[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Poetry (mahākāvya, lyric, messenger poems, stotra, Prakrit kāvya)](https://indike.org/pramana/in.lit.kavya) › [Miscellaneous short works](https://indike.org/pramana/in.lit.kavya.misc) › [Laghukavyani](https://indike.org/pramana/in.lit.kavya.misc.laghukavyani) › 4 # Laghukavyani 4 Laghukāvyāni 4 - **Language:** Sanskrit ### [4.1](https://indike.org/pramana/in.lit.kavya.misc.laghukavyani.4.1) iti śrīnīlakaṇṭhadīkṣitaviracitaṃ vairāgyaśatakaṃ saṃpūrṇam śrīḥ śāntivilāsaḥ vaṃśe kasminnajaniṣi kayoḥ putratāmagrahīṣaṃ katyaśrauṣaṃ tadapi katidhā tacca sadmyaḥ katibhyaḥ kiṃ nādrākṣaṃ vyasanamapi vā kiṃ sukhaṃ nānvabhūvaṃ nopāraṃsīttadapi hṛdayaṃ kīdṛśo me vipākaḥ ### [4.2](https://indike.org/pramana/in.lit.kavya.misc.laghukavyani.4.2) pādau me staḥ paramacaturau kīkaṭāneva gantuṃ vāgapyāste nibhṛtamanṛtānyeva vaktuṃ vacāṃsi mīmāṃsante mama ca matayo doṣadṛṣṭau pareṣāṃ paṅgurmūkaḥ paśurapi bhavāmyātmanīne tu kṛtya ### [4.3](https://indike.org/pramana/in.lit.kavya.misc.laghukavyani.4.3) yāmārāddhuṃ na gaṇitamidaṃ jīvitaṃ vā dhanaṃ vā yasyāḥ prītirmanasi kalitā jyāyasī mokṣato'pi saivedānīṃ vayasi galite saṃprahīṇe ca vitte tṛṇāyāpi tripurahara māṃ manyate naiva bhāryā ### [4.4](https://indike.org/pramana/in.lit.kavya.misc.laghukavyani.4.4) kṛtvā pāpānyāpa khalu mayā poṣitāḥ śaiśave ye nidrāhārāvapi vijahatā śikṣitā ye kalāsu prādurbhūtāḥ svayamiva hi te prāktanādṛṣṭalabdhaprajñonmeṣā iva ca tanayā na smarantyātmano'pi ### [4.5](https://indike.org/pramana/in.lit.kavya.misc.laghukavyani.4.5) dārāḥ putrāḥ paramasuhṛdo bāndhavāḥ kiṃkarā vā svapnāvasthāsvapi ca virahaṃ ye mayā na kṣamante ¹atyāsanne tapanatanayasyājñayā dūtavarge teṣveko'pi smarahara na me gantumanvasti jantuḥ ### [4.6](https://indike.org/pramana/in.lit.kavya.misc.laghukavyani.4.6) rājño bhṛtyā yadi paricitā deśikasyaiṣa lābho rājadvāre yadi khalu gataṃ naimiśe tatpraviṣṭam rājā dṛṣṭo'tha ca yadi paraṃ brahma sākṣātkṛtaṃ tat tyakto deho yadi nṛpakule mādṛśāṃ so'pavargaḥ ### [4.7](https://indike.org/pramana/in.lit.kavya.misc.laghukavyani.4.7) yattarthīnāmaṭanamatha yatpūjanaṃ devatānāmiṣṭāpūrtavyasanamapi yadyacca dākṣyaṃ kalāsu arthaprāptyaupayikamakhilaṃ jāyate mādṛśāṃ tat te cāpyarthā dharaṇibharaṇā bhūmibhṛtsānkṛtā vā ### [4.8](https://indike.org/pramana/in.lit.kavya.misc.laghukavyani.4.8) o kaumārādgurucaraṇaśuśrūṣayā brahmavidyāsvādhyāyābhyāmahaha mahatīmarjitaṃ kauśalaṃ yat nidrāhatorniśi niśi kathāḥ śṛṇvatāṃ pārthivānāṃ kālakṣepaupayikamidamapyāḥ kathaṃ paryaṇasīt ### [4.9](https://indike.org/pramana/in.lit.kavya.misc.laghukavyani.4.9) chāyā toyaṃ vasanamaśanaṃ vāhanaṃ dīpikā vā kretuṃ yasminna kala sulabhaṃ kiṃcidapyeṣu martyaiḥ tasmindūre pathi tanubhṛtāṃ sarvathaivābhigamye prasthānārhaṃ kamapi tu vidhiṃ ghasmarā na smarāmaḥ ### [4.10](https://indike.org/pramana/in.lit.kavya.misc.laghukavyani.4.10) ākarṇyante tapanatanayagrāmasaṃlāpaghoṣā mandaṃ mandaṃ hasati nihitaḥ kālapāśo'pi kaṇṭhe āpṛcchyante kṛtajigamiṣāraṃbhramāḥ prāṇavātā naivedānīmapi viṣayavaimukhyamabhyeti cetaḥ ### [4.11](https://indike.org/pramana/in.lit.kavya.misc.laghukavyani.4.11) cakṣuṣyandhe calati daśane śmaśrūṇi śvetamāne mīdatyaṅge manasi kaluṣe kampamāne karāgre dūtairetairdinakarabhuvaḥ śaśvadudbodhyamānāskhātuṃ dehaṃ tadapi bhiṣajāmeva sāntvaṃ vadāmaḥ ### [4.12](https://indike.org/pramana/in.lit.kavya.misc.laghukavyani.4.12) śānto barhirjaṭharapiṭhare saṃsthitā kāmavārtā dhāvaṃ dhāvaṃ diśi diśi śanairindriyāśvā nipetuḥ evaṃ daivāduparamamagādeṣa me vairivargaścetastvekaṃ na vaśayate kiṃ karomi kva yāmi ### [4.13](https://indike.org/pramana/in.lit.kavya.misc.laghukavyani.4.13) nānopāyairdiśi diśi dhanānyarjayitvā vyayitvā samyaksaṃpāditamidamaho sthaulyamekaṃ śarīre śrutvā śrutvā bahujanamukhādāyuṣaitāvatāpi prāptaṃ darśāvadhitimiravadgāḍhamajñānamekam ### [4.14](https://indike.org/pramana/in.lit.kavya.misc.laghukavyani.4.14) avekṣante māṃ kvacana śayitaṃ kiṃkarā daṇḍapāṇerīkṣantāṃ vā tadapi mayi kiṃ kuryuṃruddāmavṛtte kuryuḥ kiṃcitprasabhamapi vā ghātayiṣyāmi rāṅketyanvagdheyaṃ paramiha bahannantakaṃ na smarāmi ### [4.15](https://indike.org/pramana/in.lit.kavya.misc.laghukavyani.4.15) vedā vā syurvitathavacanā vismaredīśvaro vā dharmādharmasthitiviracanāmantako vā mṛṣā syāt nityo vā syāmahamiti bahūnullikhantaḥ samādhīnmedovṛddhyā muditamanasaḥ sarvato nirvṛtāḥ smaḥ ### [4.16](https://indike.org/pramana/in.lit.kavya.misc.laghukavyani.4.16) yāme yāme galati vapuṣaḥ saṃsate saṃdhivandhaḥ śvāse śvāse'pi ca vicakṣane kṣīyate dīrghamāyuḥ bhukte bhukte'pi ca sukhalave lupyate puṇyarāśiḥ kṛtye kṛtye niravadhi punarbardhate pātakaṃ naḥ ### [4.17](https://indike.org/pramana/in.lit.kavya.misc.laghukavyani.4.17) gantavyo'dhvā sakalabhuvanasnānasaṃpātabhūmirgatvā dṛśyastribhuvanajanāyuṣkaḷāntaḥ kṛtāntaḥ dṛṣṭvā labhyā nirayajanitā yātanā naikabhedā vismṛtyuedaṃ nikhilamapi tu vyarthamāyurnayāmaḥ ### [4.18](https://indike.org/pramana/in.lit.kavya.misc.laghukavyani.4.18) kāle kāle na kimupanataṃ bhuñjate bhojyajātaṃ gṛhṇantyambho na kimadha na kiṃ saṃviśanti kṣapāsu puṣṇanti svāśna kimu pṛthukānstrīṣu kiṃ no ramante kṛtyākṛtyavyapagatadhiyāṃ kastiraścāṃ ca bhedaḥ ### [4.19](https://indike.org/pramana/in.lit.kavya.misc.laghukavyani.4.19) kṛcchrālabdhaṃ dhanamapi śatāṃśādhikaprāptilobhātpatre kiṃcillikhitamupalakṣyaiva sarvaṃ tyajāmaḥ śāstraiḥ siddhe bahuśataguṇādhikyalābhe paratra vyarthāśaṅkākaluṣamanaso notsṛjāmo'rthaleśam ### [4.20](https://indike.org/pramana/in.lit.kavya.misc.laghukavyani.4.20) jīrṇe rugṇe vikaḷakaraṇe śatrubhirvā gṛhīte khasminko'rtho bhavati sukhadaḥ kaśca kāmaprasaṅgaḥ mā bhūdetatsakalamathavā khāyuṣaḥ kiṃ pramāṇaṃ niścityaivaṃ duritanicayaścīyate nirviśaṅkaiḥ ### [4.21](https://indike.org/pramana/in.lit.kavya.misc.laghukavyani.4.21) āyāntyagre nanu tanubhavā utmarṇā iveme śayyālagnāḥ phaṇabhṛta ivābhānti dārā idānīm kārāgehapratimamadhunā mandiraṃ dṛśyate me tatra sthātuṃ prasajati mano na kṣaṇaṃ na kṣaṇārdham ### [4.22](https://indike.org/pramana/in.lit.kavya.misc.laghukavyani.4.22) jātaṃ jātaṃ gatamapi gataṃ bālyato laulyato vā netaḥ stheyaṃ kṣaṇamapi gṛhe muñcataḥ ko muhūrtaḥ ityatyantavyavasitadhiyo niḥsaranto'pi gehādāvartante jhaṭiti rudatāṃ sāntvahetoḥ śiśūnām ### [4.23](https://indike.org/pramana/in.lit.kavya.misc.laghukavyani.4.23) naiva brūmo vayamatithayo'bhyāgatā bandhuvargā dīnānāthāḥ suhṛda iti ye teṣu kāryā dayeti yaṃ tvaṃ poṣyaṃ manasi kuruṣe nityamātmānamekaṃ janmanyasminnatha bibhṛhi taṃ sarvahetyullapāmaḥ ### [4.24](https://indike.org/pramana/in.lit.kavya.misc.laghukavyani.4.24) ko nu vyāsaḥ ka iva sa manuḥ ko nvasau yājñavalkyo yairudbuddhaṃ hitamasakṛdasmāsu pitreva putre paśyāmastābhirupadhikṛpāsāgarām̐llokabandhūnpaśyāmo'smāniravadhitamaḥkṣmādharānbrahmavandhūn ### [4.25](https://indike.org/pramana/in.lit.kavya.misc.laghukavyani.4.25) yattāmisre narakakuhare yadvahiñcakravālādyatpātāle yadapi dharaṇī vārṣikīṣu kṣapāsu rūḍhaṃ gāḍhaṃ tama iti samastaṃ ca tañcintyamānaṃ nāsmākrāntaḥkaraṇatamaso