[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Miscellaneous short works](https://indike.org/pramana/in.lit.kavya.misc) › [Laghukavyani](https://indike.org/pramana/in.lit.kavya.misc.laghukavyani) › 3 # Laghukavyani 3 Laghukāvyāni 3 - **Language:** Sanskrit ## Contents - [3.1](https://indike.org/pramana/in.lit.kavya.misc.laghukavyani.3.1) — 7 parts ### [3.1.1](https://indike.org/pramana/in.lit.kavya.misc.laghukavyani.3.1.1) kasmaicidvijabandhave kiyadapi kṣīraṃ purā 2yācate datto yena dayārasaikavapuṣā dugdhoda evārṇavaḥ śrīśrīvallabhakalpapādapasudhācintāmaṇibhiḥ samaṃ sa svāmī mama daivataṃ taditaro nāmnāpi nāmnāyate kenāsmānatiśerate divicarāḥ śrutyā gṛhītā hi te kiṃ nāsmāñśrutirāha 3tānparatayā brūte kimasmāntvakān sarve cetpaśavo vayaṃ kimitaraiḥ sarvasya yo mocakaḥ sa svāmī mama daivataṃ taditaro nāmnāpi nāmnāyate bāṇo yasya na bāṇakarma sahate cakre ¹tu ye dve tayorekaṃ cakrakulapratīpamitaraccakrānukūlakriyam jyā tu jyāṃ śirasā bibharti bhuvane ²sūto na sūtaḥ kacitsa svāmī mama daivataṃ taditaro nāmnāpi nāmnāyate ṛtvātmā puruṣaḥ kratuḥ kratubhujo vaktā kratūnāṃ kratorādhāraḥ kratukālakalpanaparau sarve'pyamī saṃhṛtāḥ yasyātikramataḥ saha ṛtukṛtā bhraṣṭāśca naṣṭāḥ kṣaṇātsa svāmī mama daivataṃ taditaro nāmnāpi nāmnāyate āroḍhuṃ varamaupavāhyamapahartuṃ sundarīḥ kanyakā bhoktuṃ bhogamupasthitaṃ sukhamalaṃkartuṃ ca ratnaistanum saṃrakṣantyamṛtānyadhaso hi śamite yenaiva hālāhale sa svāmī mama daivataṃ taditaro nāmnāpi nāmnāyate svaṃ vāso daśadhā vibhajya vitarannekaikakhaṇḍaṃ purā yaścakre daśa pākaśāsanahutāśādīndiśāmīśvarān yadbhikṣāśanabhāksadā trijagatāmannapradātrī śivā sa svāmī mama daivataṃ taditaro nāmnāpi nāmnāyate svacchandaṃ carato hi yasya caraṇāṅguṣṭhaprasaṃpāditā rekhā dīvyati hetirājapadavīṃ prāptā jagadviśrutā labdhā daityabhidā tapobhirupadīkṛtya ¹svakaṃ locanaṃ sa svāmī mama daivataṃ taditaro nāmnāpi nāmnāyate bāṇaṃ kāścana bāṇakoṇamitarā bāṇasya mūlaṃ parā ### [3.1.2](https://indike.org/pramana/in.lit.kavya.misc.laghukavyani.3.1.2) yantāraṃ katicidrathāṅgamitarāḥ śiṣṭāḥ punaḥ svāminam itthaṃ saṃstuvate ciraṃtanagiraḥ sākṣātpraṇamyāpi yaṃ sa svāmī mama daivataṃ taditaro nāmnāpi nāmnāyate prācīnetyadhunātanīti bhuvane vāṅnāma yā yāvatī ²tāṃ sarvāṃ paritaḥ parītya caraṇe ³yasyāyatīṃ viśramam śṛṇvannaṅgadatāṃ gataḥ phaṇipatiḥ śabdāgamaṃ vyākarotsa svāmī mama daivataṃ taditaro nāmnāpi nāmnāyate gāndharvāgamadeśikau tanubhṛtāṃ yatkarṇayoḥ kuṇḍale yatpādāṅgadanirmitaṃ bhuvi mahābhāṣyaṃ kila khyāyati puṇyaṃ pāpamiti vyavasthitiriyaṃ yadvāhaheṣāsvanaḥ sa svāmī mama daivataṃ taditaro nāmnāpi nāmnāyate dhyātvā varṣagaṇānbahūnviracitaṃ yatnena yadvedhasā yacchaurirbibharāṃbabhūva bahudhā ¹bhūtvā ca mṛtvā svayam tallokatrayamīṣadulasati yaccakṣuḥsphuliṅge hutaṃ sa svāmī mama daivataṃ taditaro nāmnāpi nāmnāyate ²saumyāgneyatayā kṣarākṣaratyā śabdārthabhāvena vā jīvabrahmatayā jaḍājaḍatayā strīpuṃsabhāvena vā dvedhā bhinnamidaṃ hi yasya vapuṣaḥ savyāpasavye viduḥ sa svāmī mama daivataṃ taditaro nāmnāpi nāmnāyate yallābhāya purā kiyadbhiramaraiḥ sindhau kiyadvyāpṛtaṃ lebhe ³yatpariveṣaṇena kiyatīṃ kīrtiṃ ramāvallabhaḥ yaccūr̤ākusumakṣaranmadhurasasrotaskaṇaḥ sā sudhā sa svāmī mama daivataṃ taditaro nāmnāpi nāmnāyate yaḥ sraṣṭā jagatāṃ yato'yamabhavattadyasya nābherabhūcchete yatra sa ⁴taṃ ca yaśculukayāṃcakre sahānyaiḥ kṣaṇāt tādṛkṣāḥ śataśaḥ purāṇamunayo yacchiṣyavarge sthitāḥ sa svāmī mama daivataṃ taditaro nāmnāpi nāmnāyate nirvyāpāradaśaiva yasya jagatīnirvāhadhauraṃdharī ### [3.1.3](https://indike.org/pramana/in.lit.kavya.misc.laghukavyani.3.1.3) mandasmeramukhābjataiva paramo yasya 1dviṣāṃ nigrahaḥ nityaṃ yasya ca maunameva nikhilaṃ chintte satāṃ saṃśayaṃ sa svāmī mama daivataṃ taditaro nāmnāpi nāmnāyate dattā śrīriṣave sisādhayiṣave vāso gṛhītaṃ suraiḥ sūtāya vyayitā giraśca kimito dātāsmyahaṃ kevalaḥ ityālokya dayānidhiḥ kalayate kaivalyamevārthināṃ sa svāmī mama daivataṃ taditaro nāmnāpi nāmnāyate śārīraḥ pṛthivī ravīndudahanā vāyurviyattoyamityaṣṭābhiścidracidruṇaiḥ 2pariṇataṃ viśvaṃ 3tanuskheti yaḥ viśvaṃ viśvavilakṣaṇaḥ pra bhavitā viśvasya viśvādhikaḥ sa svāmī mama daivataṃ taditaro nāmnāpi nāmnāyate śabdagrāmamayī yadīyagṛhiṇī khyātā yadīyaṃ vapustrailokyaṃ jaḍacetrāṣṭakamayaṃ yadvāṇaguptaṃ jagat sarvāsāṃ dayito girāṃ sakalalokātmā ca viśveśvaraḥ sa svāmī mama daivataṃ taditaro nāmnāpi nāmnāyate yajjātīyarūṇāṅkitānanamahiṃ jīrṇaṃ kamapyāvasanpārśvasthāpipatannagāśanapatirjāgarti nityaṃ hariḥ yatkaṇṭhābharaṇāyitāstrijagatībhīmaḥ sa hālāhalaḥ sa svāmī mama daivataṃ taditaro nāmnāpi nāmnāyate anyonyaśvasitāśanaiḥ phaṇadharairāviśya sattvānvahirbhuñjānaiḥ paricārakaistṛṇagaṇairānandinā nandinā bhikṣānnopacitaiśca dāratanayaiḥ puṣṇāti viśvāni yaḥ sa svāmī mama daivataṃ taditaro nāmnāpi nāmnāyate keyūrāṅgadahārakuṇḍala kaṭī sūtropavītībhavadbhogīndroṭphūtkṛtivyatikaronmṛṣṭāṅgarāgo muhuḥ sarvatopacitaistrilokabhasitairbhūyopalipyeta yaḥ sa svāmī mama daivataṃ taditaro nāmnāpi nāmnāyate sarvaścetanavarga eṣa paśutāmasyānvamene ¹svayaṃ teṣāmeṣa patiḥ prabhurniyamane nirmocane ca svataḥ ### [3.1.4](https://indike.org/pramana/in.lit.kavya.misc.laghukavyani.3.1.4) ityāmnāyagiraḥ stuvanti bahuśaḥ śākhāsu ²sarvāsu yaṃ sa svāmī mama daivataṃ taditaro nāmnāpi nāmnāyate yacchūlaṃ gatasāramityupadade cakraṃ jighṛkṣurharistatkhaṇḍo nihitastu yena danuje tenāpi durnigrahaḥ nirjetuṃ lavaṇaṃ pratīkṣya virahaṃ śaktyābhavatsarvadā sa svāmī mama daivataṃ taditaro nāmnāpi nāmnāyate nāmnā māṃ śrutiragrahīditi surāḥ khyātiṃ labhante parāṃ taṃ vedāhamiti śrutiḥ ¹kathayatītyutsikyate mādhavaḥ tā yahoriṣudhanvamanyuṣu namovākānvahante śataṃ sa svāmī mama daivataṃ taditaro nāmnāpi nāmnāyate sargaśca pratisaṃcaraśca jagatāṃ yatpakṣmaṇī saṃśritau śāstrāṇi śrutayo'pi vā yadadharaspandaṃ pratīkṣyāsate bandho mokṣa iti dvayaṃ tanubhṛtāṃ yasyākṣikroṇe sthitaṃ sa svāmī mama daivataṃ taditaro nāmnāpi nāmnāyate ²śaktyarthaṃ viniveśayāmi parigṛhṇītetyupacchanditāḥ saṃbhūyāpi vayaṃ ³tadarthavahane na smaḥ samarthā iti jagmuḥ prāgamarāḥ śarādividhayā yasya svayaṃ śeṣatāṃ sa svāmī mama daivataṃ taditaro nāmnāpi nāmnāyate yānabdhau vinimajjya mīnavapuṣā śauriścirāyāvahadyasyoddhāraṇameva karma mahatāṃ māhātmyamudghuṣyate yānadyāpi vidhirbibharti vadanaiste yaṃ vahantyāgamāḥ sa svāmī mama daivataṃ taditaro nāmnāpi nāmnāyate jetuṃ trīṇi purāṇi yena sahasārūḍhe dharitrīrathe vedāśveṣu ¹vibhugnajānuṣu vṛṣo bhūtvā prayāsyanhariḥ boḍhuṃ ²taṃ na rathaṃ śaśāka vidhṛtaṃ śeṣātmanāpi svayaṃ sa svāmī mama daivataṃ taditaro nāmnāpi nāmnāyate ambā yadgṛhamedhinī trijagatāṃ śabdāntarāṇyantarā saṃtyajyopapadaṃ vadanti ca janā ekaṃ yameveśvaram ### [3.1.5](https://indike.org/pramana/in.lit.kavya.misc.laghukavyani.3.1.5) muktvā ca pratiyoginaṃ vadati ³yatsūnuṃ kumāraṃ śrutiḥ sa svāmī mama daivataṃ taditaro nāmnāpi nāmnāyate viśvaṃ sṛja badhāna ceti hi parā śaktiryadājñāpitā jñānecchākṛtiśaktiṣu svayamamamaṃ vinyasya sarvaṃbharam āste'nuttarasāramasya paramānandānusaṃdhāyinī sa svāmī mama daivataṃ taditaro nāmnāpi nāmnāyate unmīlaccaturapraviṃśatiśatadvandvātmanā saṃkhyayā nirbhaktairbhuvanaiḥ sanetrubhirabhivyāptaṃ kalāpañcakam yatkoṭyaṃśaparākhyaśaktikaṇikāleśasya leśāyitaṃ sa svāmī mama daivataṃ taditaro nāmnāpi nāmnāyate yasyānandamahārṇavasya kaṇikā yā kāpi vidyānilavyādhūtā śatadhā vibhidya bhuvanaṃ vyāptā śrutīnāṃ gaṇaiḥ brahma tvaṃ tadasīti vāṅmukharairadyāpi cānviṣyate sa svāmī mama daivataṃ taditaro nāmnāpi nāmnāyate śreyaḥ saṃsaratāṃ kimasti paramaṃ nāmāpavargāccanādṛttānāmadhiko na kaścana guṇo'styasmadvidhāṃ gocaraḥ tadyadarpaṇasaṃprasādasulabhaṃ nālaṃ yadīyastutau sa svāmī mama daivataṃ taditaro nāmnāpi nāmnāyate naṣṭe sthāvarajaṅgame śatadhṛtau naṣṭe jagatsraṣṭari vyāpte daityaripau hareṇa viharatyasminmaheśātmanā antarbhāvayituṃ svayaṃ tamapi yasyeme gaṇāḥ sākṣiṇaḥ sa svāmī mama daivataṃ taditaro nāmnāpi nāmnāyate nāśavyāpyamamaṅgalaṃ taditaraṃ māṅgalyamevaṃ sthite naśyaddaivatadhāritairalamalaṃkārairabhavyairiti nityairbhasmabhireva bhūṣayati yaḥ svāṅgaṃ jaganmaṅgalaṃ sa svāmī mama daivataṃ taditaro nāmnāpi nāmnāyate gaṅgāmbhaḥpariśoṣaṇaṃ smaramadocchedo jagaddāha ityādyaṃ nigrahavaiśasaṃ kalayate kaṇṭhāduparyeva yaḥ antaḥ saṃtatamīhate tu śivamākīṭaṃ jaganmātrake ### [3.1.6](https://indike.org/pramana/in.lit.kavya.misc.laghukavyani.3.1.6) sa svāmī mama daivataṃ taditaro nāmnāpi nāmnāyate abhyarcanti yamāmanānti yamanudhyāyanti yaṃ saṃtataṃ gīrvāṇāḥ phaṇino narā iti kimityāścaryamācakṣmahe yo devaḥ svayamityasau śivamamudhyāyañchivatvaṃ gataḥ sa svāmī mama daivataṃ taditaro nāmnāpi nāmnāyate yāsvapsu druhiṇo'janiṣṭa dharaṇī yatrāvatāro harerlilye yatra hutāśane trijagatāṃ mātā videhātmajā tadbhūtatrayamapyabhūccaturaṃ yattejaso dhāraṇe sa svāmī mama daivataṃ taditaro nāmnāpi nāmnāyate yaddharmānucikīrṣayā pravṛvṛte bhikṣvāśramo'nuttamo yaddhāsyavratalāvchanaṃ parimiti khyātā vibhūtiḥ śrutau yatsūktiśravaṇecchayā sukṛtino muñcanti kāśyāmasūnsa svāmī mama daivataṃ taditaro nāmnāpi nāmnāyate yatsārathyapadaśruteḥ śatadhṛterāyuḥ parārdhādhikaṃ śaureryaṃ prati mārgaṇatvamayatò jāgarti lakṣmīḥ sthirā yatpādāśrayiṇaḥ phaṇādharapatervācaḥ prathante parāḥ sa svāmī mama daivataṃ taditaro nāmnāpi nāmnāyate pāramye nigamāgamāḥ paramasaulabhye piśācādayo vāñchādhīnapadārpaṇe sa bhagavānvaiyāghrapādo muniḥ sarvāṃgaḥsahane'ndhakaśca danujo yasya sthitāḥ sākṣiṇaḥ sa svāmī mama daivataṃ taditaro nāmnāpi nāmnāyate sārāḥ śabdakulasya yena nigamā vāhā iti svīkṛtāḥ sārāvadriṣu kārmukaṃ gṛhamiti dvau hemarūpyau hṛtau sāro vāriṣu jāhnavīti vidhṛtā bhaktānukampācchalātsa svāmī mama daivataṃ taditaro nāmnāpi nāmnāyate bhūmirbhrāmyati buddha eva marutaḥ pratyagbhramo'tyadbhuto bhrāmyantyeva sahāśrayeṇa yadi vā jyotīṃṣi sarvāṇyapi āvarto'yamapāṃ bhramaḥ paricitā mūrtirharasyāṣṭamī yā sā'pyappayadīkṣito jayati sā mūrtirnirastabhramā ### [3.1.7](https://indike.org/pramana/in.lit.kavya.misc.laghukavyani.3.1.7) iti śrīnīlakaṇṭhadīkṣitaviracitā śivotkarṣamañjarī saṃpūrṇā śrīḥ vairāgyaśatakam āste kaścana bhikṣuḥ saṃgṛhṇannavyayāni daśa na mametyavyayayugalaṃ yācāmastaṃ kimastyanyat ### [3.2](https://indike.org/pramana/in.lit.kavya.misc.laghukavyani.3.2) dhīsacivaṃ dhairyabalaṃ saṃkalpavirodhi śāntidhanam viśvatrayaviṣayamidaṃ vairāgyaṃ nāma sāmrājyam ### [3.3](https://indike.org/pramana/in.lit.kavya.misc.laghukavyani.3.3) rājño bibhyati lokā rājānaḥ punarito'pi vairibhyaḥ ā brahmaṇaḥ kṛtāntādakutobhayamaspṛhārājyam ### [3.4](https://indike.org/pramana/in.lit.kavya.misc.laghukavyani.3.4) bhikṣāpradā jananyaḥ pitaro guravaḥ kumārakāḥ śiṣyāḥ ekāntaramaṇahetuḥ śāntirdayitā viraktasya ### [3.5](https://indike.org/pramana/in.lit.kavya.misc.laghukavyani.3.5) kimapi na ye ceṣṭante kāryapratikārayorvirahāt santasta eva muktāḥ saṃdehe gautamaḥ sākṣī ### [3.6](https://indike.org/pramana/in.lit.kavya.misc.laghukavyani.3.6) patatu nabhaḥ sphuṭatu mahī calantu girayo milantu vāridhayaḥ adharottaramastu jagatkā hānirvītarāgasya ### [3.7](https://indike.org/pramana/in.lit.kavya.misc.laghukavyani.3.7) ke corāḥ ke piśunāḥ ke ripavaḥ ke ca dāyādāḥ jagadakhilaṃ tasya vaśe yasya vaśe hatamidaṃ cetaḥ ### [3.8](https://indike.org/pramana/in.lit.kavya.misc.laghukavyani.3.8) viṣayā upatiṣṭhantāṃ viṣayairvā samavayantu karaṇāni āntaramekaṃ karaṇaṃ śāntaṃ yadi kā tataścintā ### [3.9](https://indike.org/pramana/in.lit.kavya.misc.laghukavyani.3.9) kiṃ viṣayānparihartuṃ vastavyaṃ merukandareṣvabudhaiḥ na hyadviranāsaṅktuṃ pāṃsuṣu rohanti padmāni ### [3.10](https://indike.org/pramana/in.lit.kavya.misc.laghukavyani.3.10) ajñānamiha nidānaṃ prāmūrpaṃ jananameva bhavaroge paripākaḥ saṃsaraṇaṃ bheṣajyaṃ naiṣṭhikī śāntiḥ ### [3.11](https://indike.org/pramana/in.lit.kavya.misc.laghukavyani.3.11) śveneva bhuktamannaṃ sūkarajātismaro manuṣya iva dūre jugupsamāno dhīro vairāgyamādriyate ### [3.12](https://indike.org/pramana/in.lit.kavya.misc.laghukavyani.3.12) śaiśavamiva kaumāre tattaruṇistrīṣva sa iva vṛddhatve na svadate dhīrāṇāṃ kāmasya viceṣṭitaṃ śāntau ### [3.13](https://indike.org/pramana/in.lit.kavya.misc.laghukavyani.3.13) śataśaḥ parīkṣya viṣayānsadyo jahati kacitkaciddanyāḥ kākā iva vāntāśanamanye tāneva sevante ### [3.14](https://indike.org/pramana/in.lit.kavya.misc.laghukavyani.3.14) caramau mātāpitarau caramā gṛhiṇī sutāścaramāḥ kartavye'tipremaṇi kathamiha dhīrā virajyante ### [3.15](https://indike.org/pramana/in.lit.kavya.misc.laghukavyani.3.15) tṛṇavadbhramanti capalāḥ strīnāmani caṇḍamārute calite dharaṇidharā iva santastatra na kiṃcitprakampante ### [3.16](https://indike.org/pramana/in.lit.kavya.misc.laghukavyani.3.16) kāmijanaparamabhogye kāmasukhe dhārayanti bībhatsām santaḥ śamasukharasikāḥ sudhāśanāḥ sūkarānna iva ### [3.17](https://indike.org/pramana/in.lit.kavya.misc.laghukavyani.3.17) vikṣepamātrabhājo vikāsakāṣṭhāgatajñānāḥ svasyāpi ceṣṭitāni svayamīkṣante parasyeva ### [3.18](https://indike.org/pramana/in.lit.kavya.misc.laghukavyani.3.18) asthāne'bhiniviṣṭānmūrkhāṃstatrāna eva saṃtuṣṭān anuvartante dhīrāḥ pitara iva krīḍato bālān ### [3.19](https://indike.org/pramana/in.lit.kavya.misc.laghukavyani.3.19) puṣṇati puruṣe salilairmuṣṇati puṣpaṃ phalaṃ ca tarava iva vartante santaḥ samamupakartari cāpakartari ca ### [3.21](https://indike.org/pramana/in.lit.kavya.misc.laghukavyani.3.21) nityānityavivekaḥ sarveṣāṃ ghaṭaghaṭatvayorāste sa viveko yaḥ śāntikṛdaviveko'nyaḥ samasto'pi anadhigate kāmasukhe kālena yathā pravartate taruṇaḥ evaṃ brahmasukhe'pi pravartate ko'pi bhāgyavaśāt ### [3.22](https://indike.org/pramana/in.lit.kavya.misc.laghukavyani.3.22) putraguṇāḥ svātantrye dāraguṇāścādhivedanāvasare bhrātṛguṇā dāyavidhau draṣṭavyā mokṣyamāṇene ### [3.23](https://indike.org/pramana/in.lit.kavya.misc.laghukavyani.3.23) kā me gatiriti pṛcchati caramaśvāse'pi yaḥ svārtham tasya janasyāpi kṛte pāpāḥ pāpāni kurvanti ### [3.24](https://indike.org/pramana/in.lit.kavya.misc.laghukavyani.3.24) pitṛbhiḥ kalahāyante putrānadhyāpayanti pitṛbhaktim paradārānupayantaḥ paṭhanti śāstrāṇi dāreṣu ### [3.25](https://indike.org/pramana/in.lit.kavya.misc.laghukavyani.3.25) śāntiralabdhāduparātirapātrabhāvaḥ pratigrahanivṛttiḥ kṣāntirdurbalateti ca nivṛttidharmāḥ kalāvete ### [3.26](https://indike.org/pramana/in.lit.kavya.misc.laghukavyani.3.26) nītijñā niyatijñā vedajñā api bhavanti śāstrajñāḥ brahmajñā api labhyāḥ svājñānajñānino viralāḥ ### [3.27](https://indike.org/pramana/in.lit.kavya.misc.laghukavyani.3.27) kalikaluṣe manasi sve kathamiva jagadārjavaṃ labhatām cakṣurdoṣe jāgrati cāndraṃ dvitvaṃ kuto yātu ### [3.28](https://indike.org/pramana/in.lit.kavya.misc.laghukavyani.3.28) viṣayānanukūlayituṃ viṣayiṇi hṛdaye vidhīyatāṃ yatnaḥ dṛśi deyamauṣadhaṃ ko dṛśye dattvā kṛtī bhavati ### [3.29](https://indike.org/pramana/in.lit.kavya.misc.laghukavyani.3.29) dārāḥ putreṣu ratāḥ putrāḥ pitṛdhanaparigrahavyagrāḥ rodanaśaraṇā jananī paralokagatasya ko bandhuḥ ### [3.30](https://indike.org/pramana/in.lit.kavya.misc.laghukavyani.3.30) paśyanti mriyamāṇānmariṣyato'nubhidrate smaranti mṛtān kathayanti caivamasakṛcceṣṭante nityavattu param ### [3.31](https://indike.org/pramana/in.lit.kavya.misc.laghukavyani.3.31) kalahāyante mūḍhāḥ kaḥ pratibhūḥ śvaḥ prabhāta iti tasyāmeva rajanyāṃ kaḥ pratibhūḥ svasya sattāyām ### [3.32](https://indike.org/pramana/in.lit.kavya.misc.laghukavyani.3.32) āpadamāśiraspadantaḥ kalimalamalīmase vapuṣi viphalaṃ gaṅgājalamapi madyaghaṭe darbhamuṣṭiriva ### [3.35](https://indike.org/pramana/in.lit.kavya.misc.laghukavyani.3.35) daṇḍyaṃ yatsukhahetoḥ puṣṇanti janāḥ kathaṃ tadeva vapuḥ na hi śarkarābhilāṣibhirikṣoḥ kāṇḍāni pūjyante kulyāḥ kṛtā viśālāḥ kuḍyānyupalairnibaddhāni krītā balino mahiṣāḥ kṛtakṛtyāḥ sma iti manyante prāyo muhyati cetaḥ prāṇabhṛtāṃ prāṇanirgamāvasare puṇyena yadi na muhyati putrāneva smaranmriyate ### [3.37](https://indike.org/pramana/in.lit.kavya.misc.laghukavyani.3.37) śamayitumaudaramagniṃ saṃsāre sāgare nimajjanti tuhinavyathānivṛttyai na hi veśmani pāvakau deyaḥ arthānāmadhikānāṃ rājñā coreṇa vā dhruvo nāśaḥ anne khalvatibhukte vamanaṃ vā syādvireko vā ### [3.38](https://indike.org/pramana/in.lit.kavya.misc.laghukavyani.3.38) āhṛtya parityaktā janayantyarthāḥ sukhābhāsam atyantaparityaktāḥ paramānandāya kalpante ### [3.39](https://indike.org/pramana/in.lit.kavya.misc.laghukavyani.3.39) praṇamati parisāntvayati pralapati yācati paribhramati āviṣṭa iva piśācyā puruṣastṛṣṇāvaśaṃ yātaḥ ### [3.40](https://indike.org/pramana/in.lit.kavya.misc.laghukavyani.3.40) jananādṛṣṭātpitarau putrā jāmātaro vyayādṛṣṭāt kalahādṛṣṭājjñātaya iti nirṇīte kimeṣṭavyam ### [3.41](https://indike.org/pramana/in.lit.kavya.misc.laghukavyani.3.41) svapituḥ paralokāya svayamanudivasaṃ yadācarati kriyatāmidamupamānaṃ kiṃ nālaṃ pumnairāgye ### [3.42](https://indike.org/pramana/in.lit.kavya.misc.laghukavyani.3.42) ananugate dāridrye kimanugataṃ lakṣaṇaṃ dṛṣṭam kāmasyā paripūtau kṛpaṇaṃ jagadā caturvadanāt ### [3.43](https://indike.org/pramana/in.lit.kavya.misc.laghukavyani.3.43) na khalu dhanatvaṃ jātiryasya yadiṣṭaṃ tadeva tasya dhanam tattadiva rāmarāṇāmākiṃcanyaṃ dhanaṃ viduṣām ### [3.45](https://indike.org/pramana/in.lit.kavya.misc.laghukavyani.3.45) svīkriyate yadi tṛṣṇā svīkartavyaṃ jagatsamastamapi svīkriyate yadi śāntiḥ svātmāpi svasya bhavati na vā yadvātāraṃ vaśayati yatparijanamasya sāntvayati yadapatrapate nāntarbhāvī lābhaḥ sa kasya samaḥ ### [3.46](https://indike.org/pramana/in.lit.kavya.misc.laghukavyani.3.46) prādeśamātramudaraṃ paripūrayituṃ kiyānayaṃ yatnaḥ culakenāmbhaḥ pātuṃ khanitavyaḥ kiṃ taḍāgo'pi ### [3.47](https://indike.org/pramana/in.lit.kavya.misc.laghukavyani.3.47) yāmārthamasaṃskārādyāmadvayamanaśanācca suvyaktai śārīre saundarye'bhiniviśante kiyanmūḍhāḥ ### [3.49](https://indike.org/pramana/in.lit.kavya.misc.laghukavyani.3.49) vandhyetyāhustaruṇīṃ jaratīti parityajanti bahuputrām api nindantyalpasutāṃ kā gṛhiṇī kāmināṃ hṛdyā yānti śucamakṛtadārā dve bhārye neti kṛtadārāḥ te paradārā neti strībhistṛptānna paśyāmaḥ ### [3.50](https://indike.org/pramana/in.lit.kavya.misc.laghukavyani.3.50) madanasyājñākaraṇe manye jagadakhilamekarūpamidam tiryañca iti narā iti devā ityanyato bhedaḥ ### [3.52](https://indike.org/pramana/in.lit.kavya.misc.laghukavyani.3.52) śuklavimokasthānaṃ malamūtratyāgadeśavatkimapi striya iti vidhinā vihitaṃ kiyadatra janā nimajjanti vedānadhītya vidhivanmīmāṃsitvā tadarthaṃ ca dārāḥ kartavyā iti kenedaṃ prahasanaṃ kathitam ### [3.53](https://indike.org/pramana/in.lit.kavya.misc.laghukavyani.3.53) duḥkhenopār‍jyante pālyante pratyahaṃ ca lālyante vāmāḥ striyo vimūḍhairupabhuñjānāḥ sukhaṃ dviguṇam ### [3.54](https://indike.org/pramana/in.lit.kavya.misc.laghukavyani.3.54) aśnīta pibata khādata jāgṛta saṃviśata calata tiṣṭhata vā sakṛdapi cintayatāntaḥ sāvadhiko dehabandha iti ### [3.55](https://indike.org/pramana/in.lit.kavya.misc.laghukavyani.3.55) kiṃ vijitayā pṛthivyā kiṃ kāñcanabhūbhṛtā karasthena kiṃ divyābhiḥ strībhirbhartavye brahmaṇā likhite ### [3.56](https://indike.org/pramana/in.lit.kavya.misc.laghukavyani.3.56) jīvati katicinnimiṣānkaticitteṣu śrutīradhīta iva tāvatyevākulayati tantrāṇi navāni cātanute ### [3.57](https://indike.org/pramana/in.lit.kavya.misc.laghukavyani.3.57) svalpo jīvanakālaḥ svalpā dhīḥ paricayaḥ svalpaḥ tadapi tarema kathaṃcicchrutayo yadi nopajāyante ### [3.58](https://indike.org/pramana/in.lit.kavya.misc.laghukavyani.3.58) kuta āgataṃ na jāne ka nu vā gantavyamidamapi na jāne saṃcarasi kedānīṃ saṃsārapathe mahātamasi ### [3.59](https://indike.org/pramana/in.lit.kavya.misc.laghukavyani.3.59) tamasāvṛtāścarantaḥ savidhe dūre ca nāvayantyarthān avayanti tu vispaṣṭaṃ taḍiti śirasyabhihate mūḍhāḥ ### [3.60](https://indike.org/pramana/in.lit.kavya.misc.laghukavyani.3.60) nimiṣantyatra taruṇyastatra taruṇyo na nimiṣanti īdṛkṣo hi viśeṣaḥ svargaḥ svarga iti kiṃ tatra ### [3.61](https://indike.org/pramana/in.lit.kavya.misc.laghukavyani.3.61) kopo maitrāvaruṇeḥ śāpo vā tārkṣyasya muneḥ saṃsmaryeta yadi sakṛcchakro'pi māstu śakrapadam ### [3.62](https://indike.org/pramana/in.lit.kavya.misc.laghukavyani.3.62) gacchatvamarāvatyāṃ gacchatu caturānanasya vā nagare punarāgantavyaṃ yadi puṃsā kiṃ sādhitaṃ bhavati ### [3.63](https://indike.org/pramana/in.lit.kavya.misc.laghukavyani.3.63) bhuktā