[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Miscellaneous short works](https://indike.org/pramana/in.lit.kavya.misc) › [Laghukavyani](https://indike.org/pramana/in.lit.kavya.misc.laghukavyani) › 1 # Laghukavyani 1 Laghukāvyāni 1 - **Language:** Sanskrit ### [1.1](https://indike.org/pramana/in.lit.kavya.misc.laghukavyani.1.1) śrīḥ ānandasāgarastavaḥ vijñāpanārhaviralāvasarānavāpyā mandodyame mayi davīyasi viśvamātuḥ avyājabūtakaruṇāpavanāpaviddhānyantaḥ smarāmyahamapāṅgatarāṅgatāni ### [1.2](https://indike.org/pramana/in.lit.kavya.misc.laghukavyani.1.2) āvedyatāmaviditaṃ kimathāpyanuktaṃ vaktavyamāntararujopaśamāya nālam ityarthaye kimapi tacchravaṇe nidhātuṃ mātaḥ prasīda malayadhvajapāṇḍyakanye ### [1.3](https://indike.org/pramana/in.lit.kavya.misc.laghukavyani.1.3) ākranditaṃ ruditamāhatamānane vā kasyārdramastu hṛdayaṃ kimataḥ phalaṃ vā yasyā mano dravati yā jagatāṃ svatantrā tasyāstavāmba purataḥ kathayāmi khedam ### [1.4](https://indike.org/pramana/in.lit.kavya.misc.laghukavyani.1.4) paryākule manasi vāci pariskhalantyāmāvartagarta iva cakṣuṣi ghūrṇamāne kaste'bhidhāsyati śive mama tāmavasthāṃ kāle dayasva kathayāmi tavādhunaiva ### [1.5](https://indike.org/pramana/in.lit.kavya.misc.laghukavyani.1.5) bhaktiṃ karotu nitarāṃ surajātimātre grāmīṇajanturiva paurajaneṣu lokaḥ anyatra devi bhavadīyapadāravindādākṛṣyamāṇamapi me hṛdayaṃ na yāti ### [1.6](https://indike.org/pramana/in.lit.kavya.misc.laghukavyani.1.6) aṅgīkuru tvamavadhīraya vā vayaṃ tu dāsāstaveti vacasaiva jayema lokān etāvataiva sukaro nanu viśvamātaruddaṇḍadaṇḍadharakiṃkaramaulibhaṅgaḥ ### [1.7](https://indike.org/pramana/in.lit.kavya.misc.laghukavyani.1.7) vedāntavākyajanitaṃ vimalaṃ vicārairāsādya bodhamanucintanato'parokṣam muktiṃ vrajanti manujā iti sūktimādyāmālambya kastaritumarhati śailakanye ### [1.8](https://indike.org/pramana/in.lit.kavya.misc.laghukavyani.1.8) ekaikavedaviṣayāḥ kati nāma śākhāstāsāṃ śirāṃsi kati nāma pṛthagvidhāni arthāvabodhavidhuro'kṣaralābha eva keṣāṃ nṛṇāṃ katibhirastu śarīrabandhaiḥ ### [1.9](https://indike.org/pramana/in.lit.kavya.misc.laghukavyani.1.9) nyāyāḥ parasparavibhinnadiśaḥ sahasramuccāvacāni ca bhavantyupabṛṃhaṇāni evaṃ sthite girisute nigamopalānāṃ tātparyasāramavadhārayituṃ kṣamaḥ kaḥ ### [1.10](https://indike.org/pramana/in.lit.kavya.misc.laghukavyani.1.10) astvakṣaragrahavidhirja Jonuṣāṃ sahasrairāpātato bhavatu vāpi tato'rthabodhaḥ durvādikalpitavikalpataraṅgasāndrānduṣapūrvapakṣajaladhīnkathamuttareyuḥ ### [1.11](https://indike.org/pramana/in.lit.kavya.misc.laghukavyani.1.11) brahmeti śaktiriti bandhavimocanīti māyāmayīti madanāntakavallabheti saptāṣṭaśabdaparivartanamātra eva sāmarthyamāvahati śāstrapariśramo'yam ### [1.12](https://indike.org/pramana/in.lit.kavya.misc.laghukavyani.1.12) tasmai prasīdasi girīndrasute ya itthaṃ saṃpādayeta śanakairaparokṣabodham yasmai prasīdasi sa ca kṣamate'vaboddhumitthaṃ parasparasamāśrayametadāste ### [1.13](https://indike.org/pramana/in.lit.kavya.misc.laghukavyani.1.13) ākarṇya tvamimamabhyupagamya vādaṃ jānātu ko'pi yadi vā hṛdayaṃ śrutīnām tasyāpyasaṃkhyabhavabandhaśatārjito'yaṃ dvaitabhramo galatu janmaśataiḥ kiyadbhiḥ ### [1.14](https://indike.org/pramana/in.lit.kavya.misc.laghukavyani.1.14) kāle mahatyanavadhāvapatankadāpi kvāpyantime januṣi ko'pi gatiṃ labheta itthaṃ samarthanavidhiḥ paramāgamānāṃ paryāyasūktividhayā nayanaṃ nañarthe ### [1.15](https://indike.org/pramana/in.lit.kavya.misc.laghukavyani.1.15) ekāpavargasamaye jagato'pavargaḥ sarvāpavargasamaye punarastaśaṅkaḥ īdṛgvidhaṃ kamapi pakṣamihāvalambya sthātuṃ sukhaṃ kṣamamanena pathā pravṛttaiḥ ### [1.16](https://indike.org/pramana/in.lit.kavya.misc.laghukavyani.1.16) abhyasya vedamavadhāya ca pūrvatantramālakṣya śiṣṭacaritāni pṛthagvidhāni adhyāpanādibhiravāpya dhanaṃ ca bhūri karmāṇi mātaralasāḥ kathamācareyuḥ ### [1.17](https://indike.org/pramana/in.lit.kavya.misc.laghukavyani.1.17) āyasya tāvadapi karma karotu kaścittenāpi mātarādhikaṃ kimihānubhāvyam āste sukhaṃ ya iha bhāratavarṣasīmanyāste sa kiṃcidita uttarato'pasṛtya ### [1.18](https://indike.org/pramana/in.lit.kavya.misc.laghukavyani.1.18) karma tyajema yadi nūnamadhaḥ patema yadyācarema na kadāpi bhavaṃ tarema karma tyajediti carediti ca pravṛttā bhāvena kena nigamā iti na pratīmaḥ ### [1.19](https://indike.org/pramana/in.lit.kavya.misc.laghukavyani.1.19) karmaṇyakarmavidhireṣa yadācaranti karmāṇi tattadanubandhajihāsayeti satyaṃ tathāpyabhinavo bhavitā na bandhaḥ prācīnabandhaharaṇe ka ivābhyupāyaḥ ### [1.20](https://indike.org/pramana/in.lit.kavya.misc.laghukavyani.1.20) prārabdhakarma kiyadārabhate kiyadvā prārapsyate kiyadidaṃ ka ivāvadhattām kālaḥ kiyāniva mayā pratipālanīyo yasya kṣaṇārdhamapi kalpaśatatvameti ### [1.21](https://indike.org/pramana/in.lit.kavya.misc.laghukavyani.1.21) puṃsaḥ kṣaṇārdhamapi saṃsaraṇākṣamasya sāṃkhyādayaḥ saraṇayo na viśanti karṇam saṃkhyāya gāṅgasikatāḥ sakalāśca sūkṣmā bhuṅkṣveti vāgiva mahākṣudhayārditasya ### [1.22](https://indike.org/pramana/in.lit.kavya.misc.laghukavyani.1.22) bhaktistu kā yadi bhavedratibhāvabhedastatkevalānvayitayā viphalaiva bhaktiḥ prītistvayi trijagadātmani kasya nāsti svātmadruho na khalu santi janāstrilokyām ### [1.23](https://indike.org/pramana/in.lit.kavya.misc.laghukavyani.1.23) ātmā samastajagatāṃ bhavatīti samyagvijñāya yadvitanute tvayi bhāvabandham sā bhaktirityabhimataṃ yadi siddhamiṣṭaṃ vyarthaṃ viśeṣyamalamastu viśeṣaṇaṃ naḥ ### [1.24](https://indike.org/pramana/in.lit.kavya.misc.laghukavyani.1.24) svātmetaratvamavadhārya paratvabuddhayā yatprīyate gurujaneṣviva saiva bhaktiḥ syādetadevamiyameva tu me jihāsyā dvaitabhramātkimadhikaṃ bhavabandhamūlam ### [1.25](https://indike.org/pramana/in.lit.kavya.misc.laghukavyani.1.25) sevaiva bhaktiriti karmapathapraveśaḥ sevyaprasādaphalakā kila karmasevā dhyānapravāha iti cecchravaṇāttṛtīyaḥ prāgeva mātarayamākalito'bhyupāyaḥ ### [1.26](https://indike.org/pramana/in.lit.kavya.misc.laghukavyani.1.26) atraiva dāsyasi vimuktimathāpi yāce mātaḥ śarīrapatanaṃ maṇikarṇikāyām astu svakṛtyamanukampanamīśvarāṇāṃ dāsasya karmakarataiva tathā svakṛtyam ### [1.27](https://indike.org/pramana/in.lit.kavya.misc.laghukavyani.1.27) sadyo bhavetsukṛtināmupadeśalābhaḥ pāpātmanāṃ bahutithe samaye vyatīte ityādibhiḥ kila purāṇavacobhiramba vārāṇasīmapi na yācitumutsuko'smi ### [1.28](https://indike.org/pramana/in.lit.kavya.misc.laghukavyani.1.28) ākrāntamantararibhirmadamatsarādyairgātraṃ valīpalitarogaśatānuviddham dāraiḥ sutaiśca gṛhamāvṛtamuttamarṇairmātaḥ kathaṃ bhavatu me manasaḥ prasādaḥ ### [1.29](https://indike.org/pramana/in.lit.kavya.misc.laghukavyani.1.29) dhanyāḥ kati tribhuvane paramopabhogyaṃ saṃsārameva parameśvari bhāvayantaḥ ābhāsarūpamavabodhamimaṃ sametya kliśye kiyatkiyadahaṃ tvamunā bhavena ### [1.30](https://indike.org/pramana/in.lit.kavya.misc.laghukavyani.1.30) kā saṃsṛtiḥ kimapacāranibandhaneyaṃ kīdṛgvidhasya tava kiṃ kṣatametayeti prabhe tu nāsmi kuśalaḥ prativaktumeva khedastu me janani ko'pyayamevamāste ### [1.31](https://indike.org/pramana/in.lit.kavya.misc.laghukavyani.1.31) evaṃ gatasya mama sāṃpratametadarhamatredamaupayikamitthamidaṃ ca sādhyam asminpramāṇamidamityapi boddhumamba śaktirna me bhuvanasākṣiṇi kiṃ karomi ### [1.32](https://indike.org/pramana/in.lit.kavya.misc.laghukavyani.1.32) na jñāyate mama hitaṃ nitarāmupāyo dīno'smi devi samayākaraṇākṣamo'smi tattvāmananyaśaraṇaḥ śaraṇaṃ prapadye mīnākṣi viśvajananīṃ jananīṃ mamaiva ### [1.33](https://indike.org/pramana/in.lit.kavya.misc.laghukavyani.1.33) kiṃcinmayā śrutiṣu kiṃcidivāgameṣu śāstreṣu kiṃcidupadeśapatheṣu kiṃcit āghrātamasti yadato bhavatīṃ varītuṃ goptrīti kācidudapadyata buddhireśā ### [1.34](https://indike.org/pramana/in.lit.kavya.misc.laghukavyani.1.34) brahmaivamevamahameṣa tadāptyupāya ityāgamārthavidhurāḥ prathame dayārhāḥ tvadrakṣakatvaguṇamātravido dvitīyā ityarthaye sadadhikāranirūpaṇāya ### [1.35](https://indike.org/pramana/in.lit.kavya.misc.laghukavyani.1.35) mātaḥ karoṣi mamatāṃ mayi yāvadīṣattāvadyate mama tataḥ kimivāsti sādhyam māmitthamitthamupayuṅkṣva na vismareti kiṃ svāminaṃ tvarayate kvacana svabhṛtyaḥ ### [1.36](https://indike.org/pramana/in.lit.kavya.misc.laghukavyani.1.36) tyājyaṃ tyajāni vihitaṃ ca samācarāṇi nityeṣu śaktimanurudhya hi vartitavyam tadbuddhiśaktimanurudhya na kāryaśaktimityetadeva tu śive vinivedayāmi ### [1.37](https://indike.org/pramana/in.lit.kavya.misc.laghukavyani.1.37) ātmaiva bhāra iti taṃ tvayi yo nidhatte so'ṅgāni kāni kalayatvalasaḥ prapatteḥ viśvatra sātra savilakṣaṇalakṣaṇāyā visrambhasaṃpadiyameva samastamaṅgi ### [1.38](https://indike.org/pramana/in.lit.kavya.misc.laghukavyani.1.38) tvatpreraṇena miṣataḥ śvasato'pi mātaḥ prāmādike'pi sati karmaṇi me na doṣaḥ mātraiva dattamaśanaṃ grasataḥ sutasya ko nāma vakṣyati śiśoratibhuktidoṣam ### [1.39](https://indike.org/pramana/in.lit.kavya.misc.laghukavyani.1.39) muktiṃ sisādhayiṣatāṃ nijayaiva buddhyā prārabdhakarma bhavatu pratibandhahetuḥ tvāmeva sādhanatayāpi samāśritānāṃ tulyaṃ tadamba yadi kastava vīravādaḥ ### [1.40](https://indike.org/pramana/in.lit.kavya.misc.laghukavyani.1.40) prārabdhakarma girije bhavadāśritānāmanyatra saṃkramaya nāśaya vā samūlam martyāśca khalvapi viṣaṃ vapuṣi prasaktaṃ saṃkrāmayanti