya.misc.gautamiyakavya.13.3) prakaṭaṃ vīkṣya jyotiṣkān pratītiste sureṣvapi tiryaṅnarāstu prakaṭāḥ prekṣyante nātra saṃśayaḥ ### [13.4](https://indike.org/pramana/in.lit.kavya.misc.gautamiyakavya.13.4) turīyagatirucyeta jīvānāṃ nirayāhvayā nekṣitāstadgatā jīvā gṛhītā na ca liṅgataḥ ### [13.5](https://indike.org/pramana/in.lit.kavya.misc.gautamiyakavya.13.5) ata ārekase tatrā'stitva-nāstitva-cintayā paraṃ yanna tvadadhyakṣaṃ tadapratyakṣameva na ### [13.6](https://indike.org/pramana/in.lit.kavya.misc.gautamiyakavya.13.6) tribhiḥ sambandhaḥ santi yadyapi siṃhādyāḥ keṣāṃcinnākṣigocarāḥ tathāpi te ca keṣāñcitpratyakṣā vanavāsinām ### [13.7](https://indike.org/pramana/in.lit.kavya.misc.gautamiyakavya.13.7) tvadapratyakṣe'pi tathā pratyakṣā mama nārakāḥ tān pratīhi maduktyaiva, pramāṇaṃ yata āptavāk ### [13.8](https://indike.org/pramana/in.lit.kavya.misc.gautamiyakavya.13.8) 12 pratyakṣaṃ manyase yattvaṃ pratyakṣaṃ tanna tattvataḥ indriyodbhavavijñānaṃ parokṣaṃ tattu tāttvikam ### [13.9](https://indike.org/pramana/in.lit.kavya.misc.gautamiyakavya.13.9) athāmumevārthaṃ spaṣṭayannāha— uṇādiko'kṣaśabdo yaḥ syādvyāptyarthāśidhātujaḥ tadvācya ātmā prati taṃ gataṃ pratyakṣamucyate ### [13.10](https://indike.org/pramana/in.lit.kavya.misc.gautamiyakavya.13.10) śāndikairakṣiśabdena pratyakṣaṃ yatprasādhitam tattu cākṣuṣameva syānna syādvā rāsanādikam ### [13.11](https://indike.org/pramana/in.lit.kavya.misc.gautamiyakavya.13.11) pratyakṣatāniveśārthamatra yā kā'pi kalpanā 6 sā gauravātkathaṃ grāhyā pūrvoktau lāghavaṃ yadi ### [13.12](https://indike.org/pramana/in.lit.kavya.misc.gautamiyakavya.13.12) indriyāṇi parāṇyevā''tmanastena parokṣatā 12 indriyodbhavavijñāne gauṇatvaṃ yata ātmanaḥ ### [13.13](https://indike.org/pramana/in.lit.kavya.misc.gautamiyakavya.13.13) dvāropacārataścaitadapi pratyakṣamastu te 18 ghṛtamāyuriti khyātiryataḥ satyā pravartate ### [13.14](https://indike.org/pramana/in.lit.kavya.misc.gautamiyakavya.13.14) tava pratyakṣavijñāne satyā caivaṃ parokṣatā pratyakṣaṃ sakalaṃ yanme tena paśyāmi nārakān ### [13.15](https://indike.org/pramana/in.lit.kavya.misc.gautamiyakavya.13.15) athokte'rthe bhagavānupapattimāha— ananyadṛṣṭaṃ bhāvaṃ te nirīkṣe cenmanogatam tadā pratīhi sakalaṃ pratyakṣaṃ mayi varttate ### [13.16](https://indike.org/pramana/in.lit.kavya.misc.gautamiyakavya.13.16) ataścenna parītoṣo'rthāpattiṃ mānamāśraya bahudhā sādhitaṃ vastu dṛḍhatāmaśnute yataḥ ### [13.17](https://indike.org/pramana/in.lit.kavya.misc.gautamiyakavya.13.17) anyathā'nupapattyaikalakṣaṇātkila hetutaḥ arthāpattiḥ pramāṇaṃ syātpīno'yaṃ rātribhugyathā ### [13.18](https://indike.org/pramana/in.lit.kavya.misc.gautamiyakavya.13.18) utkṛṣṭasukhabhogāya yathā devāḥ pratiṣṭhitāḥ tathaivaikāntaduḥkhāya vinā nairayikāṃstu ke ? ### [13.19](https://indike.org/pramana/in.lit.kavya.misc.gautamiyakavya.13.19) naikāntaduḥkhabhoktārastiryañco'pi narā api duḥkhādviśrāntireteṣāṃ kāle kāle vilokyate ### [13.20](https://indike.org/pramana/in.lit.kavya.misc.gautamiyakavya.13.20) nārakaiścepameyāḥ syurye cā'pyatyantaduḥkhitāḥ tiryañco vā manuṣyā vā tasmātsantaḥ kathaṃ na te ? ### [13.21](https://indike.org/pramana/in.lit.kavya.misc.gautamiyakavya.13.21) bhāve bhāvopamaiva syānna tvabhāvena hyucitā vācyāḥ śuddhapadenaite nābhāvā nārakāstataḥ ### [13.22](https://indike.org/pramana/in.lit.kavya.misc.gautamiyakavya.13.22) ityādiyuktibhirbuddhaḥ saha chātraistribhiḥ śataiḥ 9 akampito'pi cāritraṃ sāmāyikamupādade ### [13.23](https://indike.org/pramana/in.lit.kavya.misc.gautamiyakavya.13.23) ātmano mokṣakāryāya niśamya prasthitān munīn abhyāgato'calabhrātopādhyāyaśchātrasampadā ### [13.24](https://indike.org/pramana/in.lit.kavya.misc.gautamiyakavya.13.24) jagāda jagatāṃ nāthaḥ prekṣyā''sannaśivaṃ ca tam bhrāntastvamacalabhrātarvikalpaiḥ puṇyapāpayoḥ ### [13.25](https://indike.org/pramana/in.lit.kavya.misc.gautamiyakavya.13.25) atha pañcabhirvikalpaiḥ puṇya-pāpaviṣayaṃ tatsaṃśayaṃ prāduṣkurvannāha - puṇyamevā'sti duḥkhaṃ tu syātkiṃ tadapakarṣataḥ pāpamevā'sti kiṃ cā'tra sukhaṃ tadapakarṣataḥ ### [13.26](https://indike.org/pramana/in.lit.kavya.misc.gautamiyakavya.13.26) syātāṃ vivikte vā te dve svarṇadī-yamune iva puṇyapāpamayaṃ vastu kiṃ vaikaṃ varṇabhedavat ? ### [13.27](https://indike.org/pramana/in.lit.kavya.misc.gautamiyakavya.13.27) athavā sukha-duḥkhāni svabhāvādudbhavanti cet kimu teṣāṃ nimittatve puṇyapāpaprakalpanam ? ### [13.28](https://indike.org/pramana/in.lit.kavya.misc.gautamiyakavya.13.28) eteṣu ca vikalpeṣu turyo'smākamabhīpsitaḥ puṇyapāpamayaṃ vastu karma paudgalikaṃ yataḥ ### [13.29](https://indike.org/pramana/in.lit.kavya.misc.gautamiyakavya.13.29) upekṣya bhaṅgakānādyān pañcamaśceha carcyate ko'yaṃ vastuviśeṣaḥ syādyaḥ svabhāvo'bhidhīyate ? ### [13.30](https://indike.org/pramana/in.lit.kavya.misc.gautamiyakavya.13.30) sa vā mūrtto'styamūrtto vā brūhi yatte'bhirocate mūrttatve karmaṇaḥ siddhāvasmākaṃ siddhasādhyatā ### [13.31](https://indike.org/pramana/in.lit.kavya.misc.gautamiyakavya.13.31) ākāśavadamūrttatve kārye'sya syādakartṛtā pratijñāte virodhaste bhavedevaṃ mahāmate ! ### [13.32](https://indike.org/pramana/in.lit.kavya.misc.gautamiyakavya.13.32) svabhāvo vastudharmaścettadā'sau yasya vastunaḥ tacca mūrttamamūrttaṃ vetyatrāpyeṣāaiva kalpanā ### [13.33](https://indike.org/pramana/in.lit.kavya.misc.gautamiyakavya.13.33) amūrttatve hyakartṛtvaṃ mūrttatve siddhasādhyatā puṇyapāpasvabhāvaṃ yadvastu karmapratiṣṭhitam ### [13.34](https://indike.org/pramana/in.lit.kavya.misc.gautamiyakavya.13.34) svabhāvaśabdavācyo'rthaścedakāraṇatā bhavet tadā samastabhāvānāmekadaiva samudbhavaḥ ### [13.35](https://indike.org/pramana/in.lit.kavya.misc.gautamiyakavya.13.35) padārthākasmikotpattau niyatākāratā ca na dṛṣṭā'bhrāṇāṃ vikāre na niyatākāratā yataḥ ### [13.36](https://indike.org/pramana/in.lit.kavya.misc.gautamiyakavya.13.36) sambhavaḥ sukhaduḥkhānāṃ svabhāvāccedbhavettadā 22 srak-candana-viṣādīnāṃ hetūnāṃ syādahetutā ### [13.6-2](https://indike.org/pramana/in.lit.kavya.misc.gautamiyakavya.13.6-2) atyantā'nupalabdhe'pi svabhāve kartṛtā yadi ### [13.37](https://indike.org/pramana/in.lit.kavya.misc.gautamiyakavya.13.37) tadā