bahavo dārā labdhāḥ putrāśca pautrāśca nītaṃ śatamapyāyuḥ satyaṃ vada marttumāsta manaḥ ### [3.64](https://indike.org/pramana/in.lit.kavya.misc.laghukavyani.3.64) viśleṣaṇasvabhāvānviṣayānpaśyankaroti ko mamatām naśyadavasthāpannaṃ kaḥ krīṇīte dhanairaśvam ### [3.65](https://indike.org/pramana/in.lit.kavya.misc.laghukavyani.3.65) annābhāve mṛtyuḥ śālibhirannāni śālayo vṛṣṭyā vṛṣṭistapaseti vadannamṛtyave tattapaścaratu ### [3.66](https://indike.org/pramana/in.lit.kavya.misc.laghukavyani.3.66) kiṃ na nigṛhṇanti manaḥ kiṃ na bhajante janāḥ śivaṃ śaraṇam abhisaṃdhibhedamātrānmokṣopāye na badhyante ### [3.67](https://indike.org/pramana/in.lit.kavya.misc.laghukavyani.3.67) bhogāya pāmarāṇāṃ yogāya vivekināṃ śarīramidam bhogāya ca yogāya ca na kalpate durvidagdhānām ### [3.68](https://indike.org/pramana/in.lit.kavya.misc.laghukavyani.3.68) brāhmaṇacaṇḍālā ityāha manuryanmahāpathikān bhavamārgamahāpathikānadhikṛtyaiva pravṛttaṃ tat ### [3.69](https://indike.org/pramana/in.lit.kavya.misc.laghukavyani.3.69) ekadvāḥ kṣitipatiṣu dvitrā deveṣu pañcaṣā druhiṇe etāvanto jagati brahmānandārṇavasya kaṇāḥ ### [3.70](https://indike.org/pramana/in.lit.kavya.misc.laghukavyani.3.70) ajñānenāpihite vijñāne karma kiṃ kurute vikale cakṣuṣi tamasā vyādāya mukhaṃ kimīkṣeta ### [3.72](https://indike.org/pramana/in.lit.kavya.misc.laghukavyani.3.72) atikaluṣamāśunāśvaramāpātasphuraṇamanabhilāpakaram api hṛṣyanti janāḥ kathamavalambya jñānakhadyotam prayutaṃ niyutaṃ vāpi pradiśanti prākṛtāya bhogāya krīṇanti na bilvadalaiḥ kaivalyaṃ pañcaṣairmūḍhāḥ ### [3.73](https://indike.org/pramana/in.lit.kavya.misc.laghukavyani.3.73) yāvatkila ceṣṭante tāvatpāśe nibadhyate granthiḥ nibhṛtaṃ yadi vartante kālena saṃsrate pāśaḥ ### [3.75](https://indike.org/pramana/in.lit.kavya.misc.laghukavyani.3.75) uparundhanti śvāsānmunayo nāśnanti na pibanti stūyante kiṃ munayaḥ kaṇṭhe kurvanti kanakapāśamime kāmaṃ janāḥ smayante kailāsavimalavarṇanāvasare sādhanakathanāvasare sācīkurvanti vaktrāṇi ### [3.77](https://indike.org/pramana/in.lit.kavya.misc.laghukavyani.3.77) vaṅgāḥ kathamaṅgāḥ kathamityanuyuṅkte vṛthā deśān kīdṛkkṛtāntapuramivi ko'pi na jijñāsate lokaḥ tyaktavyo mamakārastyaktuṃ yadi śakyate nāsau kartavyo mamakāraḥ kiṃ tu sa sarvatra kartavyaḥ ### [3.78](https://indike.org/pramana/in.lit.kavya.misc.laghukavyani.3.78) putrā iti dārā iti poṣyānmūrkho bahirjanānbrūte andhe tamasi nimajjannātmā poṣya iti nāvauti ### [3.79](https://indike.org/pramana/in.lit.kavya.misc.laghukavyani.3.79) yaccintitamadhigarbhaṃ yacca ciraṃ cintitaṃ narake viṣayānilasaṃsargānnimamṛje tatsarvamekapade ### [3.80](https://indike.org/pramana/in.lit.kavya.misc.laghukavyani.3.80) bāhyagatāgataśīlā prāṇasya śvāsalakṣaṇā vṛttiḥ karṣati manaso vṛttiṃ kulaṭeva kulastriyaṃ mugdhām ### [3.82](https://indike.org/pramana/in.lit.kavya.misc.laghukavyani.3.82) atigambhīramanāvilamakṣobhyamadṛṣṭapāramavilaṅghyam aviralataraṅgasaṃkulamaiśriṣi vijñānasāgaraṃ mahatām ghoraṃ bhavamapahātuṃ katicidaghoraṃ bhavaṃ prapadyante saṃsaraṇakātarāṇāṃ saṃsaraṇaṃ śāṃbhavī bhaktiḥ ### [3.83](https://indike.org/pramana/in.lit.kavya.misc.laghukavyani.3.83) pāśo yadi moktavyaḥ paśupatirevopasattavyaḥ¹ na khalu vyatimucyante paśavaḥ pāśena saṃbaddhāḥ ### [3.84](https://indike.org/pramana/in.lit.kavya.misc.laghukavyani.3.84) alamalamanubhūtābhirmātṛbhiralamastu