parato'pi ca nāśayanti ### [1.41](https://indike.org/pramana/in.lit.kavya.misc.laghukavyani.1.41) tvaddarśanaśravaṇavandanacintanādiṣvakṣāṇi devi viniyujya yathādhikāram rakṣetyasaṃkhyabhavasaṃbhṛtayaiva maitryā rundhyāṃ yadi sthiramamūnyadhunaiva na syuḥ ### [1.42](https://indike.org/pramana/in.lit.kavya.misc.laghukavyani.1.42) trātavya eṣa iti cetkaruṇā mayi syāttrāyasva kiṃ sukṛtaduṣkṛtacintayā me kartuṃ jagattirayituṃ ca viśṛṅkhalāyāḥ karmānurodha iti kaṃ prati vañcaneyam ### [1.43](https://indike.org/pramana/in.lit.kavya.misc.laghukavyani.1.43) tvayyarpitaṃ prathamamappayayajvanaiva svātmārpaṇaṃ vidadhatā svakulaṃ samastam kā tvaṃ maheśi kuladāsamupekṣituṃ māṃ ko vānupāsitumahaṃ kuladevatāṃ tvām ### [1.44](https://indike.org/pramana/in.lit.kavya.misc.laghukavyani.1.44) mauḍhyādahaṃ śaraṇayāmi surāntaraṃ cetkiṃ tāvatā svamapi tasya bhavāmi mātaḥ ajñānataḥ paragṛhaṃ praviśanparasya svatvaṃ prayāsyati paśuḥ kimu rājakīyaḥ ### [1.45](https://indike.org/pramana/in.lit.kavya.misc.laghukavyani.1.45) ādhāya mūrdhani vṛthaiva bharaṃ mahāntaṃ mūrkhā nimajjatha kathaṃ bhavasāgare'smin vinyasya bhāramakhilaṃ padayorjananyā visrabdhamuttarata palvalatulyamenam ### [1.46](https://indike.org/pramana/in.lit.kavya.misc.laghukavyani.1.46) kedaṃ patiṣyati vapuḥ kva tato nu gamyaṃ ko daṇḍayiṣyati kiyantamanehasaṃ vā kiṃ tasya saṃtaraṇasādhanamityanantā cintā sthitā tvayi śanairavatāritā sā ### [1.47](https://indike.org/pramana/in.lit.kavya.misc.laghukavyani.1.47) jñānaṃ diśeyamuta tena vinoddhareyaṃ prārabdhamapyapalapeyamutānurundhyām itthaṃ sakṛtprapadanaikavaśaṃvadāyā mātarmayi pravṛte mahatīha cintā ### [1.48](https://indike.org/pramana/in.lit.kavya.misc.laghukavyani.1.48) etajjaḍājaḍavivecanametadeva kṣityāditattvapariśodhanakauśalaṃ ca jñānaṃ ca śaivamidamāgamakoṭilabhyaṃ māturyadaṅghriyugale nihito mayātmā ### [1.49](https://indike.org/pramana/in.lit.kavya.misc.laghukavyani.1.49) ṣaṭtriṃśadāvaraṇamadhyajuṣi tvadaṅkau hālāsyanāthadayite nihito mayātmā bhūbhūtalatridaśavartiṣu kaḥ kṣameta taccakṣuṣāpi nibhṛtena nirīkṣituṃ mām ### [1.50](https://indike.org/pramana/in.lit.kavya.misc.laghukavyani.1.50) bandhaṃ hariṣyasi sukhaṃ vitariṣyasīti niśprapaṃcaṃ nikhilamamba tadāsta eva saṃpratyahaṃ tvayi vidhāya bharaṃ samastaṃ yannirvṛṇomi kimito'pi mamāpavarge ### [1.51](https://indike.org/pramana/in.lit.kavya.misc.laghukavyani.1.51) kāśyāṃ nipātaya vapuḥ śvapacālaye vā svargaṃ naya tvamapavargamadhogatiṃ vā adyaiva vā kuru dayāṃ punarāyatau vā kaḥ saṃbhramo mama dhane dhaninaḥ pramāṇam ### [1.52](https://indike.org/pramana/in.lit.kavya.misc.laghukavyani.1.52) nāhaṃ sahe tava kathāśravaṇāntarāyaṃ nāhaṃ sahe tava pada़ārcanavicyutiṃ vā mokṣaṃ diśaitadaviruddhamidaṃ na cetsyānnaivāstu mātarapavargamahopasargaḥ ### [1.53](https://indike.org/pramana/in.lit.kavya.misc.laghukavyani.1.53) ācūḍamācaraṇamamba tavānuvāramantaḥsmranbhuvanamaṅgalamaṅgamaṅgam ānandasāgarataraṅgaparamparābhirāndolito na gaṇayāmi gatānyahāni ### [1.54](https://indike.org/pramana/in.lit.kavya.misc.laghukavyani.1.54) pāṣāṇato'pi kaṭhine śirasi śrutīnāṃ prāyaḥ pariśramavaśādiva pāṭalābham amba smareyamamṛtārṇavamāthalabdhahaiyaṃgavīnasukumāramidaṃ padaṃ te ### [1.55](https://indike.org/pramana/in.lit.kavya.misc.laghukavyani.1.55) ye nāma santi katicidguravastrilokyāṃ teṣāmapi svayamupetavatā gurutvam pādena mūrdhni vidhṛtena vayaṃ tavāmba saṃsārasāgaramimaṃ sukhamuttarāmaḥ ### [1.57](https://indike.org/pramana/in.lit.kavya.misc.laghukavyani.1.57) sādhāraṇe smarrjaye niṭilākṣisādhye bhāgī śivo bhajatu nāma yaśaḥ samagram vāmāṅghrimātrakalite janani tvadīye kā vā prasaktiriha kālajaye purāreḥ 56 syātkomalaṃ yadi mano mama viśvamātastatpādayormṛdulayostava pādukāstu syātkarkaśaṃ yadi karagrahaṇe purāreraśmādhirohaṇavidhau bhavatvūpayogaḥ ### [1.58](https://indike.org/pramana/in.lit.kavya.misc.laghukavyani.1.58) prasnigdhamugdharucipādatale bhavatyā lagnaṃ dṛḍhaṃ yadiha me hṛdayāravindam eṣaiva sāgrabhuvanadviśatīpatitvasāmrājyasūcanakarī tava padgarekhā ### [1.59](https://indike.org/pramana/in.lit.kavya.misc.laghukavyani.1.59) aprākṛtīṃ mṛdulatāmavicintya kiṃcidālambitāsi padayoḥ sudṛḍhaṃ mayā yat tanme bhavārṇavani majjanakātarasya mātaḥ kṣamasva madhureśvari bālakṛtyam ### [1.60](https://indike.org/pramana/in.lit.kavya.misc.laghukavyani.1.60) yannānamanpaśupatiḥ praṇayāparādhe mandaṃ kila spṛśati candraka lāñcalena puṣpārcane'pi mṛditaṃ padayoryugaṃ tanmātastudanti na kathaṃ paruṣā giro me ### [1.61](https://indike.org/pramana/in.lit.kavya.misc.laghukavyani.1.61) avyājasundaramanuttaramaprameyamaprākṛtaṃ para ma maṅgala maṅghripadmam saṃdarśayedapi sakṛdbhavratī dayārdrā draṣṭāsmi kena tadahaṃ tu vilocanena ### [1.62](https://indike.org/pramana/in.lit.kavya.misc.laghukavyani.1.62) divyā dṛśo'pi diviṣadgrahaṇocitāni vastūni kāmamavadhārayituṃ kṣamante tanmātravedyavibhave tava rūpadheye tvadbhāva eṣa śaraṇaṃ pariśeṣito naḥ ### [1.63](https://indike.org/pramana/in.lit.kavya.misc.laghukavyani.1.63) asminmahatyanavadhau kila kālacakre dhanyāstu ye katipaye śukayogimukhyāḥ līnāstvadaṅghriyugale pariśuddhasattvāstānātmanastava nakhānavadhārayāmaḥ ### [1.64](https://indike.org/pramana/in.lit.kavya.misc.laghukavyani.1.64) ā śaiśavānmamatayā kalitastvayāsāvānṛṇyamamba tava labdhumanā mṛgāṅkaḥ svātmānameva niyataṃ bahudhā vibhajya tvatpādayorvinidadhe nakharāpadeśāt ### [1.65](https://indike.org/pramana/in.lit.kavya.misc.laghukavyani.1.65) nāntaḥ praveśamayate kimapi śrutaṃ me nāstikyavāraśilayā pratirudhyamānam tatpātayāmyahamimāṃ mahatīmadhastātpādodakena kiyatā paradevatāyāḥ ### [1.66](https://indike.org/pramana/in.lit.kavya.misc.laghukavyani.1.66) saṃnnāhibhiryamabhaṭaiḥ parivārthamāṇe mayyarbhake karuṇayā svayamāpatantyāḥ ākarṇayeyamapi nāma virāmakāle mātastavāṅghrimaṇinūpuraśiñjitāni ### [1.67](https://indike.org/pramana/in.lit.kavya.misc.laghukavyani.1.67) brahmeśakeśavamukhairbahubhiḥ kumāraiḥ paryāyataḥ parigṛhītavimuktadeśam utsaṅgamamba tava dāsyasi me kadā tvaṃ mātṛpriyaṃ kila jaḍaṃ sutamāmananti ### [1.68](https://indike.org/pramana/in.lit.kavya.misc.laghukavyani.1.68) ūrau śirastava niveśya dayāvitīrṇasaṃvyānapallavasamīravinītakhedam atraiva