dāsabhāve'pi yogyam ### [4.26](https://indike.org/pramana/in.lit.kavya.misc.laghukavyani.4.26) sarvānarthaprathamakaraṇe sarvabhāvairjihāsye dehe moho yadi pariṇataḥ poṣaṇīyo mayeti āstāmevaṃ vapuridamiyāgāmi cāsmākamevetyeṣāpyāstāṃ matiriti paraṃ dharmaśāstreṣu ghīṣaḥ ### [4.27](https://indike.org/pramana/in.lit.kavya.misc.laghukavyani.4.27) kāmī kāmavraṇaparigataḥ kāminīreva hitvā bhuṅkte paścādapagatabhayaṃ kāminīnāṃ sahasram itthaṃkāraṃ viṣayasukhabhogaikatānairnarairapyasminddehe katipayadinānyeṣa bhogo vivarjyaḥ ### [4.28](https://indike.org/pramana/in.lit.kavya.misc.laghukavyani.4.28) nyāyyādarthādapi kimadhikaṃ labhyamunmārgavṛttyā vaidhādannādapi kimadhikaṃ paryudāseṣu bhojyam bhāryābhogādapi bhavati kaḥ paṇyakāntāsu bhogaḥ dhātro neti śrutiviṣamatā bimbamādhuryahetuḥ ### [4.29](https://indike.org/pramana/in.lit.kavya.misc.laghukavyani.4.29) āstikyaṃ cedbhavamakhilamapyarthisātkartumarhaṃ nāstikyaṃ cettadapi sutarāṃ bhogahetorapāstam aspṛṣṭvāpi svavacanirahaḥ sthāpyate yattadantastasminhetuḥ ka iti nibhṛtaṃ tarkayāmo na vidmaḥ ### [4.30](https://indike.org/pramana/in.lit.kavya.misc.laghukavyani.4.30) śvānaḥ pucchāñcalakāṃṭalatāṃ sūkarāḥ kīśā dantaprakaṭanavidhiṃ gardabhā rūkṣaghoṣam martyā vakṣaḥśvayathumapi ca strīṣu dṛṣṭvā ramante tatsaundarya kimiva phalitaṃ tattadajñānato'nyat ### [4.31](https://indike.org/pramana/in.lit.kavya.misc.laghukavyani.4.31) rantuṃ prāpto daśati daśanairānanaṃ cetpriyāyā bhoktuṃ prāptaḥ kimiti na daśedagradantaṃ pradātuḥ itthaṃ vyakte hṛdayajatuṣaḥ pāmaronmādakatve hātuṃ sadyaḥ prabhavati na ko'pyantato lajjituṃ vā ### [4.32](https://indike.org/pramana/in.lit.kavya.misc.laghukavyani.4.32) dārāḥ putrāḥ śayanasadanaṃ bhūṣaṇacchādane vā yadyehakṣaṃ pumabhilaṣitaṃ teṣu māśandikaḥ kaḥ tarki sveteṣāṃ bhavati niyamaḥ sevane ko'pi ko'pi hṛṣyatsisrapi yadi bhavettatra vaktā kṛtāntaḥ ### [4.33](https://indike.org/pramana/in.lit.kavya.misc.laghukavyani.4.33) vedābhyāsavyasanarasikaiḥ khīyate tāvatā kiṃ sūkṣmā buddhiḥ śrutamiva virūtyaśrutaṃ tāvatā kim jalpārambhe jayati niyataṃ vādinastāvatā kiṃ nirvedātaṃ na yadi hṛdayaṃ śāntimabhyeti puṃsaḥ ### [4.34](https://indike.org/pramana/in.lit.kavya.misc.laghukavyani.4.34) yastvatyantavyavasitamatiḥ saṃjighṛkṣetta dharmaṃ khaṭvāṅgāderiva na kimaruṃ tasya yāmārdhamāyuḥ duṣpāṇḍityādapahṛtamatiryaḥ punaḥ saṃśayātmā kasmai tasya prabhavatu vṛthā kākavaddīrghamāyuḥ ### [4.35](https://indike.org/pramana/in.lit.kavya.misc.laghukavyani.4.35) arthā na syuryadi vijahimo dharmamarthakasādhyaṃ kāyakleśaiḥ katikatividhaḥ sādhanīyo na dharmaḥ kāyaḥ śrānto yadi bhavati kastāvatā dharmalopaścittaṃ dattvā sakṛdapi śive cintitaṃ sādhayāmaḥ ### [4.17-2](https://indike.org/pramana/in.lit.kavya.misc.laghukavyani.4.17-2) svenaivoktaṃ nigamavacasā bodhanīyāstu jīvā jīvairaivetyapi ca munibhiḥ kāritaṃ dharmaśāstram utpaśyantu svayamiti bhavo dāruṇaścāhyate'sāvadyāpi smo yadi khalu jaḍāḥ kiṃ vidhattāṃ śivo'pi yenācāntāḥ salilanidhayo yena sṛṣṭā pratidyauḥ śastrāṇyastrāṇyapi kavalitānyekayā yasya yaṣṭyā kastādṛkṣaḥ prabhavatu jano devabhūdevavarge kālaḥ kīṭāniva kavalayāmāsa tānapyayatnam ### [4.18-2](https://indike.org/pramana/in.lit.kavya.misc.laghukavyani.4.18-2) kāyasthairyaṃ karaṇapaṭutāṃ bandhusaṃpattimarthaṃ cāturyaṃ vā kimiva hi balaṃ bibhrato nirbharāḥ smaḥ antyaḥ śvāsaḥ kimayamathavopāntya ityāmṛśanto vismṛtyeśaṃ nimiṣamapi kiṃ vartituṃ pārayāmaḥ ### [4.19-2](https://indike.org/pramana/in.lit.kavya.misc.laghukavyani.4.19-2) abhyasyādau śrutimatha gṛhaṃ prāpya labdhvā mahārthāniṣṭvā yajñairjanitatanayaḥ pravrajedāyuṣo'nte ityācaṣṭe ya iha sa manuryājñavalkyo'pi vā me tāvatkālaṃ pratibhavati cedāyuṣastatpramāṇam ### [4.40](https://indike.org/pramana/in.lit.kavya.misc.laghukavyani.4.40) annaṃ dhānyaṃ vasu vasumatītyuttareṇottareṇa vyākṛṣyante paramakapaṇāḥ pāmarā yadvadittham bhūmiḥ khaṃ dyaurduhiṇagṛhamityuttareṇottareṇa vyāmuhyante vimalamatayo'pyasthireṇaiva dhāmnā ### [4.41](https://indike.org/pramana/in.lit.kavya.misc.laghukavyani.4.41) prāyaścittaṃ sakṛdupannate vā pramādātkṛte vā bhūyo bhūyo'pyavahitataraiḥ sādhite kaḥ samādhiḥ kāruṇyābdhiryadi puraharaḥ satsu kāmaṃ dayeta bhraṣṭe mādṛśyāpi sa dayate cetkṣato dharmasetuḥ ### [4.42](https://indike.org/pramana/in.lit.kavya.misc.laghukavyani.4.42) sādhyā śaṃbhoḥ kathamapi dayetyapyasādhyopadeśaḥ kopaṃ tasya prathamamapanudyaiva sādhyaḥ prasādaḥ kopo varṇāśramanigamitācāranilaṅghanotthaḥ śānti neyaḥ sa kathamadhunāpyavyavasthāmavṛtteḥ ### [4.43](https://indike.org/pramana/in.lit.kavya.misc.laghukavyani.4.43) iṣṭāpūrtairnigamapaṭhanaiḥ kṛcchracāndrāyaṇādyaiḥ svāminnanyairapi tava manaḥ kāmamāvarjayeyam madhye madhye yadi