karmaṇi saṃsiddhe kartṛtā kiṃ niṣidhyate ? ### [13.38](https://indike.org/pramana/in.lit.kavya.misc.gautamiyakavya.13.38) karmasiddhistvagnibhūtervādai caiva prapañcitā puṇya-pāpasvabhāvābhyāṃ vaiśiṣṭyamiha sammatam ### [13.39](https://indike.org/pramana/in.lit.kavya.misc.gautamiyakavya.13.39) viṃśatyuttaramānaddhāḥ karmaprakṛtayaḥ śatam ātmanyatra śubhāḥ puṇyā aparāḥ pāpasaṃjñikāḥ ### [13.40](https://indike.org/pramana/in.lit.kavya.misc.gautamiyakavya.13.40) sātakarmodayādāśu prajāyeta sukhaṃ phalam asātakarmaprabhavaṃ phalaṃ duḥkhāya jāyate ### [13.41](https://indike.org/pramana/in.lit.kavya.misc.gautamiyakavya.13.41) yathā''tmapariṇāmatvātsukha-duḥkhe arūpiṇī tathaiva kāraṇe kiṃ na puṇya-pāpe ubhe api ? ### [13.42](https://indike.org/pramana/in.lit.kavya.misc.gautamiyakavya.13.42) vikalpo'yamapi tyājyaḥ sarve bhāvā yataḥ sthitāḥ tulyā'tulyasvarūpeṇa doṣaḥ ko'pi tato'tra na ### [13.43](https://indike.org/pramana/in.lit.kavya.misc.gautamiyakavya.13.43) sukhasya hetavo mūrttāḥ srak-candanā-'ṅganādayaḥ evamevā'sukhasyāpi viṣā-'hi-kaṇṭakādayaḥ ### [13.44](https://indike.org/pramana/in.lit.kavya.misc.gautamiyakavya.13.44) tulyā'tulyatvarūpeṇa kārya-kāraṇatā'tra cet tadā puṇyaṃ ca pāpaṃ ca mūrttatvena kathaṃ na hi ? ### [13.45](https://indike.org/pramana/in.lit.kavya.misc.gautamiyakavya.13.45) 19 suvarṇādiguṇaṃ samyagvipākaṃ pudgalavrajam jīvasthaṃ satkriyodbhūtaṃ sarvaṃ puṇyamiti smṛtam ### [13.46](https://indike.org/pramana/in.lit.kavya.misc.gautamiyakavya.13.46) 12 yadetadviparītaṃ tatsarvaṃ pāpamiti smṛtam etadvayamapi jñeyaṃ nā'tisūkṣmaṃ na bādaram ### [13.47](https://indike.org/pramana/in.lit.kavya.misc.gautamiyakavya.13.47) sāmyaṃ vāstavabodhe tu kārya-kāraṇayorapi tathā ca satyaṃ kāryānurūpaṃ kāraṇamucyate ### [13.48](https://indike.org/pramana/in.lit.kavya.misc.gautamiyakavya.13.48) 6 jīvasyāpi parīṇāmaḥ sukha-duḥkhābhidhānakaḥ tadyogāttena kāryānurūpaṃ kāraṇamucyate ### [13.21-2](https://indike.org/pramana/in.lit.kavya.misc.gautamiyakavya.13.21-2) 12 tataḥ puṇyaṃ ca pāpaṃ ca siddhaṃ pūrvoktayuktibhiḥ ### [13.49](https://indike.org/pramana/in.lit.kavya.misc.gautamiyakavya.13.49) pudgalaskandhamevaikaṃ viddhi citritapatravat ### [13.49.p1](https://indike.org/pramana/in.lit.kavya.misc.gautamiyakavya.13.49.p1) iti akampitācalabhrātṛdīkṣāgrahaṇavarṇano nāma daśamaḥ sargaḥ || 10 ## Commentaries (1) - [Gautamīyakāvyatīkā](https://indike.org/pramana/in.lit.kavya.misc.gautamiyakavya!gautamiyakavyatika.13.1) — Sanskrit ## Linked texts (3) - [Gautamiyakavya (ed. Kanakarāja (Muni Kanakavijaya))](https://indike.org/pramana/in.lit.kavya.gautamiyakavya*kanakavijaya1940.13.1) — Sanskrit - [Gotamīyakāvya](https://indike.org/pramana/in.lit.kavya.mahakavya.gotamiyakavya.13.1) — Sanskrit - [Gautamīyamahākāvya](https://indike.org/pramana/in.jaina.post.kavya.mahakavya.gautamiyamahakavya.13.1) — Rūpacandra 1725, Sanskrit --- Source: [https://indike.org/pramana/in.lit.kavya.misc.gautamiyakavya.13](https://indike.org/pramana/in.lit.kavya.misc.gautamiyakavya.13) · Pramāṇa