janmani vibhoḥ paramopadeśamākarṇayeyamapi kiṃ maṇikarṇikāyām ### [1.69](https://indike.org/pramana/in.lit.kavya.misc.laghukavyani.1.69) kāñcīguṇagrathitakāñcanaceladṛśyacaṇḍātāpāṃśukavibhāparabhāgaśobhi paryaṅkamaṇḍalapariṣkaraṇaṃ purārerdhyāyāmi te nikhilamamba nitambabimbam ### [1.70](https://indike.org/pramana/in.lit.kavya.misc.laghukavyani.1.70) garbhe niveśya bhuvanāni caturdaśāpi saṃrakṣituṃ kavalitaniścitayā bhavatyā prākārameva racitaṃ parito'pi nūnamūhe suvarṇamayamedurapaṭṭabandham ### [1.71](https://indike.org/pramana/in.lit.kavya.misc.laghukavyani.1.71) muktāśca khalvapi yadi tripure bhavatyāḥ stanyāśayā stanataṭaṃ na parityajanti asmākamudbhaṭabhavajvaratāpitānāmārdrībhavantu vadanāni kuto na hetoḥ ### [1.72](https://indike.org/pramana/in.lit.kavya.misc.laghukavyani.1.72) naṣṭopalabdhamadhigatya śiśuṃ cirānmāṃ vātsalyavidrutahṛdaḥ paradevatāyāḥ klidyatpayodharaviniḥsṛtadugdhabinduniṣyandapaṅktiriva dīvyati hārayaṣṭiḥ ### [1.73](https://indike.org/pramana/in.lit.kavya.misc.laghukavyani.1.73) yattaddhanurjanamanomayamaikṣavaṃ te tasyāstu devi hṛdayaṃ mama mūladeśaḥ cāpādhiropaṇavidhau caraṇāñcalena saṃbhāvyate kila samākramaṇaṃ kadācit ### [1.74](https://indike.org/pramana/in.lit.kavya.misc.laghukavyani.1.74) āsthāya dāruṇataraṃ kamapi svabhāvamatyantaduṣkṛtakṛtāmapi śikṣaṇāya gṛhṇāsi sāyakapade kusumānyamūni mātaḥ suteṣu mahatī kila rukṣateyam ### [1.75](https://indike.org/pramana/in.lit.kavya.misc.laghukavyani.1.75) pāśaṃ sṛṇiṃ ca karayostava bhāvayantaḥ saṃstambhayanti vaśayanti ca sarvalokān cāpaṃ śaraṃ ca sakṛdamba tava smaranto bhūpāḷatāṃ dadhati bhogapathāvatīrṇāḥ ### [1.76](https://indike.org/pramana/in.lit.kavya.misc.laghukavyani.1.76) pāśāṅkuśau tava kare paricintya rāgadveṣau jayanti paramārthavidastu dhanyāḥ ekatra cāpamitaratra śaraṃ ca matvā vyāvartayanti hṛdayaṃ viṣayāndhakūpāt ### [1.77](https://indike.org/pramana/in.lit.kavya.misc.laghukavyani.1.77) utkrāntamāntaramidaṃ karaṇaṃ janānāmapyeti candramiti hi śrutayo vadanti āstāmidaṃ mama tu devi mano'dhunaiva līnaṃ dṛḍhaṃ vadanacandramasi tvadīye ### [1.78](https://indike.org/pramana/in.lit.kavya.misc.laghukavyani.1.78) vidyātmano janani tāvakadantapaṅktervaimal‍yamīdṛgiti varṇayituṃ kṣamaḥ kaḥ tatsaṃbhavā yadamalā vacasāṃ savitrī tanmūlakaṃ kaviyaśo'pi tatastarāṃ yat ### [1.79](https://indike.org/pramana/in.lit.kavya.misc.laghukavyani.1.79) svacchāpi te vahati yatkila dantapaṅktiḥ svacchandanirde litadāḍimabījaśobhām tanme rajovyatikarādhikapāṭalimni citte paraṃ paricayāditi cintayāmi ### [1.80](https://indike.org/pramana/in.lit.kavya.misc.laghukavyani.1.80) ardhaṃ jitaṃ tripuramamba taba smitaṃ cedardhāntareṇa ca tathā bhavitavyameva tañcintaye janani kāraṇasūkṣmarūpasthūlātmakatripuraśāntikṛte smitaṃ te ### [1.81](https://indike.org/pramana/in.lit.kavya.misc.laghukavyani.1.81) matkleśadarśanaparidravadantaraṅgahaiyaṅgavīnaparibāhanibhaṃ jananyāḥ antastamopahamanusmaratāṃ janānāṃ mandasmitaṃ tava tu maṅgalamastu bhūtyai ### [1.82](https://indike.org/pramana/in.lit.kavya.misc.laghukavyani.1.82) sāṃsiddhikānanasaroruhadivyagandhasāndrīkṛtenduśakaḷākalitādhivāsam