pitṛbhiśca bhavitavyaṃ yadi nityavadarthaṃ mātuḥ pituścāstu ### [3.85](https://indike.org/pramana/in.lit.kavya.misc.laghukavyani.3.85) dhanyāste bahudevāḥ svāmini yeṣāṃ na durbhikṣam jātu na jānīmo vayamekamapi svāminaṃ pūrṇam ### [3.86](https://indike.org/pramana/in.lit.kavya.misc.laghukavyani.3.86) sanrtu bṛhanto devāḥ kiṃ tu na tānnantumīhate cetaḥ āḍhyavadānyanyāyādantakajitameva cintayate ### [3.87](https://indike.org/pramana/in.lit.kavya.misc.laghukavyani.3.87) niṣpāyāsi viṣayasukhaṃ na dhyāyāsi viṣamamasya paripākam bandhuṃ tameva cintaya bandhuṃ moktuṃ ca yaḥ kṣamate ### [3.88](https://indike.org/pramana/in.lit.kavya.misc.laghukavyani.3.88) sadanaṃ gurūpasadanaṃ caraṇaṃ pañcākṣarīpuraścaraṇam dhanamabhilāṣanirodhanamatyāśramavartināṃ puṃsām ### [3.89](https://indike.org/pramana/in.lit.kavya.misc.laghukavyani.3.89) sa vidhiryatte vidadhati sa pratiṣedho yato nivartante sopaniṣadyadvruvate śaivāśramavartino dhīrāḥ ### [3.90](https://indike.org/pramana/in.lit.kavya.misc.laghukavyani.3.90) kau pitarau yau jagatāṃ kaḥ svāmī yaḥ prapañcasya pratyastamite bhede tatkimidaṃ kimiti kaḥ praśnaḥ ### [3.91](https://indike.org/pramana/in.lit.kavya.misc.laghukavyani.3.91) tyaja saṃsāramasāraṃ bhaja śaraṇaṃ pārvatoramaṇam viśvasihi śrutiśikharaṃ viśvamidaṃ tava nideśakaram ### [3.92](https://indike.org/pramana/in.lit.kavya.misc.laghukavyani.3.92) bhavyamabhavyaṃ vā naḥ pralikhatu vedhāḥ sudurmedhāḥ savyamasavyaṃ vā naścaraṇaṃ śaraṇaṃ maheśasya ### [3.93](https://indike.org/pramana/in.lit.kavya.misc.laghukavyani.3.93) vedhāḥ kathaṃ hariḥ kathamiti tu praśne vayaṃ mūkāḥ śivamekaṃ jānīmastasmādanyaṃ na jānīmaḥ ### [3.94](https://indike.org/pramana/in.lit.kavya.misc.laghukavyani.3.94) dāruṇamasipatravanaṃ dāruṇatamamandhatāmisram kā vā tataḥ kṣatirnaḥ śaivā vayamā caturvadanāt ### [3.95](https://indike.org/pramana/in.lit.kavya.misc.laghukavyani.3.95) kṛtadīkṣo ghoramakhe kulakūṭastho bharadvājaḥ viśveśvareṣu kaścana pitāmaho na iti visrambhaḥ ### [3.96](https://indike.org/pramana/in.lit.kavya.misc.laghukavyani.3.96) kalahaḥ kadā'pi māstviti kalitaśarīraikyayoḥ śivayoḥ ahamasmyahamasmīti prāptaḥ kalaho mama trāṇe ### [3.97](https://indike.org/pramana/in.lit.kavya.misc.laghukavyani.3.97) narakāyāpi na bhogānnarādhamāyāpi nānyasurān manyante katicidamī māheśvaramāśritā yogam ### [3.98](https://indike.org/pramana/in.lit.kavya.misc.laghukavyani.3.98) jñātuṃ hātuṃ viṣayaṃ śrotuṃ mantuṃ grahītumātmānam vatsā yadi na ghaṭadhve tatsādhayatāvimuktāya ### [3.99](https://indike.org/pramana/in.lit.kavya.misc.laghukavyani.3.99) sāṃkhyaṃ yogo niyamā bhaktiḥ karma prapattiriti ekatra sakalametatkevalamavimuktamekatra ### [3.100](https://indike.org/pramana/in.lit.kavya.misc.laghukavyani.3.100) baddhaḥ kaste vakṣyati mukto muktiṃ na jānāti yāsyasi cedavimuktaṃ jñāsyasi viśveśvarasya mukhāt ### [3.101](https://indike.org/pramana/in.lit.kavya.misc.laghukavyani.3.101) na gṛhītaṃ śrutihṛdayaṃ na ca nigṛhītaṃ pariplavaṃ hṛdayam icchāmi ca dhāma paraṃ gacchāmi ca viśvanāthapuram ## Linked texts (1) - [Vairāgyaśataka (Appayya Dīkṣita)](https://indike.org/pramana/in.lit.subhasita.gnomic.vairagya.vairagyasataka-appayya.1) — Appayya Dīkṣita 1550, Sanskrit --- Source: [https://indike.org/pramana/in.lit.kavya.misc.laghukavyani.3](https://indike.org/pramana/in.lit.kavya.misc.laghukavyani.3) · Pramāṇa