[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Miscellaneous short works](https://indike.org/pramana/in.lit.kavya.misc) › [Gautamiyakavya](https://indike.org/pramana/in.lit.kavya.misc.gautamiyakavya) › 7 # Gautamiyakavya 7 Gautamīyakāvya 7 - **Language:** Sanskrit ### [7.1](https://indike.org/pramana/in.lit.kavya.misc.gautamiyakavya.7.1) pañcamaḥ sargaḥ 12 ākasmiko vyomani divyanādo vicitravāditraninādaramyaḥ śabdāyamānānapi yāyajūkānūrdhvāvalokaprayatāṃścakāra ### [7.1-2](https://indike.org/pramana/in.lit.kavya.misc.gautamiyakavya.7.1-2) vihāya yajñaṃ bhuvi yasya sevanā-dṛte sametān pravilokya nirjarān 15 śrīgautamo harṣaviṣādabhāgabhūt sa varddhamānaḥ pratibhāṃ punātu me ### [7.2](https://indike.org/pramana/in.lit.kavya.misc.gautamiyakavya.7.2) nabhastalaṃ puṣkalamapyamuṣmād grāmādapāpānagarīṃ ca yāvat sambādhamaikṣiṣṭa mahāvimānaiścitrīyamāṇo'tra samastalokaḥ ### [7.3](https://indike.org/pramana/in.lit.kavya.misc.gautamiyakavya.7.3) uḍḍīyamutpreṣitacittanetrāḥ savismayāḥ saṃstarakāralokāḥ haviḥ srucopāttamapi pradātuṃ havirbhuje na prabhavo babhūvuḥ ### [7.4](https://indike.org/pramana/in.lit.kavya.misc.gautamiyakavya.7.4) sadaika evodayameti sūryyaḥ śrutau śrutā vā dvyadhikā daśaiva āḥ ! koṭiśo'harppatayaḥ kuto'mī saṃśerate smeti janāstadānīm ### [7.5](https://indike.org/pramana/in.lit.kavya.misc.gautamiyakavya.7.5) nityā'ntarikṣabhramisvedakhinnaṃ jyotiṣkacakraṃ bhuvamāpatet kim ? itthaṃ muhuḥ saṃśayaśailabhṛṅgārohāvarohe janatā''kulā'bhūt ### [7.6](https://indike.org/pramana/in.lit.kavya.misc.gautamiyakavya.7.6) dṛśyeta gandharvapuraṃ kimetrotpātasvarūpaṃ śrutaviśrutaṃ vā evaṃ vitarkai bahubhirnṛlokaḥ svāsthyaṃ 3 na lebhe'dbhutabhītiyogāt ### [7.12](https://indike.org/pramana/in.lit.kavya.misc.gautamiyakavya.7.12) itthaṃ tathā'svāsthyapathāvatīrṇān janānavādīdguru rindrabhūtiḥ ### [7.7](https://indike.org/pramana/in.lit.kavya.misc.gautamiyakavya.7.7) kratoranālocya mahāprabhāvamaho ! mudhā tarkayatā'nṛtaṃ kim ? ### [7.8](https://indike.org/pramana/in.lit.kavya.misc.gautamiyakavya.7.8) ramyo'yamuccaijitaratnabhābhirviḍambayañchakraśarāsanābhām sahasrapatrārutiratnapīṭhapratiṣṭhitaḥ stambhasahasraśobhī ### [7.9](https://indike.org/pramana/in.lit.kavya.misc.gautamiyakavya.7.9) 21 sujātajālākalitaḥ samantāt pāñcālikāvibhramalobhanīyaḥ candropaladyotitacandraśālaḥ sphuratpatākaiḥ śikharaiḥ spṛśankham ### [7.10](https://indike.org/pramana/in.lit.kavya.misc.gautamiyakavya.7.10) praphullasandhyābhrasamairvitānairnaidacchadiścitritacārubhittiḥ pralambahārāñcitanāgadanto muktāmaṇījālalasadalīkaḥ ### [7.11](https://indike.org/pramana/in.lit.kavya.misc.gautamiyakavya.7.11) mṛdaṅga-vīṇā-paṇavā-''ravādyairghaṇṭāninādairnibhṛtāntarikṣaḥ āyāti no mantranimantrito yaddivo bhuvaṃ devavimānavāraḥ ### [7.12-2](https://indike.org/pramana/in.lit.kavya.misc.gautamiyakavya.7.12-2) caturbhiḥ kalāpakam dhyānerjapairvā bahubhistapobhiḥ svapne'pi yān draṣṭumalaṃ na martyāḥ tānadya devāniha saptatantau pratyakṣataḥ paśyata naḥ prasādāt ### [7.13](https://indike.org/pramana/in.lit.kavya.misc.gautamiyakavya.7.13) tataḥ surāṇāmiha yājñikā bhoḥ ! stutau saparyāpanatau yatadhvam durāpa eṣo'vasaro narāṇāṃ kva labhyate saṅgama īśvarāṇām ? ### [7.14](https://indike.org/pramana/in.lit.kavya.misc.gautamiyakavya.7.14) ityuktavākyena guroḥ saharṣāstatkhaṇḍikāstuṣṭuvurevameva bhago namaste tava caiva śakterākṛṣṭadevā yadihābhiyanti ### [7.15](https://indike.org/pramana/in.lit.kavya.misc.gautamiyakavya.7.15) aśrauṣma yanmantramahāprabhāvādyāgeṣu devāgamanaṃ purā'bhūt tatsāmprataṃ darśitamāgamasya 9 prāmāṇyamasmād guruṇā tvayaiva ### [7.16](https://indike.org/pramana/in.lit.kavya.misc.gautamiyakavya.7.16) itthaṃ vadatsveva tadā dvijeṣu 15 grāmaṃ samullaṅghya kalambagatyā yayuḥ surāḥ satvarayānasaṃsthāḥ, kva vā vilambo mahatāṃ mudhā syāt ? ### [7.17](https://indike.org/pramana/in.lit.kavya.misc.gautamiyakavya.7.17) 18 3 nirīkṣya tānāśugatipravṛttān svachātravṛndāvṛtagautamasya harṣasmayau śokarupāvabhūtāṃ 6 gate iva kṣaudraghṛte viṣatvam ### [7.18](https://indike.org/pramana/in.lit.kavya.misc.gautamiyakavya.7.18) vaivarṇyamāsthāya tadendrabhūtiḥ khinno gatadravya ivātmavṛttyā 15 nirddhāritārthāditarat kimetatprāvarttateti svadhiyā nidadhyau ### [7.19](https://indike.org/pramana/in.lit.kavya.misc.gautamiyakavya.7.19) jagāda caivaṃ jagadīśvarīyaṃ hantā'jñataiva pratibhāti viśve no cedidaṃ yāgapadaṃ vimucya bhrāntāḥ kathaṃ havyabhujo bhramanti ? ### [7.20](https://indike.org/pramana/in.lit.kavya.misc.gautamiyakavya.7.20) vijñātumicchanti parokṣamarthaṃ yebhyo janāḥ kvā'pi hi sandihānāḥ pratyakṣamapyarthamime vidurna jñātaṃ ! tadeṣāṃ vibudhābhidhānam ### [7.21](https://indike.org/pramana/in.lit.kavya.misc.gautamiyakavya.7.21) kairapyamartyā'ribhiruddhatairvā prasahya nīyanta utānyato'mī meghāḥ samīrairiva, vighnavanti śreyāṃsi śaśvatkhalu sambhavanti ### [7.22](https://indike.org/pramana/in.lit.kavya.misc.gautamiyakavya.7.22) vṛthā'thavā'nena vimarśanena 9 sṛtaṃ yataḥ pratyuta sapramodāḥ dṛśyanta ete, khalu cittavṛttirlakṣyeta liṅgairiha dehabhājām ### [7.23](https://indike.org/pramana/in.lit.kavya.misc.gautamiyakavya.7.23) tathā hi vīṇākvaṇanaṃ mṛdaṅgadhvānastathā kinnaragītanādaḥ 18 nṛtyatsurastrījananūpurāṇāṃ dhvaniḥ kathaṅkāramṛte pramodāt ### [7.24](https://indike.org/pramana/in.lit.kavya.misc.gautamiyakavya.7.24) 'prabho ! ciraṃ jīva ciraṃ vidhehi trailokyarājyaṃ jayatāttvameva' āśiṣyate ko'yamudāttagīrbhirmuhuḥ suraiḥ saṃprati gītipūrttau ? ### [7.25](https://indike.org/pramana/in.lit.kavya.misc.gautamiyakavya.7.25) iti bruvatyeva tadā dvijendre prādurbabhūveti vacovikāsaḥ adṛṣṭapūrvaṃ kimaho apāpāpuryyantike vismayakāri vṛttam ### [7.26](https://indike.org/pramana/in.lit.kavya.misc.gautamiyakavya.7.26) 18 upāttavṛttānta ito niyukto vārttāyano'pyevamudājahāra svāmin ! pravṛttāmiha kiṃvadantīṃ satyāmavehi praṇidhehi citte ### [7.27](https://indike.org/pramana/in.lit.kavya.misc.gautamiyakavya.7.27) vapratrayāntarmaṇipīṭhikāyāṃ siṃhāsane'grye puruṣaḥ parātmā ko'pi sthitastatpraṇipātahetorāyānti devā hi vimānasaṃsthāḥ ### [7.28](https://indike.org/pramana/in.lit.kavya.misc.gautamiyakavya.7.28) nirddhāryya tāṃ nāhamavaimi mūḍhastathāpi jāne jagadīśvaro'yam rūpeṇa devairapi durlamena jyotirbhareṇā'pi khagātigena ### [7.29](https://indike.org/pramana/in.lit.kavya.misc.gautamiyakavya.7.29) śrutveti vācaṃ caravaktragarbhādācāryadhuryo manasā vimṛśya vivekino nītivicāradakṣānuvāca satre samavetasūrīn ### [7.30](https://indike.org/pramana/in.lit.kavya.misc.gautamiyakavya.7.30) yaduvāca tadāha— brahmā na viṣṇūrṇa haro'pi no vā'vadhīrayedyo makhabhāgamiṣṭam ko'sau svamāyāṃ bahulaṃ vitatya sthito janānāṃ vata vañcanāya ### [7.31](https://indike.org/pramana/in.lit.kavya.misc.gautamiyakavya.7.31) āḥ ! eṣa māyī kuhanendrajālakriyāpaṭurdharmavilopahetuḥ 9 no cedidānīmavadhānahāniṃ kuryātkathaṃ sāmagayājakānām ? ### [7.32](https://indike.org/pramana/in.lit.kavya.misc.gautamiyakavya.7.32) eteṣu ca vyomacareṣu kāmaṃ satyaṃ suratvaṃ na vayaṃ pratīmaḥ māyāvināṃ yajñanavañcakānāṃ 22 māyā duranteti hi kiṃ na vidmaḥ ### [7.9-2](https://indike.org/pramana/in.lit.kavya.misc.gautamiyakavya.7.9-2) mugdhepu lokeṣu kuto viveko śāsanti hā hā ! prabhumenameva ### [7.33](https://indike.org/pramana/in.lit.kavya.misc.gautamiyakavya.7.33) kiṃ jñāyate śāsanamasya kīdṛk ? sopadravaḥ sannigamo hi bhūtaḥ ! ### [7.34](https://indike.org/pramana/in.lit.kavya.misc.gautamiyakavya.7.34) dhvaste tu dharme jagato gatiḥ kā ? 18 yatno'sya tatko'pi vimarśanīyaḥ ṛtukriyā tiṣṭhatu tāvadetadbadhāyyupāyo niyato vidheyaḥ ### [7.35](https://indike.org/pramana/in.lit.kavya.misc.gautamiyakavya.7.35) 21 vidyāvatāmeṣa na dṛṣṭapūrvo nāpi śrutaḥ kvāpi sudūradeśe vihāyaso vā patito'tra bhūmau kiṃ vā'vatīrṇo nanu bhūmigarbhāt ### [7.36](https://indike.org/pramana/in.lit.kavya.misc.gautamiyakavya.7.36) āyātu yātveṣa yatastato vā svārthaṃ samārādhayatāṃ sukhena duḥkhāya naḥ kiṃtu bhavetprakāmaṃ loke'sya lokeśvaratāprasiddhiḥ ### [7.37](https://indike.org/pramana/in.lit.kavya.misc.gautamiyakavya.7.37) garjatvayaṃ tāvadudāttaghoṣo garvaṃ dadhātvīśvaratā'bhiṣiktam yāvanna cā'ssādṛśadṛṣṭiyogaṃ gato gajo vyāghramivānavekṣya ### [7.38](https://indike.org/pramana/in.lit.kavya.misc.gautamiyakavya.7.38) śailālinaṃ siddhirutendrajāle prastāvasampāditavastuyogāt vidyāvatāmatra tu kāpi nā''syā mṛṣāvidhā na pratiyanti buddhāḥ ### [7.39](https://indike.org/pramana/in.lit.kavya.misc.gautamiyakavya.7.39) vādāya naiva prabhavaṣṇureṣo'smābhiḥ samaṃ niścitametadasti nāgādhirājo'pi viṣaṃ vimuñcan kiṃ vainateyena samaṃ samarthaḥ ? ### [7.40](https://indike.org/pramana/in.lit.kavya.misc.gautamiyakavya.7.40) nirjitya taṃ yāvadupaimi gehaṃ vidvadvaraistāvadihā'sitavyam puroga evāribalaṃ jayeccet kṛtaṃ tadā pṛṣṭhagacakravīraiḥ ### [7.41](https://indike.org/pramana/in.lit.kavya.misc.gautamiyakavya.7.41) iti sarabhasamudyanmānanāgādhirūḍhaḥ śaramitaśataśiṣyairvarddhitotsāhasāraḥ samavasaraṇamaiśaṃ draṣṭumāścaryahetuṃ bhagavadabhimukhaṃ drāgindrabhūtiḥ pratasthe ## Commentaries (1) - [Gautamīyakāvyatīkā](https://indike.org/pramana/in.lit.kavya.misc.gautamiyakavya!gautamiyakavyatika.7.1) — Sanskrit ## Linked texts (3) - [Gautamiyakavya (ed. Kanakarāja (Muni Kanakavijaya))](https://indike.org/pramana/in.lit.kavya.gautamiyakavya*kanakavijaya1940.7.1) — Sanskrit - [Gotamīyakāvya](https://indike.org/pramana/in.lit.kavya.mahakavya.gotamiyakavya.8.1) — Sanskrit - [Gautamīyamahākāvya](https://indike.org/pramana/in.jaina.post.kavya.mahakavya.gautamiyamahakavya.8.1) — Rūpacandra 1725, Sanskrit --- Source: [https://indike.org/pramana/in.lit.kavya.misc.gautamiyakavya.7](https://indike.org/pramana/in.lit.kavya.misc.gautamiyakavya.7) · Pramāṇa