tāmbūlasāramakhilāgamabodhasāraṃ mātarvidhehi mama vaktrakalācikāyām ### [1.83](https://indike.org/pramana/in.lit.kavya.misc.laghukavyani.1.83) nāsāmaṇistava śive cirasaṃstavena pratyāhṛte manasi bhāti tapodhanānām ajñānasaṃtatiniśātayasūcanārthamāvirbhavantyasuradeśikatārakeva ### [1.84](https://indike.org/pramana/in.lit.kavya.misc.laghukavyani.1.84) tāmbūlagarbhapariphullakapolalakṣyatāṭaṅkamauktikamaṇipratibimbadambhāt astadvayavyatikarāmalasattvamādyaṃ varṇaṃ bibharti jaṭhare tava vaktrabimbam ### [1.85](https://indike.org/pramana/in.lit.kavya.misc.laghukavyani.1.85) datte śriyaṃ bahuvidhāṃ kuśalāni datte datte padaṃ surapaterapi līlayaiva īdṛgvidhāmba tava dṛṣṭirito'dhikā vā nādyāpi karṇamativartitumīśvarīyam ### [1.86](https://indike.org/pramana/in.lit.kavya.misc.laghukavyani.1.86) pāṣāṇakūṭakaṭhine janadurvigāhe vyarthaṃ mahatyupaniṣacchikhine pravṛttā sevyeta kena tava locanacandrikeyamenāṃ nipātaya sakṛnmayi tapyamāne ### [1.87](https://indike.org/pramana/in.lit.kavya.misc.laghukavyani.1.87) kāmaṃ śibena śamitaṃ punarujjagāra dṛṣṭistaveti kimiyaṃ janani stutiste līḷāprasūtapuruṣārthacatuṣṭayāyāstasyāḥ paraṃ tu sa bhavatyavayutyavādaḥ ### [1.88](https://indike.org/pramana/in.lit.kavya.misc.laghukavyani.1.88) somo jagajjanayiteti yadāha vedo nedaṃ latāparamiti bhramitavyamāryaiḥ yaḥ śaivavāmatanuvartibhavaddṛgātmā candro jagatsṛjati tatpara eṣa vādaḥ ### [1.89](https://indike.org/pramana/in.lit.kavya.misc.laghukavyani.1.89) sūcyagravadvasumatīmaṇuvacca meruṃ dṛṣṭiryadamba tava paśyati dānaśauṇḍā dṛṣṭāstvayā vayamapīha tataḥ smarāmo veśantameva bhavasāgaramuttaraṅgam ### [1.90](https://indike.org/pramana/in.lit.kavya.misc.laghukavyani.1.90) vāṇīniketanatayā ghanasāragaurāḥ kahlārakesararucaḥ kamalānuṣaṅgāt mātarjayanti śaraṇāgatalokacetomālinyamārjanavaśādasitāḥ kaṭākṣāḥ ### [1.91](https://indike.org/pramana/in.lit.kavya.misc.laghukavyani.1.91) ākarṇamullasati mātarapāṅgadeśe kālāñjanena ghaṭitā tava bhāti rekhā śaivālapaṅktiriva saṃtatanirjihānakāruṇyapūrapadavīkalittānubandhā ### [1.92](https://indike.org/pramana/in.lit.kavya.misc.laghukavyani.1.92) viśvaṃ sṛjatyavati hanti ca yatkaṭākṣo viśvasyatāṃ kathamasau capalasvabhāvaḥ eṣo'pi yāmanusaram̐llabhate yaśāṃsi tāmeva viśvasimi devi tavānukampām ### [1.93](https://indike.org/pramana/in.lit.kavya.misc.laghukavyani.1.93) ardhaṃ kalaṅkarahitā karuṇaiva śaṃbhorardhaṃ guṇāstaditare sakalāḥ sametāḥ itthamba saṃprati kila sphuritaṃ rahasyaṃ saṃpaśyato mama bhavanmayameśamardham ### [1.94](https://indike.org/pramana/in.lit.kavya.misc.laghukavyani.1.94) amba bhruvostava viceṣṭitamapramattaṃ saṃpaśyatāṃ nijanijārthanideśahetoḥ tanmūladeśanihitā nibhṛtā surāṇāṃ dṛṣṭiḥ prayāti mṛganābhiviśeṣakatvam ### [1.95](https://indike.org/pramana/in.lit.kavya.misc.laghukavyani.1.95) sāraṃ kaṇaṃ kaṇamagharmarucāṃ sahasrātsaṃgṛhya nirmitamidaṃ tava vaktrabimbam tāvatsudhākarakalaṅkakulāni paścādanyatra devi nihitāni kacāpadèśāt ### [1.96](https://indike.org/pramana/in.lit.kavya.misc.laghukavyani.1.96) vinyastamindramaṇikaṃdalasundareṣu