[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Miscellaneous short works](https://indike.org/pramana/in.lit.kavya.misc) › [Laghukavyani](https://indike.org/pramana/in.lit.kavya.misc.laghukavyani) › 2 # Laghukavyani 2 Laghukāvyāni 2 - **Language:** Sanskrit ### [2.2](https://indike.org/pramana/in.lit.kavya.misc.laghukavyani.2.2) iti śrīnīlakaṇṭhadīkṣitaviracitaḥ ānandasāgarastavaḥ saṃpūrṇaḥ yā lakṣmīstrijagaccharaṇyacaraṇā tasyāḥ patiryaccharo yaddeyaṃ nikhilairvadānyanivahaistattasya jīrṇaṃ dhanuḥ yā saṃvicchrutiṣu smṛtā rahasi sā yatpādasaṃsevinī sa svāmī mama daivataṃ taditaro nāmnāpi nāmnāyate arcāmīti dhiyā yadeva kusumaṃ kṣiptvā jano mucyate viddhyāmīti dhiyā tadeva vikiranbhasmīkṛto manmathaḥ ityābhyantaravṛttimātrarasiko bāhyānapekṣaśca yaḥ sa svāmī mama daivataṃ taditaro nāmnāpi nāmnāyate ### [2.3](https://indike.org/pramana/in.lit.kavya.misc.laghukavyani.2.3) yatkeśāmravilagnamambu jagatāṃ tīrthaṃ paraṃ pāvanaṃ yadvīryaṃ bhuvi dakṣiṇeti viditaṃ yajñeṣu sarveṣvapi śvāno yasya tapasvināṃ ca jagatāṃ kāmapradā dhenavaḥ sa svāmī mama daivataṃ taditaro nāmnāpi nāmnāyate ### [2.4](https://indike.org/pramana/in.lit.kavya.misc.laghukavyani.2.4) vaktrābjeṣu pitāmahasya jagatāṃ vakṣaḥsthale śrīpateḥ sarvāṅgeṣu śatakratorapi dṛḍhānucchliṣṭam jaitradhvajān saṃprāpto madano'pi yasya niṭilajyotiḥpataṃgāyitaḥ sa svāmī mama daivataṃ taditaro nāmnāpi nāmnāyate ### [2.5](https://indike.org/pramana/in.lit.kavya.misc.laghukavyani.2.5) yadyātuṃ kṛtalobha eva paramaṃ dhāma svabhaktānpurā kākutstho'pyatisaṃdadhe sabhuvanānyanyāni sṛṣṭvā tadā āvedhomaśakaṃ tadeva tṛṇavadvṛtte'vimukte tu yaḥ sa svāmī mama daivataṃ taditaro nāmnāpi nāmnāyate ### [2.6](https://indike.org/pramana/in.lit.kavya.misc.laghukavyani.2.6) setuṃ yatra nibadhya yatra vasudhāmuddhṛtya magnāṃ purā vikhyāto madhusūdanaḥ sa jaladhiryatsrotasā pūritaḥ sā jāhnavyapi yajjaṭātanuśikhālambāmbuleśāyitā sa svāmī mama daivataṃ taditaro nāmnāpi nāmnāyate ### [2.7](https://indike.org/pramana/in.lit.kavya.misc.laghukavyani.2.7) dātavyastridivaḥ pratikṣaṇaparikṣīṇaḥ samastaiḥ suraistaddhānāya ca te kiyatkiyaditi vyāpārayante janān akṣayyaṃ padamapyamutra ca sakṛdyatkīrtanaṃ sādhayetsa svāmī mama daivataṃ taditaro nāmnāpi nāmnāyate ### [2.9](https://indike.org/pramana/in.lit.kavya.misc.laghukavyani.2.9) mantre vā kvacidarthavādaśakale diṣṭyā gṛhīte sakṛttasve nāmni tridaśā vahanti mahatīṃ kīrti yadīyoktiṣu śvānaste nigamā yadīyabhavanadvāre caranti svata sa svāmī mama daivataṃ taditaro nāmnāpi nāmnāyate yaḥ sāṃtanikalokada1stanubhṛtāṃ kodaṇḍadīkṣāguruḥ so'pyāhūyata martyabhāvabhajanātkālena kāle na kim tādṛkṣo'pi sa kasyacidvijavaṭostrāṇāya yenāhataḥ sa svāmī mama daivataṃ taditaro nāmnāpi nāmnāyate --- Source: [https://indike.org/pramana/in.lit.kavya.misc.laghukavyani.2](https://indike.org/pramana/in.lit.kavya.misc.laghukavyani.2) · Pramāṇa