na nipatetkarmaṇāṃ coditānāṃ jñānaṃ śraddhetyubhayamapi no jātivairrgaleṣa ### [4.44](https://indike.org/pramana/in.lit.kavya.misc.laghukavyani.4.44) nirmaryādaḥ paramacapalo niḥsamājñānarāśimoho'ndhaḥ ka iti bhuvane mārgaṇīyaṃ tvayaiva īdṛkṣe'pi kvacidiha dayeyeti kautūhalaṃ cetsvāminviśveśvara tava bhavaṃ nistareyaṃ tadāham ### [4.45](https://indike.org/pramana/in.lit.kavya.misc.laghukavyani.4.45) pañcāttaptāḥ kathamapi vidheḥ kiṃkarībhūya kurmaḥ sevāṃ śaṃbhoriti ca niyamaṃ vāpi saṃkalpayāmaḥ āyuḥ kiṃ me kimiha karaṇaṃ dustare saṃkaṭe'sminsvāmingaurīramaṇa śaraṇaṃ nastvameva tvameva ### [4.46](https://indike.org/pramana/in.lit.kavya.misc.laghukavyani.4.46) samyaṅmuktāstimirapi malaiścidvikāsaikarūpāstvanniṣyānapravaṇamanasaḥ sūrayastvatpure ye teṣāṃ saṃdarśayitumaparijñātapūrvaṃ kadācijjñāṃtuṃ mugdhaṃ śiva nayasi kiṃ viśvapāraṃ puraṃ mām ### [4.47](https://indike.org/pramana/in.lit.kavya.misc.laghukavyani.4.47) diṣṭyā labdhaṃ dvijavarakule janma tatrāpi diṣṭyā dharmādharmasthitiravagateva prasādādgurūṇām janmanyasminnapi yadi na me saṃbhavedāstikatvaṃ nistāraḥ kiṃ niravabhavanātsarvamokṣe'pi labhyaḥ ### [4.48](https://indike.org/pramana/in.lit.kavya.misc.laghukavyani.4.48) bhavye dehe paṭuṣu karaṇeṣyālaye śrīsamṛddhe kaumārānte vayasi kathamapyapravṛtte ca duḥkhe pratyakpuṣpīprasavavidhayā yasya puṃso nisargātpratyagvaktraṃ bhavati hṛdayaṃ kaścito'pyasti dhanyaḥ ### [4.49](https://indike.org/pramana/in.lit.kavya.misc.laghukavyani.4.49) nāhaṃ yāce padamuḍupaternādhikāraṃ maghoto nāpi brāhmīṃ bhuvanagurutāṃ kā kathā'nyaprapañce anyasyānyaḥ śriyamabhilaṣannastu kastasya loko mahyaṃ śaṃbho diśa masṛṇitaṃ mānakānandameva ### [4.50](https://indike.org/pramana/in.lit.kavya.misc.laghukavyani.4.50) ā garbhādā kulaparivṛḍhādā caturvaktrato'pi tvatpādābjaprapadanaparānvetsi naścandramaule māyāyāśca prapadanapareṣvapravṛttiṃ tvamāttha svāminnevaṃ sati yaducitaṃ tatra devaḥ pramāṇam ### [4.51](https://indike.org/pramana/in.lit.kavya.misc.laghukavyani.4.51) daṇḍaṃ dhatte sakalajagatāṃ dakṣiṇo yaḥ kṛtānto nāmāpyasya pratibhayatanornopagṛhṇīmahīti prāptāḥ smastaṃ nigamavacasāmuttaro yaḥ kṛtānto yadvā tadvā bhavatu na punastasya paśyema vaktram --- Source: [https://indike.org/pramana/in.lit.kavya.misc.laghukavyani.4](https://indike.org/pramana/in.lit.kavya.misc.laghukavyani.4) · Pramāṇa