keśeṣu te sphaṭikanirmalamindukhaṇḍam ādha rasaṃgativaśādasitāyamānamindīvaracchadavataṃsadaśāṃ bibharti ### [1.97](https://indike.org/pramana/in.lit.kavya.misc.laghukavyani.1.97) cintāmaṇistribhuvaneśvari kaustubhaśca khyātau maṇī tava gṛhāṅgaṇakuṭṭimasthau kiṃ ratnamanyadupalabhya kirīṭakoṭiṃ vācaspatiprabhṛtayastava varṇayantu ### [1.98](https://indike.org/pramana/in.lit.kavya.misc.laghukavyani.1.98) prādurbhavattaraṇibimbaśatāruṇāni paryāptaśītakiraṇāyutaśītalāni śṛṅgārasāraparivāhamayāni mātaraṅgāni ke'pi carame januṣi smaranti ### [1.99](https://indike.org/pramana/in.lit.kavya.misc.laghukavyani.1.99) pratyagrakuṅkumarasākalitāṅgarāgaṃ pratyaṅgadattamaṇibhūṣaṇajālaramyam tāmbūlapūritamukhaṃ taruṇenducūḍaṃ sarvāruṇaṃ kimapi vastu mamāvirāstu ### [1.100](https://indike.org/pramana/in.lit.kavya.misc.laghukavyani.1.100) ardhaṃ striyastribhuvane sacarācare'sminnardhaṃ pumāṃsa iti darśayituṃ bhavatyā strīpuṃslakṣaṇamidaṃ vapurāvṛtaṃ yattenāsi devi viditā trijagaccharīrā ### [1.101](https://indike.org/pramana/in.lit.kavya.misc.laghukavyani.1.101) nirmāsi saṃharasi nirvahasi trilokīṃ vṛttāntametamapi vetti na vā maheśaḥ tasyeśvarasya girije tava sāhacaryājjātaḥ śrutiṣvapi jagajjanakatvavādaḥ ### [1.102](https://indike.org/pramana/in.lit.kavya.misc.laghukavyani.1.102) sattāmyakhaṇḍasukhasaṃvidasi trilokīsargasthitipratihatiṣvapi nirvyapekṣā tvāmantareṇa śiva ityavaśiṣyate kiṃ mardhaṃ śivasya bhavatītyanabhijñavādaḥ ### [1.103](https://indike.org/pramana/in.lit.kavya.misc.laghukavyani.1.103) nāsminpavistapati nātra vibhāti vāto nāsya pravṛttimapi veda jagatsamastam antaḥpuraṃ tadidamīdṛśamantakārerasmaddśāstu sukhamatra caranti bālāḥ ### [1.104](https://indike.org/pramana/in.lit.kavya.misc.laghukavyani.1.104) tvatsaṃnidhānarahito mama māstu deśastvattattvabodharahitā mama māstu vidyā tvatpādabhaktirahito mama māstu vaṃśastvaccintayā virahitaṃ mama māstu cāyuḥ ### [1.105](https://indike.org/pramana/in.lit.kavya.misc.laghukavyani.1.105) tvaṃ devi yādṛgasi tādṛgasi tvamīdṛgeṣeti vaktumiva boddhumapi kṣamaḥ kaḥ māmeva tāvadavidannatipāmaro'haṃ mātaḥ stutiṃ tvayi samarpayituṃ vilajje ### [1.106](https://indike.org/pramana/in.lit.kavya.misc.laghukavyani.1.106) kācitkṛtā kṛtiriti tvayi sārpiteti kāpi pramodakaṇikā na mamāntaraṅge mauḍhyaṃ madīyamiha yadviditaṃ mamaiva kiṃ tvamba viśvasimi dīnaśaraṇyatāṃ te ### [1.107](https://indike.org/pramana/in.lit.kavya.misc.laghukavyani.1.107) kālānapāsya viṣuvāyanāsaṃkramādīnastaṃgate himakare ca divākare ca amba smareyamapi te caraṇāravindamānandalakṣaṇamapāstasamastabhedam ### [1.108](https://indike.org/pramana/in.lit.kavya.misc.laghukavyani.1.108) caturadhyāyīrūpaṃ kalahaṃsavyañjanaṃ jaganmātuḥ aparabrahmamayaṃ vapurantaḥ śaśikhaṇḍamaṇḍanamupāse ## Linked texts (1) - [Devīstotra (Nīlakaṇṭha Dīkṣita)](https://indike.org/pramana/in.sampradaya.general.devistotra.devistotra-nilakantha-diksita.1) — Nīlakaṇṭha Dīkṣita, Sanskrit --- Source: [https://indike.org/pramana/in.lit.kavya.misc.laghukavyani.1](https://indike.org/pramana/in.lit.kavya.misc.laghukavyani.1) · Pramāṇa